Eng.Heba hagag

بعد كل ترايل SAT نفس السؤال بيتكرر

الامتحان كان سهل ولا صعب؟

واحد يقولك الموديل ده كان سهل، والتاني يقولك، لا ده كان صعب
وفيه ناس تطلع من الامتحان مقتنعة إن الامتحانات كانت مختلفة أصلًا

والحقيقة؟ هم مش غلطانين

لأن امتحان الـ SAT مش امتحان موحد، ومش نسخة واحدة بتتوزع على الطلبة

ولا هو امتحان بيتكرر على مجموعة طلاب

الـ SAT امتحان Adaptive يعني بيتعامل مع كل طالب لوحده

من أول سؤال، أول موديول
كل طالب بيبدأ بسؤال غير اللي قاعد جنبه

الامتحان متقسم

Reading & Writing موديول 1 وموديول 2
Math موديول 1 وموديول 2

وجود موديول 1 وموديول 2 مش تنظيم وبس
ده نظام تقييم

Module 1 بيبقى خليط

أسئلة سهلة
أسئلة متوسطة
وأسئلة صعبة

اللي يحصل في Module 1
هو اللي بيحدد شكل Module 2

لو في Module 1
حلّيت السهل وتلغبطت في الميديم والهارد

هيجيلك Module 2 أسهل
تحس إن الدنيا بقت أهدى
والأسئلة أخف

بس في الحالة دي انت اتحطيت في
Lower Bracket of Scores
وغالبًا السكور مش هيعدي 480 أو 490
ومش هتوصل لـ 500

على الناحية التانية
اللي حل كويس في Module 1 وتعامل مع الميديم والهارد

هيخش Module 2
ويحس إن كل سؤال تقيل
وإن الامتحان شد فجأة

وده مش وحش
ده معناه إنك اتحطيت في
Higher Bracket of Scores

ومن هنا السكور ممكن يعلى
600
700
وحتى 800
حسب أداءك في Module 2

عشان كده
Module 1 مش موديول عادي، ده أهم جزء في الامتحان كله

لو دخلته بقوة، إنت بتحدد مكانك هتلعب في أنهي براكت

ناس كتير تخرج تقول

Module 1 كان صعب
وModule 2 كان سهل وحسيت إن الدنيا تمام

للأسف
ده معناه إن Module 1 ما اتعملش فيه اللي يكفي
فجالك Module 2 أسهل، بس اتحطيت في البراكت الأقل

وفي المقابل
اللي خرجوا يقولوا

Module 1 كان كويس
وModule 2 كان تقيل

مبروك عليكم إنتوا اتحطيتوا في
Higher Bracket of Scores وإن شاء الله سكوركم أعلى من 600

طيب
هل النظام ده عادل؟

أيوه
عادل جدًا

لأنه مش بيقارن طالب بطالب، هو بيقارن الطالب بنفسه
وبيطلع وينزل مع أداؤه خطوة بخطوة

وده بالظبط فكرة الامتحان الـ Adaptive

بالتوفيق لكل واحد داخل الامتحان
وفاهم هو داخل يعمل إيه 💙

واخيرا متنساش تعمل متابعه وتنضم لجروبنا في اول تعليق بينزل عليه الماتريال والشروحات اول ب اول 👍


#أولياءـالأمور

SAT و EST مش زرار… ومش لعبة مقارنة
في الفترة الأخيرة إنتشرت مفاهيم غلط بتودي طلاب وأهالي لقرارات غلط وبتضيع وقت ومجهود وفلوس.
خليني أرتب الصورة بهدوء 👇

🔹 أولًا: مفهوم الـ Calculator و Desmos
آه، الامتحان Digital
وآه، فيه Desmos و Calculator
لكن:
الآلة مش بتفهم السؤال
ومش بتختار المعادلة
ومش بتعرف تمثّل العلاقة الصح
📌 Desmos أداة مساعدة
مش بديل عن الفهم
ولا حل سحري لطالب مش فاهم الأساس.
الطالب اللي مش فاهم: هيطلع نفس الغلط
سواء بالCalculator أو من غيرها.

🔹 ثانيا: وهم الإستسهال (إيه الإمتحان الأسهل اللى أجيب فيه سكور حتى لو ما بعرفش حاجه 🤔 )
فيه طلاب داخلة الامتحان وهي مقتنعة إن:
“SAT سهل”
“EST أسهل”
“ده أصعب وده أسهل”
وده تفكير غير دقيق.
📌 SAT و EST مش أسهل وأصعب
الإثنين:
امتحانات قياس
بتقيس الفهم
وطريقة التفكير
والقدرة على التحليل تحت ضغط

🎯🎯الطالب اللي مش جاهز: هيتعب في الاتنين
والطالب الجاهز: هيعرف يتعامل مع الاتنين.

🔹 ثالثا: مقارنة SAT بـ EST بالطريقة الغلط
أخطر فكرة بشوفها:
“أنا ما جبتش سكور في SAT
يبقى أدخل EST عشان أسهل”
أو العكس.
📌 ده مش تقييم علمي
ده هروب من المشكلة، مش حل.
و المشكلة غالبا هتكون:
أساس ضعيف
أو تحضير غلط
أو دخول مراجعات قبل الجاهزية

🔹 رابعا: ولي الأمر يقيم إزاي؟
وده سؤال مهم جدًا 👇
❌ التقييم مش:
Screenshot
ولا محاولة واحدة
ولا كلام تسويق

✔️ التقييم الصح:
هل في تحسن حقيقي؟
هل الطالب فاهم بيغلط ليه؟
هل الغلطات بتقل؟
هل في خطة واضحة؟
📌 التحضير الصح بيبان في الاستمرارية مش في لقطة.

✨ من الآخر 👇
SAT و EST إمتحانات فهم قبل ما تكون امتحانات آلة
Desmos أداة… مش عصاية سحرية
الإستسهال بيكلف أكتر مما يوفر
القرار الصح لازم يكون مبني على تحليل، مش مقارنة سطحية
اللي بيبيع الامتحان على إنه أسهل من التاني،
غالبًا بيبيع راحة مؤقتة…
والطالب هو اللي بيدفع الثمن.









#أولياءـالأمور

ولسه ياما هنشوف 🙃🙃