اروح فين اتدلع

Contact information, map and directions, contact form, opening hours, services, ratings, photos, videos and announcements from اروح فين اتدلع, Education, 6 October city, Cairo.

17/03/2024

مطعم عمو أشرف كبده و مخ ومشويات عمو اشرف ٦اكتوبر الحى السابع Ashraf Hamdi Mohamed Ashraf

ايه الجمال ده 🤤
ايه الجمال ده 🤤
ايه الجمال ده 🤤
بجد تسلم ايدكم
الواحد مكنش عارف يبدأ منين ولا منين 🤯🤤

#مطاعم #مطعم #فطور #٦اكتوبر

13/12/2019

Soho Square, sharm elsheikh

هو يلا بينا على شرم ولا ايه🤔
ايه الحلاوة ديه!
ديكورات الشوارع فى شرم يا ناس فى منطقة سوهو سكوير
المنطقة ديه معروف عنها انها اكبر منطقة تجمع مطاعم و كافيهات و ديسكوهات و خروجات فى شرم
بتكون وهمية بالليل
و طبعا و بما أن شرم مشتى ف يلا بينا على شرم بقى😂🤩

13/12/2019

أركان مول — الشيخ زايد

يالا روحوا اتصوروا

المكان دة عامل أضخم شجرات لراس السنة وفى أماكن للعب كمان

أركان بلازا فى الشيخ زايد مكان مستحيل تقعد فى مرة ومتروحش تانى مرتين تلاته فى نفس الشهر من جمالة وشياكتة
المطاعم والكافيهات اللى موجودة فيه شيك جدا

العنوان: مدخل زايد ٢٠٠٠ بعد هايبر وان، اركان مول

13/12/2019

Club house Madinty

شايفين الزينة بتاعت رأس السنه اللى فى الصور دى

أيه رأيك لو تروحوا و تتصور فى كل ركن فيه وكمان تحضر حفله ببلاش و كمان ولادك يلعبوا فى كيدز أريا

يعنى حضرتك تصحى يوم أجازتك وتاخد ولادك وتطلع تقضى اليوم هناك ومش هيكلفك ألا بنزين عربيتك وبس

اهو المكان ده دخوله ببلاش وعاملين كمان حفلات فى الويك أند ده وكل ويك أند لغاية أول يناير ... بمجرد ما توصل هتلاقى شجرة الكريسماس ومساحة خضراء كبيرة اوى ( حاولوا تروحوا المهرجان من اوله علشان تتصوروا فى النور وفى الليل كمان ) و أماكن للتصوير بعد كدة تلاقى منطقة للعب الأطفال و يرسموا على وشوشهم والكلام دة بفلوس قليلة اوى .. شوية وتلاقى شو للاطفال بدء

وفى ايام هتلاقوى Marching Band ودى فرقة بتعزف موسيقى وهى بتتحرك حواليكم .. وتلاقى بعد كدة عزف SAX وطبلة ..

وكمان هتلاقوا جزء بيبع حاجات الديكور بتاعت رأس السنة ممكن ب 100جنية تشبرق بيتك وعربيتك بشوية حاجات من ام لون احمر فى اخضر اللى بتدى بهجة دى ..

وكمان فى كافية لابوار كبير هناك للى عاوز يشرب او يأكل

وعلى فكرة الفقرات بتاعت الحفلة بتتغير كل أسبوع عن اللى قبلة يعنى أعمل حسابك فى فسحة كل أسبوع

والاهم بقى أنك اساسا لو عندك حاجة محتاج تسوق لها او فكرة جديدة بتتواصل مع الناس اللى ماسكين المكان وتعرض فكرتك وممكن تقف تبيعها هناك كمان

الموضوع ككل مبهج جدا جدا وطول اليوم هتلاقى نفسك منشكح ومبتسم 😊
العنوان : مدينتى Club House -- Gate 1

13/12/2019

Downtown katamia

استكمالا لتجميعتنا ليكم للأماكن اللى عاملة ديكورات حلوة لرأس السنة

المول ده فيه اكتر من 150 محل و مطعم و كافيه😲
يعنى يلا هدى الفيزا من جيب جوزك و انزل جرى على هناك😂😜

و كمان ممكن بس تتمشو و تغيروا جو و تتصورو مع الديكورات الحلوة ديه منغير متدفعو ولا جنيه🤑

وانت بتتمشى و حواليك موسيقى الكريسماس والديكورات ولسعة البرد الحلوة بتاعت التجمع هتلاقى نفسك فى أقصى درجات السعادة حتى لو مش هتعمل اى حاجة وتتمشى بس

عارف حاجة زى دى بتزود هرمون السعادة 😍
ممكن تروحوا تتصور هناك بالموبايل الصور بتطلع حلوة اوى

العنوان : أول شارع ال٩٠ بعد كايرو فيستفال

13/12/2019

Capital business park
كوكب اكتوبر يا جماعة
عامل ديكور و لعب و حاجات لاحتفالات رأس السنة مش طبيعية من حلاوتها🤩

هتتصور انت و صحابك لحد متزهقو
و طبعا المول فيه كافيهات و مطاعم كتييير تستمتع بالاكل فيها
غير أنه زى ما انتو شايفين فيه اماكن للاطفال عشان لو انتو أسرة تقدرون تتفسحو و تستمتعوا بردو 💃⁦🕺🏻⁩

العنوان: الشيخ زايد، على المحور المركزى

13/12/2019

Al Guezira Plaza
الجزيرة بلازا- الشيخ زايد- اكتوبر

خد صاحبك البائس و روحو علي الجزيرة بلازا اتصور 📸

المول هيعمل حفلات علي مدار الشهر
و هيشغلو افلام بتاعت رأس السنة علي الشاشة العملاقة
ممكن تستمتع بالتمشية فى المول فى وسط المظاهر الاحتفالية الجميلة ديه ببلاش
أيوة ببلاش
مهو انت مش لازم تقعد على اى كافيه أو مطعم عشان تدخل المول🤩

وكمان هيعملو شوء ب النوار و اغاني الكريسمس كل ساعة علي المبني بتاعهم 💃💃

روحو اتصور مع الديكور 💃

و للناس اللى بتحب الخروج و الصرف المول فيه كافيها وبرندات حلوة كتيرة و فيه كافيهات قعدتها اوت دور حلوة وفيه و مطاعم كتيرة زي

‏Fuego Sushi
‏Kazouza
‏Cinnabon
‏Nine 63
‏Lucca steakhous
‏Costa coffee
‏Peking
‏La Taberna
‏Butcher’s Burger
‏Cairo Jazz Club 610
Butcher’s Burger
Spaghi
The muse
Casper & Gambini’s

العنوان : الشيخ زايد امام بوابة زايد ٢٠٠٠