Basma Taha Resilience &self leadership coaching

النهـــاردة هكلمك عن 1⃣1⃣ خطوه هتساعدك تكونِ أم ناجحه وقريبه من أولادك 👌🏻

علشان تكونِ أم ناجحه وعايشه في سعادة مع أولادك مهم :

🍀🍀1⃣ لا تقومِ بتوريث التعامل
الخطـــأ لأولادك .التعامل اللي كان فيه
( غضـــب ، عنـــف ، عدم تســـامح )

🍀🍀2⃣كونِ لأطفالك الأم اللي كنتِ بتحتاجيها لما كنتِ طفله

🍀🍀3⃣ كونِ الأم المٌتسامحة ، العطوفه ، المُهتمه بمشاعر أولادها وأفكارهم

🍀🍀4⃣ كونِ الأم اللي بتسمع وبتتعامل بهدوء

🍀🍀5⃣ الأم اللي بتثق في أولادها وفي نفس الوقت بتعرف تكون أم وتحطِ حدود واضحه

🍀🍀6⃣ الأم المٌتوازنه
في العطاء و في المنـــع
اللي بتشـــرح وجهه نظرها وبتتفق مع أولادها علي كل شيء قبل ما تعمله حتي
العقـــاب

🍀🍀7⃣ الأم اللي
بتســـمع قبل ما تحـــكم
وبتتعلم
ازاي تتعامل مع أولادها بطريقه سليمه ومابتكبـــرش أبداً علي التعليم والتطوير من نفسها

🍀🍀8⃣ الأم اللي بتحب أولادها من غـــير شـــروط وبتعرف تفرق بين الحب اللي لازم يكون من غير أي شـــروط وبين تعـــديل السلوك

🍀🍀9⃣ الأم اللي بتحتـــرم شخصيه ابنها

ومش بتحاول إنها تخليه شخص تاني غيـــر نفسه أو تقـــارنه بأي حد تاني.

🍀🍀1⃣0⃣ الأم اللي بتعرف تفرق بين الدعم بالتشجـــيع
وتقــدير مجهود أولادها والكلام بشكل مباشر عن اللي هي عوزاه

وبين التقـــطيم والكلام السلـــبي اللي البعض بيظن إنه
علشان ابنه يتشجـــع وينجـــح ذي

( انت التاني علي المدرسه ايه يعني لازم تكون الأول ابن خالتك طالع الأول 🤦🏻‍♀️🤦🏻‍♀️)

🍀🍀1⃣1⃣ الأم اللي بتتعامل مع أولادها كأشخاص لهم حقـــوق نفسيه وحقـــوق في التعامل ، الفهـــم والحوار

واحتـــرام إن ابنها / بنتها ده (إنسان )

📌بعض الأُمهات بيشتـــكوا إن أهلهم لم يُحسنوا التعامل معهم فيعيشوا في دائرة من الغضـــب ويكرروا نفس الأساليب مع أولادهم سواء بشكل واعي أو غير واعي مهم تقرري إنك هتوقفِ الدائرة دي

📌مهم تكونِ واعيه إن أمك تعاملت معك
بكل اللي كانت تعرفه في زمانها ، ظروفها ، تعليمها ووعيها 🤷🏻‍♀️

وانت حالياً وعييك مُختلف وقدراتك مُختلفة ودورك هنا تطـــوري من نفسك

وتتعاملي بشكل سليم وصحي مع أولادك من غير عُقـــد أو أمـــراض نفسيـــه

ربنا يحفظ أولادنا أجمعين ويساعدني علي تربيتهم بنفسيه سليمة 🤍

شـــاركيني امتي الأم تكون ناجحه من وجهه نظرك ومن وجهه نظر المُجتمع 🤔!؟

{ #أصل الحكايه من البدايه #قصه مشاعر}

النهاردة هقولك5⃣ خطوات هتساعدك تعبرى عن نفسك بشكل صحيح فى علاقتك بالآخرين🫡

✋🏻التعبير عن النفس واحد من أهم أسباب الراحه النفسيه والتواصل الفعال بينك وبين الأشخاص اللي حواليك

✋🏻 التعبير عن النفس بيساعد الناس إنها تفهمك أكتر وتفهم مشاعرك وبالتالي تتعامل معك بشكل صحيح 💯

