ALA

بتحس بكل حاجة بزيادة؟

أصغر كلمة ممكن تأثر فيك، وأصغر إحساس تلاحظه جواك.

مشاعرك عميقة.. وأحيانًا متناقضة كمان،
لأنك ببساطة بتحس بكل حاجة.

ممكن حد يقولك:"إنت أوفر أوي."
بس الحقيقة إنك بس حساس أكتر من غيرك.

بتشوف المشاعر اللي ناس كتير بتعديها، وتعيش الإحساس لآخره.

دي طاقة Type 4 في الإنياجرام
النوع الحسي.. اللي قلبه دايمًا صاحي.

شخصيات الإنياجرام المختلفة هنعرفها بالتفصيل أكتر في كورس الإنياجرام مع الدكتور أحمد لطيف..

#وعي

بتقدر تتأقلم في أي مكان؟ بتعرف تبدأ من الصفر؟ بتعرف تنجز اللي غيرك ميعرفش ينجزه؟

تعرف تتكلم مع كل شخص بطريقته،
وتفهم الناس بلغتهم.. حتى قبل ما يشرحوا.

عندك قدرة غريبة إنك تلعب أكتر من دور، وتتحرك بمرونة حسب الموقف.

المهم بالنسبة لك إن النتيجة توصل.. وإن الشغل ينجح.
النجاح بيحركك، والفشل حاجة بتتعبك جدًا.

بتعرف تتعامل مع كل الشخصيات، وتلاقي طريقك في أي ظرف.

دي طاقة Type 3 في الإنياجرام
المنجِز.. اللي دايمًا بيعرف يوصل.

ولسه هنعرف شخصيات أكتر بصفاتهم وطريقة التعامل معاهم في كورس الإنياجرام مع الدكتور أحمد لطيف..

#وعي

نفسك تكون لايف كوتش؟
أو تبدأ طريق مختلف.. طريق ليه معنى وتأثير حقيقي في حياة الناس؟

تخيّل إنك تقدر تساعد شخص يفهم نفسه لأول مرة،
ياخد قرار كان واقف قدامه سنين، أو يغير اتجاه حياته بالكامل.

ده مش مجرد كورس..
ده برنامج تدريب معتمد من ICF – الاتحاد الدولي للكوتشينج.

🚀 سنة كاملة من التعلم والتطبيق الحقيقي
💡 تدريب عملي، جلسات كوتشينج، وخبرة تبني ثقة حقيقية
📍 وشهادة معتمدة تفتح لك باب المجال

رحلة تغيّر وعيك أولًا.. وتخليك تغيّر حياة ناس تانية.

سجّل دلوقتي وابدأ الخطوة الأولى في طريق اللايف كوتشينج مع دكتور أحمد لطيف..

#وعي

ما بتعرفش تسكت على الغلط؟

لو شفت ظلم لازم تتدخل. ولو حد حاول يفرض عليك حاجة بتقف فورًا.
الناس أحيانًا بتشوفك مسيطر أو حاد، بس الحقيقة إن جواك إحساس قوي بالعدل.

بتحب تحمي اللي حواليك، وتقف جنب الضعيف حتى لو محدش طلب منك.

المواقف الصعبة مش بتخوفك.. بالعكس، هنا بتبان قوتك.
وقت الجد، إنت أول واحد يقف في الصف.

دي طاقة Type 8 في الإنياجرام
الشخص اللي بيقود وبيحمي وما يعرفش يسيب الحق حتى لو هيغضب في سبيله!

هنتعرف أكتر عن أنواع الشخصيات وصفاتهم في كورس الانياجرام مع الدكتور أحمد لطيف..

#وعي

عمرك حسّيت إن سعادتك الحقيقية لما حد قدامك يكون مبسوط بسببك؟
بتحب تساعد، تعطي من وقتك ومجهودك ومشاعرك.. من غير ما حد يطلب.

تلاحظ احتياجات الناس بسرعة، وتجري تلبيها قبل ما حتى يتكلموا.
صعب عليك تقول لا، وأصعب إنك تجرح حد.

لكن أحيانًا.. بتحس بشوية خذلان.
بس لأنك مش بتعرف تطلب.

بتدي كتير.. وتتمنى حد يشوف ده من غير ما تقول.

دي طاقة Type 2 في الإنياجرام
المعطاء.. اللي قلبه دايمًا سابقه.

وهنعرف أكتر عن أنواع الشخصيات وازاي تتعامل معاها في كورس الإنياجرام مع الدكتور أحمد لطيف..

#وعي

عمرك حسّيت إن جواك صوت دايمًا بيقول:
"هو انا صح ولا غلط؟"
"لا.. المفروض تتعمل أحسن من كده."

عندك معيار واضح للصح والغلط. يا أبيض يا أسود
والنص نص مش اختيار عندك.
يا الحاجة تتعمل صح 100٪.. يا بلاش تتعمل أصلاً.

تفاصيل صغيرة ممكن توقفك، لأنك شايف إن كل حاجة ممكن تبقى أدق وأفضل.
والكمال بالنسبة لك مش رفاهية.. ده الطبيعي.

جواك رغبة حقيقية إن الدنيا تبقى أعدل وأصح.

دي طاقة Type 1 في الإنياجرام
المصلِح.. اللي دايمًا شايف إن العالم ممكن يبقى أفضل!

وهنعرف أكتر عن أنواع الشخصيات في كورس الإنياجرام مع الدكتور أحمد لطيف ..

#وعي

عمرك حسّيت إنك كل اللي عايزه إن الدنيا تبقى هادية بس وتعيش في سلام؟
مش بتحب الخناق.. ولا إن حد يزعل بسببك.

لو في مشكلة بين اتنين،
غالبًا بتكون أول واحد يحاول يهدي الجو ويصلّح بينهم.

ساعات حتى لما حد يسألك:
“إنت عايز إيه؟”
تحتار شوية.. وتقول اللي انتم عايزينه
مش لأنك مش عارف، بس لأن الأهم عندك إن اللي حواليك يكونوا راضيين.

ممكن تأجل رغباتك، بس عشان السلام يفضل موجود.

قلبك بسيط، ووجودك بيعمل راحة وسلام في المكان.

دي طاقة Type 9 في الإنياجرام
صاحب السلام.. اللي أهم حاجة عنده إن الكل يبقى راضي وبخير..

وهنعرف أكتر عن أنواع الشخصيات في كورس الإنياجرام مع الدكتور أحمد لطيف..

#وعي