د/غادة الرفاعي _ Dr/Ghada El Refaie

في زحمة الدنيا تلاقينا دايمًا بنجري ورا الأمنيات الكبيرة، وننسى أحياناً أن السعادة وراحة القلب مش موجوده بس في الحاجات الكبيرة، بل أحياناً كتير تلاقيها في تفاصيل صغيرة جداً تمر بينا كل يوم من غير ما نحس بيها.. في كوب شاي بلبن الصبح، في ضحكة عفوية من حد بنحبه،، أو في ركن هادئ في البيت بعد ما الكل ينام نقعد فيه لوحدنا بعد يوم طويل مرهق وتلاقي ابتسامة كده وتنهيده راحة خرجت بصدق من قلبك ♥️
الإمتنان وحمد ربنا على التفاصيل مش مجرد سلوك، بل هو "عبادة قلبية" تملأ الروح بالرضا.
وأما تبحث في سيرة الحبيب المصطفى ﷺ، تلاقي أنه كان أعظم من علّمنا الإمتنان والشكر وأوفى من قدّر التفاصيل الصغيرة.
في لفتة نبوية تخطف القلب: بعد سنوات طويلة من وفاة السيدة خديجة -رضي الله عنها-، كانت تدخل عليه امرأة عجوز، فيهشّ لها ويبشّ، يعني يفرح أوي أوي ويكرم وفادتها ويفرش لها رداءه! وعندما تسأله السيدة عائشة تعجباً من هذا الإحتفاء، يُجيبها بقلب يملاه الوفاء لأدق التفاصيل: "إنها كانت تأتينا زمن خديجة، وإن حُسن العهد من الإيمان".
مشغلهوش حمل الرسالة وبناء الأمة عن ملامح امرأة عجوز كانت تذكره بأيام الود القديم. كان صلى الله عليه وسلم لا ينسى ولو أبسط الذكريات، ويمتن للتفاصيل ويشكر كل نعمة في حياته حتى لو صغيرة أوي ، وكان يركز للمواقف العابرة التي تصنع فارقاً في الروح.
رسالتي لقلبك اليوم:
أوعى تستنى حدثاً ضخماً علشان تفرح، ولا إنجازاً خارقاً لتبتسم.
ركز في كل تفاصيل يومك البسيطة، اشكر الله على نعمة السِتر، على الأمان، وعلى قلوب بتحبك وتدعو لك في الخفاء.
إحمد ربنا على يومك بكل تفاصيله إنه عدى بسلام بدون ماتفقد حد وإنك رجعت بيتك لقيت فيه أكل وشرب ومكان للنوم وماية ساقعة في عز الحر ❤️
إحمد ربنا على كل التفاصيل الحلوة🥰

الحياة تُعاش بالتفاصيل.. فامتنّوا لها واحمدوا ربنا دايماً
هتزيد في عيونكم وبين إيديكم النعم ❤️

#خواطر من القلب 💕
د.غـادة الرفاعـي

رصيد الستر" 🤍..
​ساعات بنغلط، وبنعمل حاجات لا يعلم عنها أحد إلا الله ، وبنبقى خايفين الناس تعرف . فجأة بنلاقي الأمور عدت، ومحدش عرف حاجة، والناس لسه شايفانا بأحسن صورة وده مش شطارة مننا ده ستر ربنا علينا💕 .
فكل ما تحس إنك مستور وسط الناس، والناس بتشكر فيك وفي أخلاقك، افتكر دايماً الجملة دي: "ما أثنى عليك الناس إلا لجميل ستر الله عليك، فالحمد لله على سترك الذي لا يزول."

الستر ده نعمة غالية أوي ، الستر معناه إن ربنا حليم بيك لدرجة إنه مغطي عيوبك عن عيون خلقه ومخليك جميل في نظرهم

في دعاء جميل أوي :
💕اللهم استرنا واجعل تحت الستر مايرضيك عنا 💕
رددوه كتير وخلوا بالكم من رصيد الستر وماتخلصوهوش بالمجاهرة بالذنب أو بظلم الناس.
ربنا يديم علينا وعليكم الستر. 🤍

#خواطر من القلب
د.غـادة الـرفاعـي

كل عام وأنتم بخير وسعادة 🥰 🥰
🌸 حصاد الأيام العشر.. ما الذي تغير في قلبك؟ 🌸
حبيباتي وأخواتي رفيقات "معسكر العشر من ذي الحجة" 🏔️✨
مرت الأيام السريعة، وانتهى مُعسكر عشر ذي الحجة..

