مُعَلِّمَتِي تُقىٰ

مين لسا بيتلخبط

#تعديل
وهشغل بنوتات عادي حتى لو مش متزوجات ولا عندهم اطفال بردو
لما ربنا يفتح عليا بمكان ليا مخصص للاطفال سواء حضانة او مدرسة او مكان تعليمي او ترفيهي
إن شاء الله اكتر ناس هقبلهم هما الامهات
مش هعمل زي الاماكن ال بتقبل بس الخريجين والبنات السنجل و تفرض شروط عشان المتزوجة او الحامل او ال هتولد هيكون شغلها مش قد كدة
ابسلوتلي 🙃
الست بعد ما بتكون ام بتكتسب مشاعر جديدة تماما بتحس بالاطفال اكتر بتحس انهم زي اولادها بجد مش زي قبل الامومة خالص
((((بتعرف وبتتأكد انه الطفل مش لازم يكون قمور عشان تحبه ))))
احنا هنحبه عشان هو طفل بس كدة لا بشكله ولا لونه ولا حتى اهله

عشان هو صفحة بيضا لسا ميعرفش حاجة في الدنيا وهيعرف كل حاجة من خلالي انا لسا ضحكته بريئة
لسا قلبه صغنن اوي ميستحملش اي زعل او قهر او زعيق او عقاب وكل ده هيبقى زكريات هتشكل شخصيته
بتعرف انه لو الولد عنده سلوكيات وحشة فهو مسكين شافها في أهله او بيئته لان مفيش طفل بيتولد عنده سلوك سيء او صفات سيئة ف احنا هنجاهد لحد ما نوصله للمرحلة اللي فيها يقدر يختار يبقى على انهي سلوك وانهي طريق ويحتفظ بأنهي صفات
بتبقى خلاص عرفت ان الشقاوة اللي بيعملها الطفل ده مش شقاوة مقصودة دي طريقته في التعلم والاستكشاف وتفاعله مع بيئته
بتبقى ادركت اكتر سمات المراحل العمرية عمليا مش بس نظريا
هوفرلها بيئة العمل اللي تخليها تقدر تشتغل بدون ضغط عشان يبقى عندها وقت لاولادها ووقت تحس بأطفال مشروعنا هما كمان زي ولادها ويبقى صدرها رحب ليهم وتفضل تحبهم مهما غلطوا زي ما بتعمل مع اولادها
ربنا كمان يكرمني واديهم مرتبات كبيرة تخليهم يعيشواا مش مضغوطين ماديا او نفسيا او ناقصهم هما واولادهم حاجة متبقاش بتيجي تشتغل وهي بتصرف المرتب مواصلات واكل وتبقى مضطره تدي دروس عشان تعيش
وان شاء الله اراعيهم اوي في مواعيد العمل واسمح باصطحاب اطفالهم واجيبلهم طباخة جميلة ونضيفة تعمل اكل بيتي في المكان عشان وهما مروحين ميشيلوش هم الطبخ لاهلهم وياخدوا اكل جاهز
ربنا يقدرني واحقق ده و لو مقدرتش يا رب حد يحققها عشام في اطفال تستحق وفي امهات تستحق وانا بتخيل بس انبسطت
ُعلمة
I can change the world because I'm a teacher

لما بنجي ناخد اي كورس بنبدأ بالاساسيات واحنا بنكمل وكل واحد بيبدع بطريقته ويبحث ويوصل لحاجات اكبر
كمان الدين فيه طبقات فيه اللي ميعرفش حاجة خالص اصلا مش مسلم ف ده ليه نوع معين من الخطابات يخاطب عقله ويقنعه الاول لحد ما قلبه يطمئن وبعدين يعرف الاساسيات وفي ال مسلم الشيخ بيعرفه ايه الصح والغلط ويبدأ يتعمق واحدة واحدة وفي ال خلاص مجتهد بقى وده مش بس بيعمل الفروض لا ده بيتطوع مثلا ويصوم اكتر او يصلي اكتر وهكذا كل واحد في دول وليه خطاب معين يعني مينفعش ال ميعرفش حاجة خالص الشيخ يقوله انت مش بتصوم معانا اتنين وخميس ليه ؟
فلما يجي واحد مقدم محتوى للشباب اللي في منهم ميعرفوش حاجة بمختلف اديانهم وثقافتهم ومعرفتهم يعرفهم ان كان في بطل مسلم عمل حاجات عظيمة لدرجة انها بيتم تدريسها لحد دلوقت بعد مرور اكتر من الف سنة في بلاد غير المسلمين
ده كدة حلو اوي دي كدة اساسيات تجذب الشاب انه يعرف اكتر عن البطل ده رضي الله عنه ويروح الشاب بقى هو بنفسه للشيخ اللي فاهم اللي عارف اكتر اللي يوريله القصة بمنظور تاني ويوضحله ربنا ازاي نصرهم لانهم مجتهدين وانهم مش عشان مسلمين وخلاص لا دول كانوا بيبذلوا مجهود وبيفكروا وبيتعبوا ويوضحله الحاجات ال احنا منعرفش نشرحها ولا مقدم المحتوى العادي يعرف يقولها
ف هو كتر خيره لحد هنا مش مطلوب منه اكتر من كدة واللي حاسس انه قصر في توصيل معلومات كاملة يتفضل يعمل هو حلقة كاملة المحتوى واحنا هنشوفها بردو عادي
كدة كدة البطل خالد بن الوليد رضي الله عنه مش هتكفيه حلقة واحدة واحنا عارفين ده كويس

مسألة صعبة ؟
ابعتها نحلها معاك❤️

المدرس الشاطر يبان من تغير مستوى الطالب الضعيف
الموضوع بديهي يعني بس محتاجين نقول ان الطالب الشاطرر كدة كدة شاطر انت بس شرحتله الدرس لكن لما طالب مكنش بيحب المادة ويحبها ولا لما طالب يختار يتخصص فيما بعد في مادتك ولا طالب مستواه يتحسن وطالب مكنش بيعرف يقرا قرأ على ايدك. ساعتها يبقى انت مدرس شاطر عملت مجهود علمته فعلا عملت فرق 🥰

مواقع هتساعدك كمعلم للألعاب في الرياضيات أو الMath
الباقي في الكومنتات

Math Playground Makes Math Fun! Practice addition, multiplication, fractions and algebraic reasoning with our popular math games. Discover fun learning games kids love to play.