نيو اكاديمي

خرافات لو انت مامي جديدة ابوس ايدك متسمعيش كلامهم و تعمليها
١- لبن الام ٩٠٪؜منه مياه الطفل افضل له ميشربش الا مع دخول الاكل بعد ٦ شهور
٢- الطفل بيصحي كتير و بيعيط في الاول لاسباب كتير اوي غالبا مش بيكون السبب ان لبنك خفيف ومش بيشبع متسمعيش كلام حد في الموضوع ده و حتي لو دكتور قالك كده لازم يكون في سبب علمي زي مثلا وزنه مش بيزيد او انت عندك مرض معين يكون سبب في ده عشان كله بيستسهل في الاول و يقولك ادي رضعه صناعي
٣- الكحل و البصل للعين للطفل بتعمله تلوث مش بتوسع لا
٤- الطفل بيستحمي اول ما بيرجع من المستشفي و نأكد ان مفيش بواقي دم او ما شابه مش بنستني للسبوع
٥- البيبي وهو بيستحمي بيستحمي افضل وشه لفوق عشان ميشربش مياه مش لتحت و بهدوء
٦- المناديل المبلله دي بتكون للطوارئ لان غالبا فيها كحل و ريحه حتي لو كاتبين العكس و دي بتعمل التهابات افضل شئ لغسل مكان الحفاض هو المياه الجارية ولو مش قادره تقومي في الاول يبقي اغسلي المنديل المبلل في مياه دافيه و بعدين امسحي بيه الا لو انت في الشارع و مضطره وده ينطبق ع جسمه كله
٧- الطفل لازم يستحمي ع الاقل مرتين في الاسبوع صيف و شتا و و هو عنده برد و في كل الحالات اهم حاجه تقفلي البيت كويس
٨- مش انساني خالص تخلي الطفل مكتوم بالهدوم زي الدبدوب حتي لو الجو حرر منخففلوش بحجه انه هيبرد لا طبعا ده غلط لبسيه ازيد منك قطعه وممكن قطعتين لو الجو ثلج
طيب لو الجو حرر فجأه بنخففله تاني عادي زينا
٩-اوعي تخلي الطفل مينامش الصبح عشان ينام بليل الطفل لازم ينام قيلولات و كل سن ليه عدد قيلولات وليها مده ممكن اسيبهالكم في الكومنتات
١٠- كريم الحفاض مش رفاهيه خالص لازم مع كل تغيير لان اليورن بيكون قوي ع الجلد و بيعمل تهيج
١١- روتين النوم من اول يوم عودي عليه طفلك حتى لو النوم بيبوظ عادي جدا وهو انك تحميه او تغيريله تهدي النور تشغلي قران او وايت نويز و ترضعيه
١٢-متنقليش طفلك في الرضاعه من جانب الي الثاني الا لما يكون رضع رضعه كامله ١٥ دقيقه ع الاقل
١٣- غسيل الانف اهم حاجه في اي دور برد و ممكن بالبخاخه افضل عشان ميحصلش مشاكل
١٤- الطفل بيتغطي لغاية وسطه بس
١٥- لو كرعتي البيبي كويس هتريحي دماغك من زن كتير
١٦- ممنوع منعا باتا الاعشاب بكل انواعها لبنك افيد و افضل من اي اعشاب و بتعمل مغص
١٧-عادي جدا في فتره معينه طفلك هيحط صباعه في بقه سيبيه مش هيتعود هو بيستكشف بقه و ده هيساعده بعد كده يعرف يمسك الاكل و ياكل
١٨- الهز غلط ع الرضع البوس غلط ع الرضع
١٩- عودي ابنك ع انه لما يعيط تشيليه ع طول و تشوفي ماله و اوعي تسيبيه يعيط
٢٠- لو عندك بنت لازم تنضفي مكان البامبرز من الداخل بمياه جاريه
٢١- لو هتنيمي البيبي ع بطنه لازم عينك عليه متسيبيهوش و تمشي او تنامي ممكن يتخنق لا قدر الله
٢٢- التطعيمات الاضافيه زيها زي التطعيمات الاساسيه ولكن في مصر بفلوس لكن هي اساسيه
٢٣- مدرات اللبن الادويه متاخديهاش الا في حالة الحاجه لكن اوعي تاخديها روتين لانها ممكن تعمل مشكله
٢٤ - بتنزلي بعد الولاده اول ما تقدري عشان نفسيتك و البيبي بينزل عادي جدا ويشم هوا نضيف حتي في الشتا
٢٥- ممنوع الشاشات من عمر يوم لحد ٣ سنين و الفلاش و الكشاف غلط ع عينه
٢٦- صدر البيبي مش بيتعصر حتي لو منتفخ مهمي حصل لان والموضوع ده بيعمل مصايب ارجوكي متجيش جنبه وريحته مش هتبقي وحشه والله
٢٧- اكلك اكتر حاجه بتقلل المغص للطفل و بعدها تمرينات البطن و بعدها اي دوا فيه سيمثكون
٢٨- لما تيجي تدخلي الاكل مش بندخل اي حاجه فيها عسل سكر ملح زيت مهدرج اول سنه و يفضل سنتين الا العسل بعد سنه

