Trainer khaled ramzy

تحليل لغة الجسد بين كلينتون وزوجته لمتابعة تحليلات أكثر للغة الجسد زوروا القناة

الشخص المخادع

Advertise 10 :
الحملات الاعلانية من أجل تبرئة منتج قد تفلح ولكن في حالة واحدة هي فقط جودة المنتج الفعلية
ده اللي قصدنا عليه بإعلان أم حسن
بغض النظر ان سلسلة مطاعم ام حسن ارتفعت في تلات سنوات من قنوات سي اللي هي البيت بيتك وتوكتوك والمولد وشعبيات
الى شريحة اخرى تغزو الام بي سي والنهار
ده يدل على حاجتين توسع المطعم بشكل كبير
زيادة راس المال
تغيير الشرايح المستهدفة او بمعنى اصح استهداف شرايح جديدة
هنا ما اعتقدش ان فريق التسويق بتاع الشركة بنفسه هو اللي عمل الاعلان
عتقد انهم اتعاملوا مع وكالة اعلانية وهي اللي اقترحت الافكار
حملة التلميع والتبرئة اللي بتتبعها شركة ادارة المطاعم
قد تسفر عن نجاح متةقع
طبعا مع استخدام العاطفة في الاعلان وفيه مليون مصري لصناعات مدعمة
طبعاً ده كلام عاطفي لان الشركة مش بتفيد الاقتصاد بحاجة بالعكس بتززود جوانا وحشية الاستهلاكية
هي طبعا خدت حمللة تريقة كبيرة
ولكن كل ما اتذكر اسم ام حسن الي مسمعش عنها سمع
بقى المطعم اسمه على كل لسان
ولو جيت دلوقتي هتلاقيه سبق مطاعم منافسة كتير من حيث قوة الاسم سواء ابو شقرة او بلبلع

من الاخر الحملة مش عجباني اوي واااااااااو يعني
ونفس الوقت مش وحشة

محاولة جيدة
قولوا رأيكم بردوا في الإعلان يهمني أعرفه

#رمضان أحلى مع التسويق
خالد رمزي
w.i.p
(work improve people )

إعلان أم حسن رمضان 2015 . إعلان سلسله مطاعم أم حسن رمضان 2015 , دعم انتاج وعماله بلدك .. لايك وشير

Advertise 9 :
أوسكار أسوأ إعلان في رمضان 2015
قوطونيل القطن بيتكلم مصري
فعلاً كل حاجة في الإعلان مصرية
سخافة مصرية سطحية مصرية عدم إحترافية مصرية
عدم تخطيط عشوائي
عدم تحديد شريحة معينة عشوائي
ممثل يقل من قيمته بشكل انا مش فاهمة هل محتاج شهرة أكثر مثلا؟
حسن حسني في كل المسلسلات هل محتاج فلوس مثلا؟
هو عم بخ حب يبقى رئيس جمهورية قعد على كرسي فخم وخلاص ؟
عم حسن حسني عديت 75 سنة مش مكسوف وإنتا بتلبس إبنك ومراته من قوطونيل ؟
يا عم حسن إرحم تاريخ اللي بقالك تلات سنين حاشره مع مصطفى شعبان وعلا غانم ؟
عم حسن مش مهم تاريخك إرحم المشاهدين من سماجة الإعلان اللي بيجي قدام عنيهم كل شوية ؟
يا شركة كوتونيل للأسف مش لاقي كلام في التسويق أكتبة في البوست لإن الدعاية ديه مفهاش ريحة الادارة أو التسويق
للأسف الإعلان مصري مفرقش حاجة عن كفتة عبدالعاطي
كل حاجة في الإعلان مصرية بفشلها
إلا خفة الدم المصرية وديه مش موجودة أصلا في الإعلان
#كوتونيل ياريته متكلم مصري

لمتابعة باقي تحليل الإعلانات زوروا البيدج ديه هتلاقوها كلها ورا بعض 9 اعلانات ولو ملقتش شيل اللايك :

#رمضان أحلى مع التسويق

خالد رمزي
w.i.p
(work improve people )

advertise 8 :
المعنى الحقيقي للحملة المتكاملة اللي بتوصل رسالة

- أول مهنيجي نتكلم عن دعاية إتصالات هيجي في دماغك أول حاجة إعلان المارد بتاع فودافون .
- بس مش دلوقتي هتكلم عنه لأني بجهز مقالة متكاملة بعد تمان ايام يكون شوفت رد فعل اعداد اكتر من الناس عشان اعرف التقييم .

