ضحايا نصب أكاديمية مش كورسات

23/07/2025

صور جديدة وصلتنا من حالة نصب جديدة علي عضوة فاضلة من متابعي الصفحة اللي قدمت علي الكورس من شهر 6 ولسه مبدأش زي ناس كتير جداً غيرها. إحنا بننشر الصور دي وقررنا نداري أسماء الموظفين اللي شغالين عند النصاب (محمود حسن) لأننا منعرفش مدي معرفتهم بممارساته المشبوهة والغير أخلاقية. وهل هم مجرد موظفات شغالين عنده وميعرفوش إنه نصاب ولا عارفين وبيشاركوه في جريمته. ولأننا منعرفش ده بشكل قاطع قررنا نخبي أسمائهم. لكن سايبين أرقام تليفوناتهم لأنها الأرقام اللي بيستعملوها للتواصل مع الضحايا عشان محدش يخاطب الأرقام دي. وعشان نرفق الأرقام دي في البلاغات المستقبلية وأي إجراءات قانونية جديدة حنعملها تاني زي ما عملناها زمان وخليناه هرب من مصر. وبنناشد الموظفين والموظفات اللي بيشتغلوا معاه إنهم يراجعوا ضمايرهم وينهوا علاقة العمل بينهم وبينه لأنهم واجهة له في النصب سواء بعلمهم أو بغير علمهم. وبنناشدهم لما يشوفوا أرقامهم هنا يرجعولنا ويأكدولنا إنهم عملوا ده فعلاً. وساعتها لو الأرقام دي أرقامهم الشخصية حنشيلها من البوست.

19/07/2025

https://www.notcourses.com/
دي تبقي الصفحة الجديدة للنصاب الدولي الأشهر (محمود حسن) صاحب أكاديمية (نوت كروسيز) الشهيرة لتعليم اللغة الإنجليزية -أو الأصح نقول النصب علي راغبي تعلم اللغة الانجليزية-... الصفحة بتاعتنا كانت وقفت نشاطها لمّا نجحنا بعد سنين من كشف ممارساته الغير قانونية ونصبه علي الطلاب والعاملين اللي عنده وأجبرناه علي الهروب خارج مصر بعد صدور أحكام قضائية نهائية ضده...
محود حسن دلوقتي في نيوجيرسي... هربان من مصر ومن مطاردة اللي نصب عليهم ونفسهم يطولوه... ونصبه مكانش بس قاصر علي التعليم لكن زي أي نصاب طمعه دخله في حاجات كتير ومجالات كتير يلّم بيها فلوس من شباب صغير لسه بيبدأ حياته وعنده طموح يكبر ويبقي غني زي ما النصاب ده أوهمهم... من المجالات دي كورسات اللغة والمطاعم والتسويق الشبكي والمبيعات الأونلاين وحتي المضاربة في البورصة والعملات الرقمية...
بمراجعة الرقم اللي موجود علي صفحتهم الجديدة عرفنا إن الرقم ده كان رقم مطعم فتحه (نصاب القرن) بفلوس حضراتكم اللي سرقها من هنا ولسه بيسرقها... المطعم اسمه (الوصفات السريّة The Secret Recipes) ... لكنه قفله طبعاً لأنه زيه زي مشاريعه اللي عملها هنا بردو فشل وفلّس... عشان كده رجع تاني للنصب عشان يعوّض خسايره... وبيستعمل نفس رقم المطعم للتواصل مع ضحاياه الجداد دلوقتي.
بالبحث عرفنا عنوان المكان اللي هو فيه ف أمريكا نتيجة الغلطة اللي وقع فيها دي... المكان ف 304 شارع جراند في باتيرسون-نيوجيرسي.
شبابنا اللي ف أمريكا وحابين يخطروا السلطات بنشاطاته الغير قانونية والمتهربة من الضرايب يا ريت يساعدونا.

