Art Space for Kids

اسره مساحه فن kids تهنأكم بحلول شهر رمضان الكريم 💙
و كل عام و انتم بخير💙

أطفالنا اوقات بيختاروا أختيارات غلط او مش مناسبة!!🤷🏻‍♀️🙈
وكثير بيبقى الأسهل اننا نأخذ القرار ونخلص لكن للأسف ده بيضر شخصية الطفل على المدى البعيد


أهمية اعطاء الطفل مساحة لاتخاذ بعض القرارات: 🔻🔻
١. التعرف على الطفل بشكل أعمق، ومعرفة ما يفضله وكيف يفكر
٢. تقوية العلاقة بين الطفل وأهله
٣. تقوي شخصية الطفل وثقته بنفسه
٤. تساعده على تحمل عواقب أختياره فيصبح أنسان مسؤول في الكبر.


ملاحظات مهمة:
١. الأختيارات يجب ان تكون محدودة وتناسب عمر الطفل
٢. مهم نعبر كأهل عن دعمنا للطفل ومساعدته علي تنميه التفكير المنطقي بالحديث عن الإيجابيات والسلبيات الموجودة في الاختيارات المتاحة

📍التربية بالقدوة
تعتبر التربية بالقدوة من أكثر الأساليب المؤثرة في تربية الأبناء باعتبار ان الانسان يميل لاتخاذ شخص يكون قدوة له في مجالات الحياة. 👌🏼
ويعتبر الوالدين من اكثر الأشخاص تأثيرا على سلوك الأبناء باعتبارهم قدوة لهم ، فأقوال وافعال الوالدين تنعكس على الأبناء فكلما كانت هذه الاقوال والافعال ايجابية انعكست ايجابيا على شخصية وسلوكيات الابناء وإذا كانت غير ذلك انعكست سلبيا عليهم..
فعلينا مراقبة افعالنا واقوالنا لنكون قدوة ومثلا أعلى لأبنائنا فكلما زرعت جميلا حصدت أجمل بإذن الله..🫱🏻‍🫲🏼💙

هقولكم علي طريقة جربوها خصوصا مع النوع اللي زي ده من الخناقات
علي سبيل المثال لا الحصر طبعا 😅 :
مش عايز ينام عايز يلعب
بيقاوم علشان مايطفيش التلفزيون
مش عايز يمشي ويسيب اللعبه
عايز يشتري حاجة انت مش موافقه عليها
جربي تستخدمي كلمات فيها تقدير لمشاعر الطفل قبل ما تقولي اللي انا عايزاه والطلب قوليه بحزم ولكن بدون عنف - بكلمات قليله - ومع تكرار ان لزم الأمر .. ازاي !!
عارفه انك زعلان لكن مش هينفع غير لعبه واحده زي ما اتفقنا ..
عارفة انك زعلان علشان هنطفي التلفزيون لكن جه وقت النوم انت تطفي ولا أنا ..
متنسوش الحضن لانه بيحل كثير من المشاكل
الطريقة دي جربوها ولاحظوا تأثيرها ..وقولولي خبراتكم !!؟

مهم نختار الطريقة اللي بنوجه بيها أطفالنا لما بيزعقوا او بيتصرفوا غلط لأنهم بيكونوا صورتهم عن نفسهم من خلال اللي أحنا بنقوله لهم ورأينا فيهم🫣😳


لما بنقف على الواحدة لأطفالنا وبننقدهم نقد جارح ومستمر في كل تصرفاتهم ده له نتائج سلبية:
١. فقدان الثقة بنفسه
٢. زيادة عناد وتمرد الطفل
٣. عدم تغيير في السلوك المراد تغييره


نعمل ايه؟
١. نحاول نركز مع الطفل على تعديل سلوك واحد وبعدين نشتغل على سلوك آخر بعديه بلاش نحاول نعدل كل حاجة مرة واحدة
٢. مهم نلفت نظر الطفل للسلوك المراد تغييره بأسلوب لطيف بدون اي اساءة او عنف
٣. مهم نكون موضوعيين واحنا بنتعامل مع أطفالنا ونشوف النقاط الايجابية مش بس السلبية ومنطلبش منهم حاجة فوق قدرتهم او سنهم
٤.نعلم أطفالنا طرق مناسبة لشخصيتهم يعبروا بيها عن غضبهم وزعلهم