- الدعاية اللي هنتكلم عليها اكتر هي حملة المنيو بتاعت السوشيال ميديا لإتصالات

- شركات كتير تاهت في رمضان مش عارفة تعمل target على product ولا على brand
لكن اتصالات ركزت في الحملة ديه على product كمل بتلات اعلانات مختلفة .

- برغم اختلاف الاعلانات ولكن كلها بتخدم الحملة باقة السوشيال ميديا
-بالمقارنة بماونتن فيو اللي اتكلمنا عنه هتلاقي ان هنا بيتكلم اكتر عن product واضح .

- طبعا الفكرة الابداعية اعتقد جات بعد هوجة السيلفي لان وصل ان ناس بيتصصوروا سيلفي مع القنبلة وهي بتتفكك .!!!

- نجاح التسويق هنا انك تخاطب الناس بالحاجة الدارجة واللي بيحبوها وبيعملوها وبيسخروا منها-راجع advertise 3 شاي العروسة -

- المنتج بتاعهم ما هو الا بس منتج مكمل ممكن الباقة الشهرية تقوم بنفس الفكرة ولكنهم بيحاول يخلقوا needs محددة عند الناس لان فيه ناس ميهمهاش الا الفيس وتويتر وانستجرام في النت من اوله لاخره .

- الفكرة فيها مبالغة سواء البنت اللي بتقع على موتوسكل او الكلب ولكن السخرية المبالغة نوع من انواع الفنون ولفت النظر .

- التدرج في الحملة Product ممنعهمش انهم ينزلوا اعلان المارد اللي قولنا هنتكلم عنه بالتفصيل .

- اعتقد الدعاية حققت اهدافها وباقة السوشيال ميديا من اتصالات سمعت لناس كتير .

- تقييمي للإعلان إيجابي 8/10 .

كالعادة مستني رأيكم ومستني طلباتكم لإعلانات تانية لفت إنتباهكم

خالد رمزي

advertise 7 :
النهاردة هنتكلم عن سلسلة إعلانات mountain view
لما في مصر حد يفتح مشروع ينجح كل الناس تفتح المشروع جنبه نفس اليوم
ولما شركة تعمل حملة وتنجح تكررها نفس السنة اللي بعدها بدون أي تجديد
لو شوفنا اعلانات منتجع مونتين فيو رمضان اللي فات
كانت وقتها كوميدية وصادمة انها في الاخر لمنتجع
وقمة النجاح انها اثارت جدل ناس كثير
طبعا هو في الإعلان واضح أوي segment class A
وعلشان يخاطب الشريحة ديه خلق عندها احتياج جديد
مش احتياج الرفاهية او الهدوء في حد ذاته
لا الاعلان عبر عن لطبقية للي في المجتمع بكل وضوح
عاوز تبعد عن الرعاع وتصرفاتهم وعيشتهم سيبك منهم وتعلى في منتجعنا
حينم تتجسد رواية يوتيوبيا على الأرض
صحيح السنة للي فاتت الإسم سمع والاعلان عن المنتجع الثري دي حتى الان كان كويس
لكن السنادي ناس كتير متكلموش عنه او خدوا بالهم
منه لانه لم يضيف جديد
ويخلص الاعلان ويجيبوا اعلانات لازم نشحت وندي فلوس للرعاع الغلابة في باقي اعلانات الشحاتة لتلفزيونية
#منتهى الطبقية
#مونتين فيو البرجوازية
لمتابعة باقي تحليلات الإعلانات تابعهم بالترتيب على الصفحة الرسمية :
https://www.facebook.com/pages/Trainer-khaled-ramzy/1421074484816008?fref=ts&ref=br_tf
أخوكم خالد رمزي

