Dr. Abdelhady

النهاردة وامبارح والكام يوم اللي فاتوا كنت ف الموود اياه
موود الصداع + الندم علي اني اتعلمت الماركيتينج!
ازاي كلام زي دا يطلع من واحد بيبيع كورس يعلمك الماركيتينج؟!
الساعة دلوقتي عندي 3 الفجر مين بياخد باله من كلامه الساعة 3 الفجر؟!

لو كنت من عشاق الروايات فالغالب هتكون قريت رواية الفيل الازرق يعني مر عليك فقرة في منتصف صفحة ما م الصفحات اللي عالناحية الشمال بيكون دكتور يحيي (بطل الرواية) بيلعن اليوم اللي اتعلم فيه لغة الجسد
الراجل قاعد ف كافيتريا عادي لكنه مش قادر يمنع مخه انه يبطل قراية وتحليل الناس اللي حواليه هو مش عايز بس مخه بيعمل دا لوحده

عدم السيطرة علي مخك امتي يحلل وامتي يقف دي مشكلة رقم #1

مشكلة رقم 2: الفيلم وصل للنهاية البطلة بتبكي لما اكتشفت الخيانة كل الناس مشدودة ومتأثرة وانا عارف انها واقفة تعيط هنا والكاميرا جايبة الزاوية دي بالتحديد عشان نبين اسم التلاجة اللي شركتها دافعة فلوس عشان يتسوقلها ف الفيلم وارد انها هتفتح التلاجة تجيب ازازة مية مش عشان الخيانة بتعطش لكن عشان نشوف مميزات التلاجة من جوا (دا لو كانت الشركة دافعة اكتر)
قولي بالله عليك ازاي هتتأثر وانت دماغك بتفكر ف كدا!

فقدان المتعة بالحاجات الممتعة دا رقم #2

دكتور يحيي ف الفيل الازرق كان مرهق بسبب لغة الجسد لكن علمه بيها كان بيديه Unfair Advantage فوق اي حد بيقف قصاده
كذلك التسويق احيانا اه بيكون مرهق ساعات بيفقدك المتعة لكنه ما زال بيديك ال Unfair Advantage!

تقعد 100 سنة تدعي وتقول يارب التربيزة دي تتحرك من مكانها .. يارب حرك التربيزة .. اللهم حرك الطاولة
ومش بتتحرك ولا هتتحرك

تمد ايدك تزق التربيزة هتحركها ف ثواني!

الشقيري
الأخذ بالاسباب
التوكل مش التواكل

كنت قاعد عند عم زغلول بتاع الفول ف اسكندرية صديق ليا اسكندراني قالي دا احسن حد بيعمل فطار شعبي وكان قاعد قدامي سايح تيبيكال زي سياح الافلام شعر اصفر + شورت + شنطة باك وكان وسيم (اوسم مني حاجة بسيطة!) المهم خلال ربع ساعة بس دخل علي السايح كمية مهولة من المتسولين الذين يسألون الناس الحافا وبالغصب
لاحظت علي السايح الضجر مسك التليفون بتاعه وطبعا بنسبة كبيرة عما علينا بوست علي فيسبوك
هذا السايح مش هيجي مصر تاني
اصحاب هذا السايح المهتمين بالسفر محدش منهم هيجي مصر
يعني بسبب شوية ناس اكفاء صحيا وبدنيا لكنهم اختاروا التسول مهنة ..
- خسرنا عميل
- اتحرمنا من عملاء محتملين
- احرجنا المصريين اللي عايشين بيدرسوا او بيشتغلوا في بلد هذا السايح
- خلقنا نيجاتيف ورد اوف ماوث تعيش معانا سنين
تسويق سلبي مكتمل الاركان
ارجو انه يكون في حل وحد للتسول ف القاهرة واسكندرية علي الاقل
مش بطالب بتسويق مكلف - وان كان حاجة مهمة ومطلوبة وهتجيب عائد - لكن علي الاقل نبدأ نوقف نزيف التسويق السلبي