كل الحب و الدعم لكل ام متلخبطه و مش عارفه تعمل ايه ❤️

معلومه مهمه للإفادة
ايقظت زوجها في منتصف الليل في هلع شديد

- حبيببي الحقني .. الحمل هيموتني 😰😰
* خير يا حبيبتي في ايه ؟؟!!

- أنا عايزة أنزل البيبي قبل ما يموتني 😣😣
* انتي بتخرفي تقولي ايه .. انتي في آخر السادس خلاص 😮😮

- أنا حاسة اني هموت قبل ما أولد .. انا كل ما آجي أنام بحس إني هيغمى عليا وعايزة أرجع وقلبي بيدق جامد .. بجد مش قادره

* انتي هتقلقيني عليكي ليه ؟؟ .. قومي غيري اما نروح المستشفى الوقتي حالا يللا

وذهبا إلى أقرب مستشفى وهناك أخبروا طبيب النساء والتوليد بما تعاني منه
فابتسم الطبيب قائلا :

- ودي حاجه بردوا تخليكي تستغني عن الجنين بسهولة كدا ؟!! دي حاجه بسيطة جدا

* بسيطة إزاي يا دكتور .. ؟؟!! بقولك بحس إني هموت لما باجي أنام

- أيوة ما هو دا بسبب وضع النوم الغلط لأنك بتنامي على ضهرك .. ودي حالة إسمها
Supine Hypo-tension Syndrome
* ودي فيها إيه مانا من أول الحمل بنام على ضهري ومكنش بيحصل حاجه

- علشان كان لسه البيبي صغير .. إنما دلوقتي كبر ..
فلما بتنامي على ضهرك بتخلي الجنين يقفل الوريد اللي بيرجع الدم للقلب ..
فالقلب يضخ دم قليل .. وضغطك يوطى فتحسي بهبوط وانك هيغمى عليكي وتبقي عايزه ترجعي

* طب والحل إيه يا دكتور أنا تعبت بجد 😫😫

- الحل بسيط جدا جدا .. هتغيري وضعية نومك وتنامي على جمبك الشمال .. بس كدا

* طب معلش لو فيها غلاسة يعني ..
ليه مش اليمين دا حتى سنه

- يا ستي أعملي السنة لما تولدي بالسلامة .. 😅😅

انما لو نمتي الوقتي على جمبك اليمين هتضغطي على الكبد ودا ممكن يأثر عليه بعد كدا

لو كنتي حامل او تعرفي حد حامل ..
لازم تعرفوا إن أفضل وضعية ممكن الحامل تنام فيها في الشهور الأخيره من الحمل هي على جمبها الشمال عشان تتجنب الحالة دي

💯تحياتي
منقول

أكثر_الأخطاء_الشائعة للأمهات مع الرضع ونتائجها + الحل👌🏻:

1. كثرة حمل الطفل عند كل بكاء

النتيجة: الطفل يتعود على الحمل كوسيلة للراحة، ويصعب فطامه منها.

الحل: افهمي سبب البكاء أولًا (جوع، بلل، مغص)، ولو ما فيش سبب واضح، جربي تهدئته وهو في سريره بكلمات حنونة أو لمسات بسيطة.

2. عدم وضع روتين للنوم

النتيجة: نوم متقلب وصعب، وإرهاق للأم.

