مؤسسه الهلال للعلاج النفسي والاطفال ذوي القدرات الخاصه

مشاركه د.مروه هلال بالمؤتمر الخامس للصحه النفسيه لاطفال والمراهقين

قائمة غذائية للطفل صاحب أعراض (ADHD) فرط النشاط ونقص الانتباه
* يفضل تجنب الأغذية التالية:
1 أي أطعمة مضاف إليها مواد حافظة أو محسنات غذائية.
2 المياه الغازية وأي مادة غذائية تحتوي على المحليات الصناعية كالأسبارتام.
3 الأطعمة المضاف إليها السكر المحسن.
* يفضل زيادة تناول ما يلي:
1 الأطعمة العضوية كلما كان هناك إمكانية لذلك.
2 الأرز والعدس والذرة.
3 الحبوب الكاملة والخضراوات غير المقشورة.
4 أي حليب بديل لحليب البقر.
5 الماء.
6 البروتينات عالية الجودة مثل الدواجن والأسماك والعدس والفول.
7 الأحماض الدهنية الأساسية الموجودة في زيت السمك والمكسرات والبذور.
8 الزيوت غير المكررة وتمثل زيت عباد الشمس وزيت الزيتون وزيت السمسم.
9 المغنيسيوم وهو من أكثر المواد الغذائية الطبيعية تهدئة والتي منحتها لنا الطبيعة، بالإضافة إلى تناول الخس.

وصفات غذائية مهدئة
1- الخس مع التفاح: يعتبر الخس من المهدئات الطبيعية حيث يحتوي على كميات بسيطة من اللاكتو والذي يعرف بكونه محققا حالة من الاسترخاء. وكائنة التفاح حيث يكون غنيا بالمواد الغذائية، فيمكن وضع الخس مع التفاح في المعصرة لعمل العصير وبعد ذالك يمكن وضع مكعبات الثلج مع السكر أو العسل ولكن يفضل أن يشرب في الحال.
2- البطاطس: يعتبر تناول البطاطس من العوامل المهدئة جدا لنظام الجسم وتناول نوع من الخضراوات معها مثل الكرنب ذي اللون الأخضر الداكن فسيكون له أيضاً أثر مهدئ حيث يحتوي على نسبة معقولة من الكالسيوم، لذا يمكن إضافة مكعبات البطاطس مع بعض أوراق الكرنب الى طبق السلطة خاصة في المساء.
ومن الأفضل تناول الخبز الأسمر معها حيث يحتوي على نسبة عالية من الماغنسيوم وهو من الأملاح المعدنية المعروفة بخواصها المهدئة.
3- الكيك المحتوي على الخروب والمكسرات بدلا من كيك الشيكولاتة: يفضل الأطفال تناول الكيك وخاصة كيك الشيكولاتة ولكن من المعروف أن الشيكولاتة تحتوي على الكافيين لذا يجب عدم تناولهم لها في المساء بل تناول الكيك المضاف إليه قطع من الخروب والمكسرات بدلا من قطع الشيكولاتة، وإذا لم يكن الطفل يفضل المكسرات مع الكيك لذا يمكن إضافة بعض البلح إلى الكيك بدلا من المكسرات، فهو معروف بخواصه المهدئة كما سبق ذكره.
4- صدور الطيور: يعتبر اختيار صدور الطيور مثل الدجاج والبط كوجبة للأطفال اختيارا جيدا للغاية، حيث تعتبر هذه الوجبة غنية بعنصر الحديد، ومعها بعض أوراق الخس وقالباً من الأرز وهذا جيد للأطفال في المساء

اسعد بمشاركتي في المؤتمر العربي للصحه النفسيه شكرا جزيلا على الدعوه

دكتورة مروه هلال عارف استشارى نفسي مروه هلال عارف - استشاري الصحة النفسية والارشاد الاسري والزواجي والمراهقين استشاري الاطفال ذوي القدرات الخاصه والتوحد وصعوبات التعلم والتخاطب عضوالرابطه النفسيه

ليه المراهق معندوش بربع جنيه مسؤولية🙆
والسؤال الاهم هو انا هافضل أزق فيه لحد امتى؟
ليه لازم تفكريه بمواعيده
وتزقيه عشان يذاكر (العربية عطلانة)
وتزني عليه عشان يروق أوضته(الاسطوانة المشروخة)
دا انتي ولا السكرتيرة يا شيخة 🥹