اسراء والاء محتاجين موديراتور تاني معاهم عالبيدج هنا يكون بياع وبيحب الناس ويحب يساعدهم مش بس يرد عالرسايل والكومنتات زي الروبوتات يبيع معاهم الكورس بتاعنا ويكون سريع وشاطر زيهم
لو بتحب تساعد الناس وبتعرف تبيع ابعتلي ال CV بتاعك عالخاص ف اللينك اللي هسيبه اول كومنت

- الشغل فول تايم من البيت وانت ف مكانك ٨ ساعات ايام هيكونوا الصبح ايام هيكونوا بالليل (بنبدل الشيفتات)
- لا يشترط الخبرة بس لو انت عندك خبرة هيبقي بونس اكيد
- الاولوية للي اشتري الكورس فلو انت اشتريته اكتب اول الماسج قبل السلام عليكم ومساء الخير انك اشتريت الكورس
- لو عندك مهارات تانية بتكتب كونتنت بتعمل اعلانات بتعمل ديزاينات بردو عرفني هيكون ليك اولوية
- متنساش تكتب الاكسبيكتد سالاري عشان مش هنعتبر الماسج بتاعتك انها تقديم علي الوظيفة من غيره
- اي CV بيتبعت بحفظه عندي يعني حتي لو متمش اختيارك المرادي ممكن تلاقيني بكلمك عادي بعدين لما نحتاج حد تاني

اشتريت الكورس او لا + ال CV + الاكسبيكتد سالاري + لو عندك مهارات تانية
دا بس المطلوب
وشكرا لاهتمامك بالشغل معانا 🤝

عندى فكرة بقالها كذا سنة كل ماجى انفذها اقول لا يعم هتجيب صداع فـ ارجع ومنفذهاش 😅
هنبدأ نطبقها ان شاء الله معاكو ..

لو انت عندك البراند بتاعك لسة بتبدأ احنا عارفين انه الميزانية صغيرة واشتراكات شركات الدعاية - بما فيهم شركتنا مايندفيلدز - عالية احنا عارفين ده وكنا عملنا كخطوة اولى الكورس بتاعنا اللى يعلمك تعمل تسويق لنفسك بنفسك لكن هيقابلك مشكلة بعدين هى انه انت محتاج تترجم فهمك للتسويق والبيع ديزاينات وتصاميم احترافية تعرض بيها منتجاتك وخدماتك تدى ثقة للعميل وتدى كتف للمنافس

الديزاينات النص نص هتقتل البراند بتاعك من قبل ميبدأ والانطباع الاول يدوم فلو انا شفت منك اعلان واحد ديزاين اى كلام خلاص انت بالنسبالى براند اى كلام مش هشترى منك وعلمت عليك اكس
المشكلة هنا انه التصميم كمهارة اصعب من التسويق نفسه انت فعلا محتاج سنين عشان تطلع تصميم كويس تبقى متطمن انه ينفع يمثل البراند بتاعك ف السوق وينفع تصرف عليه فلوس ف الاعلانات ويقنع العميل

فأنت قدام 3 نيران كلهم اسخن من بعض
يأما تتعلم التصميم ودا هياخد منك سنين - يأما تجيب فريلانسر ياخد مبلغ قليل بس هيطلع كواليتى سيئة يوقعلك البراند - يأما تعين فريلانسر خبرة يديك شغل كويس بس هيقطم الميزانية نصين

أنا جى النهاردة احللك المشكلة دى ..
ابتداءا من النهاردة هنبدأ نعمل باقات تصميم بالكواليتى بتاعتنا كمايندفيلدز شركة دعاية ف مصر وجدة بتكلفة رمزية جدا مش عايزين نكسب منها فلوس احنا هنعملها كخدمة عملا
الناس اللى اشترت كورس التسويق بتاعنا الخدمة دى ليكو
باقات هتبدأ من اول 500 جنيه فقط

