Dr. Hend A. Aziz

ابنك هيطلع زي ما انت "عايش" ... مش زي ما انت "عايز"
Be Sure

((((( ماتصحيش ابنك او بنتك من النوم خالص ))))))

لما تدخل على ابنك او بنتك وتلاقيه نايم على الكتاب وهو بيذاكر ... اوعى تزعق وتخضه وتصحيه مفزوع ... لأنك بكده بتسبب له عقدة وخبرة مؤلمة مع المذاكرة مقابل مصدر الراحة الوحيد ( اللي هو النووووم ) وطبعا عمره ما هيختار ينصف المذاكرة ويختار النوم ويعتبرك حرمته من شيء مهم ليه بيريحه

الحاجة التانية ... ابنك عامل زي الكتكوت بالظبط مش بيخطط للنوم زينا ويحاول ويعافر علشان ينام .. لأ لأ لأ خاااالص هو غيرك تماما ... هو النوم بيحط عليه فجأة زي الكتكوت بالظبط فبينام فجأة بدون تخطيط منه 😍😍😍😍😍😍😍😍😍

وده معناه انه خلااااص جسمه جاب آخره ووجبت عليه الراحة لان الجسم كده هو االي طلب الراحة 🤭🤭🤭🤭🤭🤭🤭

ومهما صحيته مستحيل هيفتح عينه ويسترد وعيه ويذاكر تاني

كده هيكون الكل خسرااااااان 🔴🔴🔴🔴🔴🔴🔴🔴

يبقى إيه العمل ؟؟؟؟؟؟ 🫣🫣🫣🫣🫣🫣

هي حاجة واحدة : لو مكانش نايم في سريره .. صحيه بحنيه وطبطب عليه وخده لغاية السرير ونيمه وغطيه وروح نام انت كمان خليه يرتاح ويشعر بالأمان والسكينة

وتاني يوم صحيه بدري ساعة بحنية شديدة وخليه يذاكر اللي مخلصوش هيكون فايق اكتر وجسمه ارتاح فعلا وهيقدر يعطيك نتيجة

ولا تبقى زعلته ولا فزعته ولا كرهته في اللحظة اللي بتشوفه فيها نايم ... وانت ماتنرفزتش ولا حرقت دمك وكده كده مفيش حد مستفيد .. وحسسته بالأمان جوه بيته ... وانه وجب عليه تعويض الوقت لأنه عنده إلتزام .. وإن الالتزام لايعني أبدا انه يقعد يتعذب بدون منتج

وافتكر تاني أولادنا بيناموا زي الكتاكيت النوم هو اللي بيفاجئهم مش بيخططوا له زي الكبار فلا حرج عليه

طبطب على ابنك وسيبه يرتاح ❤️❤️❤️❤️❤️❤️✔️✔️


⚘️⚘️⚘️⚘️⚘️⚘️⚘️⚘️⚘️⚘️⚘️⚘️⚘️⚘️⚘️⚘️⚘️⚘️⚘️

من علامات النضج 😉

لما تشوف حد بيكذب و يحوًر

تسكت و تتفرج و تخليه يكمل 🤭

كمل يا بابا كمل



⚘️⚘️⚘️⚘️⚘️⚘️⚘️⚘️⚘️⚘️⚘️⚘️⚘️⚘️⚘️⚘️⚘️⚘️⚘️

((( اوعى تنزل إبنك او بنتك من البيت زعلان )))

وارد جدا يحصل موقف منه ينرفزك الصبح مثلا والوقت ضيق ... تلاقي نفسك زعقت له او حتى ضربته ... كل ده وارد

احرص على انك تحضنه وتحسسه بالأمان قبل ما ينزل

مهم اوي ينزل وانت مراضيه علشان في طريقه للمدرسة مايحسش بالغربة والجفاء وانه لوحده ومضطهد وممكن اوي ده ينعكس على سلوكه في المدرسة وعلى زملائه

حضنك ليه هيهديك ويدعمه نفسيا

وانت لو معملتش كده هتحس بالذنب طول اليوم وتكون مقريف في شغلك ومودك مش حلو



⚘️⚘️⚘️⚘️⚘️⚘️⚘️⚘️⚘️⚘️⚘️⚘️⚘️⚘️⚘️⚘️⚘️⚘️⚘️

"من آداب الزيارات الاجتماعية:

‏- الإبتعاد عن التذكير بالذكريات الحزينة

‏- الإبتعاد عن الأسئلة المزعجة نفسياً مثل تأخر الزواج، الوظيفة، الدراسة، التخرج

‏- الإبتعاد عن العتاب لعدم التواصل وتقدير أن الناس مشغولة بأعمالها وهموم حياتها

- الإبتعاد عن التعليقات المحرجة عن تغير الوزن، نوع الملابس، والشكل."

