14/08/2021
ناس كتير مش عارفه ايه هو الكورس بتاعي أو الغرض منه ايه. وعشان كده قررت اعمل البوست ده وهجمع فيه أهم الأسئلة اللي دايما بتتوجهلي 🔊
✨ ايه هو الكورس بتاعي؟
هو كورس تأسيس عميق ودقيق وشامل لكل فروع اللغة (grammar, structure, comprehension, writing, reading and language functions) وكل الفروع مطبوعه طباعة فاخرة ومتضمنه مجموعة من التدريبات للتدريب عليها كواجب منزلي.
✨ ايه الفايده من الكورس؟
إن الطفل بيتعود أنه يستخدم اللغة بشكل عام وطبيعي بعيد عن حفظ ملزمة المدرسة واللي بيخليه يفضل دائما معتمد على الدرس الخصوصي اللي هيحفظه بدل ما يفهمه.
✨هل يغني الكورس عن تدريس منهج المدرسة؟
طبعاااااا. لان الكورس بتاعي أشمل وأعمق وأكثر تفصيلا عن منهج المدرسة. مثلا لو ابنك اخد درس present perfect tense وهو ضعيف في past simple and past progressive هينتج عنه أنه مش هيعرف يفرق بين الدروس وهيحصله لخبطة.
وبالتالى الكورس بتاعي بيتلافى الاخطاء دي عن طريق دراسة منهج ال grammar من أوله خاااالص والتدريب عليه.
✨ هيفيد الكورس ابني ازاي بشكل اكاديمي؟
حضرتك هتحسي أن تحصيله وتفوقه في المدرسة أصبح واقع ملموس. بالإضافة لقدرة استيعاب الطفل وتقدمه في باقي المواد الأخرى والتي تدرس باللغة الإنجليزية، لانه هيكون فهم معايا ازاي يكتب بشكل صحيح ويفهم المعلومة ويبحث عن أي شيء يواجهة غير مفهوم أو صعب بشكل اكاديمي صحيح.
✨ أنا كأم.. دوري ايه في الموضوع ده؟
ضمان نجاح الكورس بيعتمد بشكل كبير على متابعة الام لساعات دراسة ابنها، وأنه يكون عمل الواجب بخط جميل وبتركيز. أو أنه فعلا يتم قراءة قصة أعرتها له.
عادة أنا بشرح للأم في أول مقابلة بالتفصيل تتابع ازاي .. ولكن دون التدخل في الشرح 🙈
✨ اتوقع ايه بعد تحدي ال 3 شهور؟
حضرتك، وإن ساعدتيني فعلا بالمتابعة الجادة، هتلاقي أن بعد 3 شهور اولادك عمرهم ما هيحتاجوا مدرس انجليزي تاني في حياتهم عشان على نهاية الكورس الطفل بيكون جمع ملف محترم فيه كل صغيرة وكبيرة عن اللغة في كل فروعها. والملف ده حقيقي والله يورث جيل بعد جيل لأن ببساطة قواعد اللغة اللي بدرسها لم ولن تتغير.
لسه بتفكرني ليه؟؟ يلا إلحقي مكان اولادك 🥰