بس فيه ملحوظتين ..
ملحوظة 1: مش هنعرف نقدم الخدمة دى لكل الناس اللى اشتركت ف الكورس للاسف عشان العدد فهى هتكون بأسبقية الحجز ما بينهم

ملحوظة 2: السعر هيكون تصاعدى يعنى اول ناس هتشترك هيكون بأقل سعر بعدين السعر هيعلى كل متقل امكانيتنا اننا نقبل شغل تانى لحد ميبقى كومبليت خلاص مش هنقبل حد فنعين ناس جديدة ودا هياخد وقت (بالمناسبة لو انت جرافيك ديزاينر خبرة اكتر من 3 سنين وظهر ليك الاعلان ده ابقا ابعت نماذج شغلك واسعارك والاكسبيكتد سالارى)

اخر ملحوظة: انت مشتريتش الكورس لسة اول مرة تشوفنا وظهر ليك الاعلان ده تقدر تحجز عادى بس هيكون بسعر اعلى شوية لكنه ما زال رمزى احنا زى ميهمنا نخدم العملاء القدامى يهمنا نكسب عملاء جدد فبردو هيكون لك مزايا تخليك تشتغل معانا تسويق كامل او تشترى الكورس تطلب استشارة او اى خدمة من خدماتنا

دى نماذج من الشغل بتاعنا اللى هنقدم زيه لحضراتكو اختارناهم من كذا مجال لعملاء من مصر والسعودية والامارات ..

ازاي ف ظل الازمة توصل انت للحرية المالية؟ تجربتي الشخصية

1- تصرف فلوس اقل (الادخار): ودا بيبقي ليه ليمت لا يمكن تزيد عنه لانه في مصاريف لازم تتصرف فدا اتجاه تأثيره بيكون اقل

2- تكسب فلوس اكتر: عن طريق انك تشتغل اكتر ودا نفسه بيكون نوعين ..
- الاول تشتغل حاجة تجيبلك فلوس دلوقتي زي انك تنزل تشتغل ف مطعم او سوبر ماركت واعمال الزراعة والمعمار ودي العائد بتاعها اسرع - ممكن ف نفس اليوم - لكنه عائد قليل
- النوع التاني تستثمر ف نفسك (بالوقت او بالفلوس او الاتنين مع بعض) وتتعلم مهارة مطلوبة كل متقدمها لحد تاخد فلوس وكل متتعلم اكتر تكسب اكتر يعني ملهاش سقف

التسويق - كتابة المحتوي - وعمل الاعلانات افضل استثمار لانهم مهارات بتجمع بين النوعين بيجيبوا عائد مادي بسرعة + ملهمش سقف كل متتعلم اكتر كل متكسب اكتر
بتشتغل بيهم للناس او تشتغل بيهم لنفسك البراند بتاعك ومنتجاتك

ودا بالظبط اللي انا شخصيا عملته لما عملت كارير شيفت كنت دكتور بعدين فريلانسر بشتغل لعملاء صغيرين بعدين صاحب مايندفيلدز شركة دعاية بشتغل للشركات بعدين فتحنا مايندفيلدز فرع ف جدة بعدين - جنب شغلنا كشركة دعاية - انا عبدالهادي بختار منتجات اسوقها كدروبشيبينج او تجارة عادية اونلاين

الكلام اخد سطرين كتابة لكنه اخد سنين ف التنفيذ بس الخبر الحلو انك مش لازم انت كمان تاخد الوقت الطويل ده واكيد مش لازم تغلط نفس الاخطاء

ف الكورس المجمع ٣*١ بعلمك الحاجات اللي انت محتاجها التسويق اللازم عشان تبدأ كفريلانسر او ف التجارة الالكترونية والدروبشيبينج او بتعمل البراند بتاعك كلام عملي كله م السوق من غير زيادات وحشو عشان تبدأ انت كمان قصتك بطريقتك وامكانياتك بس وانت معاك شوية اختصارات كنت اتمني اني الاقي حد يقولهالي لما كنت ببدأ

