05/02/2022
كفاية بجد
🤔
الموضوع بقي متفشي جدا.. وخطورته لا تقل عن فيروس كرونا.
أسباب تأخر الكلام واضحة ومحددة وكمان طرق العلاج هي كمان معلومة وموثقة.
إنما الاقى كمية موروثات وخرافات يبقي دورنا كأخصائيين لازم نقول لا 🚫 ونعمل تصحيح للمسار الفكري الخاطئ.
لانه كلام مش علمي ولا مدروس بالبلدي كده يتقال على مصطبة مينفعش نقوله ولا ينفع ننصح بيه حد..
خد عندك ياسيدي😏
🧩 حطيله بن تحت لسانه.
🧩 اكليه لسان جدي ولا 🐑 خروف.
🧩 شربيه رجل عفريت 🧞♂️.
🧩 خضيه.
🧩 شربيه لبن 🦓 حمار.
🧩 ادبحى حمامة بكر فوق رأسه.
🧩 اكليه بيض سمان
🧩 وديه للشيخ مرجان أصله عنده مس.
🧩 اعملي له حجامه.. الرسول وصي بالحجامة.
🧩 سبيه ف الشارع طول اليوم.
🧩 محتاج عملية.. بس مش عارف عملية ايه⁉
🧩 سبيه هيتكلم لوحده.. جوز خاله مامه اتكلم بعد ما تجوز 😂.
🧩 نقطيله عسل تحت لسانه.
🧩 شربيه مايه رز.
🎯 طيب ازاي الموروثات دي خدت حقها في الانتشار⁉
انها المزامنة
🤔
👈 يعني الولد أكل لسان جدي علشان يتكلم😏 كانت في أسباب تانية هي المحفز والمسببة الحقيقة للكلام ولكن مجهولة.
فحصل عملية الربط الخاطئ بين لسان الجدي و تحسن الكلام.
قيس على ده باقي الخزعبلات.. نسأل الله العفو والعافية
