chemist/Abanoub Ashraf

المميزات ✅
١- العضويه مش درس منفصل لا خالص انت من اول درس لآخر درس في اسئله ربط بينهم كتير ، احنا بنستغل ده ان طول السنه بنحل عضويه
٢- كتر الحل بيثبت المعلومه يخليك تضمن ٢٢ درجه ف الامتحان
٣- ان شاء الله بفضل ربنا هخليك تخلص من اتقل جزء ف المنهج اللي هما ٢٢ درجه واللي زمايلك بيشتكو منها ،، هي مش صعبه بس هما مش بيلحقو يحلو عليها او يتقنوها واعصابهم مشدوده
٤- طول السنه بنحل عضويه ف آخر الحصه ، علشان تتقنها
العيوب ❌ 👇
ان انا ببدأ من اول حصه بيها فالو محضرتش صعب جدا تيجي بعد حصه او اتنين يعني لو بتجرب مستر او خدت مع مدرس وحابب تيجي هيبقي صعب مانا قولتلك من اول درس لآخر درس مترابطه مع بعضها
هو ده العيب الوحيد بس
انك لو مش معانا الموضوع صعب شويه
بالتوفيق لكل الطلاب ولكل المدرسين ❤️🙏
#مستر _ #ابانوب _ #اشرف
#كيمياء _ #مختلفه
#ثانويه _ #عامه _ #2027

علشان تسجل معانا
بتبعت مسدچ واتساب هنا 👇
012 06436303
والمستر بيبعتلك المطلوب منك ايه طول السنه مع المستر
وكل ده ف محور ( انك تبقي ملتزم ) وبتعرف نظامك ماشي ازاي وبتسأل عن اي حاجه عاوز تعرفها
ربنا معاكم وتبقي سنه سعيده وتخرجوا منها مجبورين الخاطر
#مستر _ #ابانوب _ #اشرف
#كيمياء #مختلفه

توضيح بس كل سنه ببدأ بالعضويه ليه .!!!
١- الباب ده = ٢٢ درجه ف الامتحان 🤔
٢- اسهل باب بس محتاج شغل شويه وحل ✍️📘 كتيرر لحد ماتتعود تحل اي حاجه لوحدك ✅❤️
٣- لو اتشرح ف الآخر انت بتبقي اعصابك مشدوده 🥹 علشان الامتحانات قربت ، فانا ببهدلك فيه من اول السنه واستغل حماسك ف الباب ده ✅
٤- في اخر الباب انت هتقولي ياريت كل الابواب عضويه واكتر باب صدقني هتحل فيه
العضويه مش صعبه ده اسهل باب تلم بيه دراجات ، بس عاوز تأسيس وحل ع كل درس وافهممممم اللي بحله
ومتقلقش انا مش بعمل كتب حل
انا بحل كل الكتب الموجوده بفضل الله

رزقك هيجيلك يامستر والله من غير كدب ، مش لازم تاخد اسئله الاسترشادي وتقول الامتحان بالنص علشان الدفعه الجديده تحجز ، دي دعايه رخيصه صدقني
ممكن نقلل شو وكدب ، نكتر شغل وبرضه رزقك عند ربنا وهيجيلك هيجيلك

بوست حجز دفعه 2027
ونظام السنه
وهنوضح بنبدأ ب العضويه ليه !!
كل ده هقوله بس بعد ماطمن ع الدفعه الحاليه ان شاء الله
بالتوفيق وان شاء الله سنه سعيده ❤️

