Bassant Mohamed

GOLD MEDALIST 🥇🏆

A big congratulations to Islam Osama on winning Gold Medal in Egypt 🇪🇬 ✨

This medal is not just a result…
It’s a reflection of discipline, resilience, and inner strength.

The journey wasn’t easy.
There were challenges.

But what truly matters…
is who he chose to be through it all.

Focused.
Committed.
Unstoppable.

Match after match…
Point after point…
He showed what a true champion looks like 🤺💛

Proud not only of the gold 🥇
But of the mindset behind it.

This is just the beginning 🚀

So proud of you 💛

بتلعب كتير…
بس مش مستمتع؟

المشكلة مش فيك
المشكلة في إنك مركز على الكم مش الجودة

👇
اكتب “توازن”
وابعتلك Tool ترجع بيه تركيزك واستمتاعك

العالم النفسي John Bowlby قال:

إن الطفل بيتولد بغريزة اسمها
غريزة التعلّق

غريزة هدفها بسيط جدًا…
بس مصيري:

“أنا محتاج أقرب من مصدر تحقيق احتياجاتي… علشان أعيش وأطمن”

فأنا بقرب من اللي بيرعاني
جسديًا… وعاطفيًا
علشان يحميني… ويطمني… ويساعدني علي البقاء

أنا ما بقربش من اللي بيأكلني
ولا اللي بيشربني
ولا أي احتياج مادي وخلاص…

أنا بقرب من:

اللي بيفهمني
اللي بيحس بيا
اللي بيحتويني

إحنا بنتولد عندنا جهاز عصبي رائع جدًا…
بس من غير تعليمات تشغيل

وإحنا أطفال…
كل حاجة جوانا بتبقى أكبر مننا
الخوف… الغضب… التوتر…
ومش فاهمينهم

فبنعمل إيه؟

بنصرخ…
بنعيط…
كأننا بنقول:

“أنا محتاج حد يساعدني أفهم أنا حاسس بإيه”

وهنا بييجي الدور الحقيقي 👇

الأم… أو مقدم الرعاية

لما بيفهم الطفل ليه بيعيط
وبيستجيب له… مرة ورا مرة

الطفل بيتعلم:

أنا مهم
في حد شايفني
في حد حاسس بيا
الدنيا فيها أمان

لكن…

لما الاستجابة تبقى ضعيفة… أو متقطعة…

الطفل يحس بـ:

إحباط
وحدة
ارتباك… من غير ما يفهم ليه

ومن هنا 👇
بتتكتب أول خريطة جوانا

عن نفسنا
عن الناس
عن العلاقات

وعشان كده…

إحنا مش بنتعلّق بالناس صدفة
ولا بنحب بطريقة عشوائية

كل حاجة اتسجلت
في السيستم اللي جوانا…

من أول يوم
لحد أول سنتين في حياتنا

إحنا مش بنشوف الناس زي ما هم…
إحنا بنشوفهم من خلال
عدسة قديمة… اتكونت وإحنا صغيرين

وعلشان كده…

الوعي مش رفاهية…
الوعي إنك تفهم إن المشكلة مش كل مرة في الناس…
أوقات كتير… بتكون في النمط اللي جواك

استنوني…
هنتكلم أكتر عن انماط التعلق
وإزاي بتأثر على كل علاقاتنا

الإنسان مش بيعيش لوحده…
إحنا بنتولد وسط ناس،
وبنكبر وسط ناس،
وشخصيتنا نفسها بتتكوّن من كل تفاعل مرّ علينا.

الناس اللي حوالينا
مش بس بيأثروا على تفكيرنا…
دول بيأثروا على نفسيتنا، صحتنا، وحتى شكل حياتنا.

عشان كده العلاقات مش رفاهية…
العلاقات جزء مننا.

جزء بنمارس فيه نفسنا
ونفهم إحنا مين
ونكبر ونتغير ونتشكّل من جديد.

العلاقات الحقيقية
هي رفقة في الرحلة…
مشاركة، أمان، ضحك،
وأحلام بنحلمها سوا.

بس علشان الرفقة دي تبقى حلوة بجد…
لازم نكون فيها على حقيقتنا.

