STEAMify Academy

20/08/2026

بعد ما الطلاب استخدموا العلوم والرياضيات واللغات والدراسات… جه وقت تصميم الحل.

ممكن كل مجموعة تصمم:

* أداة بسيطة تقلل تدفق المياه
* نموذجًا لصنبور أكثر كفاءة
* نظامًا لمتابعة استهلاك المياه
* حملة توعية داخل المدرسة
* ملصقات أو فيديوهات تشرح المشكلة والحل

ثم يختبروا الفكرة، يجمعوا الملاحظات، ويطوروها.

وده الفرق بين أن كل مادة تقدم نشاطًا منفصلًا، وبين مشروع حقيقي تتكامل فيه المواد للوصول إلى حل.

لو هتطبقوا المشروع، أي حل تتوقعوا طلابكم يختاروه؟

20/08/2026

⁨ لو لسه فاكر إن صناعة فيديو بالذكاء الاصطناعي محتاجة برامج معقدة وخبرة مونتاج… الريل ده هيغير رأيك.
في الفيديو شرحت بسرعة موقع Vibes AI وإزاي ممكن تستخدمه علشان تبدأ تعمل فيديوهات بالذكاء الاصطناعي بطريقة بسيطة وممتعة.
بس الأهم من معرفة الأداة نفسها هو:
إزاي تكتب البرومبت الصح؟
إزاي تحول فكرتك لمشهد؟
إزاي تخلي الفيديو مناسب للمحتوى التعليمي؟
وإزاي تجمع أكتر من أداة مع بعض علشان تطلع بفيديو كامل فعلًا؟
وده بالضبط اللي هنتدرب عليه عملي في ورشة:
صناعة الفيديوهات بالذكاء الاصطناعي
يوم 23 أغسطس
مش مجرد شرح أدوات.
هتجرب بنفسك، وتطبق، وتطلع بفيديوهات من تنفيذك.
لو عايز تعرف التفاصيل، اكتب في الكومنت:
فيديو
وهبعتلك كل التفاصيل.⁩

20/08/2026

لو لسه فاكر إن صناعة فيديو بالذكاء الاصطناعي محتاجة برامج معقدة وخبرة مونتاج… الريل ده هيغير رأيك.
في الفيديو شرحت بسرعة موقع Vibes AI وإزاي ممكن تستخدمه علشان تبدأ تعمل فيديوهات بالذكاء الاصطناعي بطريقة بسيطة وممتعة.
بس الأهم من معرفة الأداة نفسها هو:
إزاي تكتب البرومبت الصح؟
إزاي تحول فكرتك لمشهد؟
إزاي تخلي الفيديو مناسب للمحتوى التعليمي؟
وإزاي تجمع أكتر من أداة مع بعض علشان تطلع بفيديو كامل فعلًا؟
وده بالضبط اللي هنتدرب عليه عملي في ورشة:
صناعة الفيديوهات بالذكاء الاصطناعي
يوم 23 أغسطس
مش مجرد شرح أدوات.
هتجرب بنفسك، وتطبق، وتطلع بفيديوهات من تنفيذك.
لو عايز تعرف التفاصيل، اكتب في الكومنت:
فيديو
وهبعتلك كل التفاصيل.

19/08/2026

إيه علاقة الدراسات الاجتماعية بمشكلة هدر المياه؟

ممكن الطلاب يبحثوا عن:

* مصادر المياه في بلدهم
* المناطق التي تعاني من نقص المياه
* تأثير زيادة السكان على استهلاك المياه
* مسؤولية الفرد والمجتمع في الحفاظ عليها
* حلول طبقتها دول أو مدن مختلفة

وبعد البحث، يناقشوا السؤال:

**هل الحفاظ على المياه مسؤولية الحكومة فقط، ولا كل فرد له دور؟**

كده الطلاب بيربطوا المشكلة الموجودة في المدرسة بقضية حقيقية في المجتمع.

لو هتبدأوا نقاشًا مع طلابكم، إيه السؤال اللي ممكن تطرحوه؟

18/08/2026

ممكن كمان نستخدم نفس المشكلة في حصة اللغة الإنجليزية.