افكار امتحانك
الباب الرابع
١- هيجبلك معادله : شوف مين اللي حصله اكسده ومين اختزال
هيديلك تحت جهود اكسده واختزال انت شوف اللي حصل ف المعدله وامشي عليه وهات القوه الدافعه الكهربيه لو طلعت ب السالب يبقي تحليليه لو موجب يبقي جلفانيه
٢- خلي بالك الان الكتروليت خليه الزئبق والوقود مش بيحصله حاجه
٣- خليه الوقود لاتختزن طاقه ولا تستهلك زي الزئبق
٤- جهد البطاريه بتاعت الرصاص ب ١٢
لكن جهد الخليه = ٢
٥- تفريغ بطاريه الرصاص ينتج عنها زياده ف الانود والكاثو وكثافه الحمض تقل بس كتله ماده الانود والكاثود تزيد
٦- خلي بالك بقي انه هيجبلك خليتين الاعلي ف الجهد هتبقي جلفانيه والاقل تحليليه هتروح تحول اقطاب الخليه التانيه يعني تعكسهم ولما تيجي توصل هتوصل انود الخليه الاولي (جلفانيه ) بكاثود الخليه التانيه (اللي انت خلتها تحليليه )
٧- شحن ايون الليثيوم اعكس التفاعلات كده انت بتشحنها
٨ - خلي بالك اثناء تنقيه النحاس الزياده ف كتله الكاثود اقل من النقصان من الانود او العكس
٩- المسائل والله معظمها سهله جدا
يعني لو ادالك مثلا عدد مولات هتروح تشتغل ف قانون المولات بس اتاكدت انها مولات عنصرررررررر وليس مركب لو ادالك مولات مركب هتلاقيها ف معادله اعمل نسبه وهات مولات العنصر وهات كميه الكهربيه
وقوانينك بقي وهتلاقي الدنيا عسل
١٠- لما يديلك كتله وكميه كهربيه لمركب وعاوز يعرف هتتحلل كليا ولا جزئيا وعاوز يعرف كمان يترسب قد ايه من العنصر
اول حاجه اعمل معادله موزونه ، تاني حاجه شوف فقدت واكتسبت كم الكترون ، تالت حاجه عدد الالكترونات يساوي زيه فراداي مثلا فقدت تلاته يبقي معاك تلاته فراداي ، اعمل نسبه بين مولات المركب والفراداي اللي جبته والفراداي اللي مدهولك وطلع مولات المركب الجديده واضربها ف الموليه وشوف بقي نفس الكتله اللي مدهالك يبقي هيتحلل كليا لو اقل جزئيا طب لو عاوز عنصر ف المعادله ، شيل المركب وحط العنصر واشتغل نسبه عادي جدا

افكار امتحانك
الباب الثالث
العوامل المؤثره علي التفاعل الكيميائي
١- خلي بالك ان المسحوق اسرع من قطعه او شريط
خلي بالك ان اسرع تفاعل هو التبادل المزدوج
بس خد دي مني : تفاعل الحديد مع النيتريك المركز اسرع
٢- كل اما بتزود ١٠ درجه حراره السرعه تزداد للضعف
٣- بص ع مولات التفاعل او لاقيت غاز او ماده مولاتها ضعف الماده التانيه يبقي معدل تكوينها ضعفها وبتتحل نسبه وعندك تحت ف صور مسائل الباب التالت افكارها
٤- الحمض المركز اسرع ف التفاعل من المخفف
٥- لو زودت ماء ع حمض لو قوي مش هيتأثر بلتخفيف ف التوصيل بس هتبطأ التفاعل لان ال ph تزداد
٦- الحمض الضعيف لو زودت ماء تزداد التوصيل للكهرباء
لو جابلك ماده صلبه وقالك التفاعل متزن ولا لا اتاكدت الاول هي صلبه ولا راسب علشان الصلب عادي بيحصل في اتزان
٧- لو جابلك تركيز مواد وبعدين غير ف تركيزها بس قال عند نفس درجه الحراره يبقي نفس ال kc هوهو من خلاله هتجيب تركيز الماده التانيه الناقصه سواء متفاعلات او نواتج
٨- خلي باااااااالك الماده الصلبه مش بتأثر ع التفاعل لو زودتها او نقصتها بس تتاثررررررررر هي يعني لو مشيت مثلا طردي وهي موجوده تزيد عادي
٩- اعلي توصيل كهرباء يعني اعلي ذوبانيه اللي هي X
١٠- المسائل : قوانين قدامك وهتوصل
يعني يديلك ph تجيب انت ال H ويديلك ka كده تعرف تجيب تركيز ولو عاوز مولات هيديلك حجم تضربه فيه
١١- الضغط بيأثر لو المولات مش متساويه
خلي الراسب مش بنحسبله مولات
زود ضغط يعني تقليل حجم الاناء امشي ف المولات القليله
قلل ضغط يعني زود حجم الاناء امشي ف المولات الكتيره
لو ميديلك مولات او تركيز لماده بس مقالش عند الاتزان وبعدين قالك وعند الاتزان كانت تركيز ماده ناتجه مثلا برقم
دي بتتحل جدول تقدم خلي بالك منها

