Arbian society problems

السلام عليكم رجاء ياادمن نزل مشكلتى بسرعه انا متجوزه والحمدلله مرتاحين مع بعض مرينا بمشاكل كتيييير لحد ماعلاقتنا بقت احسن من فتره جوزى اتغير معايا وبقي بيتهمنى انى بشك فيه وكلامه ده شككنى فيه وقررت انى افتح الفيس عنده من وراه ولاقيته بيتكلم مع قريبه ليه من بعيد يمكن عمرهم ماشافو بعض قبل كده بس بيتفقو ان الكلام يكون من ورايا انا وجوزها ويمسحو الشات بعد كده ولاقيته حكى ليها اسرار عن حياتنا وطبعا الكلام بيقول انهم بيتكلمو كل يوم حصل مشكله كبيره اوى وانا عرفتها انى عرفت ومش هسكت وطبعا الاتنين قالو ع ماتزعليش وتغيرى وكده عديت الموضوع وكلمتها اكتر من مره وكانت بتكلمنى كويس بس ف حاجات كتييير بتثبت انهم لسه زى ماهما هىجوزها يخونها كتيييير وعاوز يتجوز عليها ومن الواضح ان جوزى بيريحها ف الكلام كلمتها تانى ف انى مضايقه انهم خبو عنى وكانت ردودها احنا قرايب مابنعملش حاجه غلط ومش بنحب بعض ايه المشكله نتكلم كل يوم حتى من وراكى هو اتغير اووى معايا مبقاش بيحكى ولا بيتكلم حياتى اتقلبت لعذاب وطبعا غير باسورد الفيس انا مش عارفه اعمل ايه كلمته كتير ومش متقبل منى وبتقلب خناق

يا جماعة مووضوع انساني جداً ياريت من غير تجريح
فيه بنت والدها رجل عالمعاش و هي بنته الوحيدة
و معندوش غير قطعة ارض فالبلد تمنها قليل
المهم دي كانت متفوقة جداً طول حياتها و كان حلمهم تخش كلية اسنان
و لسوء الخظ التنسيق يقف معاها ع ١.٥ ٪‏
فا هو والدها قال هيبيع ارضه بس مش هيكفي مصاريف جامعة خاصة ٥ سنين اكيد
فا محتاجين رجل اعمال او حد خيري يتكفل بالباقي
يا جماعة والله والدها حالته صعية
عاوز يبيع كل م يملك امجرد انه عاوز يحقق حلمه و حلمها
ياريت نساعده من غير تجريح او الكلام ان كل الكليات واحد
اللي يعرف حد ممكن يساعد يبقى جزاه الله خيراً
و ياريت كله يعمل اب
و هي قدمت ف كل المنح و انرفضت
فا ياريت لو حد بياعدها تقديم سنة جاية صيدلة او اسنان

بعد اذنكم ي جماعه انا ف 3 ثانوي السنادي وشيلت السنه ع الانجليزي ياريت لو حد يعرف واحد ف الكنترول يقدر يرفعني وبلاش تريقه بالله عليكو حرام سنه من عمري تضيع وظلم اقسم بالله وجربت كتير من افاتار الثانويه العامه علشان يرفعني خد الفلوس وعملي بلوك ياااريت ونبي ونبي تساعدووني او لو عملت تظلم هينجحوني ويرفعو من راسب لناجح ولا اعمل ايه