عشنا أيامًا مليئة بالهمة، وتحدينا أنفسنا في الطاعات، ورأينا كيف بركة الجماعة والصحبة الصالحة تُهون كل مشقة وتُشعل في القلب الشوق للعبادة.
💬 شاركينا أثر المعسكر في قلبك:
ما هو أكثر تحدي طاعة أثر فيكِ وغير في روتينك؟
ما هي العبادة التي شعرتِ أن قلبك حيي بها من جديد خلال المعسكر؟
كلمة أو شعور خرجتِ به من هذه الصحبة المباركة؟
"الدال على الخير كفاعله".. تعليقك وتجربتك الصادقة قد تكون سببًا في تشجيع أخت أخرى لتنضم إلينا في المعسكرات القادمة لتذوق ما ذقتِ من حلاوة القرب.

نلقاكم على خير في موسم طاعة قريب 🩷
كل عام وانتم بخير وسعادة 🥰 🥰
د.غـادة الرفاعـي

غدًا يوم التروية ويليه يوم عرفة ويوم النحر، اهم ثلاث أيام وارفعها في حياتك كمسلم!

ايام تتنزل فيها الرحمات وتضاعف فيها الحسنات وتفتح فيها أبواب القبول والعفو والعتق من النيران!

سيب كل شئ وراك، واقبل علي الذكر والدعاء والصدقة وقراءة القرآن والأعمال الصالحة بشكل عام!

رب دعوةً أو عمل صالح صادق يغير حياتك بأكملها في الدنيا والآخرة
♥️

يوم عرفة…
فرصة لا تتكرر.

احفظي هذا البوست،
وعودي إليه خلال يومك…
ليكون دليلك من البداية حتى الغروب.




#دعاء

عن كمية الراحة في قوله تعالى: {قَالَ كَذَٰلِكِ قَالَ رَبُّكِ هُوَ عَلَيَّ هَيِّنٌ}.
المعجزات اللي بنستناها، والأبواب المقفولة، والأماني اللي بنشوفها بعيدة.......هي عند ربنا (هينة).
مفيش حاجة اسمها مستحيل مع رب بيقول للشيء كن فيكون.
"إياك تستهين بقوة دعائك!
المستحيل ده فكرتنا إحنا كبشر، لكن مفيش حاجه في الدنيا مستحيلة أبدا مع ربنا حتى لو استحالت كل أسبابك .

متنساش تجهز دعوات يوم عرفة من دلوقتي 🩷

يارب بلغنا عرفة ودعوات عرفة وإستجابتك لينا في عرفة يااااارب🩷🩷

د.غادة الرفاعي
#خواطر من القلب

جاهزين لتحدي إنهارده كل يوم تحدي طاعة لحد يوم عرفة بإذن الله 😍♥️

التحدي هو استغفار المشي وكل الأوقات الضايعة في اليوم 🌸

"حاولوا متقلوش عن 500 استغفار أن شاء الله 🤩🤩"

🤍 دقائق بسيطة… ممكن تملأ ميزانك حسنات

قد إيه بيعدّي علينا وقت:
وإحنا ماشيين…
مستنيين…
راكبين…
أو ماسكين الموبايل بدون هدف…

لكن المؤمن الشاطر،
بيعرف يحوّل اللحظات الصغيرة دي لعبادة ❤️

قال رسول الله ﷺ:
«طوبى لمن وجد في صحيفته استغفارًا كثيرًا»

📚 رواه ابن ماجه وصححه الألباني

💫 الاستغفار مش بس للذنوب…
ده راحة،
وفرج،
ورزق،
وطمأنينة للقلب.

وقال الله تعالى:
﴿فقلت استغفروا ربكم إنه كان غفارًا • يرسل السماء عليكم مدرارًا • ويمددكم بأموال وبنين﴾

يعني كلمة بسيطة ممكن تغيّر يومك وحياتك كلها 🤍

تحدي إنهارده:
أي وقت فاضي في اليوم…
وإنتِ ماشية،
مستنية،
أو حتى سرحانة…

خلي لسانك مشغول بالاستغفار 🌸

“أستغفر الله وأتوب إليه” ♥️♥️

هااا مين معانا في التحدي؟ 😍✨

#معسكر أغلى أيام الدنيا
د.غادة رفاعي