Coach Omnia

هنكمل الجانب المرضى( disease)
علشان نعرف سبب النحافه لازم نعمل شوية تحاليل علشان نعرف فين المشكله ومن اهمهم :

1️⃣ فحص وظائف الغدة الدرقية
من التحاليل المهمه جدا علشان نعرف سبب النحافة و خاصة فحص هرمون المحفز للدرقية (TSH) علشان نعرف لو في فرط نشاط الغدة الدرقية ولا لا .

2️⃣ فحوصات معايير الالتهاب
بتوضح وجود عدوى جرثومية أو التهابات
وبتشمل فحوصات فحص البروتين المتفاعل من نوع C وفحص سرعة ترسب الدم (ESR).

3️⃣ تحليل البول
من التحاليل المهمه جدا لمعرفة سبب النحافة(Urinalysis) بيوضح لو في عدوى جرثومية أو ضعف كلوي أو جفاف.

4️⃣ تحليل البراز (Stool Occult blood)
بيوضح لو في نزيف معوي، أو عدوى جرثومية، أو فقر دم

5️⃣ تحليل صورة دم شامل (CBC)
بنعرف من خلاله لو في عدوى جرثومية أو الإصابة بفقر الدم.

6️⃣ فحوصات السكر في الدم نوعين
فحص خلال صايم (FBC)، وفحص السكر التراكمي (HbA1C)

Coach.Omnia

عندنا 3 اسباب للنحافة
1/ جيني (genetic)
2/ مرضى( disease)
3/ نفسي ( psychological)
واتكلمنا امبارح عن السبب الجيني المنتشر هنتكلم النهارده عن السبب المرضي
بيجيلي حالات يقولولي احنا بناكل كتيييير جدا وبردوا مش بتخن 🤨
وقتها بنلجأ للجانب المرضى( disease) اللي بيتمثل في :

1️⃣ نشاط الغدة الدرقية (Hyperthyroidism) أو الإفراط في علاج الغدة الدرقية او اضطرابات في الغدد بمعني لو حرقنا عالي وبنتناول سعرات كتير او كميات كبيره جدا من الاكل ومش بنزيد بنسبه كبيره سببها هو نشاط الغده الدرقيه

2️⃣ مرض السكري وتحديدًا في الحالات غير المشخصة وبالأخص السكري من النوع الأول وقتها الجسم بيبدأ يحرق الدهون والعضلات علشان يحصل علي الطاقة ده بيخلينا نفقد وزن كبير مع العلم ان الحالة دي ديما بتحس بالجوع المستمر مع تبول متكرر و ده بيخلينا نفقد وزن كبير من جسمنا

3️⃣ التهابات مزمنة زي التهاب المفاصل الروماتويدي أو الذئبة (Lupus)

4️⃣ بعض أمراض القناة الهضمية زي جرثومة المعده و قرحة المعدة او الاضطرابات الهضمية المختلفة اللي بتشمل حساسية القمح و اللاكتوز

Coach.omnia

النحافه ليها اسباب كتير‼️
هنتكلم النهارده عن اهم سبب يعتبر 90% بيعانو من نفس السبب واشهرهم بالمناسبه وهو (الجينات)

هقولها للمره المليون 😂
الجينات بتلعب دور مهم في شكل جسمنا وفي الشهيه ولكن بتلعب دور ضئيل جدا جدا لاننا بكل بساطه نقدر نتغلب عليها حتي لو جيناتنا بتقول عكس كده عن طريق حاجات بسيطه جدا لو مشينا عليها بشكل صح و انتظمنا هنلاقي نتيجه رهيبه بجد 🥹❤️

1️⃣ ممارسة الرياضه وخصوصاً (Resistance training) تمارين المقاومة ونركز علي (Progressive overload) الزياده التدريجيه في الاوزان بشكل صح وهنتكلم عنه بالتفصيل في بوست تاني

2️⃣ اتباع نظام غذائي صحي و محسوب السعرات الحراريه ولازم نحسبه بشكل دقيق جدا ونوزع السعرات علي العناصر الغذائيه (البروتين- الكربوهيدرات-الدهون الصحيه) بشكل متوازن و لازم استمراريه 👌🏻