و سمحت نزل من غير النيم
انا عندي مشكله محيراني وتعباني نفسيا
انا مخطوبه من شهر ونص وخطيبي طلبت منه الباسوورد بتاع الفيس لاني كنت شاكه انه بيحب واحده خصوصا ان كان عنده بنات كتير
المهم اتهرب مني كذا مره عشان مش اخده
بس بالاخير اخدت الباسوورد بس بعد ماهو فتح الفيس من ورايا وحذف كل البنات اللي عنده وعمل للي كان بيحبها بلوك
احنا كنا متفقين اننا مش هنفتح فيس واكتشفت انه كان بيفتح وواجهته وهو انكر وجبت جلسات الفيس ووريتهاله وحلف انه مدخلش
دي اول مشكله وسامحته عليها
تاني مشكله اني لما فتحت الفيس شوفت رساله من حبيبته السابقه بتلومه انه حذفها من الفيس وواجهته بدا وقال انا مالي دعوه بيها ووالله مابكلمها وحلفان كتييييير
المهم اني مش مرتاحه وحاسه انه لسه بيكلمها وعمل فيس جديد
انا شاكه في كل دا بس مش اتأكدت ميه بالميه
عمل حاجات كتير وسامحته عليها لاني بحبه جدا وهو بيقول انه بيحبني ونسي كل اللي فات وبدأ حياه جديده معايا
بصدق كلامه بس افعاله مش بتثبت كده
يعني مش بيهتم بيا الاهتمام اللي انا عايزاه
بيقول اني فاهمه الاهتمام غلط
بس انا بقوله مادام مش مهتم بيا يبقى فيه بديل
ع فكره احنا متخاصمين لاني شوفت ع الفون بتاعه رقم بنت وقال معرفش جه ازاي ع تليفوني وبعدين قال يمكن من زمان بس والله مابكلمها
خطيبي امور جدا وملتزم بصلاته وحنين وشخص يتحب
بس هي أوحش حاجه فيه دي اللي هي البنات والفيس
مش عارفه دا افوره مني وغيره زايده ولا هو كده فعلا
انصحوني انا تعبت نفسيا ومش عارفه اعمل ايه
ارجو الرد بجديه وسوري ع الاطاله

صاحبتي واقعه ف مشكله كبيره مع جوزها وطالبه الطلاق و طلبت مني النصيحه و انا مش عارفه انصحها بايه مشكلتها بقي انها اكتشفت ان جوزها اللي كانو بيحبو بعض سنين قبل الجواز اكتشفت انه بيخرج مع بنات عادي بعد ما اتجوزو وشايف انه عادي يكلم بنات بحكم شغله و اتخانقت معاه كتير ووعدها انه مش هيعمل كده تاني و الدنيا هديت معاها شويه ف البيت بعد كده بفتره اكتشفت بالصدفه افلام جنسيه ع تليفونه و بالمراقبه لاحظت انه تقريبا مدمن للموضوع ده من قبل الجواز و عملت مشكله كبيره واعترف انه بيتفرج عادي يعني و بعد كده بطل خلاص عشان ميدايقهاش من قريب لاحظت تغير ف تصرفاته و انه بيسهر كتير قدام اللاب توب لوحده و مبيصدق انها تقوله خارجه من البيت و عرفت انه رجع تاني يتفرج ع افلام و بيمارس العاده السريه و مش عارفه تعمل ايه و منهاره بس هوه ميعرفش انها عرفت هيه اتحججت و قالتله تقعد يومين عند مامتها عشان تريح المشكله انها مش مقصره معاه ف اي حاجه ابدا و مهتمه بنفسها جدا جدا لدرجه مش طبيعيه وهيه مش معرفه حد حقيقه المشكله غيري و هما بقالهم ٦ سنين متجوزين و مهاها منه طفلتين
بدون اسم من فضلك

بدون اسم لو سمحت ممكن تنصحوني بطريقه للتعامل مع غيره حماتي و تدخلها ف حياتي الخاصه لان جوزي هوه الكبير و ليه كذا اخ تاني بعضهم متجوزين و هيه بتضايق مني لاني مش بحب احكي اي حاجه خاصه ببيتي و بتقول اني كده مش كويسه

ياجماعه لو حد هنا محامى يريت يفيدنى لأن عندى مشكله ومش عارف اعمل ايه
لأنى وقعت مع واحد نصاب وكان عامل نفسه شيخ ومربى دقنه وعرفت انه مش بيصلى حتى وعرفت بعد كده من الناس انه نصب على كذا واحد ___