الحل: اعملي روتين يومي ثابت (حمام دافي، رضاعة، هز بسيط، نوم)، وفي نفس التوقيت كل يوم.

3. إدخال الشاشات في سن مبكر (أقل من سنتين)

النتيجة: تأخر في الكلام، ضعف التركيز، ونوبات غضب.

الحل: خليه يستمتع بألعاب حسّية، تواصل بصري، غناء، قراءة كتب مصورة.

4. تعويد الطفل على النوم في حضن الأم فقط

النتيجة: صعوبة في النوم المستقل.

الحل: بعد عمر 4 شهور، ابدئي بتعويده ينام في سريره وهو ناعس لكن صاحي، علشان يتعلم ينام بنفسه.

5. الرضاعة بهدف التهدئة فقط

النتيجة: الطفل يربط الأمان فقط بالأكل، ويأكل أكثر من حاجته.

الحل: لو مش جوعان، استخدمي وسيلة تهدئة تانية زي الحضن، الصوت الهادئ، أو المصاصة (لو بيفضلها).

6. التقلب في الاستجابة للبكاء

النتيجة: الطفل يفقد الإحساس بالأمان أو يزيد بكاءه لجذب الانتباه.

الحل: خليكِ ثابتة، لما تبكيه افهمي السبب وكوني حنونة لكن حاسمة حسب الموقف.

7. الإفراط في تحفيز الطفل قبل النوم

النتيجة: صعوبة في الاسترخاء والنوم.

الحل: قللي الإضاءة والصوت، واختاري أنشطة هادئة قبل النوم.

8. القيام بكل شيء بدل الطفل

النتيجة: تأخر في الاعتماد على النفس.

الحل: حتى من عمر 6 شهور، شجعيه يمد إيده للألعاب، يمسك الببرونة، يتقلب، يحاول يزحف.

لو إبنك قبل ال ٣ سنوات لازم تفهم الكلام ده..
"ابنك قبل ٣ سنوات مش بيرخم... هو بيطلبك بلغته"

قبل ما تعصب، وقبل ما تقول "أنا تعبت"، وقبل ما تقول "هو بيعمل كده ليه؟!"
فكّر... هو عمره كام سنة؟
يعني لسه في أول خطواته في الحياة، حرفيًا بيكتشف نفسه، جسمه، صوتك، ملامحك، ورد فعلك...
وبيكتشف العالم حواليه زي اللي داخل لأول مرة مكان غريب، مش فاهم ولا حاجة... بس نفسه يكتشف كل حاجة.

👣 الطفل قبل سن ٣ سنوات:

*مش بيمثل ولا بيبالغ ولا بيدلع، هو فعلاً مش قادر يعبر عن نفسه غير بالبكاء أو الصريخ أو إنه يشدك من هدومك أو يوقع الحاجة عشان يلفت انتباهك.
*مش فاهم يعني إيه خطر ، ولا يعرف إن الكهربا مؤذية، ولا إن البلكونة عالية، ولا إن المية السخنة بتحرق... هو بيجرب، ومحتاجك تفهمه مش تعنفه.
*بيتعلم بالاحتكاك ، مش بالكلام... لما يدلق مية على الأرض، هو مش بيخرب، هو بيتعلم قوانين فيزيائية صغيرة زي إن المية بتمشي، وإن الحاجة المبلولة بتزحلق!
*دماغه لسه بتتبني ، وكل تجربة بيمر بيها بتزرع في دماغه خلية، وكل حضن بيحسسه بالأمان، وكل صراخ بيكسره.

💔 الطفل في السن ده مش محتاج زعيق... محتاج حضن
مش محتاج تهديد... محتاج طمأنينة
مش محتاج إنك تفتكر إنه "بيعاندك"
هو بس مش قادر يترجم مشاعره ولا أفكاره للي إنت فاهمه.

📌 لما يعيط كتير… فهو مش بيزن، هو بيقولك “أنا مش مرتاح”
📌 لما يرمي اللعبة… هو مش بيكسر، هو بيستكشف رد فعل الحاجة
📌 لما يرفض الأكل… هو مش عنيد، هو لسه بيتعرف على جسمه وجوعه
📌 لما يمسك فيك… مش ضعيف، هو بس بيحبك وبيحس بالأمان في حضنك

💡 في المرحلة دي، الطفل مش بيتربى بالعقاب، بيتربى بالحب...
بيتربى بالاحتواء، بالروتين، بالاستقرار، وبصبرك عليه.