- هتلاقي هنا تفاصيل اكتر لو كنت عايز تبدأ كفريلانسر: https://bit.ly/3wMxHuU
- وهنا لو كنت عايز تبدأ ف التجارة الالكترونية والدروبشيبينج: https://bit.ly/3jVmqW8

✅ ضمان استرداد الفلوس مدة 14 يوم بعد الشراء في حالة عدم الاستفادة

ملحوظة 1: انا مش مليونير
ملحوظة 2: الحرية المالية لا تعني انك تكون مليونير
ملحوظة 3: الصورة قديمة انا حاليا احلي من كدا

- مسوق علي الله بيعمل اعلان يبيع مراتب طبية: المراتب التقليدية بتسبب انزلاق غضروفي بنسبة ٢٪؜
- مسوق او بياع شاطر: ف كل ١٠٠ واحد بيستخدم المراتب العادية في ٢ منهم بيجيلهم انزلاق غضروفي

نفس المعلومة واحد رماها وخلاص التاني استخدم علم النفس عشان يقنع اكتر تحديدا التجربة النفسية المعروفة باسم Mr. Jones Experiment

واضح انكو بتعرفوا تستغلوا الفرص😁

- اولا مبروك للناس اللى لحقت العرض واشترت الكورس ب 300 جنيه فقط بدلا من الف جنيه محدش تانى غيركو هيقدر يشترى الكورس بالسعر ده لاننا مش هنكرر العرض دا تانى

- الناس اللى لسة شايفة بوست العرض او اللى ملحقتش تحول الفلوس عشان الوقت اتاخر او ايان كان السبب احنا هنمد العرض بس هنخليه 400 جنيه مش 300 زى العرض الاصلى وهيبقى النهاردة وبكرة فقط بعدين هيرجع تمن الكورس بسعره الاصلى الف جنيه

تقدر تدفع فودافون كاش ف المسجات والتيم بتاعنا يسجلك مانويال او تدفع بالفيزا (اي فيزا) من عالموقع وتشوف تفاصيل اكتر من هنا: https://bit.ly/3wMxHuU

من دلوقتي ليلة العيد + اول وتاني وتالت ايام العيد الكورس بتاعنا ب 300 جنيه بس مش الف جنيه ودا خصم والله مهيتعمل تاني غير يوم فرحي 😂

تقدر تدفع فودافون كاش ف المسجات والتيم بتاعنا يسجلك مانويال او تدفع بالفيزا (اي فيزا) من عالموقع وتشوف تفاصيل اكتر من هنا: https://bit.ly/3wMxHuU

كنت منتظر منكو انكو تعلقوا علي بوستات ليلة القدر انه مش مكانها وانه احنا مش عاملين فولو ليك عشان بوستات دينية ودا كان هيبقي حقكو عليا وانا كنت هتفهم دا وهقبله لكن محدش قال كدا ودي حاجة خلتني اقدر انكو تتغاضوا عن الكام بوست دول اللي برا التسويق واللي انا بنزلهم وعارف انه دا مش اصح حاجة لكن الثواب العظيم ف ليلة القدر كان مغري بالنسبالي اكتر فانا بعمل البوست دا اولا اشكركم انكو تقبلتوا عدم الاحترافية المتعمدة بتاعتي + اعرفكو سببها + اني اطمنكو انه خلاص هما ال 3 بوستات دول ومفيش بوستات تاني برا وربنا يتقبل منا ومنكم ولا يجعل الدنيا اكبر همنا

عينة من شغلنا اللي بيتعرض عالتليفزيون ..
فيديو دعائي لدوا انتاج شركة الادوية البيطرية رقم 1 في مصر اتكو فارما