طيب إزاي ده ممكن يتحقق في الواقع 🙋🏻‍♀️

👈🏻 1⃣ مهم في البدايه تفهم مشاعرك الأول وتسأل نفسك
( أنت ايه احساسك حالياً ) وحدد مشاعرك بالضبط ، حاسس بسعاده ، حــ🥲ـزن ، فرح ولو صعب تحددها إستخدم ورقه وقلم واكتب
طلع كل مشاعرك علي الورق وقتها هتعرف
👌🏻تحدد مشاعرك مضبوط

👈🏻2⃣ استخدم كلمات سهله بتعبر فيها عن شعورك من غير ما تبدأ كلامك بجُمل ذي :

❌( أنت ديماً مش فاهمني ، أنت السبب )
🛑 الجُمل دي بتخلي الطرف الثاني يكون في حاله
دفـــاع عن نفسه ويبطل أو يرفض يسمعك أو يفهم وجهه نظرك حتى

✅ حاول تبدأ أي حوار ب (أنا مش أنت)و بجُمل ذي
( أنا حسيت بالزعل النهاردة ، حسيت بالوحده لما مهتمتش أو كنت مش مركز معايا)

✅ لما تبدأ أي جُملة ب ( أنا) الطرف الثاني هيسمعك بإنتباه من غير تحفيز لمراكز الدفاع جوه عقله

👈🏻3⃣ لو مش شاطر في التعبير بالكلام المباشر
جرب تكتب أو تبعت رساله علي الموبايل مكتوبه أو بصوتك لو ده بيخليك تحس إنك مرتاح أكتر

👈🏻4⃣ اتكلم بشكل مباشر عن احتياجك وتوقعاتك بمعني
( أنا محتاج منك تفهمني ، تسمعني ، تحتويني أكتر )

👈🏻5⃣ اتكلم بهدوء وحافظ علي مستوي صوت يكون هادي ومُستقر علشان الطرف التاني يفهم إنك حابب تتناقش مش عاوز تدخل معاه حــرب وصراع القوه ومين هيعلم على التانى🤦🏻‍♀️

👈🏻 لو عاوز الطرف الثاني يتواصل معك بشكل صحيح مهم جداً تراجع طريقتك في الحوار والتواصل أولاً 👌🏻

اتفقنا🤝
جربى وركزى على نفسك ..
✋🏻أنت مصدر إصلاح ذاتك ..ف كونى عونا لها 🥰

شاركينـي ايه أول خطوه ناوي تركز عليها !؟ أو ركزت عليها وجابت معك نتيجه إيجابية !؟

☀️ صباح الخير
في أوقات كتير بنفتكر إن التعب طول… وإن الأبواب كلها اتقفلت، لكن الحقيقة إن ربنا بيجهز لنا عوض ينسينا كل اللي فات 🤍

أحيانًا العسر بيكون مجرد مرحلة مؤقتة علشان يعلمنا الصبر، ويقوّي قلوبنا، ويخلينا نشوف النعم بطريقة مختلفة.

وكل دمعة نزلت، وكل دعوة اتقالت، وكل صبر تحملته… ربنا شايفه وعارفه كويس جدًا.

✨ فَإِنَّ مَعَ الْعُسْرِ يُسْرًا
يعني الفرج أقرب مما تتخيل.

صباحكم طمأنينة وأمل، وثقة إن العوض الجميل في طريقه لنا مهما طال الانتظار 💛صباح الخيرات والنعيم

شاركيني دعاء تُحبه! ؟

{ #أصل الحكايه من البدايه #قصه مشاعر}

هل الضــــرب بيربي رجاله ‼

العقــــاب الــــزائد مش بيطلع طفل “متربي” أوقات كتير جدا بيطلع طفل خــــايف… مكســــور أو بيكــــذب علشان ينجــــو

🍀لما الطفل يعيش طول الوقت تحت التهــــديد والصــــريخ والعقــــاب القــــاسي مخه بيدخل في حالة خــــوف مستمرة وبدل ما يتعلم الصح والغلــــط
( بيتعلّم إزاي يتجنب العقــــاب وبس )

العقــــاب الــــزائد ممكن يخلي الطفل:

◀️ يفقــــد ثقته بنفسه
◀️ يخــــاف يعبّر عن رأيه
◀️ يكــــذب علشان يحمــــي نفسه
◀️ يبقى عــــدواني أو عصــــبي
◀️ يحس إنه غير محبوب
◀️ يكتــــم مشاعره
◀️ يكــــره البيت أو يبعــــد عن أهله نفسيًا
◀️ يربط الغلــــط بالأهــــانة مش بالتعلم

🍀🍀الطفل محتاج حــــدود…لكن كمان محتاج أمــــان

في فرق كبير بين:
✔️ “أنا بعلمه”
❌ و “أنا بكســــره ”

العقــــاب الحقيقي مش غضــــب ولا ضــــرب ولا إهــــانة
العقــــاب الصح هو إن الطفل يفهم نتيجة تصرفه ويتعلم يتحمل المسؤولية بهدوء واحترام.