🎈 لو قدرت تحتويه، هتكسب ثقته...
لو فهمته، هيتعلم منك
شوفه وهو صغير إنه إنسان، هيكبر وهو حاسس بكرامته، وبثقته ، وبهُوية مشروعة.

❤️ أرجوك... لو عندك طفل أقل من ٣ سنوات، متنساش إنه "طفل"، مش راجل صغير، مش مشروع مثالي، مش نسخة منك، هو كيان مستقل بيكبر كل يوم… ومحتاجك تفهمه مش تحكم عليه.

10 بلاش 😉
1️⃣بلاش لبن بقري او جاموسي قبل تمام السنه
2️⃣بلاش مكسرات كامله او فشار قبل 3 سنين
3️⃣بلاش حقن عضل خلفيه قبل 5 سنين .. الصح ف العضله الاماميه
4️⃣بلاش ملح وسكر عالأكل قبل سنه
5️⃣بلاش كالسيوم بدون تحليل
6️⃣بلاش مشايه خالص
7️⃣بلاش تجمعي بين الكتافلاي والدولفين او الدولفين والبروفين او الكتافلاي والبروفين .. ارهاق عالكلي
8️⃣بلاش ميا مقطره ولا لمبه نيون ولا اعشاب للمولود
9️⃣بلاش بوس الرضيع من الفم نهائيا ..

✍ خلاص هتولدى

خليكى فاكرة ومتنسيش بقى

💠 ️مساج للحلمه قبل الولاده بفتره علشان تتجنبي الحلمه الصغيره او الغير بارزه علشان تقدري ترضعي بعد الولادة علي طول

💠 ️السرسوب دا ذات قيمة وفوايد ربانية لاحصر لها ،، حوالي ٢٥-٣٠ سم وكافي جداً للطفل في اول ٤٨ ساعه،، متحرميش طفلك منه ورضعيه اول ماتفوقي

💠 ️متسمعيش كلام تيته ولا دكتور يقولك اديله لبن صناعي علي طول ،، فيه شروط علشان نلجيء ليه ،، وعدم توافرها ميعطيش الحق لاي حد يوصف لبن صناعي من الاول

💠 ️الطفل بيخس في اول ١٥ يوم حوالي ١٥ ٪‏ من وزنه طبيعي،، اوعي تفقدي الثقه في نفسك وتديله لبن صناعي بغرض المساعده ،، انتي كدا مش صح،، خليكي واثقة في نفسك وتابعي الوزن

💠 ️حقنة فيتامين ك في اول ٢٤ ساعه من الولاده مهمه جدا للبيبي

💠 ️الجرعة الصفرية للإلتهاب الكبدي ب ،، في مكتب الصحه في اول ٢٤ ساعه من الولاده

💠 ️عينة الكعب في مكتب الصحه من اليوم التالت للسابع .. ضروري لاستبعاد مشاكل الغدة الدرقية والتمثيل الغذائي

💠 ️الشور بعد ٢٤ ساعه للبيبي ومتخافيش علي السرة

💠 ️ظبطي اكلك وزودي في التمر والحلبة والمية،، هتفرق في زيادة اللبن

💠 ️امنعي الاكل اللي فيه سعرات حرارية وكافيين وموالح زيادة ومسبكات وانسي عيشة الرفاهية ،، بقيتي أم خلاص

💠 ️خدي فيتامين د ليكي وللبيبي من اول يوم ڤيدروب

💠 ️الاوميجا٣ للام المرضعه أثبتوا انه ليها تأثير علي النضوج الذهني للبيبي واللي هيفيده من خلال اللبن

💠 ️الرضاعة من الثدي الواحد ع الاقل ١٠ دقايق،، وصول البيبي للبن نهاية الرضعه مهم هيفرق معاكي في زيادة اللبن ،، ومعاه في راحة معدته ومعدل زيادته

💠 ️هتقضيها اول ٤ شهور
خنفره ،، محلول ملح
انتفاخات ومغص ،، سايمثيكون
فطريات،، دكتارين او نيستاتين
كريم حفاضات يكون فيه زنك