وايه كمان .......؟؟



⚘️⚘️⚘️⚘️⚘️⚘️⚘️⚘️⚘️⚘️⚘️⚘️⚘️⚘️⚘️⚘️⚘️⚘️⚘️

وانتى رايحة تذاكرى للعيال ..
1- افتكري ان ده ابنك .. ضناكي .. حتة منك😍 .. ما تخليش حاجة تافهة تخسركوا بعض😁 ..

2- حاولي تختاري الوقت المناسب⏰ .. لأنه بعد ما بيرجع من المدرسة بيكون تعبان 😪 وبعد ما بيتغدي بيتقل 😴 وبعد ما بينام الضهر بيقوم وخمان..وبعد ما بيستحمي 🚿 بيعوز يريح 🛏.. اختاري وقت غير دول 😄 هيبقي مصحصح و مفوق معاكي ..

3- خرجي أي أطفال من أوضة المذاكرة عشان فجأة هيحب أخته 👧 اللي كان لسه مديها شالوت وملبسها في الحيط ... وهيكتشف فجأة إن عنده أخ أصغر منه👶🏻 وهيتفاجئ أكتر إن اسمه علي وإنه عايش معاكوا بقاله 3 سنين ... سبحان الله !!!!

4- خلي جنبك زير أو كولدير 🌊 ... حسب المتوافر .. لأنه هيعطش 50 مرة ...

5- ذاكري في أوضة جنب التواليت 🚽 عشان هيتزنق منك 15 مرة ..

6- ما تضيعيش شقي عمرك علي الاستيكرز ... هيزهق منها بعد يومين وهيلزقهملك في قفا اخواته ...

7- هو لو حضرتك قولتي المعلومة 20 مرة هيحصل حاجة؟ .. والنبي ما هيجرا حاجة .. قوليها بصدر رحب وانتي مفرفشة 😊 كده بدل ما تخسروا بعض علي مادة ما تستاهلش أصلاً..

8- جو التحفيز ده مفيد ..شجعيه وقوليله لو خلصنا الهوم ورك هنحرق الكتاب🔥 يا حبيبي .. هيبقي فوريرة ..

9- بلاش جو البطل بيعمل الواجب والبطل بيذاكر عشان هيقولك ابو الأبطال علي أبو المذاكرة .. علي أبو...🤬، ما تعصبوهمش بقي😡 ...

10- اقفلوا التلفزيون 📺❌ في البيت كله وما تخليش حد يتكلم عشان هو راشق ودنه👂⬅️ في أي حوار...

11- و هو بيذاكر هيفتكر يحكيلك ان محمد صاحبه قرصه انهارده و ان مازن أكل قطمة من سندوتش عمر وان التيتشر عطست مرتين🤣...لأ..عطست 3 مرات عشان الدقة...خلى علي قلبك مراوح وقوليله لما نخلص هنرغي زي ما انت عايز..

12- الاسئلة بتاعة الفلاسفة زي ليه الكورة مدورة⚽️ وليه مش بناكل التراب ومش بنتغدي ورق شجر🍂...كل ده هيهل عليكي وانتوا بتذاكروا...طنشى خالص...

13- اوعي تقوليله ان التيتشر قالت حاجة غلط...كله الا كلام التيتشر..
التيتشر دي خط احمر يا أمي...

14- متستغربيش من جو الحنان المفاجئ❤ المفرط والمشاعر الجياشة اللي بتهب فجأة دي..وانتوا بتحلوا الواجب يقوم يبوس ايدك💋 ويقولك عايز أروح أحضن بابا💞 وأحب علي رجل أختي...كل ده متوقع...

15- حاولي تنجزي عشان ابنك مش ثانوية عامة..وعشان مرارتك وصحتك..



⚘️⚘️⚘️⚘️⚘️⚘️⚘️⚘️⚘️⚘️⚘️⚘️⚘️⚘️⚘️⚘️⚘️⚘️⚘️

I've just reached 6K followers! Thank you for continuing support. I could never have made it without each and every one of you. 🙏🤗🎉



⚘️⚘️⚘️⚘️⚘️⚘️⚘️⚘️⚘️⚘️⚘️⚘️⚘️⚘️⚘️⚘️⚘️⚘️⚘️⚘️

ذكريات جميلة