Dr Mahmoud Ismail kids clinic

مبروك مبروك جالك بيبي 😍
الف مبروك يافندم والحمد لله بصحة جيده ولازم نحافظ عليه وعلي صحته ففي قواعد مهمه جدا للحفاظ عليه:
*رضعي طبيعي
*بلاش لبن صناعي اول تلت ايام لان لبن الام قليل اول تلت ايام لان ده طبيعي لبن السرسوب ويكفي احتياج الطفل.
*بلاش أعشاب
*بلاش بيبي درينك
*بلاش جلوكوز
*ڤيتامين "د" من أول يوم ٤ نقط ڤي دروب .
*تطعيم ڤيروس بي أول ٢٤ ساعة حتى في أيام الجمع و العطلات الرسمية.
*ما تربطيش حاجة على السرة
*ممنوع الحفاضة تغطي السرة
*نظفي السرة بالكحول من ٣_٥مرات يومياً .
*ماتربطيش حاجه علي وسط الطفل نهائيا
*رضعي طبيعي ..بس.
*تحليل الكعب من اليوم الثالث للسابع يوم السبت و الثلاثاء في كل الوحدات الصحية..
*حديث الولادة إنسان و بيحتاج النظافة ..و بيستحمى عادي من اول يوم اه والله.
*ممنوع بوس الطفل من الفم نهائيا
*بلاش بوس أحسن ..بينقل أمراض.
*تطعيم الدرن "حقنة الكتف" ..في أول شهر ما تتأخريش.

*مفيش في السبوع غربلة ولا هز عنيف ..الغربلة=نزيف في المخ .
*تكحيل الطفل بالبصل ممنوع..عينه هتضيع التهابات وغيره.

*نقط مطهرة للعين روتين في أول أسبوع.

*ورق مهم و هتحتاجيه شهور : كراسة التطعيمات..منحنيات النمو تشمل الوزن و الطول و محيط الرأس

*ركزي مع وزن طفلك ساعة الولادة ..احفظيه، علشان متابعة الوزن بيزيد في المتوسط من ٧٥٠ جم _١كجم في الشهر.

*٦٠%من المواليد بيصفروا ..صفرا طبيعية حميدة ما تقلقيش بتبدأ من اليوم التالت من العمر.

*الصفرا عايزة رضاعة و متابعة أو حضانة و علاج ضوئي مش عايزة نيون و لا ڤيتامين.

*المولود إنسان ..إحساسه بالجو زينا..بلاش بطاطين في أغسطس ..هيفطس

*الزغطة و الخنفرة و الحزقة ظواهر طبيعية هتقل مع الوقت.

*ظواهر تقلقك : الطفل رافض الرضاعة أو مش قادر يرضع ، لونه بيزرق، نفسه فيه نهجان ، مدروخ و مش بيصحى.

*حديثي الولادة بينام كتير بس متقطع وبيصحي كتير بالليل..نومك هيتلخبط ..بترضعي و تغيري و تدلعي و تنيمي.

*حديث الولادة بيسمع من و هو جنين ف اخر شهور الحمل..لو مفيش فزع أو خضة من الصوت العالي تقلقي .

*لازم طفلك يعمل براز في أول ٢٤ ساعة ..لو معملش استشيري الطبيب

*عدد مرات البراز مختلفة عند حديثي الولادة..فيه طفل بعد كل رضعة يعمل براز و طفل يعمل مرة في اليوم وممكن البراز بيبقي سايب شويه.

*النوم على البطن ممنوع ..إلا بعد الرضاعة للتجشؤ و انتي صاحية وقدام عنيكي.

*غيري الحفاض من ٣_٤ مرات يوميا او حسب مرات الحمام و نشفي كويس. و ادهني زيت زيتون..هتحميه من التسلخات.

*طفلك بيعيط كتير ..عليكي تخمني السبب و مع الوقت هتفهميه.
جعان _رضعيه ،، شبعان و منفوخ _كرعيه،، عنده مغص دلكيه ،، عايز حد يشيله شيليه ..ما تسيبيش طفلك يعيط عشان ما يتعودش على الشيل..هو إنسان و عايز اهتمام و الاهتمام ما بيطلبش .

*السخونية و الكحة في حديثي الولادة مش طبيعية و مش حميدة ..لازم دكتور يفحصه كويس جدا.

*الطفل محتاج الحنان والحب والعطف حتي لو في الشهور الأولي.

*اتكلمي معاه واحكيله ولاعبيه واضحكي معاه مع الوقت هيفهمك ويتعود عليكي .
****الام الله يخليكي
*اهتمي بنفسك و صحتك عشان تقدري تهتمي بمولودك..كلي أكل صحي و متوازن ، بلاش أدوية من غير داعي، اشربي لبن ..كتير، و بلاش اكل حراق أو بيعمل انتفاخات .

