"why stem?!"

#2 خرجت من STEM… ورحت فين؟

السلام عليكم ورحمة الله وبركاته. أنا شمس، دفعة 24، خريجة STEM إسكندرية.
قررت أحكي قصتي بطريقتي وباللغة العربية، لأنها الحاجة اللي بعرف أعبّر بيها عن نفسي و أفكاري، وكل واحد فينا بيكتب قصته بطريقته.
هجاوب على التلات أسئلة يمكن تساعد حد محتار، متردد، أو حتى محتاج يسمع إن في حد شبهه مر بنفس التجربة… ويلا بينا نبدأ👇🏻

1️⃣ احكي لنا عن رحلتك مع ستيم من أول لحظة عرفت عنها لحد دلوقتي؟
من أين نبدأ؟ نتيجة إمتحان الشهادة الإعدادية؟ التقدم لإختبار القبول؟ يوم 9 سبتمبر حين أعلنت النتائج؟ أول ليلة فى السكن؟ أم أول صباح فى المدرسة؟ أول عشاء أم أول فطور؟ أول ضحكة أم أول دمعة؟
مهلا، لقد تذكرت...
لكل بداية بداية و بداية هذة القصة كانت عندما أخذت القرار بأن أصبح متميزة أو ربما مختلفة.
أخذت هذا القرار فى سن ١١، فلم أكن تلك الطفلة صاحبة العلامات العالية من قبل!
أحب المذاكرة ولكن لا أبالى بالإمتحانات، أحب العبث واللهو هنا وهناك. حتى التحقت بدرس خاص عندما كنت بالصف الخامس و تعرفت على معلم كبير فى السن عالى المقام (جزاه الله عنى خيرا) دائما ما يحدثنا فى التاريخ و العلوم عن شخصيات مثيرة أشعلت تلك الشرارة بداخلى وفى هذا الفصل الدراسى حصلت على درجات عالية وفى السنة المقبلة حصلت على المركز الأول وبذلك انتهت مرحلتى الإبتدائية بنهاية لم يتوقعها الجميع ولم يخطط لها أحد حتى أنا وبدأت الدراسة الإعدادية فى مجتمع جديد أغلبه لا يعرف عنى سوى المستجدات الجديدة...
جاءت فترة كورونا و دخل الإنترنت لأول مرة منزلنا فى 2019 ! وفى تلك الفترة استغللت هذا الوقت و لأول مرة بدأت فى حفظ فى القرآن الكريم و فى تلك الأشهر حفظت جزء كبيرا وأتقنت التجويد. بعد نهاية الصف الثالث الاعدادى وحصولى على درجات عالية وفى يوم من الأيام كنت جالسة فى حجرتى أمسك بالهاتف وإذا بأختى الجالسة فى الناحية المقابلة على طاولة تذاكر لإمتحانات الثانوية العامة بتاعتها تقول لى: لم لا تدخلين مدارس ستيم يا شمس؟ وفجأة و بدون مقدمات فتح الهاتف اليوتيوب تلقائيا و هبت رياح قوية مرت على شاشة الهاتف و كتبت فى خانة البحث "يعنى ايه ستيم" و فتحت عشرات الڤديوهات تلقائيا فالتفت إلى نور و قلت لها "أنا هدخل ستيم"(عارفين الباقى انتو اكيد)
لم لا وسوف يعطينى هذا المكان ما ابحث عنه: التفرد. قدّمت وتم قبولي. كان يوم 25 سبتمبر، تجمع فيه الطلاب وأولياء الأمور أمام المدرسة، في انتظار دخول "السكن" لأول مرة. لم أتذكر شيئًا سوى الصمت... أو ربما الخوف، فالإنسان يخاف ما يجهله وبدى كل شيء مجهولًا بالنسبة لي، حتى نفسي لم أكن أعرفها وقتها. كنت أشعر أني غريبة.
ثم نادتنا مشرفة السكن لندخل. ودّعت والدي وسرت معهم، وشعرت براحة مؤقتة وأنا أعبر وسط الزرع الأخضر حول المبنى. ربما أحببته لأنه مألوف، وربما لكونه جميل، ولكنه ما أتفق عليه هو أنه ظل دائمًا ملجأي حين أبحث عن الهدوء أو عن نفسي. ومع اقترابي من الداخل، شعرت بضيق غريب، كأن جدرانه لن تتسع لكل ما بداخلي. جلست مع بعض الفتيات حتى صعدنا جميعًا إلى الطابق الأول لنبدأ أولى ليالينا في السكن
لكلٍ منا قصة مختلفة، وهذا ما يمكن استيعابه فى الوهلة الأولى عند النظر إلى تلك الوجوه. لا أعلم أي اختبار جمع هذا التباين داخل طابق واحد؟ وكيف؟... جلست مع صديقتي نبحث عن فتاتين لنسكن معًا، واقترحت إحداهن رقم غرفة، ولأننا لا نعرف شيئًا عن المعايير، اخترنا الغرفة "X" بلا نقاش. وهنا بدأت أول فصول قصتنا.
من مدوناتى:
عزيزتى الليلة الأولى،
لقد كان السفر من قريتى إلى السكن هنا متعبا للغاية، فضلا على ذلك، فقد كنت جالسة بجانب الشباك طوال الرحلة وأصيب جهازى التنفسى بعدوى بكتيرية على أقل تقديرى، لذلك تمنيت أن تكونى ليلة دافئة حتى أتعافى بشكل أسرع، ولكن هواءك كان باردا كما زادت تلك المروحة المعلقة أمام سريرى الأمر سوء...
كم تمنيت أيضا أن أحظى ببعض السكون الذى كنت أحصل عليه فى غرفتى القديمة ولكن صوت الصراخ والحقائب و الحديث كانا يملآن أركان المكان وجنباته، ملىء بالذبذبات المزعجة والكلمات الغير مفهومة. ولا أخفيك سرا فقد كان القرار الأكثر سوء هو أن ارتدى ملابس جديدة! فحتى الملابس كنت لا اعرفها، عزيزتى الليلة الأولى، حتى الهواء تنفسته بصعوبة فى تلك الليلة ولكننى أعلم أن الحياة اختيارات وقد اخترت أن أقضى تلك الليلة... هنا...
تحياتى,
على سيرة كيف غيرت تجربة ستيم بى فأنا لا أؤمن بفكرة "التغير"، بل "التطور". الإنسان بيحتفظ بروحه وصفاته، بس التجارب بتطوّر طريقة تعبيره وتعامله مع الحياة. وأنا مش استثناء.
تجربتي في STEM وما ترتب عليها بعدها ساعدنى بشكل كبير أن أقوم بتطوير مشاعرى لأفعال، فكتبت أول كتاب، وأصبح عندى قدرة أكبر أفهم وأعبر وأتكلم مع الناس ودا بالنسبة لى نقطة محورية فى حياتى.

