Mr / Fady Ayad

- رسميا الغاء مادة الأحياء للصف الثاني الثانوي من العام القادم ٢٠٢٥ / ٢٠٢٦ لتكون مادة تخصص فقط للصف الثالث الثانوي ( شعبة علمي علوم )

- تغير منهج الفيزياء والكيمياء للصف الثاني الثانوي للعام القادم ٢٠٢٥ / ٢٠٢٦ ( لاضافة الأجزاء الاساسية من منهج الصف الأول الثانوي القديم )

- تغير منهج الأحياء للصف الثالث الثانوي للعام بعد القادم ٢٠٢٦ / ٢٠٢٧( لاضافة المواضيع الاساسية من منهج الصف الأول والثاني الثانوي القديم )

- منهج العلوم المتكاملة سيتم تعديله كل عام في ضوء التحديات الجديدة وخرائط وضع المناهج العالمية

- مادة التاريخ الوطني ستكون مادة أساسية لجميع طلاب الصف الثاني الثانوي العام القادم ٢٠٢٥ / ٢٠٢٦ ولكن بمنهج جديد

- تصريحات دكتور أكرم حسن رئيس الادارة المركزية
لتطوير العلوم

📌 خلاصة المؤتمر كلها في البوست ده

- مفيش سنين تراكمية
- تخفيض عدد المواد في كل الصفوف
- اللغة التانية أصبحت نجاح ورسوب فقط في التلت مراحل

📍اولى ثانوي

دمج مناهج الكيمياء و الفيزياء و في مادة علوم متكاملة
و إلغاء الجغرافيا
المواد ( عربي / انجليزي / تاريخ / رياضيات / العلوم المتكاملة / الفلسفة والمنطق )

📍تانية ثانوي

المواد - علمي ( عربي / إنجليزي / رياضيات / احياء / كيمياء / فيزياء )
المواد - ادبي ( عربي / إنجليزي / رياضيات / تاريخ / جغرافيا / علم نفس )

📍تالتة ثانوي

- الجيولوجيا أصبحت نجاح و رسوب -
المواد العلمي علوم ( عربي / إنجليزي / احياء / كيمياء / فيزياء )
المواد علمي رياضة ( عربي / إنجليزي / رياضيات / كيمياء / فيزياء )
المواد ادبي ( عربي / إنجليزي / إحصاء / تاريخ / جغرافيا )

ربنا معاكم ❤️🙏

بالتوفيق للجميع

🔹️🔷️ أستراتيجية التعليم القادمة :

2024 : تغيير منهج الصف الاول الاعدادي
2025 : تغيير منهج الصف الثاني الاعدادي
2026 : تغيير منهج الصف الثالث الاعدادي
2027 : تغيير نظام الثانوية العامة والغاء النظام الحالي وتحويله إلى نظام المسارات
يعني دفعة الصف السادس للعام الحالي هي اللي هيبدا معاها تطبيق النظام ده

ما هو نظام المسارات؟؟!
باختصار شديد :
مش هيكون فيه لا علمي ولا أدبي ولا تشعيب أصلا ...
الطالب لما يوصل الثانوية العامة هيلاقي حاجة اسمها مسارات تعليمية وكل مسار فيه مجموعة مواد..
وكل مسار هايوصلك لمجموعة كليات معينة..
عايز كليات علمية هتاخد المسار ده..
عايز كليات نظرية هتاخد المسار ده..
عايز كليات كذا هتاخد المسار ده،
وهكذا ....
ولو في جيت في نص الطريق ولقيت نفسك اخترت مسار غلط انت مش حابب تكمل فيه ..
هتغيره عادي وتختار مسار تاني.

= بالنسبة بقى لامتحانات الثانوية العامة :
هتكون من أكتر من محاولة ...
مش هتكون فيه امتحانات من فرصة واحدة ولا مستقبل الطالب هيتحدد من امتحان مدته ساعتين تلاتة زي دي الوقت..
هتكون فيه عدة محاولات امتحانية..
نجحت دور أول وعايز تحسن مجموعك هتقدر تحسن بعدها بأسابيع في امتحانات جديدة..
والمجموع اللي هتجيبه بعد التحسين هو اللي هتدخل بيه الكلية.

= الكلام ده مش هيطبق قبل 3 سنين ...
يعني هيكون أول تطبيق على الطلبة اللي بتدرس في نظام التعليم الجديد اللي هم في الصف السادس والخامس، والصفوف اللي تحتهم..
أما اللي بيدرس حاليا في أولى وتانية وتالتة إعدادي، هيكملوا في نظام الثانوية الحالي (القديم يعني).

= ومن هنا لحد ما تتعمل ثانوية عامة جديدة، مفيش أي تغيير في الثانوية العامة الحالية: التشعيب مستمر، والتحسين مش هيطبق، والامتحانات كما هي.. والمناهج كما هي ...