advertise 6 :
دعاية بها تشويه المنافس ما رأيك ؟
ظهرت في الآونة الاخير عدة أعلانات إعتمدت فيها الشركات المسوقة على تشويه المنتج المنافس بدرجات متفاوتة من التلميح
بل وصل الأمر بالتجريح المباشر
فبغض النظر عن اعلانات شركات الانترنت ومنافسات السرعة بينهم
كانت تلميح يعتبر مقبول إلى حد ما
وبدأت شركة إتصالات حربها في التلميح بإظهار لوجو برتقالي ولوجو احمر في خلفية احدى اعلاناتها بتلميح اكثر صراحة
الا انه من المقزز رؤية اعلان مثل اعلان ليون حين يتم توجيه الامر من الاسد للنمر الممثل لمنتج تايجر وهو منتج منافس وهو يصف منتج المنافس بانه نشارة خشب
في تلميح اكثر صراحة
وللاسف لايوجد حماية في القانون المصري ولكن السوق هو الذي سيحكم
وسانقل لكم قصة تعرضت لها سامسونج في تايوان
لا يمكنك ظلم منافسك بعقر داره و تتوقع ان تنجو بفعلتك من غير حساب و بالرغم من محاولات Samsung للدفاع الا ان لجنة التجارة العادلة التايوانية لم تستمع و قامت بتغريم Samsung بمبلغ $340,000 بسبب شن حملة على الانترنت للتشهير بمنتجات Htc و مدح منتجات Samsung عن طريق تعيين طلاب الجامعات لفعل هذا.
يجدر بالذكر ان هذه ليست المرة الاولى التي تغرم بها Samsung في بلد ما حيث سبق و غرمت بمبلغ $10,034 بسبب دعاية كاذبة عن كاميرا Galaxy Y Duos.
لا يوجد داعي من Samsung لتشوه سمعة HTC لان منتجاتها تباع بشكل كبير جدا و لعل ذلك يرجع بسبب الدعايات المكثفة التي تقوم بها.
ولكن بما انها فعلت ذلك ..ليس من المستغرب من الحكومة التايوانية بان تتدخل.
رأي الشخصي في هذا الموضوع -
ركز على منتجات شركتك وميزتك التنافسية
اعمل بوزيشننج في السوق بالكواليتي بتاعك
العميل هيسخر منك لما انتا تسخر من منتج منافس هيعرف انك ضعيف
ركز على اضافة مزايا عندك حتى لو سعر او كواليتي بس متركزش على عيوب الاخرين
اشتغل باحترافية مش اي عجن وخلاص وتصرف ملايين ويبقى اسمها اعلان
السوق فكر وبزنس واخلاقيات قليلة بردو مش مانع
لمتابعة الإعلانات السابقة وتحليلها بالترتيب هتلاقيها على البيدج
https://www.facebook.com/pages/Trainer-khaled-ramzy/1421074484816008?fref=ts
. خالد رمزي
استشاري الموارد البشرية