بدل:
❌ “إنت فاشــــل ”
قول:
✔️ “اللي عملته غلــــط ونقدر نصلحه”

بدل الصــــراخ المُستمر:

✔️ انزل لمستوى طفلك جسدياً وفكرياً وحط نفسك مكانه وعلمه يجي مكانك وهيتعلم المهاره دي لما تصاحبه

✔️ اسمعه

✔️ افهم السبب قبل الحكــــم

🍀الطفل اللي بيتربى بالخــــوف…غالبًا هيطيــــعك قدامك وبس

🍀لكن الطفل اللي بيتربى بالاحتواء والحــــزم هيتعلم الصح حتى في غيــــابك 🌱

اسأل نفسك:
هل ابني بيتعلم وبيعبر عن شخصيته ولا بس خــــايف مني؟

ربنا يحفظ أولادنا أجمعين ويساعدني علي تربيتهم بنفسيه سليمة يارب 😍

{ #أصل الحكايه من البدايه #قصه مشاعر}

إزاي تتعامل مع شخص بيستنــــزفك نفسيًا؟ 💭

في ناس وجودهم في حياتك بيخليك طول الوقت مُـــرهق
حتى لو ما عملوش حاجة “واضحة”.

🍀🍀 بعد كل كلام معاهم بتحس بثقــــل، تــــوتر
استنــــزاف أو إن طاقتك خلصــــت بدون سبب مفهوم.

الشخص المُستنــــزف نفسيًا مش لازم يكون مُــــؤذط بشكل مباشر…أحيانًا بيكون:

🍁كثير الإنتــــقاد
🍁كثير الشــــكوي
🍁بيتــــلاعب بمشاعرك،
🍁 بيستــــهلك وقتك ومجهودك
أو يخليك دائمًا حاسس إنك مُقــــصر مهما عملت.

المُشــــكلة إنك مع الوقت تبدأ تتعود على التعــــب
وتقنع نفسك إن:
🍀“يمكن المُشــــكلة فيا”
🍀“يمكن أنا حساس زيادة”
🍀“يمكن لازم أتحمل”

لكن الحقــــيقه ؟
الإستنــــزاف النفسي المُستــــمر بيأثر على أعصابك،
تركيزك،ثقتك بنفسك، وحتى صحتك الجسدية.

🍂 طيب ايه هي العلامات إن الشخص ده بيستنــــزفك نفسيًا:

🍀تحس بالتــــوتر أول ما تشوفه أو تتكلم معاه.
🍀تفضل تفكر في كلامه ساعات طويلة.
🍀 تشعر بالذنــــب طول الوقت أمامه.
🍀 تبــــذل مجهود كبير لإرضائه بدون نتيجة.
🍀 تشعر إنك مُــــراقب أو مضــــغوط باستمرار.
🍀 بعد اللقاء معه تحس إنك “مُــــستنزف ” نفسيًا.

🔴أحيانًا الناس المستنــــزفه نفسيًا بتستخدم أساليب زي:

◾التقلــــيل منك بشكل غير مباشر
◾ لعب دور الضحــــية دائمًا
◾ تحمــــيلك مسؤولية مشاعرهم
◾ التحكــــم العاطفي
◾ إشعارك إنك دائمًا غلطــــان
◾ تجــــاهل حــــدودك النفسية

🌱 طيب… تتعامل إزاي من غير ما تخــــسو نفسك؟

✨ 1️⃣ حدد حــــدود واضحة
مش لازم ترد طول الوقت،ولا تسمح لأي شخص يدخل مساحتك النفسية من غير حــــدود

قول:
🍀“أنا مش عاوز اتكلم دلوقتي”
🍀“مش مرتاح للطريقة دي”
وده حقك الطبيعي.

