Wafaa Abo Zead

مش كل طفل شقي شويتين ضروري يكون عنده فرط حركة !!

جلسه تعديل السلوك بدون ارشاد نفسي لأسرة الطفل لطبيعة المرحلة العمرية ومشاكلها وكل أبعادها جلسه غير متكاملة وغير ناجحة إطلاقًا …

أحيانا إنكار وجود مشكلة عند طفلك أوالتباطؤ في علاجها بيكون هو السبب في استمرارها أو تضخيمها وكمان ظهور تداعيات ليها مكنش ليها وجود من الأساس..

الطفل اللي وزنه زياده سواء ولد او بنت لو ملقاش التقبل والتفهم جوه اسرته ماينفعش ألومه انه مستخبي جوه اوضته ومنطوي مع نفسه لما يكبر
ماينفعش ألومه علي شكل جسمه و وزنه وهو صغير ولما يكبر اطلب منه يحب جسمه وشكله ويواجه الناس

الصداقه بين الاباء والأمهات وأولادهم يلزمهما معايير وضوابط محددة وأهمها ان العلاقه الوالدية اولا ثم الصداقه ثانيا وليس العكس
انما احنا اصحاب فقط فالعواقب ممكن تكون كارثيه
( من واقع جلسات الإرشاد الأسري )

ماينفعش علشان ادلع ابني او بنتي اسيبها تتجاوز في حق باباه او مامته ونفس الكلام للبنت ، ويكون مبرري الوحيد اني بكده بدلعها ..لا هو بكده بعلمها التجاوز وعقوق الوالدين ..

مع أهلنا وأصحابنا وزملاء الشغل والدراسة بنراعي دايمًا أن كل فرد منهم ليه الاسلوب المناسب في الحوار والمناقشة وحتي التوجيه ..الاطفال كده بالظبط كل طفل ليه المدخل المناسب كأسلوب تعامل وتربية بوجه عام …
للحجز والاستفسار بخصوص جلسات الارشاد الأسري للوالدين الرجاء التواصل علي الرقم التالي 1012423995

العناد بين الزوجين لو انعكس علي تربيه الاطفال فأكيد مش حيطلع شخصيات سوية إطلاقًا …

كل الاطفال أوقات كتير بيتصرفوا غلط ، فلازم قبل ما افكر ازاي اعاقب الطفل اعرف الاول الاسباب وراء السلوكيات دي ؛ علشان اعالجها صح والسلوك مايتكررش تاني

التربيه بتتلخص في مفهومين هما الحب والحزم وماينفعش انها تقوم علي مفهوم واحد منهما ؛ وقتها بيحصل خلل كبير في بناء شخصية الطفل وبالتالي بتظهر كل السلوكيات والتصرفات اللي بنشتكي وبنعاني منها كلنا مع أطفالنا

التماس اعذار للاطفال عند ظهور تصرفات وسلوكيات غلط تحت مبرر انهم لسه صغيرين مش دايما بيكون صح ؛ بل أحيانًا بيكون البدايه لكل السلوكيات المزعجة والمرفوضة بعدين فضروري جدا ناخد بالنا كويس ..

من الأمور الكارثية إننا نميز طفل أكتر من اخواته علشان هو مريح أكتر لينا في أخلاقه وتصرفاته وطاعته لينا ؛ لأن المحصلة بتكون سيئة جدًا لجميع الأطراف من حيث علاقه الاخوات ببعض وعلاقه الأطفال بأهلهم ( الأب والأم )..