19/01/2025
لمنع المشاهد الإباحية والصور العارية والخليعة من فيسبوك مهم جدا خطوات بسيطة مع الشرح لك ولأولادك
Educate Me - EngyHendawy
Share
�اللهم تقبل هذا العمل بنية خالصة لوجهك الكريم،كصدقة علم جارية ينتفع به ونحتسب من وراءه الأجر إن شاء الله�
�صفحتنا صفحة هادفه لنشر ك
19/01/2025
19/01/2025
20/11/2023
▪متنزلوش الولاد المدرسه وهما زعلانين ، مهما كان السبب...
▪ قوللهم كلام حلو وهما رايحين المدرسه ( هتوحشوني..ربنا معاكوا...انبسطوا اوي...هعملكوا احلي غدا...بحبكوا اوي )
▪ لا تسمحوا انهم يناموا بليل وهما زعلانين...مهما كان السبب ( لو الموضوع كبير أجلي المناقشه فيه لوقت مناسب )
▪متصحوش العيال علي خناق...براحه ( ضحكتك بتفتح لهم يومهم ) ( صباح الفل ...صباح الجمال ...الفي اغنيه وحطي أسمائهم وغنيها واضحكوا...)
▪ استقبلوا الولاد وهما داخلين من المدرسه بالابتسامه الحلوه ...وحشتوني اوي.... اهلا حبايبي
▪ متذكريش للعيال وانت مستعجله و عايزه تقومي تعملي اي حاجه...( هتقلب خناقة )
خلصي اللي انت عايزاه قبل ما يرجعوا..مش ذنبهم انك مستعجله فتزعقي عشان يخلصوا.... لا لا لا .
▪ شجعي وقدري التعب ومش مهم الدرجات ..
*الدراسة فترة و علاقتك بيهم طول العمر ❤️
منقول
04/03/2023
ازاي اعاقب ابني من غير ما اهينه و اخليه يتعقد ؟؟!!! انا محتارة !
شوفي حضرتك .. القاعدة الاولى اللي لازم كلنا نعرفها قبل ما نفكر نعاقب ولادنا هي ان الأطفال ذاكرتهم قصيرة المدى ((children has short memory)) .. يعني بينسوا بسرعة .. بس للأسف في موضوع العقاب ده بالذات بيكون نسيانهم انتقائي .. يعني هما بينسوا اتعاقبوا ليه بس مينسوش ابدا العقاب نفسه 😔 ...
وعشان القاعدة دي بالذات لازم نعرف و نلتزم بالآتي:
اولا: مهما تعاقب ابنك او تعاقبي بنتك على حاجة .. لو شافك انت بتعملها عمره ما هيبطلها .. هينسى دايما هو اتعاقب ليه و هيفضل يقلدك .. مينفعش تعاقب ابنك على الكدب مثلا وهو شايفك بتكدب .. مينفعش تعاقبي بنتك على الزعيق و الصوت العالي و انتي صوتك جايب اخر الشارع .. خليك دايما واخد بالك من تصرفاتك لأنهم في الاخر مهما تعاقبهم هيقلدوك برضو Be a Role model
ثانيا: العقاب ميبقاش عمال على بطال .. في الاخر الطفل هينسى هو بيتعاقب ليه من كتر العقاب .. فوتي شوية يا فندم .. متعاقبيش على الاخطاء الصغيرة و التافهة و غير المضرة .. اعملي نفسك مش شايفة ووجهيه بعديها للصح
ثالثا: العقاب لازم يبقى فوري وقت وقوع الخطأ .. عشان يرتبط في ذهن الطفل بالخطأ .. مفيش حاجة اسمها تحوشيله و تكتمي في نفسك و تنفجري مرة واحدة !! كده عقابك هيبقى شديد على الفاضي و الطفل مش هيفهم هو اتعاقب ليه اساسا !!
رابعا: الغلط لازم يفضل غلط .. يعني الخطأ اللي اعتبرتيه جسيم و يستحق العقاب .. مينفعش لما يعمله تاني ميتعاقبش عليه .. كده ابنك هيقول ايه الست اللي بحالات دي ؟؟ .. مش عايزة تعاقبيه عليه تعملي نفسك مشوفتيهوش ..
خامسا: خللي ديما العقاب مرتبط بالخطأ .. يعني لو كسر لعبته .. يبقى مفيش لعبة تانية .. لو عمل شقاوة في النادي يبقى محروم من النادي لمدة محددة .. عشان يعرف دايما ان خطأه له عواقب و نتايج مرتبطة بالخطأ ده .. مش مثلا كسر لعبته يبقى محروم من التلفزيون !! ايه علاقة ده بده ؟!!
سادسا: متهدديش بعقاب ابدا و انتي مش متأكدة و مصره انك تعمليه .. هتهددي بعقاب يبقى لازم يتنفذ لو الخطأ حصل .. التهديدات المتكررة اللي في الهوا دي بتخللي الطفل يستخف بيها
سابعا: التهديدات من قبيل : انا هموتك .. انا هدبحك .. انا هكسرك ممنوعة تماما تماما .. انتي بتربيه مش بترعبيه !!