✨ 2️⃣ بطــــل تبــــرر نفسك باستمرار
الشخص المستنــــزف غالبًا هيخليك طول الوقت تــــدافع عن نفسك لكن مش كل شيء محتاج شرح وتبــــرير

✨ 3️⃣ لاحظ تأثير العلاقة عليك
العلاقات الصحية بتديك راحة وأمان مش خــــوف وتــــوتر دائم.

✨ 4️⃣ حافظ على طاقتك النفسية
مش كل نقاش يستحق تدخل فيه،ومش كل شخص يستحق كل طاقتك.

✨ 5️⃣ افهم إن التعاطف لا يعني السماح بالــــأذي
تقدر تتفهم ظروف الناس…وفي نفس الوقت تحــــمي نفسك منهم.

✨ 6️⃣ لو العلاقة مــــؤذيه باستمرار… ابعــــد تدريجيًا
في ناس وجودها المستمر بيكلفك سلامك النفسي،
وأحيانًا المسافة بتكون ضرورة… مش قســــوه

شاركيني مع او ضد الكلام ده! ؟


{ #أصل الحكايه من البدايه #قصه مشاعر}

مش لازم تكون قــــوي طول الوقت…ومش لازم تعرف تحل كل حاجة النهارده يكفي إنك بتحاول وتقوم من جديد كل مرة

لو يومك بدأ بتعــــب أو ضغــــط…افتكر إن الأيام الثقــــيلة بتمُر وإن الراحة النفسية بتبدأ أحيانًا من كلمة لطيفة تقولها لنفسك ✨

خد نفس 😍
وخفف الحِمــــل عن قلبك شوية
أنت مش في سباق مع حد وأي خطوة بسيطة بتاخدها ناحية نفسك تستحق التقدير 💙

ابدأ يومك بهدوء…واسمح لنفسك تكون إنسان مش آلة 🤍

✨ بعض الأيام تحتاج لطفًا أكثر من الإنجاز."

صباح الخيرات والنعيم 😍

💭 شاركيني … إيه أكتر رسالة نفسك تسمعها النهاردة ؟

{ #أصل الحكايه من البدايه #قصه مشاعر}

🚩 خلي بالك من العلاقات اللي بيحصل فيها الألعاب دي 🙂

1: لعبة الظهور والاختفاء
❄️ (أعوِّد الشخص على وجودي وبعدين اختفي بشكل متعمد).

2: لعبة التقل وتأخير الردود
❄️(مش صنعة ولا حاجة ده خيبة قوية).

3: لعبة القمص والمبالغة في ردود الأفعال.
❄️( مش مشكلة انا غلطت في إيه المشكلة إنك بتتكالي علي السين 🙂😅)

4: لعبة التقليل
❄️ (بقلل منك، من قدراتك، من قيمتك علشان أحس اني انا الأحسن واضعفك في نفس الوقت).

5: لعبة اللعب على نقاط الضعف
❄️(أنا عارف نقط ضعفك وهبرزها علشان ادخل منها واسيطر).

6: لعبة الرسايل المزدوجة والتصرفات اللي بتحمل أكثر من معنى.
❄️(بيخليك مش عارف هو أنت مهم ولا لأ ، محبوب ولا لأ ، قريب ولا بعيد... طيب أقرب ولا أبعد)

7: لعبة التلميح من بعيد.

8: لعبة الغمر بالاهتمام والمحبة وبعدين التنقيط بيهم.

9: لعبة النقد.

10: لعبة المقارنات.

11: لعبة انت اللي خلتني اعمل/اقول كدة.

🎯أي علاقة فيها أي حاجة من دول = علاقة غير آمنة، غير مشبعة عاطفيًا، سامة بتجيب الاكتئاب والخوف والتوتر المزمن لصاحبها.

ممكن تقبل الألعاب دي ومتكنش فاهمها لأنك بتحب الشخص أو منتظر أو عندك توقعات.... خلي بالك من التمن اللي هتدفعه من تشوهه لشخصيتك وخوف مبالغ فيه وألم

{ #أصل الحكايه من البدايه #قصه مشاعر}









د/محمد طه من كتاب ( علاقات خطره)

النهاردة هقول لك ابنك هيفهم ايه من الغضــــب ؟! 😔

لما صوتك يعلى هو مش بيتعلم التربيــــة هو بيتعلم الخــــوف 😢

🍀لما تتعصــــب وتكســــر أو تهـــدد هو مش بيتعلم الصــــح والغلــــط هو بيتعلم إن الغضــــب وسيلة للسيــــطرة

