عيادة طفلى DR Alshimaa Samy

شوفت reel لزوجة أمريكية متجوزة راجل سعودي والاتنين لذاذ جدا
عندهم ولد اصغر من ٣ سنين اسمه محمد
فابو محمد بيديله عنبة كبيرة فردت قالتله
How can you do this? It’s very dangerous to give him grapes without cutting cubes as it can cause choking in this age.
الترجمه انه قطعله العنبة مكعبات صغيرة لانه خطر ممكن تخليه يتخنق

بصلها وضحك وقالها واحنا صغيرين كنا بناخد بال ٥ عنبات مرة واحدة

وانا بعدها الحقيقة افتكرت الطفل الولد الوحيد علي ٥ بنات
جالي متوفي بسبب اختناقه في عنبة
وللأسف الشديد لم يتم انقذاه واحنا بنركب الانبوبة الحنجرية محاولة لفتح مجري الهواء كانت الصدمة
العنبة كانت سادة الحنجرة تماما
وتسببت في اختناق ادي الي وفاة طفل سنتين ونص
الله يرحمه ويصبر أهله

يحضرني هنا انه الامريكان فاهمين الامن والامان وغيرهم من الغرب
وما زال العرب يستينون بأشياء ويفتخرون انهم مختلفون يقدروا ياكلوا ٦ عنيات مرة واحدة وهما اطفال صغيرين

وعجبي

الصور للشرح والتنبيه

لما بشوف حال طب الاطفال في مصر بزعل بصراحة
ومن فترة قررت اسكت
دكاترة بتطلع تعلم الامهات ازاي ينضفوا مناخير عيالهم
والناس تروحلهم علشان الدكتور نجح ينضف مناخير العيل 😅
وبقي مشهور وقصة كبيرة الصراحة

المهم طب الاطفال هو تخصص مهم وقائم علي التخصص
زيه زي طب الباطنية

بس الطفل مش بالغ وليه حسابات مختلفة
لانه غير مكتمل ولانه بيكبر

طيب دكتور الاطفال العام
علي الاقل لازم يكون بيعرف يقيم حالة الطفل صح
ده حالته مستقرة وده اللي هيتعالج في العيادة
وده حالته غير مستقرة وده محتاج طورايء الاطفال

فعيادة الدكتور غير مجهزة انها تنقذ حالة طارئه
الحرارة مش حالة طارئة ويمكن ان يتم التعامل معاها في عيادة الدكتور
بس هو لازم يبقي فاهم الاعراض والعلامات المصاحبة للحرارة اللي ساعتها بتخلي الحالة طارئة

لكن للأسف الشديد
المعظم لا يعلم يعني ايه ؟
Life support
مع انه دكتور

Badic life support
اساسي في عيادته
ولحد وصول الاسعاف والمساعدات للوصول للمستشفى
لازم يكون عارف
Advanced life support
وده الدكتور بيسعف الطفل او الكبير اللي حالته حرجة بشكل مختلف

اللي بقوله ده
ABC طب

لكنه للأسف ضاع وداب في المجتمع الصحي المصري

الدولة والوزير لازم يدرك اللي بيحصل

ولازم الحصول وتجديد رخصة
Basic and advanced life support
اساسا قبل ما اي يحد يشتغل ويلمس مريض

مش عايزة اصدمكم
انه في كل دول العالم المتحضر

الاطفال بيتم علاجهم بطبيب عام
الا اذا شاف انه حالته غير مستقرة فبيحوله للطواريء
او انه حالاه لا تتحسن معاه فبيحوله لدكتور اطفال

انما ما يحدث وبيروح معاه ارواح اطفال
وبيتم تشخيص غلط

ده مين يتحمل مسئوليته ؟

فيه طفل حرارته ٤٠ بس حالته غير حرجة
وطفل حرارته ٣٨ وحالته حرجة

طب يعني ايه حالة حرجة ؟
يعني حد محتاج مساعدة الآن لانقاذ حياته
وأي تأخير في العلاج هتخلي الحالة تسوء وتحصل مضاعفات

يعني تفهمي انه أرتفاع درجة الحرارة مش دليل علي خطورة المرض
انما فيه أعراض تانية أهم تدل علي أنه الطفل فعلا مريض ولازم يتعرض علي دكتور

تعرفي ايه الاعراض دي ؟

الاجابة الصحيحة
ليها مني هدية
عبارة عن استشارة فيديو لمدة ربع ساعة


الشيماء محمد سامي
استشاري طب الاطفال والرعاية المركزة
عضو الكلية الملكية الانجليزية لطب الاطفال

تفتكري الدكتور ممكن ببصة يقدر يفرق بين الطفل المريض وحالته حرجة والطفل المريض وحالته مستقرة ؟

من أهم الاسباب اللي خلتني سيبت مصر
هو استغلال الجهل
استغلال بعض الدكاترة لجهل الناس بالطب ونشر معتقدات صحية بقت راسخة في ذهن المصريين لدرجة انها بقت طبيعية وعادي

عكس برة مصر ما فيش استهانة فالأمان الصحي للمريض فوق كل شيء
Patient safety
يعني do no harm

لكن الجميع عايز يسوق علي حساب المريض المسكين اللي بيتعلق بقشة 😖

المهم انه حاولت اشتغل بطريقة علمية وهيا الطريقة الوحيدة الصح في الطب
يعني شغل السوق غلط واستهلاك للموارد والفلوس وللنفس

أوضح انه العيال بتخف عادي بدون مضاد حيوي لو مش محتاجين
والاهالي بتتقبل عادي
وبنفهمه الاعراض الخطيرة او العلامات اللي لازم يلجأوا للطبيب
والطبيب عنده أمانة يقول حالة المريض بدقة

طبعا كلامي لم يلقي أهمية
ما دام ما كتبتش بوست فيه ازاي تعالجي ابنك من اي مرض ؟
وما عملتش استعراض لمعلوماتي الطبية

حتي معظم ما كنت أكتبه كان توضيح لخطورة الادوية بدون داعي

عموما كل فرصه هقدر أوعيكم هحاول
بس ساعات بحس انه القصة دي صعبة لما تكون ماشي ضد التيار

الصورة لشد الانتباه

"وتشاءُ أنتَ من البشائر قطرة،
‏ويشاء ربك أن يغيثك بالمطر

‏وتشاء أنت من الأماني نجمة
‏ ويشاء ربك أن يناولك القمر

‏وتشاء أنت من الحياة غنيمة
‏ويشاء ربك أن يسوق لك الدرر

‏وتظل تسعى جاهدا في همة
‏والله يعطي من يشاء إذا شكر"

(وَلَسَوْفَ يُعْطِيكَ رَبُّكَ فَتَرْضَى)

كَم مِّن فِئَةٍ قَلِيلَةٍ غَلَبَتْ فِئَةً كَثِيرَةً بِإذْنِ اللَّهِ واللَّهُ مَعَ الصَّابِرِينَ