محمد سعداوي - Mohamed Saadawi

الحمد لله وصلنا إلى 25.000 followers 😍
كله بفضل الله ثم مشاركتكم .... ربنا يوفقكم ويحفظكم وييسر أموركم ويجعلكم بكامل الصحة والعافية وأدام الله عليكم كل الخير 🤍🤍

التخصصات فتحت يا شباب
----------------------------------
يا فرقة ثالثة عندكم 3 مسارات [محاسبة وإدارة وتأمين]:
ـــــــــــــــــــــــــــــــــــــــــــــــــــــــــــــــــــــــــ
◍ كل الأقسام هتشغلك في بنك
◍ كل الأقسام هتشغلك في شركة
◍ كل الأقسام فيها شغل ومطلوبة في سوق العمل

◍ لو مش عارف تدخل ايه ادخل محاسبة
◍ لو بتحب المحاسبة ادخل محاسبة
◍ لو بتحب العملي أدخل محاسبة
◍ لو هتمشي بالأغلبية أدخل محاسبة
◍ لو بتعدي صافي و مش فارق معاك أدخل محاسبة
◍ لو مابتحضرش خالص ادخل محاسبة

◍ لو بتحب النظري ادخل إدارة
◍ لو عندك Soft Skills عالية ادخل إدارة
◍ لو بتحضر وبتحب النظري هتتفوق في الإدارة
◍ لو مابتحبش المحاسبة ادخل إدارة

◍ لو بتحب الهدوء والإختلاف ادخل تأمين (لازم تحضر كل المحاضرات علشان مش هتلاقيلها ملازم)
◍ لو بتحب مواد التأمين ادخل تأمين (لازم تحضر كل المحاضرات)

يا فرقة رابعة عندكم في كل مسار تخصصات:
ـــــــــــــــــــــــــــــــــــــــــــــــــــــــــــــــــــــــــ
⦿ محاسبة: محاسبة مالية - محاسبة وتمويل - مراجعة - تكاليف وإدارية [تخصص نزل مرة واحدة فقط])
⦿ إدارة: إدارة أعمال - تسويق - تمويل واستثمار - HR
⦿ تأمين: إدارة أخطار المؤسسات المالية

◍ بتدرس كام مادة في الكلية؟ 40 مادة
◍ يا باشمحاسب المواد المختلفة بين التخصصات كام من 40؟ 3 مواد فقط
◍ التخصص بيتكب في شهادة التخرج
◍ التخصصات مش بتفرق في سوق العمل
◍ التخصصات بتفيدك أنت
◍ لو محاسبة ومش عارف تختار ايه ادخل محاسبة وتمويل
◍ لو إدارة ومش عارف تختار ايه ادخل إدارة أعمال
◍ الضرايب والمعايير بتفيدك في سوق العمل (محاسبة مالية)
◍ التسويق والـHR تخصصات بتنطلب
◍ لو مثلاً اتخصصت إدارة أعمال وأتخرجت وأخدت كورس HR كأنك أتخصصت HR .. قيس الكلام ده على كل التخصصات
◍ كل الإنترفيو اللي روحتها محدش سألني على التخصص ولا كان عائق خالص

ربنا يوفقكم وييسر أموركم

الحمد لله والصلاة والسلام على المصطفى ﷺ
----------------------------------------------------------
ما شاء الله فرحت جداً برسائلكم وبفرحكم بنتيجتكم ... ربنا يوفقكم وييسر أموركم دايماً 🤲 ، كل عملاء منصة عافر التعليمية تبعت نتيجتها علشان ليهم مكافآت

- اللي شال مواد مايقلقش مش نهاية المطاف ، يجتهد شويتين وهيعدي في السمر كورس بإذن الله