🍀الطفل بيشوفك أكتر ما بيسمعك وبيتعلم من ردود أفعالك أكتر من كلامك ✨

ممكن لحظة غضــــب منك تزرع جواه:
◀ خــــوف من التعبير عن مشاعره
◀ ضعــــف ثقة بنفسه
◀ عصبــــيه وعــــدوانية
◀ كتمــــان وصمــــت دائم

لكن الخبر الحلو 🤍 أي سلوك اتعلمه بشكل غلــــط
ممكن يتصــــلح طيب إزاي!! ؟ 🌱

🔴 طيب إزاي تتعامل صح لما تغضــــب ؟
✔ ابعــــد دقيقة وخد نفس قبل الرد
✔ اتكلم بهدوء حتى وقت الــــرفض
✔ افصل بين الخــــطأ وبين شخصية الطفل
✔ اعتــــذر لو أخطـــأت… لأن اعتــــذارك بيعلمه الاحترام مش بيقــــلل منك
✔ اسمع مشاعره قبل ما تــــعاقبة

🍀طفلك مش محتاج أب أو أم كاملين…هو محتاج امــــان ❤️وكل مرة بتحاول تهدي نفسك قبل ما تقول أي كلمة…
أنت بتبــــني إنسان سوي نفسيًا 🌸

🔴 طيب ازاي تنصحه يختار أصدقاءه لو مهتم بالموضوع ده اكتب مهتم وادعم المحتوي عن طريق الشير لنُفيد الغير 😍

{ #أصل الحكايه من البدايه #قصه مشاعر}

صباح الخير 🌤️
مش كل الناس بتصحى بنفس الطاقة ولا بنفس الظروف
ولا بنفس الحِمــــل 🤍

في ناس بتبدأ يومها وهي مرتاحة، وناس تانية بتحاول بس تقوم من السرير وتكمل يومها وده في حد ذاته مجهــــود كبير 👌

علشان كده…ماتقارنش إنجازك بحد ولا تستهــــجل نفسك،
وماتفتكرش إن تأخرك معناه إنك فشــــلت 🤍

كل شخص عنده طريق مختلف وتوقيت مختلف وقدرة مختلفة على التحــــمل والبدء من جديد 🌱

ابدأ يومك بالسرعة اللي تناسبك…حتى لو كانت خطوة صغيرة المهم إنك بتتحرك 💙

الورد مش كله بيتفتح في نفس الوقت…لكن كل زهرة لها جمالها الخاص. 😍

صباح الخيرات والنعيم 💛

شاركيني امتي اخر مره اديت لنفسك فرصه تمشي براحتها !؟

{ #أصل الحكايه من البدايه #قصه مشاعر}

النهــــاردة هقول لك 5⃣ خطوات تساعدك تحمــــي نفسك نفسيًا بدون ما تتحــــول لشخص قــــاسي 👇

🍀1⃣ اتعلّم تقول "لا" من غير الشعور بالــــذنب
مش كل طلب لازم توافق عليه… ومش كل حد يستحق وقتك أو طاقتك
الحــــدود الصحية مش أنانــــية دي احترام لنفسك 🤝

🍀2⃣ لا تأخذ كل شيء بشكل شخصي
مش كل تصرف سلــــبي معناه إن فيك مُشــــكلة
أحيانًا الناس بتكون مُتعــــبه، مضغــــوطة أو غير ناضجة نفسيًا فحاول توفّر طاقتك بدل ما تفسّر كل كلمة وتحــــمل نفسك فوق طاقتها 🌱

🍀3⃣ اختار مين يسمع تفاصيلك
مش كل الناس أمــــان… ومش كل شخص قريب يستحق يعرف كل حاجة عنك .....
النُــــضج إنك تفرّق بين "الونس" و "الأمان النفسي" 🧠

🍀4⃣ ابعــــد عن الإستــــنزاف بهدوء
مش لازم تدخل حــــرب أو تــــبرر كتير
بعض العلاقات يكفي فيها إنك تقــــلل وجودك وتحافظ على سلامك الداخلي

🍀 5⃣ خليك طيب… لكن واعي
الطيــــبه الحقــــيقية مش ضعــــف
الضعــــف إنك تسمح للــــأذي يتــــكرر وأنت ســــاكت
أما القــــوة فهي إنك تحــــافظ على قلبك من غير ماتخــــسر نفسك 💙

