Signor.Mohamed Magdy, Cairo (2026)

31/08/2022

لييييه بنتعلم إيطالي ....!؟؟ 🤔🤔🤔

١.لغه سهله في النطق والتعلم عشان موسيقية وكمان محبوبه من ناحية الكوره والسياحه والموضه وكمان بيتزات ومكرونات ايطاليه...وايه وكمان تلاقينا بنقول بالمصري بيتزا واسباكتي وكله إيطالي في إيطالي .

٢.لغه تشتغل بيها في السياحه بسهوله والترجمة والتدريس وكمان تسافر وتعيش في ايطاليا وانت طلياني زيهم في اللهجه.

٣. لغه بنعلمهالك بالخرائط الذهنيه يعني كل معلومه بتاخدها سهله وتدخل المخ علي طول .

٤.لغه بتتتذاكر في ساعتين وتلم المنهج وكمان تقفل الإيطالي عشان بقي كل اختياري وسلام علي التقفيل يا سلام.

٥.الايطاليين قريبين وشبه المصدرين في العادات والتقاليد الحياه..تعالي انضم إلينا واتكلم إيطالي بسرعه جدا .

لسه قاعد بتفكر.....يالا بينا الإيطالي اسهل مع السينيور محمد مجدي .
مستنيينك في التواصل والحجز01068702724 والبدايه ١٠ سبتمبر لكل مراحل الثانويه العامه.

Signor.Mohamed Magdy

11/08/2022

كلنا بنتكلم إيطالي 🤔🤔🤔🤔 كلمات إيطالية تستخدم في حياة المصريين اليومية :-
1- Sta bene?
( إستبينا ).. يعني كده كويس بالإيطالي و إتفقنا أو كده تمام بالمصري
2- Alla lista
( ألسطة ).. يعني حسب اللستة بالإيطالي و كله تحت السيطرة بالمصري
3- Ballo
( باللو ).. يعني رقص بالإيطالي و دوشة بالمصري
4- Roba Vecchia
( روبابيكيا ).. يعني الحاجات القديمة بالإيطالي بس المصريين ما عجبهمش حرف الV فقلبوه ب للسهولة.. براحتنا احنا أحرار و ماحدش ليه حاجة عندنا :)
5- Gonnella
( جونلة ).. يعني جيبة أو تنورة
6- Gu**to
( جوانتي ).. يعني قفاز
7- Marca
( ماركة ).. يعني علامة تجارية
8- Parrucca
( باروكة ).. يعني شعر مستعار
9- Vetrina
( فاترينة ).. يعني عرض
10- Prova
( بروفة ).. يعني إختبار
11- Sala
( صالة ).. يعني قاعة
12- Veranda
( فاراندة ).. يعني شرفة بالعربي أو بلكونة بالفارسي
13- Mobilia
( موبيليا ).. يعني أثاث
14- Bagno
( بانيو ).. يعني حمام
15- Tenda
( تندة ).. يعني خيمة
16- Cambiale
( كمبيالة ).. يعني Bill بالإنجليزي
17- Fattura
( فاتورة ).. يعني Invoice بالإنجليزي
18- Primo
( بريمو ).. يعني الأول
19- Terzo
( ترسو ).. يعني الثالث
20 Pinza
( بنسة ).. زي الكماشة كده
21- Colla
( كوللة ).. يعني غراء أو مادة لاصقة
22- Meccanico
( ميكانيكي ).. يعني زي أي مهندس خريج ميكانيكو عين شمس :)
23- Avvocato
( أفوكاتو ).. يعني محامي
24- Teatro
( تياترو ).. يعني مسرح
25- Pagliaccio
( بيلياتشو ).. يعني مهرج
26- Sala – Balcone
صالة و بلكون- تقسيم السينما و المسرح
27- Visita
( فيزيتا ).. يعني زيارة
Visita Medica
زيارة أو فحص طبي
28- Ricetta
( روشتة ).. يعني وصفة
29- La Posta
( البوسطة ).. يعني البريد
30- Stampa
( إسطمبة ).. يعني طباعة بالإيطالي و نسخة طبق الأصل بالمصري
31- All’una ,alla due ,alla tre
في المزادات
32- Falso
( فالصو ).. يعني مزيف
33- Antica
( أنتيكا ).. يعني Ancient بالإنجليزي أو قديم و عتيق بالمصري
34- Torta
( تورتة ).. يعني كيكة
35- Salsa
( صلصة ).. يعني صوص أو عصير طماطم
36- Salata
( سلاطة ).. معروفة دي.. سلاطة و ماحدش داري :)
37- Gelato
( جيلاتي ).. يعنيIce Cream بالإنجليزي أو بوظة بالعربي
38- Nonna
( نوننا ).. يعني جدة بالإيطالي بس الظاهر ساعتها لما الراجل الإيطالي قال نوننا كانت الجدة ماسكة في إيدها بيبي فالمصريين فهموها غلط و من ساعتها نوننا عند المصريين يعني بيبي
الخلاصة :
احنا كلنا بنتكلم إيطالي (و لغات تانية كتير) في حياتنا اليومية زي "البارابانت" و احنا مش داريانين أصلا !
بالمناسبة تطلع إيه "بارابانت" دي كمان؟؟! 😂
منقول 🙏