Science fun "Dr. Elia Gamil"

اعتماد نتيجة الثانوية العامة ٢٠٢٣ واعلان الاوائل يوم الاثنين ٣١ / ٧ واعلانها على المواقع يوم الثلاثاء ١ / ٨ وشهادات النجاح في المدارس يوم الخميس ٣ / ٨ .. ربنا يفرح كل طلاب الثانوية العامة

مواعيد الدراسة للعام 2024 ✨
بالتوفيق ان شاء الله 💓

نبذة عن جمال الحيوانات اللي هندرسها في جونيور 4 ✨🤩
#الساينس متعة😍
Animals in grade 4 🙈

- سمعت عن انوار السما 🤔

= اية انوار السما دي 🧐

- تعالي احكيلك بقي اية حكاية انوار السما 🤗🫣
في ظاهرة بتحصل في القطب الشمالي و القطب الجنوبي للارض و اسمها بالاتيني Aurora او ظاهرة الشفق القطبي
و هي عبارة عن مزيج من الالوان بيظهر في السما 🌌

= واااااو حلوة اوووي 😁
طيب هي بتحصل لييه 🤔

- بتحصل نتيجة الاصطدامات بين الجزئيات المشحونة كهربائياً من الشمس لما تدخل الغلاف الجوي للأرض ، و بتظهر بعد غروب الشمس بشكل واضح و تستمر لساعات متواصلة

= طيب انا ممكن اشوفها فين 🤩

- بتحصل في اماكن كتير زي كندا و الاسكا و ايسلندا و فنلندا و السويد و النرويج 🗺️

= ظاهرة حلوة جدا فعلا 🥰
نروح نعد في القطب الشمالي بقي لحد ما موجة الحر تخلص و اهو نشوف الشفق القطبي كمان 😂🌡️🧳

#رسمياً
69.38% نسبة النجاح فى شعبة أدبي
78% نسبة النجاح فى شعبة علمي علوم
83.1% نسبة النجاح فى شعبة الرياضيات

👈رأيى فيما يخص امتحان الاحياء فانا رؤيتى سلبيه بصراحه لأن مادة الاحياء ثبت بالدليل القاطع انها فى مأساه وتتعرض لإضطهاد مزرى من قبل المسؤلين
◆بدايه من تعمد الوزارة وضع موعد امتحانها فى ذيل الجدول على مدى عده سنوات ولا اعلم ما هو مغزى هذا الاصرار هل هو تقليل متعمد لتلك الماده التى تمثل محور اساسى فى كل العلوم الدراسيه ام ماذا ده بالاضافة ان الطلبه عند اخر مادة بتكون وصلت لمرحلة لا مبالاه ومجهودها لا يتفق مع حجم الجهد المبذول طول العام فى تلك المادة والاداء بيكون سلبى تلقائيا
◆ثانيا بالنسبه لواضع الامتحان واضح ان عنده تار بايت مع الاحياء نفسها بيخلصه فى انه يكره المعلمين والطلاب فيها بمستوى امتحان فاق سقف التوقعات بمراحل وغير متوازن
◆حضرتك لم تراعى الفروق الفرديه بين الطلاب ولم تلتزم بمعايير الصياغه ولا بالتوازن بين محتويات المنهج فين اليات عمل الاجسام المضادة وفين تعاقب الاجيال والتكاثر الجنسى ووسائل منع الحمل والتكوين الجنينى وتخليق البروتين الخ
◆حضرتك جايب سؤال ليس له علاقه بالمنهج هل فى لفظ فص هرمى للغدة الدرقيه فى المنهج ده لوحده خطأ فادح يجب ان تحاسب عليه قانونيا، جايب سؤال البطاطس لمعلم فيزياء وضاقت بيك جايب ثمرة التفاح الكاذبه تسال عن الاندوسبرم فيها وجايب جزىء tRNA غير ناضج فى مرحلة المعالجة وتسال فيه هل ده عند الطالب متجيبله الجزىء من كتابه وتسال فيه
◆سيادتك يا واضع الامتحان بتحارب المادة والمعلم حتى المخضرم والمتمكن والطالب حتى اللى بيحب الاحياء كرهته فيها لانك كنت لابس عدسه مكبرة وماشى فى سراديب داخل المنهج عشان تحط اسئلة مش من بين السطور لا من بين الكلمات مدفونه محدش عارف مفتاحها غيرك وده اسقاط مش نجاح ولا اداء متميز
◆واخيرا كلمه لاساتذتنا وزملائنا المعلمين الرجاء بلاش حرب التراشق بالالفاظ والامتحان ضرب معرفش مين واسقط مين ونقد لاذع للكتب الخارجيه اذا كان الامتحان اسقط المنهج وكتاب الوزارة نفسه وضربهم فى المقتل واسقط مجهودنا كمعلمين المتميز والضعيف على السواء
◆الامتحان اثبت انه اقوى من حيز توقعاتنا كمعلمين وطالما الامتحان كان محتاج اجتماع بين 3معلمين عالاقل عشان يوصلوا لاجابات شبه صحيحه يبقى محدش فينا يقدر يوجه سهم نقد ولا هجوم لأى فئه ولا عزاء للطالب المجتهد والمعلم المخلص وكلاهما طول العام يبذل قصارى جهده ويضع يده على قلبه خوفا من الفتك بكل تلك المعايير لياتى بامتحان مخالف للصياغه والمعايير
👈ما قلته يعتبر راى شخصى من حقك تتفق او تعارض

