دكتور عيال

� طفلك والموبايل… مين بيتحكم في مين⛔️❌

كلما زاد وقت الشاشات 📺📱
قلّ التركيز، وزادت العصبية، وضعفت مهارات التواصل واللعب.

بدل الموبايل جرب:
🎨 الرسم والتلوين
📚 قراءة قصة
🧩 البازل والمكعبات
🏃‍♂️ ألعاب الحركة
👨‍👩‍👧‍👦 وقت عائلي وحدوتة قبل النوم

طفلك لا يحتاج شاشة طوال اليوم…
بل يحتاج وقتًا وحبًا وتجارب حقيقية يصنع بها ذكرياته. ❤️

.

🌹 أم الإمام الشافعي حملته من غزة إلى مكة صغيرًا، وصبرت على الفقر لتوفر له طريق العلم.

🌹 أم الإمام مالك كانت تلبسه أجمل الثياب وتقول له: اذهب إلى ربيعة فتعلم من أدبه قبل علمه.

🌹 أم الإمام أحمد بن حنبل كانت توقظه قبل الفجر وتأخذه إلى مجالس العلم رغم صغر سنه.

🌹 أم الإمام أبي حنيفة غرست فيه حب الدين والصدق، وكانت سببًا في تعلقه بالعلم والفقه.

الأمهات لا يصنعن أطفالًا فقط… بل قد يصنعن أئمة يغيرون تاريخ الأمة. ❤️

معلومه...
الكحول الكتير ع السره للطفل المولود اول اسبوع 👶، بيزود تماسك السره ،ويأخر وقوعها...
الافضل تقليله تدريجيا لكي تقع السره أسرع...
وبالسلامه للجميع... 😍

😄

مساء الفل والسعادة 😀
كلامنا النهارده عن العلامات اللي تعرفني أن الواد زعبولا خلاص بقي عنده استعداد يبدأ تدريب البوتي 🤭
الموضوع دا امهات كتير بتشيل همه ويفضلوا يسألوا والموضوع بسيط وعاوز بس ناخد القرار في الوقت الصح زي ماقولت قبل كدا عند سنتين دا وقت كويس ومناسب تقريبا وفي الصيف والبنات اسرع 👌
طب ياعم دكتور العيال معلشي ياعني لا مؤاخذه في الكلام ، اعرف منين لامؤاخذه برضوا ان الواد زعبولا خلاص جاهز للتدريب علي البوتي😁
بصي ياست هانم عندك ست علامااااات ، سسسيتتتت علامات (بصوت السادات ) بتكتشفي منها ان زعبولا افندي لازم يبدأ التدريب ✊
اول علامه 👆
زعبولا قرفان من البامبرز اللي توسخ ولا الكافوله 😷وعمال يشد فيها وعاوز يخلعها.
تاني علامه✌️
زعبولا بيستخبي لما يجي يعمل الحمام وياخد جمب كدا وتحسه مكسوف ..
تالت علامه 🤟
زعبولا عمال يقلد باباه او مامته او اخوته في دخول الحمام ويتصرف زيهم
رابع علامه 🖖
الشاب الزعبولا بيفضل ناشف لفتره اطول من الطبيعي والبامبرز بتاعها وبتاعها بيتملي علي فترات..
خامس علامه 🖐
زعبولا بيقوم ناشف من النوم احيانا كتير وخصوصا لو نايم فتره قصيره .
سادس علامه 🖐👆
نجم الجيل الاول هاتلاقيه بدا يقولك او يعبرلك عن رغبته في دخول الحمام وغالبا مبيكونش عمل او لسه عامل من شويه صغيرين..

العلامات دي حضرتك لو لقيتي منها علامتين او اكتر ، علي طول تبدأي تدريب ..👌

ابدأ ازاي بقي واعمل ايه وأتصرف ازاي ، معلش يادكتور قولي ازاي الكلام دا يارب يسترها معاك قادر ياكريم 🌙

لا كدا حضرتك بقي هاتحتاجي تشوفي الفيديوا اللي عملناه مع قناة العربيه وفيه شرح وتوضيح للكلام دا 😁

فين الكلام دا ولا اللينك بتاعه 🤔
اهو ياست الكل وياريت تخلي بالك من الواد زعبولا وبلاش ضرب في تدريبه ولا عضه ولا لسعه بالنار ولا شغل تعذيب الاتحاد السوفيتي دا ربنا يسترها معاكي ومعانا 😃


لينك لقاء قناة العربيه ..
‏https://www.facebook.com/doctor3yal/videos/2141299842776785?sfns=mo👉

شايفين الكلام الحكيم 😄🫢