Maaly ahmed

أنا غرقانة ...أنا مشلوله... ايه الحل ❤️

في البوست ال فات اتكلمنا عن الشلل التنفيذي الخاص بال ADHD(اضطراب تشتت الانتباه وفرط الحركة )

والحلول ايه من خلال الاستعانه بالطبيب وهسيب اللينك بتاعه ف اخر البوست 👇

فتعالو انهاردا نتكلم عن بعض الحلول لشلل التنفيذي
بعيد عن الدكاترا والأدويه👀

نقدر نعتبرها اسعافات أوليه لو الشلل دا درجته خفيف لمتوسط ولحد مانستعين بالطبيب👌

فالبوست اتكلمنا عن دماغ ال ADHD وادينا مثال اللوحة الكهربا وان فيها سلك مش ثابت التيار (الدوبامين)🥹

فالنور بيرعش ومع الضغط السيستم بيقع ويحصل الشلل❤️

طيب ازاي نلحق نفسنا قبل مالسيستم يقع بدون ماحتاج مهندس الكهربا (الدكتور) أو مهندس الصيانه(الدواء) او حتي الفني( الجلسات)✋️ ولو بشكل مؤقت👀

تعالي نحكي.👇

أول حاجة لازم تعرفيها النور ال بيرعش بالاول بسبب الافكار المتلاحقه هو السبب ف ظهور حاجه اسمها الضبابيه الذهنية وال بتحصل بسبب تذبذب الدوبامين✋️

لأن الضبابية الذهنية هي النتيجة والإنهاك اللي بيحصل لعقلك بسبب ماراثون الأفكار المتلاحقة

بس الضبابية دي مش عدوك عشان تحاربيها لان لما بتحاربيه بتغلطي غلطه كبيره✋️

لان لما الافكار تتلاحق عليكي وتسحب معظم طاقتك الذهنيه والضبابيه تشتغل وتفضلي تضغطي وتقولي لنفسك لازم أركز ولازم أفكر ولازم أعمل.🙉

المجهود ده لوحده بياكل التيار المتبقي من غير ماتعملي ربع حركه✋️

يعني أنتي بتضعفي النور أكتر مهو ضعفان وانتي بتحاولي تقويه للأسف✋️

فأول خطوة هي إنك تعترفي بالضباب من غير ما تحاربيه👌

تقولي لنفسك دلوقتي النور ضعيف وده تمام وهشتغل بالنور اللي عندي..الجملة دي لوحدها كفيله توقف نزيف التيار.👌

ثم جربي الخطوات دي 👇

الماء البارد على وشك وتكون المايه ع الخدود والمنطقه ال حوالين العين دا كفيل يشغل عصب في جسمك بيكسر الضباب في ثواني.👌

ودا مش كلام مجازي ده تنشيط عصبي حقيقي.اثبتتة التجارب👌

مع ثلاث تنفسات عميقة بطيئة وتجعلو الزفير اطول من الشهيق دا كفيل يخفض هرمون التوتر وبتثبت التيار.
ومش مطلوب عشرة ولا عشرين نفس.. هما تلاتة بس بيفرقوا جدا👌

وأي حركة في جسمك ولو ل ٦٠ ثانية بس بتبعت دوبامين للدماغ بشكل مباشر ودا برضو اثبتته التجارب 👌

يعني مشي في الأوضة أو قفز في مكانك أو حتي
رقصه واحده تهزي كتفك فيها كفيله تشتغل
كمولد خارجي ( محفز) ليكي👌 .

حاجه اخيره ومهمة جدا جدا 👇

لما النور يكون ضعيف وافكارك عامله مارثون فورا امسكي ورقه وقلم واكتبي كل ال بيدور بدماغك✍️

بعدها علمي علي أصغر حاجه ممكن تعمليها حالا مش أهم حاجه ومش أكتر حاجه فيها فايده👌

لاء أصغر حاجه فقط لأن لو قدامك عشرة مهام بنفس الاهميه او قررتي تعملي الأهم وال بتكون خطوه ثقيله دماغك هنا بيقفل وبيشوف ظلام تام والنور ال بيرعش هيتقفل✋️

ومتنسيش تشغلي المؤقت وممكن تستعيني بشات جي بي تي يبقي صديقك ال يشجعك لو مفيش صديق بالواقع 😁

في استراتيجيات كتير تانيه عملاء الارشاد عندي بيحصلو عليها بس ال بالبوست دا يعتبر البداية القويه ف ابدأو الأن
❤️💪