Address: 304 Grand St, Paterson, NJ 07501, United States

أما بالنسبة لشركاؤوه هنا ف مصر فاحنا من هنا بنحذركم... إحنا منعرفش إنتوا عارفين إنه نصاب ومشاركينه ف النصب ولا مضحوك عليكم زي اللي كانوا قبلكم. فضوا شراكتكم مع النصاب ده قبل ما تشاركوه مصيره.

Notcourses

19/07/2025

بما إن النصاب مبطلش نصب ولسه بيمارس نشاطه... قررنا نرجع تاني نفتح الصفحة لاستقبال شكاوي الناس اللي اتنصب عليها من نصاب القرن (محمود حسن)... ونبدأ بالمشكلة دي اللي وصلتنا من أحد متابعي الصفحة وضحايا النصب لسه النهاردة...ننشرها لكم بدون أي حذف أو إضافة:

"من شهر ونص قدمت على كورس انجلش اونلاين not courses
وعملولى اختبار وتحديد مستوى... وحد اتصل بيا وعملت معايا ميتنج ٥ دقايق عشان تحدد مستوى الانجلش بتاعى.
وقالولى الكورس ٣٥٠٠ مستوين.. سألتهم على التقسيط قالو اقل دفعه مقدمه ٢٠٠٠... لحد دلوقتى كله ماشى تمام
دفعت الفلوس وبعتولى عقد امضيه... وواحده تانيه تواصلت معايا عشان نتفق ونحدد مواعيد الكورس ... وكل التواصل سواء مع اللى اتفقت معايا الاول او اللى بتحدد معايا المواعيد واتس اب
دلوقتي بقالى شهر ونص البنت الاولانيه مش بترد على رسايلى... والتانيه كل ما ابعت اها تقولى هنحدد المعاد وارد عليكى خلال اسبوع.
بتصل على الارقام غير موجوده بالخدمه شغاله واتس بس
بعتلهم على الصفحه قالو هنبعت للادارة ونرد عليكى ومحدش رد
وانا مش عارفه اتصرف ازاى"

15/06/2021

المشكلة دي وصلتنا من أحد أعضاء الصفحة...ننشرها لكم بدون أي حذف أو إضافة...وصاحبة المشكلة اتعملها حظر لمطالبتها بحقها المادي والقانوني بمنتهي الوقاحة وقلة الأدب....ونرجع تاني ونأكد تحذيرنا للجميع...مش معني إننا قدرنا إننا نمنع هذا الأفّاق النصاب المدلّس إنه يمارس نشاطه من خلال فروعه في مصر بعد ما الملاحقة القانونية له في كل مكان في مصر منعته من ده وأجبرته علي غلق الشركة في مصر إن نصاب القرن تاب وبطّل نصب...بالعكس...نشاط (محمود حسن) مستمر من خارج مصر...ولسه بيرّوج لكورساته أونلاين...بنحذر الناس تاني وبنقول "صفحتنا دي بقالها سنين وحتلاقوها في أي جوجل سيرتش بمجرد إنّك تكتب اسم شركته...اقرا وابحث قبل ما ترمي فلوسك اللي تعبت وشقيت بيها في إيد أي حد".

موضوع الشكوي:

بنتي قدمت في شهر مارس على كورس انجليزي في Not courses ويعد ما دفعت تحديد المستوي قالولها في عرض 3 مستويات مجموعة 4 طلاب ب 830 .. بعد ما دفعت قالولها الجروب مش مكتمل وممكن تشترك مع طالبه واحدة وطبعا بفلوس أزيد او تنتظر شوية .. بنتي مكنش عندها مانع من الانتظار عدة ايّام لانها كانت في امتحان الترم الاول .. خلصت امتحانات الترمً الاول وقربت تخلص امتحانات الترم الثاني ومر 90 يوم وعشرات الرسايل من بنتي لهم تسال ع معاد الكورس ومفيش اي رد واضح .. بعد كده بعتلهم انا رسالة أطالبهم باسترداد المبلغ قالولي مفيش استرداد فلوس .. طبعا التأخير ده مشكلتهم هما غير أن بنتي مش محتاجه منهمً حاجه خلاص وحتى لو محتاجة احنا فقدنا الثقة فيعمد اصلا. وفِي محتوى الكور س بتاعهم ..

