د. نور النني Dr. Nour Elniny

ككوتش، ماينفعش تبدأ الجلسات من غير اتفاق واضح ومكتوب.. دي مش رفاهية، دي واحدة من أهم مهاراتك الاحترافية. 📜✨
بالاتفاق ده إنت بتحفظ حقوقك وحقوق عميلك، وبتبني أرضية صلبة من الثقة قبل ما تبدأوا الرحلة.
طيب الاتفاقية دي المفروض تشمل إيه؟
✅ توضيح ماهية الكوتشينج: إنها مش استشارة ولا علاج نفسي، والعميل هو المسؤول عن نتايجه وقراراته.
✅ الخصوصية والسرية: تأكيد إن كل اللي بيتقال جوه الجلسة "سري تماماً" (إلا في حالات استثنائية قانونية).
✅ اللوجستيات: عدد الجلسات، مدة كل جلسة، والمواعيد.
✅ سياسة الإلغاء والتأخير: إيه اللي بيحصل لو العميل اعتذر فجأة أو اتأخر؟ (عشان تحفظ وقتك).
✅ الاتفاق المادي: تكلفة الرحلة، طريقة الدفع، وسياسة الاسترداد.
خليك متأكد ان :
الاتفاق الواضح بيشيل أي "لخبطة" أو توقعات مش في مكانها، وبيخليك تركز 100% في مساعدة عميلك وإنت متطمن.
يا ترى إيه أكتر بند بتشوف إنه بيفرق جداً في علاقتك مع العميل لما بيكون مكتوب وواضح؟ 👇
#كوتشينج

ككوتش، مش كل حد يجيلك هو “عميلك”.. مهارة الـ Referral (( التحويل ))✨

في بداياتنا ككوتشز، بنبقى عايزين نساعد كل الناس، وبنخاف نقول “لأ”.. بس الحقيقة إن من أهم مهارات الكوتش الشاطر هي إنه يعرف يحدد مين هو عميله فعلاً، ومين اللي لازم يعمله Referral فوراً.

إيه هي الحالات اللي لازم تقول فيها: “الكوتشنج مش مناسب ليك”؟

❌ المحبوس في الماضي: لو العميل لسه مش جاهز ياخد خطوة لقدام، وعاوز بس يفضل يحلل ويحكي في اللي فات.. ده مش دورك ككوتش، ده دور المعالج النفسي.
❌ أفكار الإيذاء: لو فيه أي إشارة لإيذاء النفس أو الغير، ده “خط أحمر” ومكانه عند الطبيب النفسي فوراً.
❌ التعب النفسي: زي الاكتئاب الحاد، القلق المرضي، أو اضطرابات الأكل.. الكوتش بيتعامل مع “الأصحاء” اللي محتاجين تمكين، مش علاج لاضطرابات.
❌ الإدمان: سواء إدمان مواد مخدرة أو إدمان سلوكي حاد، دي حالات محتاجة برامج علاجية متخصصة ومصحات.
❌ الصدمات العنيفة (PTSD): الصدمات اللي لسه “نشطة” ومأثرة على حياة العميل اليومية بشكل يعطله عن الحركة، محتاجة “تروما ثيرابيست”.
❌ البحث عن نصيحة جاهزة: الكوتش مش استشاري.. لو العميل جاي مستني منك “تعمل إيه” بدل ما يكتشف هو عاوز إيه، يبقى لسه مش مستعد لرحلة الكوتشينج.

و نصيحه ليك
ماتخافش وإنت بترفض عميل بالعكس! لما بترفض العميل “الغلط” اللي هتضيع معاه وقت ومجهود و مش هتوصلوا لنتيجه ، إنت بتفتح باب للعملا “الصح” اللي هيساعدوك انك تبني اسمك في المجال بثقه.

يا تري واجهت قبل كدة صعوبة إنك تقول لعميل “أنا مش الكوتش المناسب ليك”؟ ؟

#كوتشينج

للأسف ال overthinking له مميزات فعلا بيحسسك انك زكيه و فاهمه كل حاجه و فعلا بتقدري تتوقعي حاجات ممكن تحصل و تفسري حاجات حصلت و تاخدي حظرك
بس هو كمان اللي تاعب جسمك و مسببلك الصداع و مخليكي مهما نمتي تحسي ان جسمك مكسر و محسسك انك ماعندكيش طاقه تعملي حاجه
في الجلسات التخلص من ال overthinking سهل بس لو انتي واخده القرار تتخلي عن احد قواكي الخارقه مقابل سلامه قلبك و عقلك و جسمك
انتي بقي قررتي تختاري ايه ؟

ككوتش، محتاج تكون تعبير حقيقي عن اللي بتقدمه:
1️⃣ مبادئ واضحة: مينفعش تكون كوتش "مُشتت" أو معندكش بوصلة أخلاقية ومهنية واضحة. العميل بيثق في "ثباتك" قبل كلامك.
2️⃣ عقلية مرنة (Growth Mindset): لو وقفت تطوير في عقليتك، هتفضل محبوس في أدوات قديمة، والعميل أذكى من إنه مياخدش باله إنك "محلك سر".
3️⃣ الواجهة (Your Presence): شكلك، حضورك، وطريقتك هما أول رسالة بتوصل للعميل. مش المقصود الرفاهية، لكن المقصود "الاحترافية" والاهتمام بالتفاصيل اللي بتقول: "أنا بحترم المهنة دي".
الخلاصة:
الناس مش بتشتري "برامج"، الناس بتشتري "نتيجة" هما شايفينها متجسدة فيك أولاً. اشتغل على نفسك كأنك أهم عميل عندك.

جسمك مش مستني “تفسير”… جسمك مستني “أمان” 🧠✨

ممكن تبقي حاولتي كتير تفهمي:
ليه بتقلقي؟
ليه بتهربي؟
وليه ردود فعلك ساعات بتكون أكبر من الموقف؟

وتفضلي تحلّلي… وترجعي لذكريات قديمة

بس الحقيقة البسيطة:
جسمك مش محتاج كل ده دلوقتي
جسمك محتاج يحس إنه آمن

لما بنعدّي بتجارب صعبة
أو ما نلاقيش احتواء كفاية في الأول…

جسمنا بيتعود يفضل صاحي وحذر طول الوقت

وعشان كده:
• بتتوتري بسرعة
• ممكن تبعدي فجأة
• وتحسي بعدم راحة… حتى مع ناس بتحبك

مش لأن في حاجة غلط فيكِ…
لكن لأن جسمك لسه متعلمش يهدى

والتشافي؟
مش إنك تفتحي كل ملفات الماضي

التشافي إنك تبدأي تطمني نفسك دلوقتي
وتقولي لجسمك:
“خلاص… أنا بخير”

لو حاسة إن الكلام ده بيشبهك…
ابعتيلي كلمة “أمان” في الرسائل
ونشوف سوا إيه أول خطوة تناسبك 💛

واحفظي البوست
وارجعي له وقت ما تحتاجي 💛

#التشافي

جسمك مش بينسى…

أوقات بنعدّي حاجات كتير
ونكمّل عادي
من غير ما نقف نفهم إحنا حسّينا بإيه

جسمك بيفضل شايل الإشارات دي
مش علشان يرهقك…
لكن علشان يلفت نظرك

الشد…
التعب…
الإحساس بعدم الراحة…

مش ضعف

دي إشارات

ولما تفهميها
جسمك بيهدا… مش بيشد أكتر

خدي نَفَس بهدوء
واسألي نفسك:

أنا حاسة بإيه ؟