الشباك التانى

كل سنة و انتم طيبين و أحبابكم وأسركم طيبين و بخير .
اللهم اسقنا من يده الشريفة شربة هنيئة لا نظمأ بعدها أبدا ...اللهم ارزقنا صحبته فى الفردوس الأعلى و ارزقنا شفاعته يوم العرض عليك
صلى الله على محمد ..صلى الله عليه و سلم ❤️

اليقين
إنك يبقى عندك دعوة بتدعيها ليل نهار و موقن بالإجابة
و لما تيجى حاجة تحسسك إن الدعوة ده هتتحقق و تستخير و تتوكل على الله و تكمل ...تتفاجئ بشر و أذى و ألم و غير اللى دعيت بيه خالص
و تبقى مش فاهم و تحس إنك مهزوز ...انا استخرت على الخير ليا....فين الخير انا مش شايفه ....مش شايف غير شر و أذى وعكس اللى كنت بتمناه و بدعى بيه
و بعدين اللى يثبتك انك تفتكر إنك لما استخرت ...سألت العليم الحكيم الرحيم
فلو انت حتى مش شايف الخير و مش فاهم الحكمة ...بس هترضى و تسلم لانك واثق ان اللى اختار لك الاختيار ده أرحم بك من أى حد .
فتحس إنك رضيت و سكنت و تسلم و تظن بربك خير ...فرب الخير لا يأتى إلا بالخير

أيام مليانة غضب و تعب ...لحد ما قولت كفاية 🤚

🌿 أنا عارفة شعورك لما ترجعى البيت بعد يوم شغل طويل و مرهق و فيه احباطات ..و ضغط سواقة و طريق ...علشان ترجعى البيت تلاقى أولادك :
مش عاوزين يذاكروا 📝
او مش عاوزين ياكلوا الأكل اللى وقفتى عملتيه بدرى قبل شغلك ...او دخلتى المطبخ أول ما رجعتى و وقفتى تعملى لهم أكل صحى 🥗🍲
او اوضهم فوضى و السرير اتحول للدولاب .

🌿 فتبدأى تزعقى و تصرخى من أعماق قلبك و لما تخلصى تكونى خلصتى حرفيا
- تلاقى نوبة صداع نصفى بدأت
- أو آلام فى القولون
- او الضغط ارتفع ...

أنا كنت كده بالظبط😔 ....لحد ما قررت إنى أكسر الدايرة ...و إنه كفاية.... مش هينفع أكمل حياتى بالشكل ده 💪
🌿اتعلمت ادارة الغضب
اخدت دورات فى الصحة النفسية
اتعلمت ادارة الضغوط و مهارات تانية كتير
📌 و الاهم إنى بقى عندى وعى بنفسى ...عرفت إنى (perfectionist) و عاوزة كل حاجة زى ما الكتاب بيقول ...و ده كان سبب توترى و عصبيتى و غضبى 😔

🌿 و ده ساعدنى إنى :
- افهم ليه بغضب ؟
- اتعلم اتكلم بهدوء و نبرة حازمة تعبر عن ضيقى و رفضى للسلوك ..و إن الهدوء هيخلى اللى قدامك يسمعك و يفهمك ...لكن الصوت العالى و العصبية هتخليهم يبعدوا و يخافوا .

🌿و ده خلانى اتحولت :
- بقيت أغلب الوقت هادية بعد ما كنت أغلب الوقت ( المراة الخضراء )
- علاقتى بأولادى اتحسنت
- نوبات الصداع و آلام القولون قلت كتير

🌿علشان كده عاوزة أساعدك توصلى لنفس النتيجة ...لو بتواجهى نفس التحديات إللى كنت بواجهها .

لو جاهزة تقولى ( كفاية ) للغضب ....أنا معاكى علشان نمشى الرحلة سوا .👭
راسلينى على رسائل الصفحة 🪷

#هدوء