M R - B I O L O G Y

يمكن أكون مدرّس فاشل بمعايير السوق
فاشل إني أحافظ على النوعية اللي هدفها مش التعليم أصلاً
اللي عايزينك تساير ؛ وتتنازل ؛ وتعمل حاجات ضد قناعتك بس علشان يفضلوا موجودين 🙄
واللي ممكن يجيبوا زيّهم ويزوّدوا الدخل
بس أنا مش بعرف أعمل كده !!
أنا “فاشل” في إني أرضي الطالب اللي جاي يعتبر الدرس خروجة أو روتين أو مجرد وقت يعدّي
وفاشل في إني أحافظ على حد جاي وهو مش ناوي يتغيّر ولا فارق معاه يتعلم أو لأ
علشان أنا أصلاً اللي بيهمّني إن الطالب يتربّى على هدف ؛ على قيمة ؛ على معنى حقيقي للتعليم 🎯
بحاول على قد ما أقدر أقوّم سلوك … أغيّر فكرة … أزرع دافع
لو نجحت يبقي خير وبركة 😊
ولو مخدتش نتيجة بخسر وجوده…
وبصراحة خسارته مكسب 👌🏻
يا ريت كل أب وأم يبصوا لولادهم بجد يشوفوا علاقتهم بالتعليم عاملة إزاي !؟
مش بس يجرّوهم من درس لدرس و"يلا خلّص اليوم وخلاص"
السلوك … الهدف … القيمة … دول اللي هيفرقوا 👌
والتربية التعليمية عمرها ما كانت دور المدرس لوحده
البيت لازم يبقى معانا … نبقى صف واحد … مش كل واحد يشيل لوحده
يمكن في نظر ناس كتير أنا “فاشل”
بس طول ما ضميري مرتاح … وطول ما هدفي ثابت …
أنا ماشي صح—حتى لو الطريق تقيل شوية ✔️
مستر عبدالرحمن زايد

بمناسبة انتهاء العلوم للمرحلة الاولي والتانية الإعدادية و الأولي الثانوية ✔️
حابب تقول إيه ؟ 👀
هنتابع كل كلمة بكل حب ❤✨

📘 مذكرة ليلة الامتحان – أولى ثانوي (العلوم المتكاملة)
🚀 الليلة اللي بتفرق بين اللي ذاكر واللي اتجهّز صح… واللي داخل الامتحان وهو متطمن!
بعد شغل طويل وتجميع دقيق…
نزلت أقوى مذكرة مراجعة ليلة الامتحان لأولـى ثانوي، واللي فيها:
🔹 أهم أسئلة الامتحانات السابقة
🔹 أسئلة التقييمات الرسمية
🔹 أفكار مهمة جداً
🔹 تجميع مركّز لأهم النقاط اللي بتيجي في الامتحان فعلًا
🔹 توقعات قوية بأسلوب بسيط وسهل التثبيت
تحميل من الرابط
https://t.me/geo_biologist_abdelrahmanzaid/771
وبالتوفيق للجميع… شدوا حيلكم آخر كام خطوة! 💪🔥

جاهزين للعظمة ؟! 😉⏳
إن شاء الله اللي محتاجها ياخدها بس متنسوناش من دعواتكم ❤✨
تفاعل ليوصل لأكبر عدد ممكن من الطلبة 🤓

📢 يا جماعة… خلّوني أقولها بصوت عالي
الوزير بنفسه مرة واتنين قالها:
أسئلة الامتحان مش هتخرج عن تمارين كتاب المدرسة والتقييمات… وده منطقي علشان ينجّحوا الكتابين ويثبتوا إن النظام شغال ✔️
وعلى فكرة…
📘 كتاب المدرسة فيه أسئلة جامدة
📗 وكتاب التقييمات فيه حاجات أقوى كمان
يعني الموضوع مش هزار أصلًا 💪🔥
🎓 لطلابي إخواتي وحبايبي:
إحنا في المراجعات غطّينا كل أفكار كتاب المدرسة بالكامل
وبالنسبة لكتاب التقييمات…
اشتغلنا على كل الأسئلة المهمة اللي ممكن تيجي في الامتحان ✨
⚠️ بس خدوا بالكم:
في أسئلة في التقييمات مش مطلوبة أصلاً في الامتحان… دي للتدريب بس 💡
وفي توجيه رسمي لواضعي الامتحانات إنهم يلتزموا باللي قاله الوزير بالحرف 👌
يعني باختصار…
ادرسوا اللي قلنا عليه وامشوا ورا شغلنا ❤️
وإن شاء الله داخلين على امتحان يعدّي زَيّ الدهب ⭐💪