advertise 5 :
هل تعلم إن الممثل في الصورة الأولى هو الأستاذ : أسامة عبدالله
أول تمثيل جامعة القاهرة أربع سنوات ورا بعض في دفعة فيها خالد الصاوي وخالد صالح الله يرحمه
هل تعلم إن الشاب الصغير اللي في الإعلان والده مش ممثل أو والدته رقاصة ؟
هل تعلم إن الإتنين موهوبيين جداًُ وقدروا في تلاتين ثانية يشدوا انتباه اكتر من 100 مليون مواطن عربي بيشوفوهم في لقطة بين مسلسل
يقوم بتمثيلة واحد ابن عادل امام او ابن صلاح السعديني او واحدة بنت اي حد بيمثل او يغني
او واحد زي مصطفى شعبان
الموهبة تفرض نفسها بإحترام بدون متكون تقل بالذوق العام زي مطربي المهرجانات
او واحد طالعلي كل امكانياته انه برتقاني زي تامر هجرس
او ممثلة كل امكانياتها ان اسمها قبليه سمير غانم او غيره او غيره
مش شرط تكون مشهور عشان تبقى موهوب والعكس صحيح بردو .
نبدأ نتكلم من الناحية التسويقية :
أول حاجة الإعلان ده لأنهو شريحة ؟.
أعتقد هو وصل all segmentation
تاني حاجة هل نجح ؟
شركة نستلة عندها منتجات كتير لما تنزل منتج جديد بيكون مغامرة ونزلت بحملة كبيرة
السؤال هل كل بيت سمع عن المنتج ؟
اه طبعاً .
يبقى الدعاية وصلت رسالتها .
بعض الملاحظات ورا بعض هضرحها :
- المنتج التاني سكنشيلز هو منتج وهمي حتى الان حتى لو نزله صور على الانترنت وده بيديهم براءة انهم مضربوش في منافس .
-تمثيل التلات ممثلين والاخراج رائع .
- بعد تسريب النسخة الاصلية للاعلان تحية للمونتير ( بتاع المونتاج )
- هل فيه بطة براس قطة ؟ او نحلة ببزبوز ؟. لما الكلام ده يعلق مع الناس نجاح للاعلان .
- المخرج ابدع في طرح العلاقة بين الاجيال جيل مبيسمعش الا نفسه وجيل معترض وبيبدي اعتراضه وبيصمم عليه .
السؤال هل اللي شوفناه ده علم التسويق
هو قمة التسويق وهو الإبداع للوصول للمستهلك
إلى اللقاء بقى بكرة يوم جديد وتحليل لدعاية جديدة
لو فيه دعاية لفتت نظرك وعاوز نحللها اكتب تعليق هنا
لمتابعة تحليلات الدعايات اللي ححلناها قبل كده هنزلها على البيدج ديه ورا بعض عشان لو حد مهتم ميتوهش
https://www.facebook.com/pages/Trainer-khaled-ramzy/1421074484816008?fref=ts
#رمضان أحلى مع التسويق

advertise 4 :
ه إعلان عمرو دياب الجديد
من الناحية التسويقية هو حدد المعاايير التسويقية بتاعته ونجح فيها
أولا : حدد الشريحة المستهدفة اللي هي كلاس ايه
ثانيا : اسلوب الاعلان راقي
ثالثا : اختاروا عمرو دياب لان غالبية مستخدمي ويسترن يونيون او ناقلي الاموال بين 30 وخمسين سنة وهي فئة فيها رواج لعمرو دياب .
رابعا : ركز على احتياج العميل من حيث الامان
خامساُ : مبدأش الاعلان في تي في نزله عاليوتيوب ووسط الفيديوهات ليخاطب الشريحة بتاعته
سادساُ : لما نزله على التي في في رمضان إختار القنوات اللي بتخاطب كلاس A
برافوو
بكرة إن شاء الله هنكمل مع إعلان جديد
. خالد رمزي
استشاري الموارد البشرية والتسويق

Amr Diab - Western Union TVC عمرو دياب - إعلان ويسترن يونيون Western Union Middle East 2015 TVC by Amr Diab Official Facebook: http://www.facebook.com/AmrDiab Official Twitter: http://www.twitter.com/AmrDiab Official I...

advertise 3 :
الإعلان التالث اللي هنحلله معانا هو إعلان شاي العروسة
زي مقولنا الموضة إنك تجيب نجم يشكر في المنتج
موضة إنتهت وفقدت جزء كبير من مصداقيتها
ديه كانت في موضة النجوم اللي بيستخدموا شامبو معين
او فنانة بتحط كريم معين وتقول إن ده إختيارها
دلوقتي لازم النجم يخدم على الإعلان مش بس بإسمه لا بتصرفه في الإعلان
وهنا شاي العروسة بعد مكان اكتر من خمستاشر سنة بيشتغل على class C
دلوقتي بيجخل بإعلانه عشان يخاطب شرايح تانيى في المحتمع
الاول بنلاقي الفنان عمرو عبد الجليل وهو فنان كوميدي وقايم بدور كوميدي
وهو اختيار موفق من فنان سعره مش غالي ونفس الوقت عنده قبول
قام فعلاً بتمثيل الإعلان
اما سيناريو ال\إعلان هو من بوستات الفيس بوك المجهولة
اللي متعرفش مين كتبها ومين زود عليها
فمع ان نسبة مستخدمي الانترنت عشرة مليون منهم مثلا تمانية مليون
كاتب السيناريو اعتقد ان اتنين مليون بس منهم عارفين السيناريو
فنزل الاعلان على بقية الشعب
احترم اوي عدم التجريح في المنافس ولو حتى بتلميح
طبعاً الكوميدا كانت غالبة
وكان فيه تركيز على منتج الفتلة الجديد اللي دخلوا بيه يخاطبوا شرايح تانية
إجتهاد كويس وإعلان مقبول بنسبة كبيرة وبيحقق أهدافه الترويجية
بكرة إن شاء الله إعلان جديد وفكرة جديده نحللها مع بعض
#رمضان أحلى مع التسويق