*أول ما فترة النفاس تخلص شوفي وسيلة منع حمل مناسبة ما تنسيش ..طفلك محتاج رعايتك قبل ما تعمليها تاني و صحتك هتروح.
****الاب فينك الام والطفل في عنيك حافظ عليهم وسلامتهم ونفسيتهم ....

يارب اطفالنا يبقوا بخير وامان وبصحه جيده

تم بحمد الله ونعمته خروج الطفل اسر من الحضانه بمستشفي المعادي الخاصه ويتمتع بصحه جيده وسوف يتم متابعته بالعياده ان شاء الله.
قصة اسر
ام اسر حامل في تؤام في الشهر السابع (27 اسبوع)فجاة جلها طلق وهتولد خلاص دخلت العمليات وولدت قيصري تؤام ولدين وزنهم 1 كجم الرئه غير مكتمله مش عارفين ياخدو نفسهم ومحتاجين اجهزة تنفس صناعي. اسر اتحجز عندنا واخوه اتحول لمستشفي اخري .اخو اسر توفي بعد 5 ايام واسر بفضل الله وفريق العمل اللي بيعمل معايا وتحت اشرافي نجحنا معاه واتحسنت الرئه واتفصل من جهاز التنفس الصناعي وبقي طيبيعي ووزنه بدا يزيد واخيرا وبعد 40 يوم شوفناه وهو خارج من الحضانه مع مامته وهي سعيده ومبسوطه بيه .
احنا كمان مبسوطين بيه.

_دكتور الحقني!

_خير يافندم؟

_ابني تلت سنين رشحه مجنني 🤧عطسه هبلني شخيره مصحيني كحته تعباني صعبان عليا اعمل ايه وده برد دا علطول صيف شتي بس كتير قوي في الشتا😭

_متقلقيش يافندم ده في الاغلب حساسيه انف
في بعض الاطفال مصابون بحساسية الانف بتكون كالاتي:
رشح غزير ابيض شفاف عطس حكه بالانف كحه وخاصة بالليل وفي الصباح شخير مستمر احمرار بالانف والعين

طيب الحل :
اولا: الابتعاد عن مسببات الحساسيه كالاتربه العطور والمعطرات والادخنة الاطعمه المسببه للحساسيه لطفلك والادوية المسببه للحساسيه لطفلك
ثانيا:الاهتمام بالصحيان باكر مع المحافظه علي الانف من الهواء البارد صباحا
ثالثا: الادويه واهمها بخاخات الانف الخاصه بحساسيه الانف مهمه جدا اساس العلاج
يليها ادويه الحساسيه (مضات الهستامين) يليها مضاد الاحتقان والرشح
اولادنا امانه في ادينا يارب احفظها لينا

_دكتو الحقني ؟
_خير يافندم!
_الولد عندي عمره دلوقتي ست شهور وبيكح جامد جدا مش بينام خالص اعمل ايه صعبان عليا قوي وقلقانه.
_بصي يافندم لتوضيح موضوع الكحه؛
اوﻻ الكحه يااما حاده يعني بقالها كام يوم، يامزمنه يعني بقالها اكتر من اسبوعين.
طب بالنسبه للكحه الحاده ودي ليها اسباب كتيره اشهرها الرشح والبرد وحساسيه الجيوب اﻻنفيه ودي نتيجه زيادة اﻻفرازات بتاعة الانف فبتنزل للحلق والصدر وتسبب الكحه دي ممكن كمان تسبب نزﻻت شعبيه وتبقي الكحه اطول واخطر وبالتالي ﻻزم بسرعه نتخلص ونقلل اﻻفرازت من اﻻنف علشان الكحه تهدي والصدر بيتعبشي.
نخلي بالنا ان الكحه اكتر بالليل او الصبح بدري.

اما بقي بالنسبه للكحه المزمنه ودي برده بتبقي بالليل والطفل مش بيقدر ينام وكمان الصبح وبالنهار ومع المجهود اللعب والجري والاكل والضحك فدي اللي نقلل منها اكتر ﻻنها بتبقي ياالتهاب شعبي حاد ولو معاه حراره نقلل من اﻻلتهاب الرئوي، يااما حساسيه الصدر ودي ليها نظام وسيستم في عﻻجها مهم جدا هنتكلم عليه.

_ﻻزم الطفل اللي بيكح يتفحص كويس ويتشخص صح ويتعالج بصوره سليمه.