افكار امتحانك
الباب الاول
١- هيجبلك عنصرين x,y هيديلك اهميه اقتصاديه ليهم
من كتاب المفاهيم هتعرفهم ، ولو عاوز يعرف مين فيهم بارا او دايا
٢- سهله وصعب ، اللي يوصل العنصر للاستقرار عمليته سهله
لو التاكسد زاد يبقي اكسده لو اقل يبقي اختزال
٣- جهد التاين بيبقي عالي اوي لو العنصر بيعدي رقم مجموعته
مثلا ال sc في 3B يبقي حهده الرابع عالي
او لو بشيل الكترون من مستوي مستقر زي مثلا جهد التاين الثالث للمنجنيز عالي جدا ، والرابع للحديد عالي جدا
٤- درجات حراره اكاسيد الحديد مهمه علشان هيجبلك مخطط ف المقالي
خلي بالك ان لو سخنت هيدروكسيد الحديد الثنائي هيديلك اكسيد ثنائي
٥- ينفع اعمل تلبيد بعد الاختزال عادي
٦- لو عاوز تفصل سبيكه يبقي سبيكه بينيه لكن البينفلزيه عباره عن اتحاد
الحديد مع الكربون نوعين من السبائك بينيه او بينفلزيه (سيمنتيت )
الباب التاني
لو قالك تميز
شوف الحمض اللي هتضيفه هيتفاعل اصلا ولا لا
لو اتفاعل مع ملح والتاني لا يبقي انت كده ميزت
او مع ملح طلع غاز مميز والملح التاني غاز مميز برضه
ركز اوووووي علي راسب اليود والفوسفات الاتنين اصفر بس اليود لا يذوب والفوسفات يذوب
خلي بالك ان اي حاجه فيها هيدروكسيد تذوب في الاحماض
وجميع املاح الكربونات برواسبها تذوب في الاحماض
ثاني اكسيد الكربون غير قابل للاكسده
و HcL غير قابل للاكسده لكن البروم واليود قابلين
خلي بالك ان اللي بيصفر ويبزرق Br2 , I2
لكن hbr , hi ، مش بيعمله حاجه وملهمش لون
ركز اوي في الحاجات اللي بتذوب واللي لا تذوب وتعمل راسب

العوامل المؤثره وافكارها ف الباب الثالث

الاسترات
اهم حاجه تعرف ان التحل النشادري بتجيبو من لفظ الحمض
مثلا الاستر اسمه اسيتات يبقي اسيتاميد
بنزوات ، يبقي بنز اميد
التحلل الحامضي بترجعهم حمض وكحول تاني
يعني ات تبقي ويك ، مثلا اسيتات تبقي اسيتيك وجزء الالكيل يبقي كحول
التحلل القاعدي ، جزء الالكيل يبقي كحول والا ات تحطلها الفلز
استر اسيتات الايثيل ، تبقي ايثانول اللي هو جزء الالكيل
واسيتات تبقي اسيتات صوديوم