3️⃣ تنظيم النوم (النوم بدري) من الاخر يعني 😂
ليه عامل كبير جدا في علاج النحافه لان من خلال تظبيط النوم بنقدر نظبط هرمونات جسمنا و من اهمهم هرمون (التستوستيرون) و هرمون (النمو) و غيرهم من الهرمونات اللي بتساعد علي كفاءة معدل الحرق في الجسم نامو بدري

4️⃣شرب الميه مهم جدا جدا وجسم الانسان بيحتاج في العادي من لتر ونص لتلاته لتر في اليوم علشان نلاقي نتيجه ملحوظه في نمو و زيادة الكتله العضليه في الجسم

وطبعا لسه في اسباب تانيه كتير هتكلم معاكم فيها الفتره اللي جايه 🥰

Coach.Omnia

فرحتها بالنتيجه اللي وصلنا ليها بعد تعب و كلام محبط و شويه Up و شويه down 🥹
و بالذات مع حالات Hardgainers (النحافه) بجد بيفرحني جدا وبيضيع تعب الرحله والاضطرابات اللي بنمر بيها مع بعض
الحاله دي كانت بتاعني من (PCSO) متلازمة تكيس المبايض وكانت فاقده الامل انها تزيد بشكل طبيعي بس مع دايت متوازن والاهم من التوازن ان انوعلها الاكل واضيف عناصر بتحبها علشان تقدر تستمر وفي اقل من 30 يوم قدرنا نوصل لنتيجه حلوه جدا 👏🏻😍

نتيجة الالتزام بالتعليمات و في خلال مده بسيطه جدا
زادت بشكل طبيعي بدايت متوازن بدون وصفات ولا تركيبات فيها كورتيزون ولا اعشاب مجهولة المصدر

⛔ ديما هفضل اقول الاهم من انك تزيدي اتاكدي انك تزيدي بشكل صحي ميأثرش علي وظايف تانيه في جسمك

3اخطاء بيمنعو نزول الدهون

كلنا بنقع في نفس الاخطاء و في اعتقدنا اننا تمام هنخس كده لكن بيعملو مشاكل

اول حاجه انك متعمليش نظام غذائي في عجز سعرات حراريه وبتاكلي بشكل عشوائي او بتعتمدي علي انك تقللي اكلك بس من غير حسابات

تاني حاجه Binge Eating الاكل العشوائي او (النقنقه)
يعني لو عامله دايت و بتلقطي حاجه من هنا وحاجه من هنا للاسف ده بيأثر علي نزول الدهون و للاسف بتعمل مشاكل وخصوصا وقت فترة الدايت فنلتزم بالتعليمات بالظبط علشان ننزل الدهون

تالت حاجه دي مش بناخد بالنا منها كتير و هي Cheat Meal (الوجبه الفري) بناخد وجبه فري كبيره جدا وبناكل كل حاجه نفسنا فيها من غير حسابات وخصوصا لو في نهاية العشر ايام بتوع الدايت للاسف كده بنضيع بيهم كل عجز السعرات وبنبوظ الدايت في الاخر فناخد بالنا

Coach.Omnia

حابه اتكلم في حاجه بشوفها كتير جدا

اي دكاتره تخسيس بتنزل انظمه دايت لكل الناس و نفس الورقه بنفس النظام للاسف ده مش صح و اي دكتور يقولك خدي الورقه وطبقيها اوعي تعملي كده هتخسي ايوه هتخسي بس للاسف الشديد جسمك هيفقد عناصر غذائيه كتير وهيرجع تاني لنقطة الصفر
لأن كل واحده جسمها يختلف عن التانيه مش معني أن انا و انتي نفس الوزن يبقي نمشي علي نفس النظام

الصح انك تعملي( انبادي ) نوزن و تعرفي وزن العضل و المياه و الدهون و الحرق و العظام و علي الأساس ده بيتحطلك جدول تمارين و جدول أكل و بندخل مكملات لو جسمك محتاج

و بنركز علي نزول نسبه الدهون علشان نمنع أي ترهلات و النظام بيبقي شامل دهون صحيه و كربوهيدرات و بروتينات