وماتنسوش الايك والشير دليل ع مروركم الكريم🩵💙

✍️✍️


ودا لينك بوست الشلل التنفيذي الاولاني❤️

https://www.facebook.com/share/p/1CwWFX66vX/

أنا غرقانة او بمعني أصح مشلوله💔

دا كلمات أم معايا عندها اضطراب تشتت الانتباه وفرط الحركة adhd وعندها شلل تنفيذي شديد نتيجه للاضطراب✋️

تعالو نعيش يوم من ايامها عشان نفهم يعني ايه هو معني الشلل تنفيذي عند ال ADHDER وعلاجه ايه🤔

تخيلو معايا الأم بتصحي الصبح وفي مارثون ف دماغها باللي لازم تعمله انهارده وال ماتعملش امبارح🥺

والافكار دي بتتصارع ف دماغها ف نفس ذات اللحظه... ممكن تعتبرها شيء بسيط بس تعالي نحكي عنها شويه بسكل مفصل🙄

من بين الافكار ال لازم تتعمل انهاردا وبتدور ف ماغها 👇
انها لازم تجهز الفطور وتصحي البنات...... وتروح الشغل .....وتجيب حجات وهيا راجعه..... وتطبخ الغدا ......وتنضف البيت ....وتذاكر مع الولاد ....وتغسل المواعين .....وتغسل وتنشر الهدوم...... وتعمل شاي وقهوه لجوزها... وتجهز العشا ......وتغسل المواعيين🙃

ويااه دا أنا امبارح مجبتش الدوا ومجهزتش الطلبات ال البنات طلبوها ومكلمتش ماما اطمن عليها ومكوتش الهدوم بتاعة ابوهم والبنات مذاكروش كل ال عليهم امبارح ونسيت اجيب حجات للفطار انهاردا . ياللهوي انا معملتش التقارير المطلوبه مني 😳

في لحظه صرخت جواها وقالت بسسسس كمحاولة يائسه عشان تسكت الدوشه دي شويه وتقدر تقوم من السرير 🥺

بس فجأه لقت جسمها تقيل كأن ف حبال مكتفاها ودماغها رجعت تزن بالافكار دي ومعاهم صوت جديد بيقولها ها وبعدين لازم تقومي وتعملي كذا ولازم ولازم ولازم وفجأه بدأت كلمة لازم دي تطرطق في رأسها زي الدبانه الزنانه ال بتزن مية مره ف ودانك😪

وبعدها طلع صوت تالت قالها انتي كسوله. وحجات بسيطه مش قادره تعمليها لانك غبيه وفاشله💔

فجأه حست بمشاعر تقيله من الحزن والاحباط سببت قلق وخوف💔

وفجأه دماغها فصلت مابقتش قادره تفكر ولا تخطط ودماغها عمل علامه سودا كبيره مع صوت زي شششششششششش

صوت مزعج خلاها بدل ماتقوم تعمل المطلوب .. لاء مسكت الموبايل عشان تهرب وعشان صوت ششش يسكت💔

هو دا الشلل ال الام بتحس فيه شبه يوميا 💔💔

طيب تعالو نكمل القصه ونعرف الحل ايه👇

الأم قالت الوضع كدا مش.طييعي
وقررت تروح للدكتور ✋️

والدكتور قالها ال عندك دا اسمه شلل بسبب ان عندك ADHD قالتله يعني ايه يادكتور 🤔

قالها اعتبري مخك دا عامل زي لوحة الكهربا
والتيار ال فيها اسمه الدوبامين✋️

لوحة الكهرباء (ADHD ) معيوبه بسبب السلك الرئيسي ال بيمشي فيه التيار الكهربائي (الدوبامين) ال بينور الدنيا.

التيار دا ..جايلك من الشركه كامل لكن اول مايوصل للوحة الكهربة بتاعتك ال هو مخك .. ويمشي ف السلك الرئيسي التيار دا (الدوبامين ) بيبقي مش ثابت وبيرعش ويلعب ✋️

الدوبامين ده هو المسؤول عن الطاقة والحافز والقدرة على البدء عندك. هو ال بينور الطريق امامك ويديكي الطاقه عشان تقومي 👌

بس هو عندك غير مستقر ومنقطع وبيرعش فلما بتحاولي تشغلي المفتاح ال بيفتح نور المهام كلها بيحصل عندك قفله والكهربا بتقطع 💔

قالتله طب والحل يادكتور

قالها هاتجيبي مهندس الكهرباء(الدكتور
يعرفك المشكله ايه بالظبط ✋️

وبعدها هنعمل بعض التعديلات ( الاستراتيجيات)

زي اننا هنقسم التيار علي اكتر من مفتاح صغير بدل مفتاح واحد كبير ونشغل المفاتيح دي بالترتيب (تقسيم المهام )👌

