ابني مش واثق في نفسه
كتير بنحس أن أطفالنا شايفين نفسهم مش محبوبين أو شاطرين
يعني ممكن نلاقيهم
- بيتسالوا في الفصل وعارفين الإجابة لكن مش بيجاوبوا
- بيقولوا على نفسهم أن شكلهم مش حلو
- مش بيقدروا يعبروا عن نفسهم وبيخجلوا بشكل كبير
- بيقولوا محدش بيحبني ولا عايز يلعب معايا
- بيقارنوا نفسهم بالولاد التانيين
- بيخافوا يجربوا حاجات كتير
- لما بيتعرضوا لتنمر مش بيردوا ولا بيواجهوا
- بيترددوا كتير قبل ما يعملو حاجة قادرين عليها ويقولوا مش عارفين
كل دي مظاهر من انخفاض الثقة عند الاطفال
عشان كده عاملين برنامج أنا أقدر لأطفالنا
واللي من خلاله هنشتغل مع الاطفال ونساعدهم
-عشان يشوفوا أن عندهم مميزات ونحسن صورتهم الذاتية
-ونساعدهم أنهم ميتاثروش بالرسائل السلبية اللي بتوجه ليهم من الآخرين ويواجهوها
-ويقدروا يعبروا عن نفسهم ويتواصلوا بشكل أفضل مع الآخرين
-ويتعلموا يتقبلوا أخطائهم ويعرفوا انها جزء طبيعي من النمو والتعلم
-ونساعدهم يقدروا يتعاملوا مع التنافس اللي موجود حواليهم في المجتمع
-البرنامج فيه أنشطة متعددة ومتنوعة زي
fun activities - Art- storytelling-psychodrama
-ايضا البرنامج ببيمزج بين المتعة والتعلم بشكل كبير ومليان أنشطة ممتعة للاطفال وهيمثلوا وهيعملوا فيها حاجات كتير بأيديهم
-البرنامج يشمل
محاضرة للآباء والأمهات
هنتعرف فيها على أهم الحاجات اللي بتأثر على ثقة أولادنا بنفسهم
واهم الاحتياجات النفسية لأطفالنا عشان نساعدهم على نمو نفسي سليم
وبنتابع مع الاهل طوال فترة البرنامج
وفي ختام البرنامج يتم تقديم تقرير عن كل طفل
عن أهم احتياجاته النفسية
وطرق التعامل معه لتنمية ثقته بنفسه
----------------------
-مدة البرنامج : ٥ أيام
اليوم : ساعة ونصف
يوم اسبوعيا : كل يوم خميس
-قيمة الإستثمار ١٣٥٠ج للطفل
وهناك خصم للحجز المبكر لتكون التكلفة ١٠٥٠ جنيه للطفل
قبل يوم الاربعاء القادم ٢٤ يوليو
-البرنامج يبدأ يوم الخميس ١ أغسطس
الساعة 6 مساءا
-مكان تقديم البرنامج : بالمقطم
-الفئات العمرية : ٦-١٣
و يتم تقسيم الأطفال حسب الفئة العمرية
-للاستفسار والحجز
يرجى ارسال اسم الطفل وسنه على واتساب
ثم دفع المبلغ على ڤوداڤون كاش
رقم : 01149433353
اشتراك اطفالكم معانا هيسعدنا
مستنينكم
Mahmoud Samy-Child Counselor
Share
صفحه تهدف لتقديم كل ماهو مفيد وممتع لبناء شخصيه الطفل
محمود سامي
متخصص في الإرشاد النفسي للطفل
مشير للأطفال بمؤسسة بيت المشورة
مدرب ومعد برامج تدريبية لبناء الشخصية وغرس القيم للاطفال .
�قدم العديد من الجلسات الخاصة بالارشاد والدعم النفسي للأطفال واللاجئين .
�مؤسس فريق بنيتو لتدريب الاطفال
� قام باعداد برامج مختلفة وتدريب عدد كبير من مجموعات الاطفال بمراكز ومؤسسات مختلفة ومساحات العمل المشترك .
�عمل supervisor في كيدزانيا القاهرة لمدة عامين
11/05/2024
واحدة من سيشينز المشاعر وكانت عن الخوف
أطفالنا الجمال اتعلموا عن الخوف ، وازاي يشوفوا الشعور ده بشكل مختلف ويقبلوه
كمان عبروا عن مخاوفهم بتلقائية وفي جو آمن يساعد أن الطفل يطلع اللي جواه
ورسموا استجابات جسمهم وقت شعور الخوف
وكل ده بشكل سلس وعفوي وفي جو من المرح ، وكمان التركيز اللازم عشان التعلم
Pillars - Nursery & Preschool
19/09/2023
هنا مساحة لأن يعبر كل طفل نفسه بتلقائية وحرية وابداع
دون قيود أو خوف
في جو من الدعم والتشجيع والقبول من الأطفال الآخرين
وده من أكتر الحاجات اللي بتسعدني في الشغل مع أي مجموعة
أنهم بعد فترة بيقدروا يسمعوا بعض وبيقبلوا بعض ، وبتقل مشاعر الرفض والمنافسة وسلوكيات زي السخرية والتنمر
01/09/2023
احنا محتاجين نشوف الحاجات الحلوة اللي في ولادنا ونقدرها
عشان هم كمان يشوفوها ويقدروها
يعني مثلا ممكن طفلك يكون بيتعامل بشكل لطيف مع الناس و بيعرف يتصاحب على آخرين
فده مؤشر على أن عنده ذكاء اجتماعي عالي 🌷
ممكن يبقى شاطر في الكلام وبيعرف يعبر ويختار ألفاظه
وده بيقول أن عنده ذكاء لغوي عالي 👌
وغيرها كتير من الذكاءات والقيم والقدرات
اللي ممكن تعدي علينا كده ومنركزش معاها كويس نتيجة المقارنات والضغوط والتركيز على المواد الدراسية فقط !
