Ghada abdelaziz ahmed / life coach

# كل يوم كلمة
كلمتنا انهاردة مهمة جدا و ممكن تكون غريبة لبعض الناس ، في حاجة اسمها قانون الجذب ! ايه قانون الجذب ده يعني ايه ؟ يعني اي حد عندة مشكله او حاجة سلبية بيفكر فيها دايما و منغصة علية حياتة هتفضل الحاجة دي دايما تطاردة و هتزيد كل يوم عن التاني لانة دايما بيفكر فيها مثال اي حد بيكرة الكذب او النفاق هتلاقي دايما معظم اللي حوالية بيكذبوا علية او مثلا واحد بيكرة الفقر هتلاقية فقير الخ ،لو عايز تعيش سعيد لازم تكون افكارك ايجابية مثلا تقول انا بحب الصدق هتلاقي اللي حواليك صادقين معاك او نفسي اكون عندي كذا و كذا عن يقين انك هتقدر تحصل علية و تحاول دايما تحس انك حصلت علي هذا الشي هتلاقي الشيء ده بينجذب اليك مع السعي وراء تحقيق هذا الهدف بجدية و صدق مع الله و فيما يرضي الله طبعا
بكرة كلمة جديدة ان شاء الله

#كل يوم كلمة
انهاردة كلمتنا مهمة جدا لان في ناس كتير بتمر بيها اوقات صعبة و لا ازكي نفسي عنهم طبعا بس ساعات كتير بنمر بلحظات ضعف و ده مش عيب ولا غلط ده طبيعي جدا انه يحصل لان الدنيا اصلا دار ابتلاء بس المهم اننا نصحي و نفوق بلاش تاخدنا الدوامة و نفضل مش عارفين و لا فاهين احنا اتخلقنا لية ؟ احنا اتخلقنا علشان نعبد ربنا اولا (وما خلقت الجن و الانس الا ليعبدون ) دي اول حاجة و بعد كدة تيجي اي حاجة تانية المهم مش ده اللي عايزة اقولة انهاردة انا عيزاكوا تعرفوا لما الانسان بيمر بلحظات ضعف ممكن جدا يبدا يعمل معاصي اي ان كانت ايه هي المهم انها معاصي و ده نزلت فية الاية الكريمة ( بسم الله الرحمن الرحيم و من الناس من كان يعبد الله علي حرف فان اصابة خيرًا أطمأن به وإن أصابته فتنة انقلب علي وجهه خسر الدنيا و الاخرة ذلك هو الخسران المبين صدق الله العظيم ) ان شاء الله منكنش منهم و ربنا يعنا علي طاعتة
بكرة كلمة جديدة ان شاء الله

# كل يوم كلمة
كلمة انهاردة هي العشرة السيئة تفسد الاخلاق الحسنة يعني ايه الكلام ده ؟ الكلام ده معناة ان عقلنا دايما بيحمينا من اي تصرف غلط في حقنا يعني مثلا لو حد كل يوم يغلط فيك او هانك او اتريق عليك تلقائيًا عقلك هيقولك لا متقبلش كدة ممكن اول مرة ميبقاش ليك رد فعل لكن مع تكرار الغلط ده عقلك هيقولك لاء دافع عن نفسك هتبدا اخلاقك تتغير يوم بعد يوم و تتعامل معاة بنفس الاسلوب او هتكتم في نفسك و تتعب نفسيا فياريت بلاش نعمل كدة في بعض علشان ربنا ميحسبناش علي كل نفس كنا السبب في تحطمها قال تعالي ( امساك بمعروف او تسريح باحسان ) ده مش في الجواز بس ده في كل العلاقات
بكرة كلمة جديدة ان شاء الله

# كل يوم كلمة
كلنا بنمر باوقات صعبة مش بس صعبة ساعات كتير بيكون عندنا مصايب لا يعلمها الا الله بعد الشر عليكوا طبعا بس دي سنة الحياة و اكيد طبعا بنسمع عن مصايب كتير من الناس حوالينا المهم لما يحصل مصيبة لازم نسترجع ! يعني ايه نسترجع يعني نقول ( انا لله و انا الية راجعون ) (اللهم اجرني في مصيبتي و اخلف لي خيرًا منها )ان شاء الله ربنا يرفع البلاء بهذة الكلمات اللي ربنا علمهالنا و اذا نسيت تقولها قولها لما تفتكرها في اي وقت .
بكرة كلمة جديدة ان شاء الله

# كل يوم كلمة
انا هكلمكوا انهاردة في موضوع مهم جدا في ناس كتير مش واخدة بالها منة ان ربنا قال كل حاجة في القرآن ووضح كل حاجة بالتفصيل يعني قال كل ذنب الانسان بيعمله ايه عواقبة في الدنيا و الاخرة يعني سيدنا عمر رضي الله عنة مرة كان ماشي رايح يصلي الفجر و سمع بالصدفة ( بسم الله الرحمن الرحيم ان عذاب ربك لواقع صدق الله العظيم )بعدها وقع علي الارض اغمي علية من شدة الاية الكريمة و قعد بعدها شهر عيان وده سيدنا عمر !!فياريت الناس تفهم ان الدنيا مش مستاهلة ظلم و خيانة و نميمة و اكل مال الناس بالباطل او اي معصية تانية .
بكرة كلمة جديدة ان شاء الله .

الحمد لله

احب اشكرك على السيشن
حقيقي فرقت معايا وحمستني جدا
كنتي مستمعة ومتفهمة كل حاجة باقولهالك
شكرا ليكي

————————————————————————

شكرا كوتش غاده علي الجلسه الرائعه انهارده .. حقيقي بتقدرى توصيلني أن رؤيتي تتضح اكتر. وبتخطيط دقيق للمستقبل ..بكل سهوله وسلاسه وتدرج واستماعك العميق لكل التفاصيل وتلخيص كل ماهو بداخل الجلسه بوضوح .. شكرا ليكي ..وبالتوفيق يارب😍