2️⃣ إيه أصعب لحظة مريت بيها؟ وإزاي قدرت تتعامل معاها وتكمل؟
لحظة تعب، خوف، شك، أو حتى قرار صعب زي الخروج من المدرسة. ستيم كانت مليئة بالحظات الصعبة ولكن بالنسبة لى كشخص يفكر دائما بالمنطق، فأصعب لحظة بالنسبة لى كانت لما بيختل المنتطق بتاعى فى وزن الأمور ولعل أصعبها هى تلك اللحظات التى جعلتنى أتدارك أن الحياة معركة يفوز بها من يثبت ذلك لا من حقا يفوز بها. وحتى الآن لا أعلم ماذا أختار أحيانا أُثبت فوزى، أحينا أفوز حقا وأحيانا أترك ساحة القتال.

3️⃣ دلوقتي… إنت فين؟ بتعمل إيه؟ وإيه الرسالة اللي تحب توصلها لأي حد بيفكر يدخل ستيم أو لسه جواه؟
أين أنا الآن؟
أعيش حاليًا في أنقرة، تحديدًا في كيتشيورن، على بُعد نصف ساعة من جامعتي "غازي" الحكومية البحثية، حيث أدرس الهندسة بمنحة من الحكومة التركية. رغم أنني كنت أملك فرصًا للدراسة في مصر، اخترت هذه المغامرة لأتعلم أكثر عن الحياة.
أحيانًا تبهجني الأضواء والطبيعة الساحرة التى لم أعتدها كأحد سكان العالم الثالث، وأحيانًا يحزنني واقع اللاجئين من سوريا، العراق، اليمن، غزة، وأفغانستان كأحد سكان أنقرة و أحلم بوطن آمن و دافئ للجميع.
أكافح يوميًا لأحافظ على ديني ومبادئي وسط عالم يميل لانتاج نسخ مكررة، وأدرك أن النجاح الحقيقي هو أن تبقى أنت بدون مُشتت، تتعلم، وتفكر بشكل أعمق وتوازن الأمور بميزان صحيح. لهذه الأسباب، أُقدّر تجربتي في STEM وكل ما تبعها، لأنها فتحت لي عيونًا على جوانب الحياة الحمد لله.