ثامنا: التحذير بالعقاب يبقى واضح و مباشر .. يعني مفيش حاجة اسمها اوعى تعمل كده لأوريك 👌.. يعني يبقى بالصيغة دي: لو مرتبتش الاوضة بتاعتك من اللعب .. اللعبة الفلانية مش هتطلع تاني لمدة اسبوع .. تحذير من عاقبة واضحة و صريحة لفعل محدد
تاسعا: مفيش عقاب قصاد حد !! لا قريب ولا غريب .. علاقتك بابنك و علاقتك ببنتك لازم تبقى زي علاقتك بمراتك .. خلف الابواب المغلقة ! نقول تاني .. الغرض من العقاب هو التربية و التقويم .. مش الاهانة و الفضيحة !!
((انا مش هنسى الام اللي جات عندي بابنها في الكشف و بقول للولد هتبقى شاطر عشان ماما تجيب لك الشوكولاته اللي بتحبها .. فهي ردت عليا و قالتلي لا يا دكتور هو متعاقب ومحروم من الشكولاته .. عارفين رد فعل الولد كان ايه ؟؟ الولد بص لامه و انفجر و قالها كفاية يا ماما حرام عليكي كل ما تقابلي حد تقوليله اني متعاقب كفاية !! و انفجر في العياط !! كان هاين عليا اخنق الأم)) انتو بتربو عيالكم مش بتذلوهم !
عاشرا: اذا اردت ان تطاع .. خللي اوامرك و قوانينك و الاهداف اللي انت طالبها من ابنك set goals قابلة للتطبيق .. متحطش هدف لابنك و انت عارف انه مش هيقدر يعمله و بعدين تعاقبه عليه !! .. الاهداف و القوانين دي لازم تبقى ثابتة و متتغيرش على حسب المزاج و الوقت
الحادي عشر: قولناها ١٠٠ مرة و بنعيدها ممنوع منعا باتا اي حد ايا كان يعلق على عقابك او يعترض عليه قصاد الطفل .. حتى الاب و خصوصا الاب .. العقاب يتنفذ و يكمل حتى لو حضرتك مش مقتنع بيه .. اللي يتقال عليه لا يبقى لا .. الكلام و النقاش بينكم يبقى بعيد عن الطفل
الثاني عشر: لازم تعيد تقييم نتائج عقابك من فترة للتانية .. ميبقاش مش جايب نتيجة و تبقى مصر عليه و بتضرب كف بكف مش فاهم ليه ابنك مش بيستجيب .. نفسيات الاطفال مش زي بعض اللي بيجيب نتيجة مع طفل مش شرط يجيب نتيجة مع طفل تاني
و اخيرا و اهم حاجة في الموضوع لازم نعرف ان العقاب بيجي في الاخر بعد التوجيه و الشرح و الاقناع .. اقعدوا مع ولادكم .. العبوا معاهم .. قربوا منهم .. اتكلموا معاهم ..
امدحوهم كتير و كافؤوهم على كل حاجة كويسة بيعملوها .. مش كده و بس .. امدحوهم كمان على كل حاجة وحشة مش بيعملوها .. المكافئة reward دايما و ابدا بتجيب نتيجة افضل بكتير من العقاب
((Ideal discipline : is the consistent infrequent immediate relevant private reasonable discipline))
10/12/2021
كيف اكون ام افضل؟؟؟؟
13/10/2021
منقوووول واعجبني 😍💪
الام الصغنونة اللي حاطه كل احلامها في اول وتاني اولادها ...وبتتعامل مع المذاكرة على انها حرب ...
والبيت ليل نهار والع صريخ مصويف وفرهدة وشباشب وحلل بتتحدف ...
انا جيالك من بتاع ١٥ سنة أدام ...
انا عيشت نفس اللي بتعيشيه ...
وحلمت نفس احلامك بولاد متفوقين ناجحين شاطرين متدينين موهوبين واعيين بيتضرب بيهم المثل في كل صغيرة وكبيرة ...
كل اللي انتي بتعمليه انا عملته وزيادة ...
صدقيني ... مفيش حاجة ندمت عليها زي سنين طفولتهم اللي مستمتعناش فيها سوا ...
حبي محنيتي عليهم اللي مقدروش يحسوها وسط الكتب والواجبات والمسئوليات اللي ضيعت اجمل سنين عمرهم ...
ليه ابني يفضل فاكرلي اني ضربته ولا خوفته ولا نام معيط مني بسبب مذاكرة فارغة كللللها هتتنسي ولااااااا ليها اي تأثير في الكلية اللي هيدخلها او المجال اللي هيتخصص فيه على مزاجة وقدراته هو في النهاية مش على الحشو اللي اتحشى في مخه الصغير الطفولي ...