من غير تزيف
من غير خوف
من غير ما نحاول نكون نسخة ترضي حد

نعبّر عن نفسنا بحرية
قدام عيون شايفانا… ومتقبلانا… ومقدّرانا

وهنا بس
العلاقة بتتحول لـ “بيت”

بيت آمن
نرتاح فيه
نستخبى فيه من الدنيا
ونرجعله وإحنا مطمّنين

بيت بيفهمنا
يحس بينا
يستوعبنا
ويرد علينا بحب

لأن في النهاية…
إحنا مش بندور على أشخاص وخلاص
إحنا بندور على إحساس

إحساس إننا متشافين
ومتقبلين
ومحبوبين زي ما إحنا ❤
💬 بص حواليك كده بهدوء…
ياتري الناس اللي في حياتك
بتخليك حاسس بالأمان وتطلع أحسن نسخة منك؟
ولا بتخليك تبقى حد تاني علشان تتقبلك وعايش معاهم قلقان وخايف ؟

بمناسبة أن عيد الأم النهاردة… 🤍
حابة أقول
تحية لكل أم

بتحاول كل يوم حتى وهي تعبانة
لكل أم بتدي حب من غير حساب
لكل أم بتقوم وتقف تاني مهما وقعت

إنتي الحكاية اللي بتتكرر كل يوم في تفاصيل حياتنا

إنتي الحضن اللي بيرجعنا لنفسنا مهما تعبنا
إنتي الأمان

يمكن ما بنقولش كتير
بس الحقيقة إنك أعظم نعمة في حياتنا

ويمكن تكوني بتنسي نفسك وسط كل ده…
حابة أفكرك إنك مهمة
وإنك تستاهلي نفس الحب اللي بتديه

كل سنة وإنتي طيبة 🤍
وكل سنة وإنتي بتعملي فرق حقيقي في حياة اللي حواليك

تقبل الله منا ومنكم صالح الأعمال
كل عام وأنتم بخير
اتمني لكم عيد كله خير وبركة ورضا وراحة بال🤍

لحظات جميلة في ايفينت جمعني بزملاءي
أشخاص مهما كانت خبرتهم أو مكانتهم
حاضرين ببساطة وتواضع
بعقل منفتح
الأجمل كمان إني شوفت الـ team
اللي بيجمعنا هدف واحد
إننا نتعلم ونكبر ونكون سبب في فرق حقيقي في حياة الناس

ممتنة للحظات الجميلة دي
ولكل حد كان جزء منها ❤

أوقات كتير بنفهم الرزق غلط…

لما نشوف حد ربنا موسّع عليه نقول
أصل ربنا راضي عنه

ولما نشوف حد رزقه ضيق نقول
أكيد ربنا غضبان عليه

بس الحقيقة مش كده خالص.

ربنا قال
“الله يبسط الرزق لمن يشاء ويقدر”

يعني ربنا ممكن يوسع الرزق على حد
ويضيق على حد تاني
لكن ده مش مقياس للرضا ولا للغضب.

وكمان لازم نفهم إن الرزق مش فلوس بس.

الرزق إنك تصحى من النوم بصحة
الرزق إن قلبك مطمئن
الرزق إنك مستور
الرزق إنك قادر تكمل يومك
الرزق إنك مسلم وبتعرف ربنا

ومن أعظم الأرزاق… الستر.

تخيل كده لو كل أخطائنا وذنوبنا اتكشفت قدام الناس
تخيل لو كل حاجة غلط عملناها بقت معروفة للكل

لكن ربنا بيسترنا كل يوم
وبيفتح لنا باب التوبة من غير ما يفضحنا.

وفي قصة جميلة عن الستر…

خرج سيدنا موسى مع بني إسرائيل يدعوا ربنا ينزل المطر
فأوحى الله إليه إن بينهم عاصيًا
ولو خرج من بينهم هينزل المطر

فقال موسى:
اللي عاصي يخرج من بيننا

لكن محدش خرج.

وفي اليوم التاني دعا موسى ربنا تاني…
وفجأة المطر نزل

فسأل موسى ربنا:
يا رب… العاصي ما خرجش… إزاي المطر نزل؟

فقال الله:
لقد تاب بيني وبينه.

فقال موسى:
دلّني عليه لأتعلم منه

فقال الله:
أستره وهو يعصيني…
وأفضحه بعدما تاب؟

ربنا ستّير
بيسترنا رغم أخطائنا
وبيفتح لنا باب التوبة.

