العيال _el3eal

العيال _el3eal لتربية الأطفال
نتكاتف لِننشئ جيلاً سويًا (نفسياً وخلقيًا وعقليًا )

21/07/2022

هم ولادنا بيجيبوا الوقت ده كله للأجهزة منين ؟

عشان مش بيشيلوا أطباقهم
عشان مش بيعملوا سندويتشاتهم
عشان مش بيقعدوا مع اخواتهم
عشان مش بيروحوا يشتروا طلبات البيت
عشان مش بيكووا هدومهم
عشان مش بيقروا
عشان مش بيكلموا أو يزوروا قرايبهم
عشان مش بيساعدوا جيرانهم
عشان مش بينزلوا يتمشوا مع أصحابهم
عشان مش بيقعدوا معانا يسألونا عن يومنا
عشان مش بيساعدوا اخواتهم في واجباتهم
عشان مش بيغيروا ديكور اوضتهم
عشان مش بيعملوا فطار ولا عشا
عشان مش بينزلوا يصلوا في المسجد

افتكروا كده احنا كنا بنعمل ايه في يومنا زمان ..

احنا اللي دلعنا ولادنا .. و نزلنا سقف توقعاتنا منهم .. و بقينا بنعمل لهم كل حاجة !

متخيلين الانسان اللي مايعرفش في الدنيا غير موبايله ده .. هايطلع شكله ايه لما يكبر ؟!!!

ادوهم مسؤوليات .. وتابعوهم .. وحددوا وقت الأجهزة .. و ماتخافوش من ثورتهم و اعتراضهم ..

مسؤوليتنا قدام ربنا نطلع انسان متزن .. مسؤول عن نفسه .. و حاسس بمسؤليته عن غيره ..

27/06/2022

تقويم الحج للاطفال ❤️❤️. جربوها 💕
الي عايز المطبوعات يبعتلي

22/06/2022

- و أنت ايه اللي عاجبك في شغلك ؟
أنا : أن شغلي كله مع الأطفال ، حيث لا مكان للنفاق و التصنع و الكذب.. ❤️"
pure hearts 💕

22/06/2022

التجربه لإثبات إن الطفل بيستخدم المعلومات العاطفيه لتنظيم سلوكه
بتبدأ التجربه دي بعمليه احماء صغيره إنه بيجيب حد من المختبِرين لعبه لطفل عنده حوالي سنه وتلت شهور وبتعرفه ازاي يلعب بيها.. اللعبه دي عباره عن خصله من الخرز بتطلع صوت خشخشه لما تقع في كوبايه بلاستيك ولما الطفل بيكون عنده فرصه إنه يلعب بيها بيدخل واحد تاني من المختبِرين ويعبر بوجه محايد منزعج يعني أو مضايق
في الحاله دي مش هيلعب بيها خالص وده بيثبت أن الطفل بيستخدم المعلومات العاطفيه لتنظيم سلوكه
التجربه دي نشرت في أكتوبر ٢٠١٤
بعنوان "الطفل يتحكم في نفسه من الإشارات الاجتماعيه المتعدد لتنظيم سلوكهم المقلد"

20/06/2022

نوبات غضب الاطفال ازاي نتعامل معاهم ❤️
شوفوا الڤيديو👇

رحماك ياربتحوم حولنا الفتن وتدور ..وضاقت بنا الدنيا المجتمعات الغربيه دلوقت بتفرض علينا تقبل أن المث*ليه شئ عادي حتى ...
14/06/2022


رحماك يارب
تحوم حولنا الفتن وتدور ..وضاقت بنا الدنيا
المجتمعات الغربيه دلوقت بتفرض علينا تقبل أن المث*ليه شئ عادي حتى أن في بعض الدول العربية الإسلامية بدأت في تقبل الموضوع
لكن والله لن يكون ابداً هنحارب بكل الي نقدر عليه في عدم تقبل هذا الخبث وحمايه اطفالنا وانشائهم على ما يرضاه الله ورسوله
ازاي نحمي اطفالنا؟
(هنتكلم عن الطفل الذكر)
لازم نعرف أن شخصيه الطفل الجنسيه بتبتدي تتكون من ١.٥ ل٣ سنين اول م ينفصل الطفل عن الام ويراقب تصرفات باباه ويبقى قدوته وما إلى ذلك والعكس مع البنت
يبقى دورك كأب أو كأم اولا متتبعش نمط الابوه المسيئه الي هي :ابوه غير واعيه، ابوه مسيئة،ابوه نرجسيه ❌
بلاش جمله انت دلوع ماما أو ابن امك ❌
ثانياً: ١- الم*ثليه في معناها المجرد هي جوع للحب يبقى لازم ندي الاطفال حب بزياده حب كتير اوي عشان ميدورش عليه برا بعدين
٢-عرفه عن جسمه والأماكن الي مينفعش حد يلمسها
٣-لو بتديله الموبايل او اي جهاز سمارت يبقى لازم تخلي بالك كويس من الي بيشوفه
٤-قصه سيدنا لوط مهمه جدااا جدا جدا لأبعد حد لازم تتحكي لازم بطريقه مناسبه لسنه
٥-دلوقت مع الاسف الشديد هنراقب ونتفرج على الكرتون والانميشن قبلهم كمان لأن الموضوع مبقاش امان
٦-دايما اتواصل معاه واتكلم معاه شاركه ف آرائه وأفكاره خلي عنده ثقه في نفسه
_طيب في حاله أن الطفل كبير شويه وشاف او قرأ حاجه تخص الموضوع ده
براحه خالص وبهدوء هنعرفه أن ده شئ مش طبيعي خالص ربنا لما خلق سيدنا آدم ونزله الأرض خلق معاه السيده حواء ولم يخلق آدم وآدم أو حواء وحواء
يبقى الطبيعه بتنافي ده
ودينا الاسلام حرم كل ده وهلك قوم لوط لانهم كانو كده
والنبي صلى الله عليه وسلم قال إن ملعون الي بيتشبه بالنساء من الرجال والعكس
اي حد عنده طفل سواء ابنك اخواتك أو حتى تلاميذك اتبع معاهم النمط ده ورسخ ف قلوبهم قبل عقولهم حب الدين عشان بعد كده ميعملش حاجه منافيه ليه
ربنا يحفظنا يارب ..اللهم لا تهلكنا بما فعل السفهاء منا
اقرا كويس واعملوا شير كتير

09/06/2022

قصص قرآني 🤍
اصحاب الفيل 🐘

07/06/2022

New playlist 😉
بسم الله نبدأ
القصص القرآني للاطفال
سوره المسد ❤️

13/04/2022

بسم الله الذي لم يذكر على شئ إلا باركه
بسم الله الذي لم يذكر على صعب إلا هان
بسم الله نبدأ وبسم الله ننتهي
هذا والله المستعان
اللهم استخدمنا ولا تستبدلنا❤️

Address

Cairo

Website

Alerts

Be the first to know and let us send you an email when العيال _el3eal posts news and promotions. Your email address will not be used for any other purpose, and you can unsubscribe at any time.

Shortcuts

Share

Category