وده بيفوت فرص عظيمة لاننا لو شوفنا ده وساعدناهم يشوفوه
هيفرق كتير في اكتشاف جواهر جواهم وكمان في إيمانهم وثقتهم بنفسهم
الحماية الزائدة تضعف شخصية الأطفال وتؤثر سلبا على ثقتهم بأنفسهم
فعليك أن تترك مساحة لأطفالك لتحمل المسئولية والتجربة والخطأ حتى يؤمنوا بقدراتهم
26/08/2023
لو الأطفال في مكان صغير ومعاهم موارد محدودة
لكن عندهم قيمة المشاركة والعمل كفريق يبقى معاهم شيء عظيم جداااا هيساعدهم ينجحوا
وهيربي فيهم حاجة كبيرة تخليهم يحققوا حاجات عظيمة في المستقبل
احنا بنفتقد قيمة العمل الجماعي جدا جدا في المجتمع بتاعنا وده سبب إخفاقات وضياع فرص كتير
بس نقدر نربي الجيل الجاي على ده لو عندنا ايمان أن دي قيمة لا غنى عنها
وبدأنا نحفزهم أنهم ينجحوا سوا
زي ما بنحفز كل طفل لوحده أنه ينجح في مسابقة أو امتحان
نقدر نساعدهم ينجحوا سوا وفيه آليات كتير عشان نعمل ده
ولادك بيحتاجوا أنهم يحسوا انك بتفخر بيهم أدام الناس
فحاول انك من وقت للتاني تقول كلام إيجابي صادق عنهم وعن مميزاتهم
ولو دورت أكيد أكييييد هتلاقي
ممكن ببساطة في أي تجمع أو خروجة
تقول :
- انا مبسوط أن ابني بيقدر يعمل كذا لوحده
- بنتي اتعلمت كذا وبقت تعمله
- ابني هيقدر يختار ويتصرف في الموضوع ده
- بنتي السنة دي تفوقت في كذا
إحساسهم بانك فخور بيهم هيفرق معاهم جدا وفي تصديقهم لنفسهم
عاوزين دم عاوزين الناس تتلم !!!
الجملة دي كنت بسمعها من وانا صغير في الخناقات اللي بتكون بين الولاد وبعضهم
يعني تبدأ خناقة بين اتنين أطفال او مراهقين
فييجي باقي الولاد يعملوا حواليهم دائرة وبدل ما يحوشوا بينهم أو يرفعوا الأذى عن حد بيتضرب بيقفوا يتفرجوا
وعاوزين الخناقة تزيد في إثارتها بغض النظر عن الضرر !
وللأسف ده بيحصل لأن عندنا في مجتمعنا مشكلة واضحة في التعاطف مع الآخر
ودي حاجة من الحاجات الأساسية اللي بتحركني في شغلي مع الأطفال وبتخليني حريص في كل وقت وكل برنامج أو ورشة معاهم اني أنمي التعاطف عندهم وأني اساعدهم يشوفوا الآخر ويشوفوا مشاعره و حجم الضرر اللي ممكن يقع عليه بسبب سلوك معين ممكن يعملوه
ويكون عندهم قيمة الدفاع عن المظلوم واللي بيتعرض للأذى لأنه انسان وميستحقش التعرض لده
محتاجين زي ما بنحاول نعلم ولادنا أنهم يحافظوا على حقوقهم ، نعلمهم برضه أننا نشوف حقوق الآخر ونحاول نرفع الظلم عنه قدر الامكان ، وعلى الأقل منشاركش في الأذى اللي بيتعرضله
06/08/2023
مع كل خطوة بنخطيها بالقلم واحنا بنرسم عن أفكارنا ومشاعرنا و مميزاتنا
وعينا بنفسنا بيزيد وبنفهم عن نفسنا حاجات اكتر واكتر
Smart House Academy
باذن الله هنعلن عن مجموعة جديدة لبرنامج أنا أقدر ( لتنمية تقدير الذات لدى الأطفال ) خلال الأيام القادمة
و هيكون البرنامج إن شاء الله في المقطم أو مدينة نصر
وعاملين تصويت داخل جروب الواتساب عشان تقولولنا حابين يكون في أي منطقة
ياريت أي حد حابب يشارك ينضم للجروب و يقولنا هو حابب يكون في المقطم أو مدينة نصر
لينك الجروب في أول كومنت
20/06/2023
صورة الانجاز الجماعي
والنجاح بعد عدد من المحاولات لاكتشاف الطرق الصحيحة وكيفية التعاون سويا
Toddlers International Nursery
Click here to claim your Sponsored Listing.
Location
Category
Contact the school
Telephone
Website
Address
Cairo
11865