#1 خرجت من STEM… ورحت فين؟

👋🏻إزيكم! أنا سارة، دفعة 24، خريجة STEM إسكندرية.
قررت اكتب قصتي هنا عشان أساعد كل حد محتار أو قلق، أو حتى تايه ومش عارف يبدأ منين.
قصتي مش استثنائية، بس يمكن تكون سبب إن حد منكم يطمن، يتحمس، أو يقرر يكمل الطريق.
هجاوب على تلات أسئلة محيرة أغلبكم، ويلا بينا نبدأ👇🏻

1️⃣ احكي لنا عن رحلتك مع ستيم من أول لحظة عرفت عنها لحد دلوقتي؟
عرفت عن ستيم وأنا في أولى إعدادي، وكنت شايفة إنها تجربة مختلفة ممكن تفيدني. كنت بتفرج على فيديوهات لطلاب من المدرسة بيحكوا عن رحلتهم، وفرص السفر والمنح اللي جات لهم بعدها، وده خلاني أحب أقدم.
أول سنة كانت صعبة، كل حاجة كانت جديدة ومحتاجة طريقة تفكير مختلفة: طريقة المذاكرة، نظام اليوم، وحتى التعامل مع الناس.
في الأول كنت بتردد في الكلام أو السؤال، لكن مع الوقت بدأت أتعلم إزاي أتكيف واشتغل على نفسي.
بدأت أتعرف على ناس أكبر مني، أخد منهم نصايح، وده ساعدني أفهم إزاي أذاكر وأنظم وقتي.
التجربة علمتني أعتمد على نفسي وأسأل وأدور، بدل ما أستنى الحل ييجي لوحده.

2️⃣ إيه أصعب لحظة مريت بيها؟ وإزاي قدرت تتعامل معاها وتكمل؟
من أصعب اللحظات اللي عدت عليا كانت في أول سنة في ستيم.
صدمة إني مش من الشاطرين زي ما كنت متعودة، وحسيت إني مش عارفة أتعامل مع النظام الجديد ولا أذاكر صح.
فضّلت فترة حاسة إني تايهة ومش في مكاني.
كل اللي مسيطر عليا إني أرجع لحياتي القديمة، لكن بدعم من أهلي وتشجيعهم بدأت أغيّر طريقتي في التفكير.
كلمت ناس أكبر مني وخريجين من المدرسة، وبدأت أتعلم منهم إزاي أنظم وقتي وأذاكر.
اشتغلت على نفسي، وبالتدريج الأمور بدأت تبقى أسهل، وبقيت أعرف أتعامل مع حياتي الجديدة.

3️⃣ دلوقتي… إنت فين؟ بتعمل إيه؟ وإيه الرسالة اللي تحب توصلها لأي حد بيفكر يدخل ستيم أو لسه جواه؟
أنا دلوقتي طالبة في منحة بكلية هندسة في جامعة النيل، وبدرس Computer Engineering. 💻
بحاول أطور من نفسي وأعوّض الفرص اللي حسيت إني ضيّعتها على نفسي وقت ما كنت في ستيم.
رسالتي لأي حد لسه في ستيم أو بيفكر يدخل:
من الطبيعي جدًا إنك تكون مش عارف إنت رايح فين أو هتعمل إيه.
وده مش معناه إنك فاشل أو متأخر.
المهم إنك ما تخافش تسأل وما تخافش تجرب.
جرّب كل حاجة نفسك فيها، حتى لو مش متأكد، لحد ما تلاقي اللي إنت عايز تحققه.
قدّم على كل الفرص اللي تقدر عليها، من غير ما تخاف من الرفض.
ولو اترفضت، اسأل "ليه؟" وخد الخطوة الجاية إنك تطوّر نفسك وتشتغل على الحتة اللي وقعت فيها.

