Ziyad Wahba

النهارده بعد ما نزلت فيديو الشرح علي التيكتوك ببص بعدها بشويه لقيت حد عاملي كومنت اني مخدتش بالي من المطلوب و بالتالي حليته غلط فبصيت لقيت فعلا كلامه صح فبعتله برايفت شكرته و مسحت الفيديو و عدته تاني
الشاهد من هذا الموضوع كذا فكرة جت في دماغي قلت اشاركها معاكم:-

أول حاجه جت في دماغي و لله المثل الأعلي فسبحان من له الكمال جل جلاله

تاني حاجه فكرت في افتراض ان محدش نبهني للغلط ده و ناس شافوا فيديو الحل و غلطوا بسببه مثلا فحسيت بحجم المسؤولية و افتكرت قول الله تعالي في سورة الأحزاب

( إِنَّا عَرَضْنَا الْأَمَانَةَ عَلَى السَّمَاوَاتِ وَالْأَرْضِ وَالْجِبَالِ فَأَبَيْنَ أَن يَحْمِلْنَهَا وَأَشْفَقْنَ مِنْهَا وَحَمَلَهَا الْإِنسَانُ ۖ إِنَّهُ كَانَ ظَلُومًا جَهُولًا) (72)

فاستغربت بيني و بين نفسي علي الناس اللي بتتكالب علي أنهم يبقوا في الوش في حاجات كتير أوي و مش بيدركوا حجم المسؤولية و تبعاتها

تالت و أخر حاجه اتبسطت أن الناس بدأت تشوف الcontent و مركزة فده في حد ذاته خطوة الحمدلله أينعم الطريق لسه طويل و لكن أكيد كلنا متفقين أن

و ما نيل المطالب بالتمني ***************و لكن تأخذ الدنيا غلابا

الحمدلله النهارده أول مرة فيديو يعدي ٥٠٠ فيو علي التيكتوك طبعا الرقم هزيل عمتا بس دي مجرد البداية و اول خطوة في رحلة الالف ميل أني أبقي صانع محتوي أكاديمي ناجح بإذن الله

بيدج التيكتوك بنزل فيها حل أسئلة Practice tests SAT 1 Maths

و قناتي اللي علي اليوتيوب منزل عليها شرح اكتر من كورس لمراحل عمرية مختلفه هسيب اللينكات في الكومنتات

لو أي حد محتاج private tutoring يقدر يتواصل معايا

أنا متخصص في شرح مواد هندسة ميكاترونكس
بالأخص maths, physics, mechanics, circuits و مواد تانيه كتير بس دول تخصصي

دمتم سالمين و ناجحين ❤

عندي داء غريب أن لما حد ينزل بوست في جروب أنا فيه بحب اخش اشوف بروفايله فلقيت الquotation دي في bio بتاعت أكونت و شدتني فكرة أن الشكوي لغير الله مذلة و الواحد مبيحبش يبقي وسط الناس غير و هو مش أقل من أي حد فيهم في وجهة نظره قدام نفسه عالأقل
"Remember me with smiles and laughter that's how I'll remember you all. Don't remember me with tears."
Laura Ingalls Wilder

لما بلاقي حد معرفوش شاف فيديو و استفاد بيه بحس فعلا أني بعمل حاجة مفيدة.

أنا بقالي فترة بجرب موضوع الشرح الأونلاين و الحمدلله عندي خبرة كويسة فيه فالفترة الجاية بإذن الله همنتج الفيديوهات اللي كنت مسجلها و هنزلها كصدقة جارية عسي أن ينتفع بها أي حد و يبقي ليا نصيب من الثواب.

و برده بعلن إن أنا بقدم شرح أون لاين و تجهيز لامتحانات لو حد في علمي رياضة أو طلبة american و IG في الmath و الphysics و طلبة كليات الهندسة في مواد mechatronics.

القناة فيها playlists بشرح فيها topics كتير كنماذج لشغلي و أي حد برده بنتعامل لأول مرة بتبقي الdemo session مجانية.

هسيب لينك القناة برده ل اللي حابب يبص بصة

https://www.youtube.com/