ليه يفضل فاكرلي عقاب وزعيق وقسوة تشوه علاقتي بيها وتزرح الحزن في قلبه الصغير ....
طب اقولك حاجة تريحك وتخليكي تتبطي ...
العيل الشاطر بييجي للدنيا شاطر ... والعكس صحيح ...
مش انتي ولا عشرة زيك هيقدروا يغيروا قدراته او ميوله او علاقته بالدراسة ...
اقولك حاجة اهم ...
كل الحرب والحرق اللي بتحرقيه في اعصابك وحبال الود اللي بتقطعيها بينك وبين ابنك ، بتخلق انسان عديم المسئولية إتكالي مستني دايما غيره يضغط عليه او حتى يقوم بدوره ...
ليه منستغلش المذاكرة عشان نقرب لاولادنا اكتر !
ليه ميكونش الوقت ده من اسعد اوقات ابنك لما يقعد في حضنك ويسمع منك وتوجهيه بحب وهدوء ويبقى بين المذاكرة حوارات مينسهاش طول عمره وتبقى اسعد ذكرياته !
(المعلومات عقله هينساها والذكرى الحلوة هتعلم في قلبه) ...
قسوتك او حنيتك في الوقت ده هي اللي هتحدد علاقتكم ببعض طول العمر ...
تغور المذاكرة لو هتطلع انسان بائس مضغوط مليان عقد وهموم ...
تغور لو هتضيع اجمل سنين عمرنا احنا وولادنا ...
تغور لو هتبقى على حساب بيت سعيد هادي مليان ضحك وحب وحنيه ...
طب اسمعي دي كمان ...
ابنك لما يوصل لمرحلة الشهادة واللي مطلوب يذاكر بجد فيها عشان يدخل كلية كويسة ...
انتي وقتها مش بيبقى ليكي اي سلطة عليه عشان تقعديه يذاكر او تقعدي جمبه تذاكريله ...
مش بيعدي المرحلة دي بنجاح الا واحد اتعلم يشيل مسئولية نفسه من يوم ما دخل مدارس ...
فخلي اولوياتك دايما حبيبتي هي الاستمتاع بكل لحظة وانتي بينهم وانك تطلعي انسان سوي سعيد حابب حياته وراضي عننا...
قبل ما ييجي يوم يكبروا وكل واحد يروح في حتة وتبقي تتمني اللحظة اللي يرجعوا يتلموا حواليكي ويتدفوا في حضنك من تاني ....
منقوووووول
04/10/2021
علمو اولادكم
أول مايصحو من النوم يقولو صباح الخير بأنكم تقولولهم صباح الفل ... صباح الورد ... صباح الجمال على وردتي ..
أجمل صباح على ابني ونور عيني. . واسألوهم نمتو كويس؟
علموهم
أول مايصحو يقولو الحمد لله ان عندهم يوم جديد يعيشوه..
فهموهم أنهم محظوظين وفي نعمة أنهم صحيو لقو كل حاجة زي ماهي.
علموهم
لما يصحو يصبحو على بعض.. الاخوات يبتسمو في وش بعض ويقولو صباح الخير.
فهموهم أن ربنا دلوقتي بيوزع الأرزاق وخلوهم يدعوه بأي حاجة يتمنوها حتى لو كانت أن حصة الماث تتلغي🙈
علموهم
اول مايصحو يشربو ميه مهم تكون الميه أول حاجة تدخل جسمهم الصبح و علموهم ماينزلوش البيت من غير فطار .
علموهم
يبوسوكم وهما نازلين ويقولوكم يومك جميل أو
have a good day
بأنكم تقولولهم انتو اتبسطو انهاردة، اليوم هيبقى جميل باذن الله
علموهم
يحصنو نفسهم ب بسم الله الذي لا يضر مع اسمه شيء في الأرض ولا في السماء وهو السميع العليم واستودعوهم المولى.
علموهم
لما يرجعو يسألوكو زي مابتسألوهم يومكم كان عامل ايه؟ عملتي ايه انهاردة ياماما؟ شغلك كان عامل ازاي انهاردة يابابا؟
اطلبو منهم ده بوضوح بالوقت هيتعودو ان الاهتمام يكون متبادل.. اعينو أولادكم على بركم..
لما يرجعو اطلبو منهم يقولو احلى ٣ حاجات حصلت ف اليوم حتى لو هيقعدو ساعة يفكرو.. انتو كده بتعلموهم يبصو ع الحلو ويركزو فيه.. اسألوهم ليه دول احلي تلات حاجات ..
خلوهم يتكلمو عن مشاعرهم واسمعو وابتسمو
أخصائية تخاطب وتعديل سلوك وصعوبات تعلم وتنمية مهارات 👈أ/شيماء فرحات
Want your school to be the top-listed School/college in Cairo?
Click here to claim your Sponsored Listing.
Click here to claim your Sponsored Listing.
Location
Category
Website
Address
Cairo