أكاديمية صناع الحياة

الله اكبر الله اكبر 😊

تفتكر هيتحاسبوا على انهم يحفظوه و لا يعملوا بيه
بستغرب لكتير من الشباب و البناات ..... الملتزمين
لما بيفكروا في تربية اولادهم
اتجوز عشان اقيم بيت مسلم
و عيالي يحفظوا القرآن ... و نقعد نقرأ مع بعض و نقول الأذكار
و ولادنا يقولوا ابي و امي بدل بابا و ماما!!!

بس انا عايز اقولك كلمتين و ياريت تغهم قصدي صح
عشان ميبقاش التركيز في اتجاه واحد بس
عايز ولادك يحيوا أمة ....
حبهم
حبهم أوووووي و حسسهم بده
احضنهم
ابنك محتاج حضنك
عشان يكتسب ثقته بنفسه
محتاج صداقتك
وخبرتك في الحياة
عشان يعرف ان الحياة مش مكان مثالي و ان الشر فيه قائم و مش وظيفته يزيله لكن مهم يقاومه و يعامل الناس باخلاقه مش باخلاقهم و يعرف اصنافهم و اشكالهم عشان يعرف يعاملهم
عرفوا اننا بشر مش ملايكة و لا شياطين و كلنا جوانا الوحش و الحلو
و ان في اصول جوانا و هتفضل جوانا بس مش هنلاقيها دايما حوالينا
و اننا لازم نتعلم نتعامل مع المجتمع بكل مشاكله عشان منعيشش في عزلة
كده افضل ما تطلع مسخ حافظ و مش فاهم بيتنطع بكلمات بتزود عليه الغربة جوا مجتمع مبيرحمش
شخص انطوائي فاقد ثقته بنفسه ... اتربى على مثل عليا .... بيفتقدها في كل لحظة بيحتك فيها بالحياة و يمكن حتى يفتقدها فيك انت شخصيا
و ساعتها هتنهار عنده منظومة القيم بالكامل
للحديث بقية