Happy Land Academy, 20 شارع فوزي المطيعي مصر الجديدة, Cairo (2026)

11/05/2019

طريقة سحرية للتعامل مع الطفل العنيد أو الطفل العصبي أو النكدي | الدرجة الكاملة طريقة سحرية للتعامل مع الطفل العنيد أو الطفل العصبي أو النكدي | الدرجة الكاملة ----- قناة الناس.. قناة فضائية دينية، تهدف إلى عرض الإسلام النقي، ونشر الفكر ا...

01/03/2018

بابا بتحبني؟؟
لأ، عشان ما خلصتيش اكلك.. هحبك لما تخلصي طبقك كله..

ماما انا حلوة؟؟
اه حلوة عشان بتذاكرى وبتجيبي درجات حلوة

كلمات وردود بنرد بيها علي اولادنا واحنا مش فاهمين وقعها عليهم ايه..

يعني رد زى اللى فوق ده يوصل للطفل ايييه!!!!
انا لازم اخلص طبقي كله عشان بابا وماما يحبوني..لو ما خلصتش مش هبقي محبوب 😕

اني لازم اجيب الدرجات النهائية واطلع من الأوائل عشان ابقي حلوة وماما وبابا يحسوا اني جميلة ويحبوني 😐

هو ده يُسمي ايه؟
اسمه الحب المشروط..conditional love

يعني حب متعلق بسبب وشرط.....
يعني لو السبب ده مش موجود مش هبقي محبوب...
يعني عشان أحس بالحب لازم اعمل الحاجة دى..

طيب وده مشكلته ايه؟؟
مشاكله كتيرة جدا جدا.. أهمها:

1- ان في اطفال وتقريبا كل الاطفال بتحب دايما تسمع كلمات الحب كلمات تشبع وتملي كوب الحب عندها.. زى (بحبك يا حبيبي... ايه القمر ده يا حبيبتى....) وغيره
طيب ولو انا ما قلتش لها الكلام ده وكررته كده علي مدار اليوم ايه اللى يحصل!!
اولا...هيدوروا علي أنهم يسمعوه من اى شخص بره..اى شخص بقي أياً كان هو مين.
ثانيا...هيتعلموا أن التعبير عن الحب ده شئ مش وارد ومش سهل كده، ومن هنا تظهر المشاكل لما يكبروا اللى بتحصل بين الزوجين.. ده ما بيقوليش اى كلمة رومانسية خالص، دى جافة كده وما بتعرفش تقول كلمة حلوة...

2- نيجي المشكلة التانية في موضوع الحب المشروط، أن الطفل ده اللى كلمة بحبك مشروطة بسبب هيفضل طول عمره يا عيني بيدور ويسعي لإرضاء الناس عشان يحس انه شخص مقبول ومحبوب اجتماعيا... ف هتلاقيه بيذاكر عشان يطلع من الأوائل عشان يحس بالقبول في عيون اهله وعيون الناس
بينجح في شغله عشان يتقال عليه كلمة حلوة، يعمل العمل مش لذاته...لكن عشان يسمع كلمات اطراء من الناس

3- سعادته متعلقه ب أن الناس لو بتحبني هبقي سعيد... لو مش محبوب ف انا انسان تعيس..
سعادته متعلقة بالناس، متعلقة بالآخرين، مش سعادة داخلية نابعه من جواه

4- قيمة الأمان عنده دايما مهزوزة... مش حاسس ب الأمان الثابت، حاسس انه لو ما حققش اللى الناس عايزينه يبقي انا مرفوض انا مش محبوب، وبالتالي الإنسان لو حس انه مش محبوب هيحس ع طول بعدم الأمان..

شوفتوا الموضوع كبير ازاى!!!

طيب ايه الحل طيب؟؟
الحل...

1- حب غير مشروط unconditional love
حب كده زى ما هو، بحبك مهما كنت ايه، بحبك حتى لو غلطت، بحبك حتى لو مضايقة منك، بحب كل حاجة فيك، بحبك عشان انت أبني، عشان انت بنتي، عشان انتم حتة مني.. انت اهم عندى من أى درجات...انت اهم عندى من اى نتيجة.. انت في عيني أحسن واحد حتى لو ما خدتش البطولة...

2- لازم نشبع رغبة الطفل في الإحساس بالحب عن طريق الاحضان الكتير طول اليوم، البوس، التلامس، العب في شعرها، اطبطب عليه... لازم يوميا يكون فيه قدر كافي من الاحاسيس دى..

3- نبطل الكلام السلبي بتاع.. زعلانة منك عشان وقعتي الطبق، زعلانة منك عشان ما خلصتش الواجب، حل دى عشان أحبك، خلصي ساندويتشاتك عشان تبقي جميلة...
ده اسمه ابتزاز عاطفي... كلمة زعلانة منك دى تتمحي من قاموسنا، كلمة عشان احبك دى ننساها خالص..

ياريت نحب أولادنا لانهم فعلا يستحقوا نحبهم مهما كان
شكلهم حلو شكلهم مش عاجبنا..
شعرهم ناعم شعرهم خشن..
عصبيبن هاديين..
بيسمعوا الكلام او مش بيسمعوه..

31/05/2017

أمور تجعل طفلك يحب نفسه :-)
- التبسم في وجهة
-الإستماع إليه
-التشجيع
-التواصل معه
- الاحتضان
-التعاون والدعم
-الحنان
-منحة المسئولية

31/05/2017

رمضان كريم

30/05/2017

شراء عدد لامتناهي من الألعاب لأطفالنا لا يساعدهم على النمو بل على العكس يتحول الطفل لمستهلك ملول ، لا قيمة للألعاب لديه، كما أن ذلك يقلل من قدرته على التخيل والابتكار، وفي الوقت نفسه يسعد منتجي الالعاب. وللصدق غالبا ما نشتري الألعاب لأنها اعجبتنا نحن وليس لأنها أعجبت أطفالنا.
أطفالنا يحتاجون في المقام الأول حب اهتمام استماع ولعب مع الأطفال الآخرون في الهواء الطلق، والقليل من الألعاب في البيت من وقت لآخر .
الخبيرة التربوية: صوفيا ياسين