و بيتم مراعاه أن لو عندك اي مشاكل صحيه أو أي أمراض مزمنه

اللي بيمشي على النظام ده فعلا بيضمن أن النظام الصحي و أن عمره ما يرجع يتخن طول حياته
لو لقيتي أي حد بيمشي علي النظام ده امسكي فيه بايديك و سنانك و اعرفي أن الشخص ده عنده ضمير و همه فعلا أن حياتك تتغير للاحسن

الناس المشتركه معايا عارفين ان النظام ده اللي ماشيين بيه و محقق نتايج حلوه جدا الحمد لله 🤍

انا بحب شغلي جدا بجد
بتعامل ف شغلي بكل طاقتي وشغفي وتقريبا كل اللي اتعاملو معايا بيشوفو ده مني
بفرح اووي لما لاقي حد كان عايز يوصل لهدفه
وانا ساعده يوصل ل ده
بفرح لما لاقي عندهم امل وفرح لما لاقي ابتسامتهم علي وشهم و دعواتهم ليا كل ميفتكرو ان انا السبب ف اللي وصلو ليه انا مش بحارب لسمنه او النحافه انا بحارب اليأس وعدم الأمل بحارب التنمر اللي احنا بنشوفه من اللي حولينا
ديما هفضل وهكون فخوره ب بشغلي وهوايتي المفضله ان افرح الناس ديما ❤️🥰
Coach.omnia

لكل اللي كانو منتظرين الكامب ده او كانو عاوزين يشتركوا معايا نظام غذائي ومش عارفين دلوقتي عملتلكم عظمه

كامب تخسيس مجااني تماما يعني مش هيكلفك غير قرارك و إردتك في تغيير حياتك للأفضل يلا بينا ندخل في الموضوع على طول
ليه نشترك في الكامب يا كابتن امنيه وايه الهدف من 4c camp
الهدف مبني علي 4 ثوابت
(Challeng - change - comfort - confidence)
تحدي ⬅️ تغيير ⬅️ راحه⬅️ ثقه

شروط الكامب
✨وزن فوق 80 كيلو
✨الإلتزام وإلي مبيلتزمش انا بعرفه وللأسف هيكون Out😁
✨تصوير الميزان قبل البدء وهتبعتيلي السن والطول
✨️كل اسبوع بنوزن علي ميزان رقمي عادي ونبعت وزننا ونبدأ دايت جديد
✨أي بنت بتاخد علاج تبعتلي ضروري جدا وتعرفني بتاخد إيه
✨الالتزام بالكارديو إلي يتبعت من غير كروته علشان بعرفكم والله 👀
بكرر تاني اللي مش هيلتزم out🤦🏻‍♀️

💥مميزات الكامب وتوضيح فكرته
✨️بنبقي مجموعه عاملين جروب عالواتس اب
✨هبعتلكم تمارين نقدر نعملها في البيت من غير جيم
✨ هنبقي عاملين ماراثون يومين في الاسبوع هننزل نجري ونشجع بعض نبني عادة رياضيه جديده
✨️بنعمل فكره التعايش اليومي مع تغيير العادات السلبيه
✨️بنبقي منظمين وعندنا مواعيد نفطر ونتغدي ونتعشي
✨️ الدعم الجماعي لأي مشترك عزيمته بتقل في النص
✨️المعسكر مدته 4 أسابيع متتاليه الهدف منهم خسارة الدهون بطريقة صحيه
✨️كل اسبوع دايت مختلف عن إلي قبله
✨️بنجاوب كل الاستفسارات وسط جو جميل و روح حلوه
✨المتابعه اليوميه هتلاقيني يوميا راشقه في يومك لا مفر
✨بكرر تاني اللي مش هيلتزم out

وانا متأكده ان اول سيزون من الكامب هيكون جروب حلو جدا كله دعم و طاقه حلوه وهنشجع بعض و دي اهم حاجة في رحلة الدايت♥️
ابعتيلي اسمك والوزن والسن والطول في رساله لو متاكده انك عندك قوة اراده و تحدي وهتستمري 30 يوم معايا بكل الشروط اللي قولتها فوق ⬆️

🏆اعلي ٣ متنافسين انتظمو علي كل الشروط وحققو تارجيت كويس بيكون ليهم مكافأة مني 🙈♥️

اللي هيشترك في الكامب يبعت علي رسايل الصفحه
او التواصل واتساب: 01212856715