💠 ️بترضعي طبيعي كويس،، بتدي لبن صناعي غصب عنك بس نوع كويس .. الفيصل فقط زيادة الوزن بالمعدل ده
اول ٤ شهور ٧٥٠ جم لكل شهر
تاني ٤ شهور ٥٠٠ جم لكل شهر
تالت ٤ شهور ٢٥٠ جم لكل شهر

💠 ️بلاش اعشاب في اول ٦ شهور ،، هتأثر علي تغذية الطفل

💠 ️نومك تقيل ،، متنيميش البيبي جنبك علي طول لحد ماتتعودي علي وجوده

💠 ️لو جاله الصفرا ارجوكي بلاش لا لمبة ولا كشف ولا كلام فاضي .. الرضاااعه فقط ومتابعة معدل الزياده مع الدكتور .. يا هيحتاج علاج ضوئي في الحضانه ،، ياهيفضل جنبك في البيت ،، بس

💠 ️نوم البيبي علي ظهره وبس،، غير كدا غلط
لو عايز تنيميه علي بطنه او علي جنبه لازم تكوني جنبه مصحصحه وشايفه اتجاه التنفس فين،، متلازمة المهد احذريها

️لازم يكون معاكي حد يساعدك وبالأخص لو اول بيبي،، اكتئاب ما بعد الولاده شىء مش ظريف متحاوليش حتي تفكري فيه ،، خليكي فريش

هتتعبي اه
هتبكي آه
هتكرهي نفسك .. آه
بس لما تبصي في وش الملاك اللي ربنا بعتهولك ويضحكلك،، هتنسي هموم الدنيا ومافيها وهيبقي أملك الوحيد في الدنيا

وصفة مفيدة للرضع🥣❤️❤️👇
١- ملعقتين من السميد
٢- نصف تفاحة مبشورة ناعم جدااا
٣- حبة تمر منقوعة في الماء الساخن لمدة عشر دقائق
الطريقة:
- قومي بهرس التمرة المنقوعة في الماء الساخن وتصفيتها لإزالة الشوائب ثم ضعي ماء التمر المصفى مع السميد والتفاح المبشور أو (قومي بوضع التمر مع الماء الساخن مع التفاح بالخلاط ثم إضافتهم للسميد)
- ثم قومي بتحريكهم على نار هادئة حتى يصبح الخليط سميك وقومي بغلق النار وتغطيتها وتركها حتى تبرد😋
*عند تجربة السميد لأول مرة يفضل تقديم كمية صغيرة من الوجبة للتأكد من عدم وجود حساسية إتجاه القمح عند الرضيع✔️
*يمكن إستبدال السميد بالشوفان

لو ابنك أو بنتك في سن من ٣ لـ٥ سنين، فأنتي داخل مرحلة اسمها "مرحلة ما قبل المدرسة"، ودي من أغرب وأجمل المراحل في نفس الوقت.
الطفل فيها بيكون عامل زي الإسفنجة، بيمتص كل حاجة حواليه، وبيبدأ دماغه يشتغل♥️♥️ بطريقة مختلفة تمامًا عن أول سنتين.

تعالي نشوف سوا أبرز ملامح المرحلة دي، وإزاي نتعامل معاها بدون توتر:

---

أولًا: النمو العقلي والتخيلي

خيال الطفل في السن ده بيبقى شغّال ٢٤ ساعة!
ممكن تلاقيه بيكلم لعبة، أو♥️♥️ عامل صاحب خيالي، وده طبيعي جدًا ومفيد لنموه العقلي.

بيسأل "ليه؟" على كل حاجة: "ليه الشمس بتنور؟ ليه القطة مش بتتكلم؟"
وده مش غلاسة، ده دليل إن مخه بدأ يربط ويفكر.

بيبدأ يفهم التسلسل الزمني البسيط زي: "النهاردة – بكرة – امبارح"، لكن لسه مايعرفش الساعة.

---

ثانيًا: النمو الاجتماعي والعاطفي

بيبدأ يحب يلعب مع أطفال تانيين، بس لسه بيتخانق وعايز كل حاجة ليه، لأن مفهوم "الدور والمشاركة" لسه بيتكون.

بيقلد الكبار جدًا، سواء في الألفاظ أو الحركات أو التصرفات.

ممكن يخاف من حاجات مش منطقية زي: الوحش – الظلمة – الأصوات العالية.
خوفه هنا مش محتاج "تحجيم" بقدر ما هو محتاج "احتواء".