📌استنوا القصص الجاية... كل قصة وراها تجربة، وكل تجربة ممكن تغيّر فيك حاجة!
تابعونا علشان تشوفوا باقي القصص، يمكن تلاقوا نفسكوا في حد فينا.

رجعنا بعد غياب طويل… بس مش زي زمان.
رجعنا أقوى، أنضج، وبفكرة جديدة ممكن تغيّر نظرتك لـ STEM كلها.

إحنا عارفين إننا غبنا كتير.
عارفين إن الصفحة دي كانت بالنسبالكم مصدر للراحة، والإجابة، والاطمئنان وقت الحيرة.

وساعات كنا إحنا كمان محتاجين نرجع نسأل نفسنا:
“هو فعلاً لسه في ناس محتاجة تعرف عن STEM؟ ولا خلاص؟”

بس الحقيقة؟
أنا محتار بين STEM و ثانوي عام
دخلت STEM ومش عارف أكمل

عرفنا إن دورنا لسه مخلصش.

عشان كده بدأنا سلسلة جديدة:
"خرجت من STEM… ورُحت فين؟"
بنشارك قصص حقيقية من طلاب تعبوا، غيّروا طريقهم، وسافروا، نجحوا، أو لسه بيحاولوا.
لو كنت واحد منهم، احكي قصتك بصوتك وصورتك… يمكن تكون سبب يطمن حد محتار.

📝 شاركنا من هنا:
https://forms.gle/uURacZXsRcGo9r7r5
تابعونا علشان تشوفوا أول قصة حقيقية من السلسلة!

بعد غياب طويل جينا من جديد بمساعده زي ما انتو متعودين مننا و مش اي مساعده كمان احنا حبينا نساعدكم للمره التانيه و ده هدفنا من اول يوم في البيدج "why stem?!"مساعده الراغبين و دايماً بنحاول نسهل الطريق
المطلوب عشان تجتاز اختبار القبول مراجعه المنهج من سته ابتدائي لحد ٣ اعدادي في معظم المواد بس من الصعب اوي انك تراجع الرياضيات و تفتح كتاب كتاب عشان تراجع على المنهج حبينا نسهلكم ده و عملنا ملازم رياضه ملخصه المنهج من سته ابتدائي لحد تالته اعدادي لماده الرياضيات لغات و عربي و ان شاء الله دايماً نساعدكم و ده هدف البيدج من اول يوم و اهم حاجه نكون عارفين و متاكدين
{إِنَّا لَا نُضِيعُ أَجْرَ مَنْ أَحْسَنَ عَمَلًا} فمتكسلش تنشرها لغيرك عشان غيرك يستفاد.
لينك الملازم:
https://drive.google.com/drive/folders/1-6G9LrPJFllhskQdqQaWAE7frsM8QL_t