مهم جداً تكون واعي إن حمــــاية نفسك نفسيًا لا تعني إنك تتغير للأســــوأ لكن إنك تتعلم تحب نفسك بالقدر اللي يخليك تعيش بسلام 🤍

شاركيني ايه أول خطوة محتاج تركز عليها! ؟

حتي تُربي طفل مُتـــزن نفسياً ‼ مهم جداً تركز علي النقاط دي

🍀قبل ما تخطط تجيب طفل اتأكد أنك جاهز مادياً ، جسدياً ، صحياً و نفسياً

🍀اتأكد أنك قادر تتحـــكم في نفسك وعواطفك وردود أفعالك كويس أووي وإنك لو اتربيت في بيت سبب لك عـــقدة ما. إنك تعـــافيت منها واتحـــررت من تأثيرها عليك.

🍃🍃 طيب ابنك / بنتك محتاج منك ايه ⁉

🍀💬 دعم مادي ، جسدي ونفسي والنفسي لا يقل أهميه عن المادي والجسدي

🍀💬 محتاج منك تعرف إنه بيتعلم ومش معني أنه دخل مدرسه أو جامعه حتي ....إن تعليمه انتهي

🍀💬 🚩🚩 محتاجك لا تخنـــقة ولا تعــايره ولا تبتـــزه ولا تهـــدده... لا توعده بشئ مش هتقدر تعمله حتي في العقـــاب .. لا تتجـــاوز في حقة جسدياً وتضـــربه

🍀💬 محتاج منك لا تضـــغط عليه بالوصول للمثالية ولا أنه يحقق أحلامك أنت كمُربي وتطلب منه يتـــجاهل رغباته وأحلامه.

🍀💬محتاجك تكون حواليه بس مش فوق راسه... تسيبه يغـــلط من غير متجـــلده و لا تتدخل في كل كبيرة وصغيره من غير ماتديله القرار حتي لو انت اللي معاك الكنترول بس سيبه يختار جوه اختيارك ( ينقي بين حاجتين انت في الأساس اللي مختارهم وموافق عليهم) لحد ما الكنترول يكون معه بشكل كامل

🍀💬 محتاجك تفهم انه مش فاهم نفسه هو عاوز ايه لما يوصل لسن المُـــراهقة بيكون محتاجك تفهم انه في دوامـــه مش فاهم فيها هو طفل صغير ولا بقي راجل..

طيب يعـــلي صوته علشان يكون ذي الرجاله .. ولا يدور علي رغباته اللي أول مره يتعرف عليها... محتاجك توجهه وتحضره قبل مايدخل في المرحلة دي
محتاجك تحترم خصوصيته ولا تتـــجسس عليه دا حتي ربنا أمر بكده 🤍

🍀💬 محتاجك تفهمه وتقنعه وتحتويه مش تفـــرض عليه رأيك وقراراتك

🍀💬 محتاج منك حضـــن و طبطبه وحنيه وثقه وتبـــطل تقارنه بحد.. محتاجك تصاحبه ..

🍀💬 تتفق معه حتي علي العقـــاب ولا تعـــاقبه علي مشاعره سيبه يعـــيط لما يحتاج ده من غير إتهـــام بالضـــعف ، سيـــبه يخـــاف في مواقف طبيعي يخـــاف فيها

🍀💬 محتاجك تكون قدامه إنسان بيغـــلط عادي ومش مـــلاك ولا مثالي...
إنسان بيتكلم عن مشاعره بيعبر عن غضـــبه ، عن فرحه ،عن حبه وسعادته ( اه انا خـــايف بس هنحاول نلاقي حل)

🍀💬محتاجك تسأله عن رأيه
هيفيدك ولا تقـــلل ابداً من أفكاره مهما كنت مش مقتنع بها .

🔴 مهم جداً كأب / أم تسأل نفسك الأسئله دي :
👈 عرفت ابنك / بنتك محتاج منك إيه ؟
👈ياترى إيه أول خطوه هتعيد فيها حساباتك ؟
👈 ياترى إيه أول حاجه هتـــوقفها وتبـــدلها للأحسن ؟

دورك تلاقى إجابات عالأسئله دى 🧡💁🏻‍♀️

ربنا يحفظ أولادنا أجمعين ويساعدني علي تربيتهم بنفسيه سليمة 🤍