←الرد على التساؤلات اللي جاتلي:
———————————————
- السمر كورس حتى الآن بـ500ج
- أقصى عدد مواد ممكن تدخلها في السمر كورس لسة مانزلش رسمي (محتمل 3 مواد)
- لو فعلاً ليك درجات ومتأكد أعمل إلتماس لو متردد فأنت أولى بفلوسك
- بعد السمر كورس والإلتماسات علشان تقول UP TO LEVE لازم إجمالي المواد اللي شايلها ماتزيدش عن 2
- لو شايل مادة أو 2 أو 10 أدخل سمر كورس وخلّصها من عليك
- اللي بيعيد السنة بيعيد على المواد اللي شايلها فقط
- الفرقة الرابعة بيكون ليهم بعض التصريحات في عدد مواد السمر كورس علشان يخلصوا ويتخرجوا

كل فرقة ليها جروب واتساب خاص بالسمر كورس هينزلهم المواد مجاناً وهنساعدهم بقدر المستطاع .. بالتوفيق 🤍

النتيجة هتظهر بكرة ونسبة النجاح في كل مادة ٩٠٪
والفرقة الفلانية درجاتها قليلة جدا والفرقة الفلانية عالية جدا ..... وعجبي

البوستات كترت في الموضوع ده ... ⚠️
كل اللي بيتقال مجرد بيلعبوا بأعصابك علشان شوية تفاعل

النتيجة بتظهر بعد مراجعتها أكتر من مرة ، ونسبة النجاح حضرتك ماتقدرش تعرف عنها حاجة ولكن تأكد إن لو النسبة قليلة بيضيفولكم درجات علشان توصل لمعدل معين ، وصعوبة الإمتحان أو المشاكل اللي وُجدت في أي امتحان بيراعوها جداً

رفع البيانات على الموقع لوحدها بتاخد وقت وطالما مفيش خبر مؤكد نزل على الموقع الرسمي للكلية فماتسمعش لحد ... و ماتقلقش ما دُمت عملت اللي عليك

أكتر حد يحفزك هو أكتر حد شقي في الحياة ، واكتر حد ينصحك في الحب أو اكتر حد قلبه انكسر ، و اكتر حد يكتب مقال أو خطاب مؤثر هو اكتر حد مر بتجارب ، واكتر حد ينصحك في سوق العمل هو اكتر حد اتبهدل في الأشغال و الانترفيو ... فاحمد ربنا على كل حال و بص دايمًا على الجانب الإيجابي لكل خسارة حصلتلك علشان في الحقيقة هي مكســــب

مفيش حد بيعيش حياته كلها بلاء وهموم .. لازم هاييجي وقت و ربنا هيعطيك حتى ترضى {ولسوف يعطيك ربك فترضى} .... فاطمئن

غداً الإثنين اول ايام شهر ذي الحجة

إذا حضرت العشر من ذي الحجة فلتحمد الله الذي بلّغك أيام الصلح معه 🤍

المشكلة لما تفشل مابتكونش من الفشل ، بتكون من انك ماعملتش اللي عليك ، لكن لو عملت اللي عليك وفشلت هتكون مرتاح قدام نفسك وقدام ربنا

علشان تنجح في أي حاجة في حياتك ماتفكرش في النجاح! .. أيوة زي ما بقولك
ولكن فكر في النتيجة .. ده انا لو نجحت في كذا هوصل لكذا وهبقي كذا ... لكن النجاح نفسه بييجي لوحده

❤️❤️

سيدنا إبراهيم عليه السلام رغم إن والده آزر كان بيعبد الأصنام إلا إنه كان في كامل الأدب والإحترام معه {قال سلام عليك سأستغفر لك ربي} ، و لما رأي إبراهيم رؤية أنه يذبج إبنه إسماعيل عليه السلام {قال يا أبتِ افعل ما تؤمر ستجدني إن شاء الله من الصابرين}

فلولا أن إبراهيم كان في كامل الأدب مع أبيه لما كان إسماعيل في كامل الأدب مع إبراهيم

معاملتك وإحترامك لوالديك ولأهلك وللناس كلها ما هي إلا مرآه تنعكس عليك؛ فالتمس الأدب وكُن خَلُوقاً

بخصوص الدراسات العليا
https://youtu.be/zQAZ_xQZrBg