26/09/2020

بمناسبة عودة نصاب القرن (محمود حسن) بفكرة جديدة (الغمر الكلي 2)!!! 😂😂😂

26/09/2020

نصاب القرن محمود حسن بيقولك إن "العلماء" في أمريكا توصلوّا لأن الطفل الأمريكي بيتقن اللغة لأنه بيتكلم حوالي 438 ساعة من سن سنتين لسن خمس سنين...طبعاً بحسبة بسيطة نعرف إن ده أي كلام فارغ من تأليف النصاب القدير...ليه بقي؟...لأن 438 ساعة يعني حوالي 19 يوم...يعني ف 3 سنين الطفل الأمريكي بيتكلم 19 يوم بس؟؟؟....طب حييجي واحد من دروايش النصاب الأهبل يقولك (يا عم يعني هو الطفل حيتكلم 24 ساعة؟...ده بيتكلم خمس ست ساعات يادوبك ف اليوم)...لأ شاطر يا وله...بس كده بردو يبقي الطفل بيتكلم 73 يوم بس...أجيبلك م الأخر...لو الطفل الأمريكي بيتكلم ساعة واحدة بس كل يوم من سن سنتين لسن 5 سنين حيتكلم 438 يوم...438 يوم من 1100 يوم عاشهم ف التلات سنين دول...والباقي الطفل الأمريكي بيتحول لكنبة تقريباً أو صينية كوسة بالبشاميل فمش بيتكلم خالص...عبقري حتي ف الكدب يا حودة 😂😂😂

رقم الواتس اب الخاص بي هو : +19176636217 رقم الواتس اب الخاص بمدير الدعم الفني +201220896136

11/09/2020

السادة الأفاضل أعضاء الصفحة اللي كانوا بيسألوا بشكل مستمر عن الإسم الكامل لصاحب أكاديمية (مش كورسات) عشان يقدروا يقدموا ضده بلاغات أو ياخدوا إجراء قانوني...دي صورة بطاقة (محمود حسن) اللي بعتهالنا أحد أعضاء الصفحة الرائعين...نرجوا إنها تفيد حضراتكم.

07/09/2020

منوّر الصحافة يا حودة 😂😂😂

تداول عددًا من رواد مواقع التواصل الاجتماعي عبر "فيس بوك" صورًا تكشف واقعة خداعهم والنصب عليهم من قبل "نوت كورسس".

26/07/2020

جتلنا شكاوي بالمئات الفترة الأخيرة دي بخصوص رد فلوس الطلبة اللي حجزت مستويات في (مش كورسات) في فروع كتير جداً نصاب القرن/ محمود حسن قفلها لتخفيض النفقات من غير ما يخطر الطلبة اللي جاية تدفع...منها فروع فضلت تقبل من الناس فلوس الحجز لحد قبل ما تقفل بيوم واحد...والناس دي بتطالب برد فلوسها من شهور...في البداية اتعملهم جروب علي الواتس متقالهمش فيه غير مواعيد وهمية...وبعدين الجروب بقي رقم تليفون يرد عليهم يقولهم بردو مواعيد وهمية...وبعدين دلوقتي خدوها من قصيرها ومبيردوش أصلاً علي حد...في ناس اتقالها فلوسكم اللي دفعتوها كاش ومقدم حتاخدوها بالتقسيط علي كذا شهر...وفي ناس اتقالها الفلوس الأسبوع الجاي والشهر الجاي بقالهم ع الحال ده من فبراير اللي فات...أكتر من 5 شهور...في ناس عملت محاضر واتقالها بالنص ع التليفون "ابقي خلي الحكومة ترجعلك فلوسك"...السؤال هنا بقي: "مش حتتعلموا بقي إن محمود حسن نصاب؟..ولا لسه عندكم شك؟".