🫲تعالي اقولك بيحصل ايه جوه دماغ المراهق ال ADHD كل يوم
عشان يوصل لعدم المسؤوليه🙃

✓فرق ال 30%😔
طفل ال ADHD مخه في الغالب أصغر من سنه ب30%
العمر العقلي أقل من العمر الزمني
فدا بيخلي المراهق اللي عنده 15 سنة مخه يتحمل مسؤوليات الطفل اللي عنده 10 سنين
لان الفص الجبهي عصبيا مكتملش وهو المكان المسؤول عن الوظائف التنفيذية والتفكير المنطقي
انتي بتطالبيه بمهارات مش موجوده في السوفت وير بتاع مخه دلوقتي 🙆

✓عمى الوقت ⏲️
المسؤولية محتاجة مننا إدراك للوقت
احنا فين وكمان شوية هانكون فين
وتصورنا للمستقبل ازاي🤝
بالنسبة بقى للمراهق اللي أصلا معندوش ساعة داخلية
_إدراك الوقت وظيفة تنفيذية عليا فيها خلل اصلا عند ال ADHD _
فهو بيشوف الوقت بطريقة سطحية جدا
دلوقتي وبعدين 🫠
وطالما هو لسه في منطقة دلوقتي يبقى مش هاشغل تفكيري أنا في بعدين
بيتبع نظرية عبلة كامل
بعدين بقى في الروقة😁
يبقى لما بتقوليله قدامك ساعة وتخلص
مخه مبيترجمش الساعة دي لخطوات
هو هايفضل في دلوقتي لحد ما الوقت يخلص
وبعدين لما الوقت يخلص يحصل عنده شلل تنفيذي
ونعطل😬

✓مفيش تحفيز داخلي
المراهق الطبيعي بيتحرك لسببين
_ خايف من العواقب
_ او عاوز ينجح
فمخه بيفرز دوبامين يكفي المهمة اللي بيعملها
فيعملها
👈بينما المراهق ال ADHD
مخه بخيل بيفرز دوبامين في المهام الممتعة بس
فهو مش كسلان هو كيميا مخه عطلانه
مبتديلوش بنزين _دوبامين_ عشان يعمل المهام المملة
زي المذاكرة والترتيب
الدوبامين غالي والبنزين كمان🫠

✓ازمة الإدراك الاجتماعي
قولنا قبل كدة ان ال ADHD عنده مشكلة في الاستدلال
وجزء من المسؤولية هو توقع احتياجات الآخرين
أو حتى احتياجاته هو شخصيا🙃
فتخيلي لما يكون مش عارف يربط
بين تأخيره وخنقتك
اصل ايه اللي يضايقك لما انا مخلصش اللي ورايا😎
هو بيكون محتاج تعليمات اجرائية واضحة
زي احنا محتاجين نعمل واحد اتنين تلاتة
مش كلام عام زي خليك مسؤول
مبيربطوش باللي عمله أصلا😁

⭕طيب نحل الحدوتة دي ازاي🤔
✓اولا محتاجين تغيير للبيئة بشكل بصري
مينفعش نفضل نزق فيه ونبقى احنا سكرتارية
لازم نعمل له نظام بصري واضح
ونخلي التكنولوجيا هي اللي تزقه
يعني جدول مهام
Planners متعلقة
منبهات
تقسيم للمهام الكبيرة مكتوب على بورد متعلق في أوضته
بلاش صوتك يكون هو المنبه الوحيد اللي في البيت

✓ثانيا قاعدة ال 10 دقايق
المراهق ال ADHD عنده
وظيفة تنفيذية فيها خلل اسمها
بدء المهمة
ودا بيعمله شلل في بداية المهمة
هو محتاج منك تساعديه يبدأ 10 دقايق بس في المهمة
يقوم يفرز دوبامين فيقدر يكمل لوحده

✓شريك المساءلة (body doubling)
من الحاجات اللي انا نفسي جربتها إن يكون معايا في المكان اللي بشتغل فيه شريك صامت
مبيعملش اي حاجه غير انه يكون جنبي
ومن وقت للتاني يسألني هاه خلصت😁
ودا طبعا موجود اون لاين حتى لو
عن طريق فيديوهات على اليوتيوب
اسمها study with me
او pomodoro study session

✓جلسات الكوتشينج
في السن دا المراهق محتاج مينتور خارجي بعيد. عن الاب والام يمرنه على مهارات الاستدلال والتنظيم
ويساعده يشغل الوظائف التنفيذية
لانه بيكون رافض نصيحة الاب والام أصلا🙆

كل عام وانتم بخير رمضان مبارك عليكم اعاده الله عليكم بالخير واليمن والبركات

موجودين بموقع Dacttra الان

دكتور مروه هلال عارف استشارى نفسي مروه هلال عارف - استشاري الصحة النفسية والارشاد الاسري والزواجي والمراهقين استشاري الاطفال ذوي القدرات الخاصه والتوحد وصعوبات التعلم والتخاطب عضوالرابطه النفسيه

❤️❤️