Ramadan Kareem. 🕌♥️

It has been precisely 365 days since this page was first created. It's incredible to think how much time has passed since then, and how many new experiences and changes have occurred during this time✨
عدى سنه على البيدج و السنه ده كانت مليانه بانجازات كتير بالنسبه ان ده اول سنه للتيم.
ورا البيدج ده ناس كتيير اوي من ستيمات مختلفه و ده الحاولنا نعمله عشان نقدر نفيد الراغبين من مختلف المحافظات عشان نساعد اكبر عدد من الراغبين و يعرفو الفرق بين كل ستيمات حتى لو الفرق بسيط في شكل السكن او غيره و ده غير ان احنا طريقه كلامنا على البيدج في معظم البوستات باللغه العاميه بحيث نقدر نوصل المعلومه بطريقه اسهل للناس و للراغبين و يحسو بجد ان هما بيقرو حاجات من ارض الواقع.
يعتبر ده مقدمه بسيطه جدا عن البيدج و عن التيم حبينا نعرفكم اكتر عن الانجازات العملناها السنه ده.
اول حاجه:
سامر كامب في ستيم اكتوبر الجديده STEM Oct 11th District High School
كنا مسؤولين عن الطلبه الهناك لان مكنش ليهم دفعه اكبر تساعدهم حبينا نروح و نساعدهم و نفهمهم نظام المذاكره و ال activities و حاجات مختلفه و حاولنا نجاوب على معظم اسالتهم لان بعد كده مش هيبقى ليهم حد يساعدهم و الحمد لله المدرسه وفرت لينا اقامه و ده من احسن الحاجات و نشكر المدير: مستر محمد جوده.
تاني حاجه:
و هيا الملزمه اليعتبر حرفياً ساعدت ناس كتيير اويي عملنا ملزمه علوم بالعربي و الانجلش بحيث تساعد الراغبين انهم يراجعو العلوم من غير ما يفتحو المناهج من ٦ ابتدائي ل٣ اعدادي سهلنا عليهم كل ده في ملزمه و لقينا ناس كمان طبعت الملزمه ده و ذاكرت منها و ده يعتبر انجاز عظيم في حد ذاته.
تالت حاجه:
جروب الواتس العملناه و ساعدنا فيه حوالي 1000 راغب و عملنا جروب تاني لان الجروب الاولاني اكتمل كان عددنا حوالي 1550 راغب و راغبه و ساعدناهم و حلينا معاهم اسئله ايكيو و اي اسئله بيسالو عليها عموما بنجاوب عليها ده غير وقت التقديم ده غير اوقات كتير اوي هما كانو محتاجين حد يكون معاهم و يطمنهم و احنا الحمد لله كنا موجودين طول الوقت معاهم لان عدد التيم مش قليل.
رابع حاجه:
و ده اهم حاجه و هيا عدد الfollowers الوصلنا ليه خلال سنه واحده بس بالنسبه للناس ممكن يكون عدد قليل بس كان بالنسبه لينا انجاز كبيير اويي عشان نوصل للرقم ده
و ده يعتبر ممكن تكون انجازات قليله بالنسبه لناس كتير بس بالنسبه لينا كانت انجازات مليئه بذكرايات كتيير و فرحه كبيره استنو البوست الجي عن التيم عشان تعرفو مين الورا العظمه ده✨
Stay tuned for the next post to find out who is behind this great work✨

#74 اي هيا اماكن تجمع باصات كل مدرسه؟
حاولنا نجمع ليكم كل اماكن تجمع باصات المدارس عشان نقدر نساعدكم دايماً
————————————————
*ستيم اكتوبر*
1) رمسيس
2) جيزة
3) عبود
4) السلام
5) اكتوبر
6) الفيوم
————————————————
*ستيم معادي*
1) ميدان الرمايه
2) ميدان الحصري
3) ميدان الجيزه
4) رمسيس (قسم الازبكيه)
5) حلوان
————————————————
*ستيم عبور*
1) ميدان الجيزة
2) رمسيس
3) المؤسسه
————————————————
*ستيم اسماعيليه*
1) الهياكستيب او الحرفيين بيعدي على الشروق والعبور والمستقبل
2) المرج
3) موقف اسماعيليه
————————————————
*ستيم اسكندريه*
1) كيلو ٢١
2) موقف سيدي جابر
3) الموقف الكبير (محرم بك)
————————————————
*ستيم منوفيه (سرس الليان)*
1) شبين
2) المستشفي العسكري
3) الشهداء (بتاعت المنوفيه)
4) الباجور
5) لاشمون
6) طنطا
7) القاهره
————————————————
*ستيم منوفيه (السادات)*
1) الرمايه
2) المؤسسه
3) السادات
4) شبين ليه باصين
5) منوف
6) اشمون
7) شرقيه
————————————————
*ستيم فيوم*
1) رمسيس
2) فيوم
3) الجيزة (الرمايا والميدان)
————————————————
*ستيم شرقيه*
1) مؤسسه
2) المرج
3) السلام
4) منوفيه
5) ميت غمر
6) منصوره
7) ديرب نجم
8)منيا القمح
9) ابو حماد
10) فاقوس
11) عبور
————————————————
*ستيم غربيه*
1) المحطه
2) سبربري
3) المعرض
4) الجمله
————————————————
*ستيم دقهليه*
1) ستاد
2) طلخا
————————————————
*ستيم كفر الشيخ*
1) موقف كفر الشيخ
————————————————
*ستيم البحر الاحمر*
1) موقف جو باص
2) موقف الاقاليم
————————————————
*ستيم بني سويف*
1) عبور
2) محي الدين
3) المنيب
4) فيوم
5) رمسيس
6) حلوان
————————————————
*ستيم سوهاج*
1) موقف بحري
2) موقف قبلي
3) المحطه
————————————————
*ستيم المنيا*
1) باص محطه القطر
2) بيعدي على القريبين من المدرسه
————————————————
*ستيم قنا*
1) قنا الجديدة
2) الحي الاول
————————————————
*ستيم اسيوط*
1) موقف الأزهر
2) محطه القطر
3) جامعة أسيوط
4) عند الملف
————————————————
*ستيم الاقصر*
1) محطه الاقصر
————————————————
*ستيم اكتوبر الحي ال11*
1) ميدان الجيزه
2) رمسيس
3) حصري
4) فيوم قدام عماره مصر للتأمين
————————————————