الطلاب يقدروا:

* يتعلموا كلمات مرتبطة بالمياه والبيئة
* يكتبوا نصائح قصيرة بالإنجليزية
* يصمموا ملصقًا توعويًا ثنائي اللغة
* يقدموا الحل في عرض قصير
* يسجلوا فيديو بعنوان: How Can We Save Water at School?

كده اللغة الإنجليزية أصبحت وسيلة للتواصل وعرض الأفكار، مش مجرد كلمات نحفظها.

اكتبوا في الكومنتات نصيحة قصيرة بالإنجليزية تساعدنا نقلل هدر المياه.

18/08/2026

⁨ المدرسة راجعة…
وإحنا هنمثل إننا جاهزين.

بس قبل ما أول أسبوع يبدأ وتدخلي في دوامة التحضير والطباعة و"فين الملف؟" و"النت فصل ليه دلوقتي؟"…

في شوية حاجات بسيطة لو جهزتيها من البداية، هتفرق معاكي جدًا بعدين.

مش لازم تكوني مجهزة السنة كلها من دلوقتي.
المهم:

بداية واضحة
نظام بسيط
خطة مرنة
ونَفَس طويل جدًا.

عملتلك الكاروسيل ده كـ checklist سريعة قبل أول أسبوع مدرسة.

احفظيه وارجعيله وإنتِ بتحضري، وابعتِيه لصاحبتك المعلمة اللي لسه بتقول:
"لسه بدري على المدرسة"

وقوليلي:
إيه أكتر حاجة بتجهزيها قبل بداية السنة وبتفرق معاكي فعلًا؟⁩

17/08/2026

طيب واللغة العربية… تدخل إزاي في مشروع STEAM عن هدر المياه؟

بعد ما الطلاب يفهموا المشكلة ويجمعوا البيانات، ممكن نطلب منهم:

* كتابة رسالة لإدارة المدرسة
* تصميم شعار توعوي
* كتابة إعلان قصير
* إعداد كلمة للإذاعة المدرسية
* تقديم عرض يقنع الآخرين باستخدام الحل

هنا الطلاب مش بيكتبوا موضوع تعبير لمجرد الكتابة، لكن بيستخدموا اللغة لتحقيق هدف حقيقي: **التوعية والإقناع.**

لو طلابكم هيكتبوا شعارًا للحفاظ على المياه، تتوقعوا يكتبوا إيه؟

17/08/2026

في كتير يعتولي انهم معرفوش يحضروا ورشه يوم الاحد

اولاً بعتذر منكم بس العدد اكتمل و الزوم قفل
و لكن الحمد لله التسجيلات موجوده علي اليوتيوب دلوقتي

لينك الورشه

https://youtu.be/gcbf3-FlDrs?si=AGJHjF4SkctaNvFY

او اكتبوا كلمه السر : الفيل الأخضر و أنا هبعت لكم اللينك

16/08/2026

https://youtu.be/HLqog0_X3Zw?si=bYjZx2lIzYo4tpP7

إزاي تعرف طلابك فهموا فعلًا؟ | تصميم Exit Ticket خطوة بخطوةالمدربة...

16/08/2026

النهارده بنحتفل بـ اعتماد مجموعة جديدة من معلمي STEAM من STEM.org 🎓✨

ومش قادرة أوصف قد إيه الإحساس ده مميز بالنسبة لي…

لأن ورا كل شهادة في ساعات تعلّم، تطبيقات، مشاريع، أفكار اتعدلت، ومحاولات كتير علشان كل معلم يقدر يشوف STEAM مش كمجرد محتوى يتدرس… لكن كطريقة تفكير يقدر ياخدها معاه لفصله ويطبقها مع طلابه.

مبروك جدًا لكل معلم ومعلمة في المجموعة الجديدة 👏
فخورة بيكم وبكل خطوة أخدتُموها لحد اللحظة دي، والأجمل إن الشهادة مش نهاية الرحلة… دي بداية لتطبيقات ومشاريع وتجارب أحلى بكتير مع طلابكم.

وكل مرة مجموعة جديدة تتخرج، بحس إن مجتمع معلمي STEAM اللي بنحلم بيه بيكبر خطوة كمان 💜

Congratulations to our newly STEM.org certified STEAM educators! 🎓

مين نفسه يكون اسمه في المجموعة الجاية؟