علشان كده…
لو ربنا ساترك
اعرف إن ده رزق كبير يستحق الشكر.

وكمان نتعلم من صفة ربنا دي
إننا نستر على الناس
وما نشمتش في حد
ولا نفضح حد.

لأن زي ما كلنا بنغلط…
كلنا محتاجين الستر.

خليني أسيب لك تمرين بسيط النهارده…

فكر كده في 3 نعم في حياتك
يمكن تكون متعود عليها ونسيت إنها رزق كبير من ربنا

يمكن الصحة
يمكن الأمان
يمكن الستر
يمكن حد في حياتك بيسندك

اكتبهم… وقول:
الحمد لله.

ولو شفت حد غلط أو عرفت عنه حاجة
اختار إنك تستر… مش تفضح
يمكن الستر اللي هتقدمه لغيرك
يبقى سبب إن ربنا يسترك يومًا ما.
#الستير

#تزكية

المشكلة في حياتنا مش إننا ما نعرفش الصح…
المشكلة إننا عارفينه… ومش بنعمله.

كم مرة قرأنا القرآن وتأثرنا؟
وكم مرة قفلنا المصحف… ورجعنا لحياتنا زي ما هي؟

ربنا سبحانه وتعالى بيقول:

﴿وَهَذَا كِتَابٌ أَنزَلْنَاهُ مُبَارَكٌ فَاتَّبِعُوهُ وَاتَّقُوا لَعَلَّكُمْ تُرْحَمُونَ﴾

ركزوا في كلمة “فاتبعوه”.

ربنا ما قالش:
اقرؤوه بس
ولا قال: احفظوه بس

قال: فاتبعوه.

يعني القرآن مش كتاب نقرأه وخلاص…
القرآن كتاب المفروض نعيش بيه.

وفي علم النفس في حاجة اسمها
فجوة المعرفة والسلوك.

يعني الإنسان ممكن يكون عارف الصح… لكن ما بيعملوش.

عارف إن الصلاة لازم يكون فيها خشوع
لكن بيصلي وقلبه مش حاضر.

عارف إن الغيبة حرام
لكن بيقعد في مجلس كله كلام على الناس.

عارف إن الصدق مهم
لكن ممكن يكذب علشان يخرج من موقف.

عارف إن القسوة بتكسر القلوب
لكن بيؤذي اللي حواليه بكلمة.

عارف إن المقارنة بتتعب النفس
ومع ذلك بيقارن نفسه بالناس طول الوقت.

عارف إن القلق مش هيغير القدر
ومع ذلك عقله مش بيسكت.

المشكلة مش إننا ما نعرفش…
المشكلة إن المعرفة ما اتحولتش لسلوك.

طيب السؤال هنا:

إزاي نسد الفجوة دي بين اللي نعرفه واللي بنعيشه؟

هنا بيجي دور القرآن.

القرآن مش مجرد كتاب نقرأه علشان ناخد ثواب القراءة…

القرآن نزل علشان يكون مرآة نراجع بيها نفسنا.

كل آية بنقرأها المفروض نسأل نفسنا:

أنا فين من الكلام ده؟

1️⃣ الآية دي بتأمرني بإيه؟
2️⃣ الآية دي بتنهاني عن إيه؟
3️⃣ إيه الصفة اللي المفروض أعيشها؟

مثلاً لما نقرأ:

﴿قَدْ أَفْلَحَ الْمُؤْمِنُونَ
الَّذِينَ هُمْ فِي صَلَاتِهِمْ خَاشِعُونَ
وَالَّذِينَ هُمْ عَنِ اللَّغْوِ مُعْرِضُونَ﴾

اسأل نفسك بصدق:

هل صلاتي فيها خشوع؟
هل أنا فعلاً بعرض عن اللغو؟

القرآن مرآة نشوف فيها نفسنا.

القرآن نزل علشان يغير حياتنا🤍

ممتنة جدًا إني جزء من مجتمع
Intellect
اللي بيجمع بين العلم الحقيقي والإنسانية 🤍

كانت قعدة جميلة اتكلمنا فيها عن الأحلام
عن اللي نفسنا نوصله
وعن الطريق اللي كل واحد فينا ماشي فيه

انبسطت جدًا إني شوفت زملائي
وممتنة لكل اللحظات الحلوة دي

لحظات من قعدة حلم🤍