17/09/2022
5s
أولادنا محتاجين مننا إيه .. محتاجين خمس حاجات بتبدأ بحرف الـ (s) واحنا داخلين على المدارس والمذاكرة لازم نفتكرهم كويس ..
1- safe
2- secure
3-seen
4-supported
5-soothed
أو بالعربى بتبدأ بحرف الميم ..
1- متأمن جسدياً
2- متأمن نفسياً
3- متشاف
4- مدعوم ومسنود
5- متطيب خاطره ومتهدى
هنتناولهم بالشرح عشان نفهم يعنى إيه معناهم:
1- SAFE
الأمان الجسدى .. ودا بيتحقق بالأكل والشرب والتنفس والحماية من الأمراض وغالباً ده سهل وكلنا بنعمله ..
2- SECURE
- ودا يعنى الأمان النفسى والمعنوى: إنه يإمن إنه محبوب ، وبنتهم به ، مرغوب فيه ، مش هيتقابل بالرفض واللوم والأحكام والعقاب ولا بالنصايح اللى ما تلزموش وقت احتياجه لأهله ، وده أصعب شوية من الأمان الجسدى ، لأ أصعب كتير بصراحة ..
3- SEEN
- ودى يعنى يحس إنه متشاف: متشاف من بره ومن جوه ، متشاف بجد ، ومتشاف من بره سهله شوية ، إنما متشاف من جوه دى بقا الصعبة والمهمة جداً ، متشاف من جوه يعنى متشاف مشاعره ، واحتياجاته ، يعنى التفهم والتعاطف ( المواجدة - EMPATHY ) .. يعنى يتشاف الأشياء الحية اللى فيه ، كأننا بنشوفه بعينيه وبنسمعه بودانه وبنشعر بقلبه ، حاطين نفسنا مكانه من غير شفقه ولا صعبان علينا ، حاضرين بكل كياننا معاه ، حاسين معاناته وألمه ، الحضور والوجود الكلى حتى لو ما قدمناش أى حل ولا اقتراح ولا نصيحه ، نشوف جماله ، جمال مشاعره واحتياجاته ، ونفتكر أغنية See Me Beautiful ..
4- SUPPORTED
- إنه يحس إنه مدعوم وإننا معاه وفى ضهره جنبه ساندينه ، بنعينه على الصعاب ، عايزين نساعده ، يعنى دى الخطوة اللى بعد المواجدة (SEEN) الرغبة فى مساعدته ومساندته وعونه بعد رؤيته .. ودا اسمه التراحم (COMPASSION) .. مجرد الرغبة فى المساعدة تكفى .. مش بالضرورة نساعد بجد ..وقتها هيبقى فيه تعاون بيننا وعلاقه بيننا تسمح بإننا نبحث عن طريقة لتلبية احتياجاته واحتياجاتنا فى نفس الوقت ، وساعتها بس وبسبب تعاونه هيساعدنا فى البحث معنا عن الطريقه اللى بيها تبقا الحياة أروع لنا معاً.
5- SOOTHED
- إنه يحس بالهدوء وإننا بنقوم بتهدئته ، وتطيب خاطره ، وتهدئته تستلزم إننا نبقا هاديين أولاً ، أو نحضنه ، نطبطب ليه ، وزى ما الغضب والحزن بيتنقل بالعدوى كمان العدوء بيتنقل بالعدوى ..
** ولو ده حصل هتيجى الـ (s) السادسة والسابعة:
هيبقى عنده ويتخلق آلياً عنده الـ (S) رقم 6 وهى الـ (SELFESTEEM) ,ورقم 7 وهى الـ (SEND) ..
6- SELF ESTEEM
- وده الإعتداد بالنفس والثقة فى نفسه ، لا خواء ولا ضعف وشحاتة عواطف من الناس وعبوديه عندهم ، ولا أنانية ونفخة على الفاضى واستعباد للناس ، إنما إمتلاء .. إمتلاء .. إمتلاء ..
والسابعة والأهم :
7- SEND
- معناها هيتخلق جواه قدره على مساعدة الناس ويرسل لهم اللى يقدر عليه ، هيفيض من خير ربنا اللى عنده لغيره ، هيفيض بخيره لغيره ..
NVC
-----------
لحجز استشارة " نفسية ، تربوية ، زوجية ، تنموية " تواصل معنا >> https://goo.gl/PBePYM
#استشارات