---

ثالثًا: النمو اللغوي

حصيلته اللغوية بتكبر جدًا♥️♥️، وبيبدأ يركب جمل كاملة ويتكلم كتير.

بيحب يحكي قصص من خياله، وبيبالغ أحيانًا.

ساعات يقول "كلام مش مظبوط" لمجرد إنه يشوف رد فعلك أو يجذب انتباهك.

---

رابعًا: السلوك والاستقلال

بيعند، يرفض، يقول "لأ" حتى لو عايز الحاجة!
ليه؟ علشان بيجرب إحساس السيطرة والاختيار.

بيحب يختار هدومه♥️♥️، أو يساعد في حاجة، أو يعمل "لوحده".

ساعات يعمل تصرفات ترجع كأنه "بيصغر" (زي التبول أو التعلق الزايد)، وده بيكون رد فعل لتغيير معين أو توتر.

---

إزاي نتعامل مع المرحلة دي؟

نسمع أكتر ما نلوم، ونشارك في لعبه عشان نفهم تفكيره.

نحكيله حكايات ونشجعه يعبر عن مشاعره بكلمات.

نوفر بدائل بدل الأوامر: "تحب تلبس التيشيرت الأحمر ولا الأزرق؟"

ندي مساحة لاختيارات بسيطة، ونراعي إن الغلط جزء من التعلم.

---

السن ده مش سهل، لكنه من أكتر المراحل اللي الطفل بيبني فيها ملامح شخصيته وبيبدأ يتعرف على نفسه والعالم.

لو المقال فادك، شاركيه مع أم تانية محتاجة تطمن. ولو حابة أكتب عن سن 6-8 أو 9-11، قوليلي وأنا معاك خطوة بخطوة. صلي وسلم على نبينا محمد ♥️

لا يستطيع جسم الإنسان أن يتحمل أكثر من 45 وحدة من الألم، ولكن بحلول وقت الولادة تستطيع المرأة أن تتحمل ما يصل إلى 57 وحدة ألم.
وهذا يعادل كسر 20 عظمة مرة واحدة.
لا تخبر امرأة أبدًا أنها لا تستطيع فعل ذلك.تذكر أنها وحدها من تستطيع الرقص بقلبين، وأنها وحدها من تستطيع التنفس بأربع رئات.. وأنها وحدها من تستطيع حمل ثقل عالمين في رحمها وإنجاب حياة جديدة.
فقط لا تخبرها أنها غير قادرة على أي شيء.لأنها قادرة على كل شيء!

تحية إجلال وإكرام لجميع نساء العالم🤍

‏عادات لازم نغيرها
هشتكه الاطفال ورميهم في الجو وحتى ولو كانت بسيطه لطفل حديث الولادة او طفل كبير حتى
١. مخ الطفل بيخبط في الجمجمة من الداخل
٢. ‏الأوعية الدموية الصغيرة بين المخ والجمجمة بتتقطع
٣. ‏تكوين جلطات ونزيف يضغط على المخ
٤. ‏عضلات رقبة الطفل غير قوية وبالتالي يمكن إصابات الحبل الشوكي
٥. ‏النتائج: تخلف عقلي
شلل
عمي
الصم
الموت
‏على حسب المنطقة في المخ التي تم إصابتها

يا مامي عاوزه اقولك علي شويه معلومات اسمعيها مني

1- لما حرارتي ترتفع اعملي ليا كمادات 🌡️مايه مش خل أنا مش سلطه يا ماما

2- الاستحمام يا ماما أنا بقالي شهرين مستحمتش أنا محتاج استحمي علي الاقل مرتين في الأسبوع 🛁

3- أنا من بدايه الاكل وانا باكل كوسا وجزر🥕 كفايه بقي أنا من بعد اتمام السادس اقدر اكل 🥚 ودجاج 🍗وسمك ولحوم ارحموني بقي

4- لما الجو يكون حر زودي في الرضاعه ليا عشان ميحصليش جفاف

5- العرق اللي بيخرج مني من راسي دا بسبب ان الغدد العرقيه كلها في راسي ودا طبيعي

شكرا يا ماما أنا بحبك اووي ومتزعليشمن لزقتي فيكي طول اليوم أنا معرفش غيرك