📣 شاركوني في التعليقات بتعملوا ايه مع أطفالكم لما بيزعقوا

📣اتركوهم يحلقون، لا تقطعوا اجنحتهم.
يقول خبراء التربية:
🟡اذا كان لديك أطفال و بيتك على الدوام مرتب و منمق و نظيف، وكل شيء في مكانه تماما فأنت أب سيء أو أم سيئة. لأن البيت المرتب على الدوام في وجود أطفال يعني ان حرمانا و جبروتا وسلطة قوية تمارس على الأطفال، والبيت المرتب على الدوام يعني ان طفولة تسرق، و خيالا يسجن، و روحا تداس بالأقدام!
🟡لست ضد ان يكون في البيت نظام و قانون، ولكن ما انا ضده تماما ان يعتقد الأبوان و خصوصا الأم لأنها معنية بترتيب بيتها أكثر من الأب، ولأنها أرهف إحساساو غريزتها تجاه التنسيق اعمق من غريزته.
🟡ان أثاث البيت يجب ان لا يكون كآلهة قريش في الجاهلية تنحني له الرقاب و تقدم له القرابين!
الأثاث في البيت انما نشتريه لنستخدمه لا لنقدسه، و نحن انما يجب ان نكون بين بين لا افراط و لا تفريط.
حاجة الطفل الى اللعب كحاجة الشاعر الى قصيدة، و حاجة الشجرة الى الماء. فهو ليس تمضية وقت بقدر ما هو تعبير عن الذات و اكتشاف للعالم.
🟡أولادنا أهم من الكراسي و الطاولات و المزهريات و اللوحات و السجاد و الصحون و ....
ثم ماذا يعني ان يتسخ البيت، و تتناثر أقلام التلوين، و تتكوم الأوراق، بدل ان نحرمهم لنعقد معهم اتفاقا ان عليهم ان ينظفوا و راءهم.
🟡الأوراق المتناثرة و الورق الممزق و الصحن المكسر يعني انهم يعيشون طفولتهم و انك أم عظيمة تتركينهم يكبرون بسلام.
🟡البيوت التي ليس فيها أولاد قبور على هيئة بيوت، يتمنون الذين حرموا الأولاد لو كان عندهم ولد يقلب البيت رأسا على عقب!
تتمنى الزوجة التي ليس لها ولد لو كان عندها ولد، يكسر كل ساعة صحنا، و يلوث ملابسه كل دقيقة.
علموهم على النظام، و ربوهم على الترتيب، و لكن لا تقطعوا أجنحتهم، دعوهم يحلقون🧡😅

اسره مساحه فن تهنأكم بحلول عيد الأضحي المبارك ..💙🐑
اعاده الله علينا و عليكم بالخير و اليمن و البركات💙

📣خمس عادات بس هتغيرلك حياه طفلك!

🛑1.القرآن :- عود طفلك على حفظ ولو آيتين بس يومياً
وحاول تكون حريص إنه يحفظ ويعرف معناها
تعرف دا هيفرق إزاى فى حياته ؟
- هيوجه الطفل للقيم الدينيه والأخلاقيه السليمه
- هيعزز قدرته على التركيز والحفظ
هيشجعه على الإلتزام والتنظيم فى حياته اليوميه
- هيحسن مهارات الطفل اللغويه
- هيخلى فى تواصل روحى بين الطفل وربه
🛑2.الدعاء :- عود طفلك على الكلام والتواصل مع ربنا بالدعاء
تعرف دا هيفرق ف إيه ف حياة طفلك ؟
- هيساعد فى إن الطفل ينشأ على الأرتباط القوى بينه وبين الله
- هيعلم الطفل أهمية اللجوء لله تعالى فى الصعوبات ودا هيعزز عنده الإستقلال الروحى
- هيعلم الطفل التواضع ومعرفه قدرته الضعيفه أمام الله
🛑3.عدم الحزن واليأس وتحفيزه على الأمل بالله :-
عود طفلك إن فى حجات هتعدى علينا هتخلينا نتضايق بس دا مش معناه إننا نيأس !
لازم دايماً يكون عندنا أمل وثقه فى الله إن هيحصلنا الأحسن
تعرف دا هيفرق إزاى فى حياه طفلك !
-يُعزز التفاؤل والأمل عند الطفل في تطوير صلته بالله والاعتماد عليه في جميع جوانب حياته.
- يُشجع الأمل في الله على تعزيز روح التحفيز والتطلع إلى المستقبل بثقة وإيمان
- يُمكن الأمل في الله من تمكين الطفل للتعامل مع التحديات بإيجابية وإصرار
- هيساهم فى مساعده الطفل على مواجهه الصعوبات
🛑4.ذكر الله :-
عود طفلك على ذكر الله بشكل دائم ف مثلا :-
عند الغضب يردد الإستغار
عند الفرح يردد الحمد لله
عارف دا هيفرق إزاى مع طفلك ؟
- يساهم في تشكيل وعي ديني قوي لدى الطفل وفهمه للعلاقة مع الله
- يؤثر إيجابيًا على تطور الطفل العاطفي والروحي، مساعداً في بناء قلب صافٍ ونفس مستقرة
🛑5.شكر النعم :-
عود طفلك دايماً إنه يشوف نعم ربنا حوليه ويشكر ربنا عليها
أقعد مع طفلك ولو 5 د بس فى اليوم وأبدا بنفسك بشكر ربنا على نعمه البصر ، السمع ، على عطاءه ،……..
عارف دا هيفرق مع طفلك ف إيه ؟
- هيخلى الطفل عنده شعور بالإمتنان والشكر لله
- هيساهم فى تكوين شخصية إيجابيه متفائله
قولنا إيه العادات الي حريص إن طفلك يتعلمها من صغره !