"الخير مش دايماً بيبقى عطاء سعات بيبقى منع"
بعد ظهور النتيجة وانتهاء موسمنا عائله"why stem?!" بنتمني أن تكونوا اتعلمتوا اي حاجه فادتكم و اهم حاجه أننا قدرنا نساعدكم طبعا لكل بداية نهاية و لكل نهاية بداية و طبعا الناس اللي متقبلتش اكيد ربنا شايلهم الخير في مكان احسن مش لازم يكون ستيم و لازم نصبر علي قضاء الله و الابتلاء مش لدخول ستيم أو غيرها بل في الحياة كلها.
وطبعا ستيم مش نهاية الطريق بل بداية لطريق جديد زي ما ثانوي بداية بردو لطريق جديد و طبعا كلهم في الاخر طرق للنجاح.
ستيم و ثانوي عام مركب واحده و في الاخر الاتنين هيدخلونا جامعه ايً كانت الجامعه ده بس في الاخر ربنا هيختارلك الجامعه زي م اختارلك ثانوي عام او ستيم و طبعا شغلك و مجهودك عامل أساسي و خلينا دايماً فاكرين (إِنَّا لَا نُضِيعُ أَجْرَ مَنْ أَحْسَنَ عَمَلًا).
في النهاية كانت سنه ممتعه عرفنا فيها طلاب مش بيستسلموا بسهولة الف مبروك للي اتقبلوا و الف مبروك للي متقبلوش وطبعا عائله why stem معاكم في أي سؤال ويا رب نكون قدرنا نساعدكم وكان فخر لينا اننا نكون معاكم.♥️

Two Thousand followers!♥️
A great achievement we are all very proud of. We are really grateful to have come to this moment. We hope to always be up to your expectations. Thank you to everyone who helped make this moment possible.

#73 هيا النتيجه بتظهر امتى؟
النتيجه اولاً بتظهر في شهر 9 بس مش في اوله و لا في نصه بتبقى في حدود 8/9 او 10/9 و مش بتظهر بالليل بتظهر على العصر .

#72 هل لو الكهربه قطعت او السيستم وقع كده الامتحان راح عليا؟
اولاً في حاله ان الكهربه بتقطع بيمشو الطلبه اللجنه و الطلبه المفروض بيسيبو رقمهم و بيناتهم و هيتواصلو معاهم و يحددو معاد تاني للامتحان
ثانياً في حاله ان السيستم وقع بينقلوك على جهاز تاني في اسرع وقت بحيث مفيش وقت كبير يضيع منك و زي م موضح في الصوره النازله مع البوست ايام اعاده الامتحان لو حصل حاجه من الحاجات ده و اكييد بيتواصلو معاك بحيث يعرفوك يوم اعاده الامتحان لو انت سايب بيانات.

#71 اي الآخده معايا في امتحان القبول؟
١) ورق و قلم و الآله الحاسبه
٢) منقله (بحيث لو لقدر الله وقف معاك سؤال في زاويه بتحاول تقسيها و تقربها و تطلع الناتج)
٣) مرايه او ورق شفاف
٤) ورق متقطع لاشكال المكعب السته
٥) ساعه يد (عشان سؤال الساعه و عقاربها)
٦) شوال و ده اهم حاجه عشان ان شاء الله تجيب فيه الامتحان