كنت مشارك واحد فى مشروع كنت دافعلو 45الف جنيه ومعايا بيهم اربع وصلات امانة بالمبلغ مع العلم هو اللى مالى الوصلات بإيده وماضى تحتها وكنا عاملين عقد شراكه بنسبه معينه لأنه هو دافع اكتر وهو اللى واقف وبيدير المكان وأنامرضتش اذكر الوصلات فى العقد (كان واحد نصحنى بكده )وكنا متفقين ع النسبه اللى هتطلع ليا أروح أخدها اول كل شهر وبالفعل إدانى اول 3 شهور وبعدها بدأيتهرب ويجيب بنت بمرتب تقف فى المكان كل مسأل عليه مش موجود ومبيردش ع التليفون مع ان المحل كان شغال كويس جدا وبيكسب وفى مكان حيوى ولأنى وقفت كذا مره وشوفت بنفسى ف انا عارف انه بيكسب مكسب حلو كمان
ولو قابلتو مره يتحجج بإن امه عيانه ومزنوق ومعهوش فلوس انا كنت بتحرج اطالبه فى الظروف ديه بفلوس طبعا وكنت اهبل وبصدقو لغاية ماعرفت من الجيران انه نصاب _
المهم انه عدى لغاية دلوقت حوالى سنتين وهو بيتهرب والعقد ضاع منىمفيش غير صورته فقط ولاكن الوصلات موجوده
هل لو رفعت الوصلات هاخد حقى ؟
ولو رفعتهم هياخدو وقت قد ايه ؟
ولا اجيب ناس واضربه وأكسرله المحل واستعوض ربنا فى الفلوس وخلاص ؟
آسف طولت عليكم
بدون اسم لو سمحت يا ادمن ومتنساش اللينك بعد اذنك

انا بنت عندي 21 سنه يقال اني شكلي حلو بس عندي مشكله هي اني فاقده الثقه في اي راجل في الدنيا بخاف من كل الرجاله بحس انهم عايزين مني حاجه الموضوع دا جدا مأثر علي نفسيتي لدرجه انه وصل لابويا واخويا انا مش عارفه اقولكوا ايه بصراحه بس عارفين لما اكون ماشيه واحس بعيون حد ورايا دايما لبسي واسسع في البيت مش عارفه بقا هما فعلا بيبصوا ولا اوهامي قتلتني بقيت عاوزه ابعد عنهم باي شكل وبقيت جدا خايفه وطول الوقت حابسه نفسي في الاوضه وكذا مره الاحظ بابا عنيه علي صدري انا جدا قرفانه من نفسي وانا بحكي بس انا مخنوقه ومحتجاكوا تساعدوني
بدون غلط لو سمحتم بس انا زي اختكوا وفعلا فعلا مدمره كليا وخايفه
ساعدوني