امتحان الاحياء النهارده مش سهل خالص ... الامتحان مظهره سهل ... بس عايز تركيز عالى جدا ... واللى استعجل هيخسر درجات كتير ... اسئله كتير جدا مش محتاجه مذاكرة بس دى محتاجه تحليل ومقارنه وتفضيل بين الاختيارات ... ومنها اللى هيتحل بالاستبعاد ... لكن المحتوى العام جيد جدا ... بالنسبه للطلاب ... ربنا يصلح حالنا جميعا ... 🌹

✅ امتحان الأحياء السنادي اتسرب برضو للأسف بعد بداية اللجنة مباشرة .

✅ مستوى الأسئلة كالتالي :

1️⃣ ٧٠ ٪ من الأسئلة متوسط
2️⃣ ٢٠٪ من الأسئلة أعلي من المتوسط
3️⃣ ١٠٪ مستويات تفكير عليا

عدد النقاط الجدلية (التي تحمل أكثر من إجابة) = ٢

الطالب اللي مركز هيجيب ٥٦ من ٦٠ مرتاح

اغلب الافكار فيها تكرار ويوجد بعض الافكار الجديدة فيها ابتكار بصراحة

الجميل في الموضوع ان رغم تسريب الامتحان فيه اجابات كتير غلط في جروبات الغشاشين

ربنا يوفق الطلاب اللي عندهم ضمير وينتقم من أي حد كان سبب في الغش والمهزلة دي
يلا استمتع بالاجازة😂😂

رجالة الثانوية العامة حبايبنا
👈خلاص حضرتك بتنهى رحلتك مع مجهود جبار انت بذلته على مدار عام كامل ربنا يكلله بالتفوق طبعاً
👈بقيت مصاب بالملل وكل اللى شاغلك انك تخلص وتروح تنام او تعيش حياتك بصورة طبيعيه، حقك لانك تعبت
👈بس خلى بالك انت فى اخر خطوه عندك مادة ب 60 درجه الخطوة دى تعتبر حاسمه فى المحافظه على المكاسب السابقه وربما يكون هدفك على المحك وتحسمه تلك الخطوة وتكون الحد الفاصل بشكل ايجابى لصالحك إن اغتنمتها بالشكل المطلوب
أو حتى تعويض ممتاز عن اللى ضيعته فى الكيمياء والفيزياء
👈خلى بالك متسيبش الصنارة بعد متصطاد السمكة
👈شد نفسك كده واشتغل لأخر لحظه فدائما الفرصة الاخيرة هى من تمنح الفوز
👈ربنا يوفقكم ويكتبلكم النجاح والتفوق 🥰

من عجائب التدريس :
ان الطلبة بتفهم السؤال لما أنت تقرأه بصوتك انما هما لما يقرأوه مش فاهمين

عدد اسئلة امتحانات الثانوية العامة في المواد العلمية (الكيمياء - الفيزياء - الأحياء - الجيولوجيا)
٤٦ سؤال مقسمين كالأتى
أ- اسئلة الاختيار من متعدد (٤٤ سؤال)
٣٢ سؤال (كل سؤال بدرجة) = ٣٢ درجة
١٢ سؤال (كل سؤال بدرجتين) = ٢٤ درجة
ب- أسئلة المقال (سؤالين فقط)
٢ سؤال (كل سؤال بدرجتين) = ٤ درجات
لا تغيير في الدرجة الكلية (٦٠ درجة) ولا تغيير في زمن الامتحان (٣ ساعات)