23/09/2026
💬حد قال لك قبل كده !!
إن مش كل شعور بنمر به … هو إحنا 🚫
كلنا بتمر جوانا مشاعر كتير ..
أحيانا ممكن يبقى
⚡غضب بنحاول نخبيه
⚡حزن مش عارفين نحكيه
⚡خوف بنغطيه بالقوه
⚡غيره منقدرش نعترف بيها
وابتسامه أحيانًا بنلبسها لأننا مش عايزين حد يعرف إحنا تعبانين قد إيه .
المشكله مش في إن عندك مشاعر مختلفه …
المشكله لما تبدأ تصدّق إن الشعور هو هويتك "هو أنت"
✨لو بتقعى فى الفخ دى ..انتبهى و قولى لنفسك ..
أنا مش «غضبى»
أنا مش «خوفى»
أنا مش «غيرتى»
أنا مش «حزنى»
دي مشاعر بتمرّ بيا… لكنها مش أنا .
والأجمل إنك مش مطالب تنكر ولا تتجاهل ولا تكبت شعورك عشان تكون إنسان صالح .. لا
كل الحكايه ..
أنت محتاج تتعلم تسمعه من غير ما تسلمه القياده و بس 💚
جرّب الخطوه دى 😍 : «الشعور ≠ التصرف»
لما يطلع شعور قوى ، قبل ما تتصرف ، اسأل نفسك 3 أسئله:
✨1. أنا حاسس بإيه؟
(سمّي الشعور بوضوح)
✨2. الشعور ده بيحاول يقولّى إيه؟
(هل محتاج أمان؟ حدود؟ راحة؟ تقدير؟ احتواء؟)
✨3. إيه التصرف اللى يحترم شعورى … من غير ما يظلم حد؟
(هنا بيحصل الفرق بين الوعي بالمشاعر والانقياد لها )
و دى المطلوب 🤞🏻👏🏻
ممكن أكون غاضبه… وأختار ألا أجرح .
ممكن أكون حزينه… وأسمح لنفسى بالراحه .
ممكن أكون خايفه … وأطلب الدعم .
ممكن أكون غيرانه … وأفهم اللى ينقصنى بدل ما أؤذى غيري .
رحمتك بنفسك مش معناها تبرير كل شيء
إنك تفهم نفسك لا يعنى إطلاقاً مطلقاً إنك تعفى نفسك من المسؤوليه 🤷🏻♀️👌🏻.
أنا أرحم شعورى … وأتحمل مسؤوليه سلوكي 👌🏻👏🏻
وده من أجمل معانى النضج النفسى .
قال تعالى﴿قَدْ أَفْلَحَ مَن زَكَّاهَا وَقَدْ خَابَ مَن دَسَّاهَا﴾
التزكيه مش معناها إنك مش هتمر بمشاعر صعبه …
هى
إنك تتعلم تفهم عالمك الداخلى، وتهذّب استجابتك، وتمنع مشاعرك تقودك لأفعال لا تشبه قيمك .
مشاعرك تستحق منك أن تسمعها …
لكن قراراتك تستحق أن تُبنى على وعى ورؤيه واضحه .
🤞🏻لو قولتلك🫣
عندك إختبار فى فهمك لمشاعرك و إدارتك لها و لـ نفسك تاخد فيه كام من 10 ؟
نسيت أقول لك ..صباح الخيرات ☺️🩷
أصل الحكاية من البداية…