السلام عليكم
لو سمحت بدون اسم
وارجوكم هطول عليكم انا اسفه بس اقرو للاخر ولو في اخطاء املائيه بلاش سخريه بس الكيبورد عندي بايظ اسفه
انا عندي ٢٣ سنه متجوزه ليا سناتين وعندي بنت عندها سنه
ربنا رزقني بزوج بشع بخيل واناني واهم حاجه عنده نفسه وازاي مرضي نفسه
علي حساب اي حد علي طول اهنات وشتايم واخر قله ادب وانا موظفه وبساعده ف البيت لكن هو عاوز كل ما مرتبي يزيد يزود الفلوس الي بحطها معاه ف البيت ولما ارفض يفضل يزعق ويقلي انا واخدك موظفه ليه وقله انت باصص لمرتبي يقلي امال انا واخدك علي ايه يعني وكلام كتير يجرح غضبت شهرين ف بيت اهلي مسالش حتي علي بنته وشافني ف السوبر ماركت مافكرش يبص ع بنته الي علي دراعي ولا يقلي عاوزه ايه مجرد مالقبض جيه معاده بقي يتصل وعاوز يرجعني ويقول ل امي تديني نص مرتبها وترجع انا رفضت وجيت عملت عمليه قل ل امي انا هشيل تكليف العمليه وله اسبوع اهو طالع داخل علينا ف بيت اهلي مقليش محتاجه بامبريز او لبن للبنت وفيوم بعد العمليه نزلنا استشاره واحنا خرجين قلتله عوزه اروح السوبر ماركت قلي ليه قلتله هجيب لبن وبامبريز البنت مقليش خدي هتيلها ولا خليكي انا هنزل اجبلها مفيش المهم انا من يوم ماغضبت وسبت البيت وانا عاوزه اطلق لاني هو مش بيتغير ولا هيتغير وانه دفعلي فلوس العمليه دا جر ناعم مش اكتر علشان عارف هيعوض الي دفعه من مرتبي اهلي مش بصين علي حالتي النفسيه ولا الي انا فيه معاه وبصين علي كلام الناس واني المفروض ادفن بالحيا علشان ارضي الناس انا بجد حياتي سوده جدا ونفسيتي تعبت حتي مفيش طاقه اعيش بيها اربي بنتي نفسي افوق لبنتي ولنفسي واعيش حياتي الي ابسط بنت فسني عيشاها انا ٢٣ سنه بس عايشه حياه وحده ٤٠ سنه محدش حاسس بيا من اهلي مش حسين انه وحده كل يوم بتنام جنب بنتها وجوزها وهي معيطه وحده لما بتتعب وتتخنق بتهرب للحمام بكام علبه برشام ولوله ربنا بيخليها تفكر ف الطفله الصغيره وتصعب عليها بتتراجع وحده بيتعكنن عليها يوميا ويخرج ويسبها ومن كتر العياط تنام متحيش يجي بكل برود من بره يسحبها من عز نومها علشان مزاجو وياريته بيشرب ولا من الناس دي بالعكس دا بيصلي فرض بفرض وحافظ كتاب ربنا بس مش عايش معاها بما يرضي الله انا اسفه عارفه كلامي كتير وطولت عليكم بس ارجوكم قلولي اعمل ايه مع اهلي الي مش عوزين يريحوني محدش يقلي اللجأء لحد من العيله لانه كله قلي احنا مندخلش ف خراب وهو ف عيلته مفيهاش كبير وكله بيعتبره هو كببر العيله مع العلم هو ٣٦ سنه

في حاله متعسرة بسداد أقساط بنكي كانوا مستورين الحال وميسورين لأسباب عديدة عليهم تعسر بنكي سيأخذ البنك اجراءته .. كيف يمكن لشخص ان يتصرف في هذا الموقف ؟

لسلام عليكم .انا مشكلتى غريبه شويه ومحتاجه راى الناس.انا فى شخص لاعرفه ولا يعرفنى اصلا (يعنى لافي إعجاب ولا حب ولا الحوارات دى).ومع ذلك بحس بيه وبحس بوجوده فأى مكان انا ببقى موجوده فيه ..الموضوع وصل لدرجة ان فى طريق ساعات بمشى فيه وكل مامشى فيه الاقيه ييجي على بالى واحس بيه اوى من غير ماعرف اسباب لحد ماعرفت بعدها بفترة كبيره ان مكان شغله فى الطريق ده .اخر حاجه بقى انى بقيت فجأه بحس بقلبى بيوجعنى فعليا وهو قريب ومببقاش شايفاه ولا هو شايفنى بس بيبقى موجود فنفس المكان .قصدى ان الموضوع مش مقصود لا منى ولا منه .الكلام ده حقيقى اقسم بالله وانا خلاص قربت اتجنن عشان ليل نهار بياكل فدماغى زى الدوده عشان مش لاقيه تفسير للموضوع واول مره فحياتى تحصلى انى احس بحد بالمنظر ده من غير حتى مانعرف بعض اصلا ...

لو سمحت بدون اسم .. انا لسه متجوزة من سنه و خلال السنه اكتشفت ان جوزي ليه ميول سادية و بيحب اني اكون متحكمه ف العلاقه .. و انا معنديش فكره عن اللي هو طلبه .. ولا عارفه اذا كان صح ولا غلط .. و عمري ما سمعت ان الست هي اللي تكون مسيطره .. و معتقدش ان في واحده ليها ميول سادية علي الراجل علشان افهم طبيعة العلاقة اللي زي كدا بيتعامل معاه ازاي لو وافقته ف اللي هو عايزه .. لو سمحتوا محدش يسخر من كلامي لاني اترددت كتير قبل ما ابعت