اعلان شاي العروسة عمرو عبد الجليل ومضان ٢٠١٥ Animation Advertising: Saadi / Gohar Creative Director: Ashraf Saiid Nasser Client Servicing Director : Nada Zeitoun Account Director: Ahmed Ibrahim Metwally...

Advertise 2 :
النهاردة زي موعدتكم كل يوم في رمضان هنتكلم عن إعلان جديد
إستخدام نجم مشهور في الدعاية وسيلة هامة جداً
من أيام أم كلثوم وعبد الحليم ولكن التطور دلوقتي إزاي تستغل النجم ده
عشان يروج لرسالتك من المنتج
الإعلان المرادي مبهر
بغض النظر ن إعلانات الشحاتة والتسول المليانة بالفضائيات من شعب أغلبيته تحط خط الفقر
فإن الإعلان ده حدد الشريحة وخاطبها باللغة اللي تفهمها
إزاي ؟
في هرم ماسلو لتحديد الإحتياجات فإن الحاجة للأمن هي تاني حاجة بعد الحاجات الفسيولوجية class A وهو هنا حدد الشريحة اللي ه
وهي ديه الشريحة اللي المفروض إنه هنا مستعطفهاش لا ده هو هنا غير انه حدد العميل بدقة لاكمان خلق عنده احتياج وهو الإحتياج للأمن
في النص الأول من الإعلان اللي بيفكرنا بجزء مهم من فيلم تيتانيك بين طبقتين مختلفتين
عامل إسقاط مباشر عن البعد من ناس مطحونة في كل حاجة وهم عمال السفينة وبين ناس بتستمتع ولا هي دماغها في حاجة
والنص التاني من الإغلان بيوجه الرسالة بشكل مباشر
إن كلنا على مركب واحد
اللي عجبني في الإعلان رغم إنها ORGANI\ATION NON FOR PROFIT
إنه إختلف ولعب على إحتياج جديد وهو إحتياج الأمن
تحياتي للفنان محمد صبحي على عمله الخيري ومجهوده ربنا معاه
ده رأي من الناحية العلمية
حابب أعرف رأيكم الشخصي كعملاء مباشرين بعد مشوفتوا الإغلان ده ؟
وبكرة إستنونا وإعلان جديد
#رمضان أحلى مع التسويق

اعلان مؤسسة معا للعشوائيات. .محمد صبحي مؤسسة معا لتطوير العشوائيات ..حساب رقم 444/333 او ابعت رسالة لرقم 95165

advertise 1 :
توقفت الإعلانات التلفزيونية في الصين نتيجة عدم ثقة المستهلك فيما يقال في التلفزيون
وللتفكير برة الصندوق
إعلان شيبسي فوكس اللي إتقدم السنادي بيحل المشكلة ديه
كل الشركات الشيبسي المنافسة طلعت تصورلنا إن منتجها اللي هياكله هيعمل كزا وكزا
مسؤولين التسويق في شركة فوكس لخصوا الحكاية في جملة منها سلوجان ونفس الوقت مسمعة مع الناس
(فوكس مبيعملش أي حاجة بس طعمه حلو أوي )
كان زمان شركة فوكس بتخاطب شريحة C
دلوقتي عملت إعلان لكل الشرايح ونفس الوقت في قنوات وأوقات ذروة
ده دليل على تقدمها
وزي منتقدنا إعلان ليون اللي بيشتم المنافسين في بوست سابق
بنشيد بفكرة الإعلان ده
اسلوب كوميدي صادم برة الصندوق
كل يوم بإذن الله هنزل إعلان ونحلله سواء كويس أو مش كويس
#رمضان أحلى مع التسويق

اعلان شيبسي فوكس - بشوف المستقبل Fox اعلان شيبسي فوكس - بشوف المستقبل Fox