Moustafa Fahmy

اللهم بارك لنا في هذا اليوم و ارزقنا خيره كله

تساؤل يخص البيزنس و فلسطين

اصحاب البيزنس و اللي بيفهموا فيه
في سؤال بيدور في مخي من الصبح!

هم اصحاب الفرنشايز لو استغلوا امتلاكهم لكمية المحلات دي زي ماكدونلدز و ستاربكس و بابا جونز و فتحوا براندات خاصة بيهم…
و استغلوا الوضع الحالي بانهم عملوا ده عشان مش عايزين يكونوا من ضمن الناس اللي بتدعم الاحتلال بشكل مباشر او غير مباشر و اعتقد هم عندهم من الخبرة و المعدات اللي تخليهم يعملوا حاجة ناجحة و الكواليتي بتاعتها مظبوطة…
و اعتقد الناس ساعتها ممكن تقف معاهم و يشتروا اكتر من الطبيعي و ممكن بالحركة دي يكسبوا في الوقت الحالي مكاسب كبيرة جداً و ممكن تكون اكتر من المكاسب اللي عملوها السنين اللي فاتت.

ايه مميزات و عيوب ده و ايه فرص نجاحه؟
و ايه وجهة نظر الMarketing في القصة دي؟؟

و بكدة نكون دعمنا القضية.
و موقفناش مع الاحتلال.
و مسرحناش العمالة.
و كسبنا مكاسب ضخمة في الوقت الحالي..

محتاج كل اللي بيفهم في البيزنس و الماركتنج يتناقش في الكومنتات و يكتبلي رأيه عشان بجد لو فيه فكرة صغيرة جداً تخلي ده يحصل و ينجح و يحصل مقاطعة و متتسرحش العمالة يبقى حاجة عظمة اوي!

اكتب رأيك و فيدنا❤️

اعمل share و Mention لاكتر شخص مؤثر في شغلك او في الCareer بتاعك او الMentor بتاعك و عرف الناس بيه كنوع من انواع الشكر

اول ما تحس انك وصلت و ان مفيش زيك
لازم تخاف
عشان الوقوع وشيك

لو انت مهتم بمجال التدريب و حابب تكون مدرب فلازم تعرف ان الموضوع عبارة عن رحلة و كارير كامل مش مجرد powerpoint presentation و projector و خلاص و صلى الله وبارك على كدة.. لا خالص!
زي اي كارير بتحتاج تستثمر في الموضوع جهد و وقت و فلوس عشان تكون مدرب.

من أهم الحاجات اللي لازم تعرفها قبل ما تدخل في مجال التدريب او لو دخلت و اترقيت و لاقيت نفسك مدرب!
انك تفهم ايه الفرق بين الحاجات دي:
Training - Instruction - Teaching - Coaching - Consultation - Mentoring.

و بعد ما تفهم الفرق تعرف تستخدم ايه منهم امتى و كيفية الدمج ما بينهم عشان مش كل approach منهم بينفع في كل حاجة.

و كمان مهم انك تبقى عارف ايه الادوات اللي انت محتاجها في كل واحدة فيهم.

اعمل شير و اعمل mention لاهل الخبرة في المجال يجاوبوا معانا على الفرق مابين ال٦ حاجات دول و نبدأ نشرح ان شاء الله كل واحدة في post 💪🏼

في أول بوست ليا حابب اعرف الناس عليا.
أنا مصطفى فهمي شغال في مجال التدريب و التطوير من ٦ سنين و حالياً بشتغل في نفس المجال الى جانب التوظيف

رحلتي من موظف خدمة عملاء الى ال HR كان فيها تفاصيل كتير و حاجات انا بشوفها ممتعة ..
و الاهم من انها ممتعة، أنا دايماً بشوف لطف ربنا و ترتيباته لحياتي في كل خطوة انا واقف ليها ووصلتلها او ششكل خطوة فاتت في حياتي.

كل خطوة و كل نجاح و كل نقلة كانت بتجهزني لمشوار بعدها كبير.
كل ما افتكر ان عضمي طري و مش هستحمل الاقي ربنا مديني القدرة.
و من قدرة ربنا اللي ادهالي اني الفترة دي حاهز اشارك معاكم كل معلومة قدرت افهمها و اتعلمها و كل حاجة اتعلمتها في شغلي و في الحياة …

أنا عامل الصفحة دي مخصوص عشان انشر حاجتين
اول حاجة (اشياء ليها علاقة بالتدريب و التطوير و ازاي تبدأ في المجال ده و كمان ازاي تكمل فيه) لان ده جزء مهم اوي في شخصيتي

و هعلن هنا كمان عن كل الكورسات اللي انا بعملها و فيها فايدة حقيقية و مميزة للناس.

هدفي هو فايدة الناس.
دعائي المستمر لربنا طول حياتي (اللهم ارزقني علم ينتفع به) و انهاردة الدعوة هتزيد حتة (و اجعلني انفع الناس به)