#امتحانات
#الإعدادي
#الثانوي

أقوى مذكرة ليلة امتحان للصف الثالث الإعدادي – علوم 🔥
جاهزة باسمك… جاهزة لتلاميذك… جاهزة للنجاح 💯
يا جماعة الخير…
بعد شهور شغل وتجميع وتدقيق، خلّصت أخيرًا أقوى مذكرة ليلة امتحان بنظام البوكلت الحقيقي اللي الطالب هيمتحن بيه آخر السنة، والمذكرة متاحة دلوقتي للأساتذة اللي محتاجين ينزلوها باسمهم وكمان للطلبة اللي عايزين يضمنوا الدرجة النهائية.
📌 المذكرة فيها إيه؟
✔️ أقوي أسئلة كتاب التقييمات بتاع الوزارة
✔️ أهم أسئلة الامتحانات التجريبية الخاصة بالمحافظات
✔️ أهم أسئلة السنوات السابقة
✔️ أفكار جديدة ومستويات عليا “HOTS” من شغلي
✔️ شكل البوكلت الحقيقي اللي بجد هيفرق مع الطالب في آخر السنة
🎯 مناسبة للمدرسين اللي عايزين ينزّلوا مذكرة باسمهم
⟵ جاهزة PDF + تنسيق احترافي
⟵ عليها اسم حضرتك + لوجو لو حابب
⟵ مناسبة للمراجعة النهائية والحصص الأخيرة
🎯 ومناسبة للطلبة
⟵ كل اللي هتحتاجه ليلة الامتحان في مكان واحد
⟵ تدريب فعلي على شكل الامتحان
⟵ أفكار مش موجودة في أي مذكرة تانية
💬 اللي محتاج نسخة باسمه أو للبيع لتلاميذه أو للمذاكرة الشخصية يبعتلي في الخاص وهبعتله التفاصيل.
⚡ مش كل اللي بيذكر يقفل… بس اللي بيذكر صح هيعرف يقفل.
وجهّزت لك الطريق للـ 20/20 😉
ولو حابب تتابع أقوي الشرح والمراجعات مجاناً هتلاقي قناة اليوتيوب الخاصة بنا
https://www.youtube.com/



#علوم

مهم جداً جداً لطلاب الثانوية العامة 2025 - 2026 🚨
ده شكل البابل شيت بتاع الثانوية العامة
احفظ الصورة واطبعها ودرب نفسك عليها 👌🏻
من أول السنة والحمد لله معظم الإمتحانات اللي كنت بمتحنها للشباب كانت بتبقي بابل شيت وده كان ضد رغبة الطلبة ؛ وطبعاً بما إني ديمقراطي وبعامل الطلبة كأخ ليهم فكنت بسمع رأيهم
وبعمل اللي في دماغي برضو 😂
بس كلمتين في الجد والله خلي بالك ممنوع تخرج برة نطاق الدايرة أو حتي تشطب بالغلط
لأن الشطب ممكن يضيع الاجابة تماماً حتي لو جنبها الاجابة الصح ☠️
لأن التصحيح آاااااالي
بلاش لعب في الورقة ....❌️
ظلل الاول بالرصاص ولما تتأكد ... آخر نص ساعة ظلل التظليل النهائي بالجاف

ارجوكم الشطب ولو بسيط ......بيضيع السؤال بالكامل

لو الصورة دى وصلتك يبقى انت حبيبى وشكرا على متابعتك وسنة سعيدة عليك تحقق فيها كل احلامك 💫🧡

جانب من امتحانات الازهر للعلوم المتكاملة 2025 / 2026 ❤

مساء الخير علي كل ولي أمر محترم بيتابعني
الكلام اللي جاي ده مش شكوي ؛ ده أمانة لازم تتقال
قال الله تعالى :- ﴿يَا أَيُّهَا الَّذِينَ آمَنُوا قُوا أَنفُسَكُمْ وَأَهْلِيكُمْ نَارًا﴾
والأية معناها ان التربية مسؤلية مش رفاهية

و برضو قال رسول الله ﷺ :- «كلكم راعٍ وكلكم مسؤول عن رعيته»

نرجو من حضراتكم التعاون معنا لتربية جيل محترم ، واعٍ ، ومتمسك بقيمه ودينه

حرصي الأول والأخير هو التربية قبل التعليم
لأن العلم من غير أخلاق ملوش لازمة

في الفترة الأخيرة لاحظنا كلنا انتشار بعض السلوكيات والمظاهر غير اللائقة بين الطلبة سواء في الشارع او البيت او المدرسة
ومنها ارتداء الحظّاظات والسلاسل ،
واللي ديننا الحنيف نهانا عنها لما فيها من التشبّه بالنساء ، وكمان بتفتح باب لقلة الأدب وعدم الالتزام وغيرها

علشان كده أي طالب بشوفه لابس أي حاجة من دي باخدها منه علطول
وده إجراء تربوي قبل ما يكون عقاب
هدفه نحافظ على أبنائنا في طريق الصح
ونعوّدهم على الرجولة والالتزام والاحترام
و للاسف فيه طلبه برجعها ليها تانى لان بكتشف ان حاجه مش بعشرة و لا ب 100 جنيه حتى ديه بتوصل ل 400 و 600 جنيه
متخيل ابنك بيصرف رقم زى ده ف حظاظة!!

أناشد حضراتكم المتابعة مع أولادكم
وتوضيح الصح من الغلط
لأن المدرسة والبيت شراكة واحدة
ولو اختلفوا … الطالب هو اللي بيضيع
حضرتك زى م مسؤول توفرله احتياجاته و توفرله مصروفه لازم تشوف ابنك بيصرف الفلوس ف ايه لانك مسؤول و هتتحاسب على ده

ربنا يحفظ أولادنا جميعًا
ويجعلهم قرة عين لنا في الدنيا والآخرة 🤍

لو حد صاحي يحل 👀
٣ثانوي أحياء 🩺😎