وهنحتاج مولد خارجي (المحفزات ) عشان يدي دفعه للتيار (الدوبامين ) عشان يشتغل👌 شات جي بي تي عسل ف الدور دا ع فكره😁

ونجيب مهندس الصيانه(الدواء) بشكل دوري يشيك علي اللوحه والسلوك وينضفها 👌

فالأم هنا قالت بس يادكتور أنا مش مشكلتي بس ف الكهربا لاء انا عندي احباط وحزن وقلق وفي اصوات ف دماغي بتقولي كلام وحش اوي💔

قالها هنا عشان كدا بتحتاجي الفني ال معايا . تاخدي معاه جلسات يفهمك نفسك ويزود وعيك ويغير الاصوات ال عندك👌

ياترا فهمتم ليه الأم بتقول انا مشلوله؟ 🤔

لأن الشلل التنفيذي بيخليها عاجزة تبدأ رغم إنها عايزه✋️

وهتلاقو حلول ثانيه هنا
👇
https://www.facebook.com/share/p/1E6bQFc5bE/

ماتنسوش الايك والشير دليل ع مروركم الكريم🩵💙

✍️

معلومه سريعه❤️❤️

ليه طفلك بيقدر يركز ف لعبه او هوايه🤔
ويقعد ٣ ساعات واكتر يلعبها من غير مايتحرك
وبنفس الوقت مايقدرش يقعد ربع ساعه
لحل مسأله او عمل واجب 🤔

والسؤال التاني ال بيسألو اكتر هما ال ADHDER
الكبار ليه يوم ابقي ف قمه النشاط
وفي يوم ماقدرش احرك كوبايه🤔

عايزين تفهمو السبب 💙

تخيلو انكم واقفين قدام باب ومحتاجين تفتحوه
ومعاكم المفتاح في إيدكم لكن القفل مش راضي
وبعدها اكتشفتم إنه بيفتح بس بطريقة مختلفه✋️

والطريقه المختلفة دي مش بتخليه يفتح
بالمفتاح بوضعه الحالي لان لازم يتعدل عليه
بكود معين عشان القفل يفتح

هنا الباب مش عطلان ولا خربان ولا انت عاجز الاراده عن فتحه ..
بس هو القفل ال بالباب بيعصلج والمفتاح ال معاك ببساطه مش المفتاح الصح للقفل دا لان محتاج يتعدل عليه✋️

كمان من خصائص القفل دا انه مش منتظم و متقلب فعايز معامله خاصه✋️

والابحاث أكدت ان ال ADHD مش عندهم نقص ف الانتباه لكن عندهم مشكله ف توزيعه حسب السياق

مع الطفل او الشخص العادي الانتباه بيعتمد ع الأهمية والأولويه ف توزيعه
يعني الانتباه بيتحرك معاهم حسب النتائج والمكافأات والعواقب.👌

لكن طفل او الشخص المصاب ب ADHD الانتباه
عندهم معتمد ع الأهتمام والتحدي واللالحاح التحفيزي✋️

فتلاقيه مش قادر يركز في الرياضيات
لانها مش مثيره للاهتمام ولا فيها تحدي
لكن قادر يركز 3 ساعات في Minecraft يبني فيها 🙄

مش قادر يحفظ جدول الضرب لكن قادر يبقي موسوعه ف حفظ معلومات الاعبين بتوع الكوره🙄

عشان كدا لازم الدراسه معاهم تكون قايمه ع الاهتمام والمحفزات والتحديات💪

ودا هتلاقوه ع فكره ف خطة المذاكره
بتاعتي ال بالتلجرام هسيب اللينك ف التعليقات ✍️👏

ماتنساش الايك دليل ع مرورك الكريم🩵💙

✍️✍️

معلومه سريعه❤️

اكيد سمعتم عن جمله ان ال ADHD اقل من الطفل العادي ب 30 ف الميه🤔 ف تطوره

بس كتير فهمها انها ف الذكاء .. دا مش صحيح الفرق دا ف النضج العاطفي والسلوكي المعتمد ع الوظايف التنفيذيه ✋️

يعني طفل ADHD العمره 12 سنة بيتصرف بنضج
ف إدارة مشاعره وتنظيم سلوكه وإحساسه بالوقت. بنضج طفل عمره 8 أو 9 سنين✋️

ناخد مثال زي ماتعودنا 👇

يعني لو حطيتي طفلين قدام مسألة رياضيات الاتنين هيفكروا ويوصلوا لنفس النتيجة تقريبا عادي👌