_وربنا يبعد عننا كل مرض يارب

#الكحه

_سؤال مهم جدا؟
_اي هي اهم امراض الشتاء وكيف الوقايه منها والتعامل معاها؟
_معظم امراض الشتاء تتعلق بالجهاز التنفسي وذلك نتيجه انتشار الفيروسات اللي بتصيب الجهاز التنفسي العلوي والسفلي في فصل الشتاء.
واﻻن نبدا في سرد اشهر هذه اﻻمراض؛
*اوﻻ :اﻻنفلونزا ؛
وده ناتج عن فيروسات بتصيب الجهاز التنفسي العلوي وينتج عنه ارتفاع في درجة الحرارة(تصل في بعض اﻻحيان الي 39 درجه فما فوق)واحتقان باﻻنف ورشح وكحه والتهاب بالحلق مصاحب بالم شديد في الحلق مع الم شديد في العضﻻت والمفاصل.تستمر اﻻعراض لمدة 4ل5 ايام وتقل تدريجيا ومن الممكن ان تستمر من 7 ل10 ايام في الحاﻻت الشديده.
للوقايه من اﻻنفلونزا ينصح باﻻتي
اعطاء تطعيم النفلونزا الموسيميه.
اﻻبتعاد عن الاماكن المزدحمه.
غسيل اﻻيدي بصوره صحيه وسلميه لمنع العدوي.
التغذيه الجيده واﻻهتمام بتناول السوائل الكثيره.
النوم لعدد ساعات كافيه.
اﻻبتعاد عن المرضي وعدم تقبيل الوجه وخاصة لﻻطفال
وعند اﻻصابه ﻻبد من الحصول علي العﻻج المناسب والراحه والسوائل.

*ثانيا :الرشح ؛
وده يشبه لحد كبير الي اﻻنفلونزا ولكن الاعراض بتبقي اقل حديه وارتفاع درجة الحراره بيبقي طفيف او غير موجود ويتميز بالرشح والعطس والكحه واحتقان اﻻنف وغير مصاحب بالم المفاصل والعضاﻻت ويتسبب فيه نوع من الفيروسات اﻻقل حديه من فيروس اﻻنفلونزا
وللوقايه منه ايضا يجب اﻻبتعاد عن المرضي وعدم الاحتكاك المباشر واﻻبتعاد عن الاماكن المزدحمه وغسيل اﻻيدي والتغذيه والنوم الجيد.

*ثالثا :السعال الديكي ؛
وده ايضا من اﻻمراض الشائعه وناتج عم فيروس يصيب الحلق.
تبدا اعراضه بارتفاع في درجه الحراره ورشح وعطس ثم تاتي نوبات من الكحه الشديد ودائما تكون ليﻻ يصاحبها احمرار شديد في الوجه ثم زرقه وصعوبه في التنفس والكحه بتشبه صياح الديك ولذلك سميت بالسعال الديكي.
وتتراوح درجة المرض من بسيط لشديد ويحتاج الي حجز بالمستشفي.
وفي مثل هذه الحاﻻت ﻻبد من اﻻسراع الي المستشفي لعمل اﻻستشاق المناسب واعطاء اﻻدويه المناسبه.
وفي المنزل نسرع بتعرض الطفل لبخار الماء لتقليل حدة المرض وصعوبة التفس.

*رابعا :الالتهاب الشعبي ؛
وده ناتج عن فيروس يصيب الجهاز التنفسي السفلي ومشهور عند اﻻطفال اﻻقل من سنه .
تبدا اعراضه بارتفاع طفيف في درجة الحراره ورشح وعطس ثم يصاب الطفل بنوبات شديده من صعوبه في التنفس وكحه شديد مستمره ونهجان وتتراوح درجة المرض ايضا من بسيطه الي شديده وتحتاج الي حجز بالمستشفي.
عند ظهور الاعراض ﻻزم العرض علي الطبيب لتقرير درجة المرض والعﻻج المناسب لتفادي المضاعفات وﻻبد من عمل جلسات اﻻستنشاق المناسب من اجل تحسين حالة الصدر وصعوبة التنفس.

*خامسا :اﻻلتهاب الرئؤي؛
وده ينتج عن اﻻصابه بفيروسات اوبكتريا بتصيب الجهاز التنفسي السغلي عند اﻻطفال وينتج عنه ارتفاع شديد في درجة الحراره وكحه شديده وصعوبه في التنفس تبدا من بسيطه لشديده وده من اﻻمراض الخطيره التي يجب تشخيصها بسرعه واعطاء المضادات الحيويه والعﻻج المناسب لها من اجل اﻻ تسوء الحاله.