Mr. Ahmed Fahmy

https://youtu.be/ZD_yYxclY7c?si=QpW9Lp-x3-0BCgXH

ضمائر اللغة الإنجليزية + تكوين الجملة Sentence Structure — شرح مبسط في الفيديو ده هتتعلم كل حاجة أساسية عن ضمائر اللغة الإنجليزية (Pronouns) وتكوين الجملة (Sentence Structure) بطريقة سهلة ومباشرة — مناسب للمبتدئين وطلاب الثان...

♥️ كلمة من القلب:

أنا مش المدرّس اللي هيطبطب عليك،
ولا اللي هيقولك “يا سطى” و”يا نجم” عشان تكبر في الكلام.
أنا المدرّس اللي هيواجهك بالحقيقة، حتى لو وجعتك،
اللي هيعرّفك بنفسك من غير تزييف،
لحد ما تبص في المراية وتقرر تواجه مشكلتك بجد.
وساعتها، هتلاقيني في ضهرك بكل الأدوار اللي محتاجها — صاحبك، وأخوك، وسندك.

أنا مش بقول “أبنائي وبناتي” عشان أجملك أو أكسب ودّك،
بس صدّقني، كل مرة أكون شديد معاك،
ده مش قسوة… ده خوف عليك،
قسوة الأب اللي بيصلّح، مش اللي بيكسّر.

لو بتدور على الطبطبة من غير تغيير،
والكلام الحلو حتى وانت غلطان…
فمكانك مش هنا

يا تجيلي وانت حافظ الكلمات

اول حصة للصف الأول الثانوي في سنتر التوحيد بالمطرية

أنا مش بدوّر أكون “أشطر مدرس” 🤷‍♂️
أنا ببساطة مدرس أمين ❤️.
• أمين على العلم اللي بوصله، فبدي كل حصّة كأنها أهم حصّة في يومي، وببذل فيها كل طاقتي من غير ما أبخل بحاجة.
• أمين على تعب وفلوس الأب والأم، فبحرص إن كل طالب يخرج فاهم ومستفيد. ولو بعد محاولات كتير الطالب مش مستجيب، بواجه ولي الأمر بكل وضوح، يكمل معايا أو مع غيري… الأهم مصلحة الطالب.
• أمين على الأخلاق اللي بزرعها في عيال الناس قبل أي منهج أو معلومة.
• أمين على زملائي في المهنة، عمري ما بذكر حد بسوء.

المعلم مش مجرد مهنة…
المعلم هو ترجمة حقيقية لكلمة “الأمانة” بكل صورها.

وأنا محظوظ… لأني معلم. ✨
English Language

ازاي افرق بين will و going to ؟

= لما ولد يقول ل بنت :
" I will marry you "
فـ دا عيل بيحور ولسه مش جاهز واحتمال يتجوزها او يضحك عليها
تستخدم في التقديرات المستقبلية التي لا أساس أو تخطيط لها

انما لو قال
" I'm going to marry you "
فـ دا مجهز كله و ناوي وشاريكي يابنت الناس
” لها مبررات وخطط تسبق حدوث الفعل في المستقبل

ماهو الفرق بين (Image و Picture و Photo ) ؟

هم الـثلاثة معناهم بالعربي "صورة " لكن بالانجليزية يوجد فرق كبير بين 3 كلمات

▪️ كلمة ( Photo ) مثلا👇🏻

معناها صورة، لكن (صورة متصورة بـالكاميرا) فقط .

وطبعا جاءت من كلمة ( photograph - تصوير ضوئي ). يعني أي حاجة ما متصورة بكاميرا لا تسمى Photo

مثال:

- This is my class photo*. I'm the one in the middle.

الترجمة: هذه صورة فصلي . أنا في الوسط ..



▪️ أما كلمة (Picture) 👇🏻

فهي كلمة أشمل.. نستطيع استخدمها مع الصور والرسومات وحتى الصور اللي بالكاميرا أيضا ..

مثال :

- Take a look at this picture* and see if you recognize anyone.

الترجمة: انظر الى هذه الصورة وشوف لو تعرف أي احد.





▪️ أما كلمة (Image )👇🏻

فهي تعبر عن صور الخيال بس.

جاءت من (Imagination- او خيال). مثل صورتك امام الناس (انطباع الناس عنك)، أو مثلا صورة في ذهنك.

ويمكن ان تستخدمها ايضًا مع الصور اللي تراها على الكمبيوتر، أو في المرآة لأنها تعتبر صورة خيالية غير حقيقية..

وكذلك تكثر استخدامها مع الصور الفنية

مثال:

- The poem is full of images

الترجمة: القصيدة مليانة بالصور (صور جمالية طبعا )

طريقة لتذكر وحفظ المفردات بطريقه سريعه ❤️