لكن لو جبتي الطفل العادي ال عمره 12 سنة️
وال عنده ساعة داخلية شغالة..
هتلاقيه بيحس إن الامتحان اللي بعد بكره ده قريب اووي ولازم يذاكر عشان يجيب درجه حلوه✋

و هتلاقيه بيذاكر دلوقتي👌
حتى لو مش نايم وتعبان وبيسيب الموبايل لو كان ماسكه

لكن لو جبتي طفل عنده 12 سنة.ADHD.✋️
وعنده الامتحان بعد بكره...وعارف إنه لازم يذاكر
وعارف إن لو ذاكر هياخد درجة كويسة.اكبر
ونايم وزي الفل ومش تعبان✋️

بس دلوقتي بالنسباله الموبايل مثير وممتع...وموجود ..والمذاكرة مزعجه والامتحان في دماغه بعيد جدا حتى لو هو عارف إنه بكره.✋️

لما الأم قالتله قوم ذاكر دماغه مانع جسمه يتحرك
..، مش عناد، لكن دماغه مش بيحس بقيمة اللي جاي.💔

لما هي لحت عليه...انفجر ...وصرخ خليني أخلص الدور ده
مش لأنه مش عارف إن الامتحان أهم،..... لكن لأن في اللحظة دي مفيش فلتر بين الضغط اللي حسه وبين ردة فعله.🤔

المهم
قعد يذاكر أخيرا بس بعد شجار وعصبية، وهو مش قادر يركز لأنه لسه متأثر بالانفجار اللي حصل.💔

فطفلك ال ADHD ذكاؤه بيقوله إيه الصح لكن نضجه العاطفي والسلوكي والتنفيذي ال اقل من عمره ب ٣ ل٥ سنوات مش بيديه الأدوات ال محتاجاها عمره الحالي وال هتخليه يعملها في اللحظة الصح وده بالظبط اللي بيخلي أهله يقولوا هو فاهم بس مش بيعمل ✋️

ففهمك الفرق ده مش بس كمعلومة بتمر عليكي كفيله تغير طريقة تعاملك مع طفلك✋️

لإن لما تعرفي إن مشكلته مش في ذكاءه ولا فهمه ساعتها هتبطلي تحاسبيه على حاجة مش في إيده وهتقللي توقعاتك شويه✋️

وهتبدأي تدوري على الأدوات اللي تساعده يعوض اللي ناقصه👌

والخبر الكويس إن النضج العاطفي ده بيتطور مع الوقت والدعم الصح❤️

المهم افتكري بدل ما تقولي لأبنك ليه مش بتعمل الصح؟ قولي لنفسك إزاي أساعده يعمل الصح؟👌

✍️✍️

كتير مش فاهم ال CBT العلاج المعرفي السلوكي
بيعمل ايه🤔

النوع دا من الجلسات ليه محاور كتير بس
الفكرة المحورية فيه هيا ان👇

مش الأحداث ال بتأثر فينا لاء اللي بيأثر فينا هو تفسيرنا للأحداث دي ✋️

هديكم مثال بسيط يوصلكم الفكره 👇

اتنين شباب كل واحد فيهم عامل مشروع اكلة برجر 👌

الاتنين مش بيجيلهم طلبات في الشغل والمبيعات مفيش 🥺

الأول قال انا فاشل مليش قيمه لان الاكل شكله طلع سيء
وبعدها كانت النتيجه ان جالة اكتئاب وقفل المحل 💔

أما👇
التاني قال: شكل الموضوع محتاج تطوير فا تحرك
علي نفس شغله بس اشتغل ع نفسه اكتر
وعمل دعايه افضل وحسن من الوصفات👌

فبعدها المحل ذادت مبيعاته وبدأ يتشهر👏

..تخيل. نفس المشكله. لكن. تفسير محتلف بين الاتنين
..و نتيجتين نفسيتين مختلفتين تماما👍

وهنا بيجي دور ال CBT يشتغل مع الاولاني عشان يساعده يشوف أفكاره بوضوح ويختار تفسير أكثر واقعية واتزان👌

لان ف 👇
في الـ CBT إحنا مش بنغير الواقع…
إحنا بنغير الطريقة اللي بنفهم بيها الواقع دا✋️

لأن نفس الموقف ممكن يهد شخص💔…
وممكن يبني شخص تاني👌

والفرق بينهم مش في الحدث…
لكن في الفكرة اللي عدت في دماغهم في اللحظة دي✋️

بس كدا😁
✍️✍️

الواحد يصحي الصبح ع كومنت زي دا
بجد ضحكت ع جهل النقد وزعلت ان النوع دا في منهم بيشتغل مع الاطفال وهو ابسط الامور مش عارفها
ربنا يهدي بجد