Adel Sedik - English Academy

مش عارفين نفهم بجد الناس اللي كانت عايزة رمضان يوم الأربع، والناس اللي بتدافع عن الخميس وعايزينه الخميس كأنه ماتش نهائي😂

هو اللي عايزه الخميس وراه مشوار طيب يوم الأربع ومش فاضي؟
ولا علشان ياخد خميس وجمعة أجازة ورا بعض؟

بس بعد الحيرة دي كلها اكتشفنا اكتشاف أهم!
إن بداية الراوند الجديدة من الكورس وأول Level فيها هيبقى يوم الخميس، يعني كدة أول يوم رمضان 🌙

وطبعا مش هنعمل فيك الحركة دي
أول يوم دا للمة، والعيلة، واللمة حوالين السفرة❤️

عشان كدة قررنا نبدأ الراوند من يوم الاتنين
بميعاد ثابت: اتنين وخميس بعد التراويح وفتحنا مواعيد سبت وتلات وأحد وأربع

تفطر براحتك!
تصلي تراويحك!
وتيجي تكمل معانا رحلتك للطلاقة على رواقة😉

اكتبلنا في كومنت كلمة "رمضان" وهنبعتلك كل التفاصيل بتاعتنا بخصوص الراوند الجديدة💙
#رمضان

يوم مليان طاقة وحب وشغف من بوث الأكاديمي النهاردة💙🔥

كل اللي عدا علينا النهاردة وقابلنا، مشي وهو واخد خطوة وخطة واضحة يطور بيها الانجلش.💪

لسة الجايات كتير، واحنا في ضهرك للآخر💙

تم احتلال الجريك الكامبس بنجاح🤩☝️

توثيق من حضور تيم الأكاديمي في إيڤنت النهاردة علشان نساعدكو توصلوا للطلاقة💙

قولوا ماشاء الله اللهم بارك💙
كل يوم بنفتخر بطالب جديد في الأكاديمي مش علشان خد الكورس، ولا علشان وصل❌

بنفتخر باللي خد خطوة بكل ثقة في نفسه وكانت سبب في نجاحه وتحقيق حلمه.

المرادي آيه كانت معانا في Level 6، واثقة من قدراتها بعد م وصلت للطلاقة في الانجلش💪

لحد م بقت جاهزة تمامًا وقدمت واشتغلت في Concentrix واحدة من أكبر الشركات الـ Multinational في الشرق الأوسط.

والحقيقة آيه فاجئتنا كلنا بإجتهادها لأن إنها تتقبل في شركة زي دي وهي لسة في Level 6 انجاز حقيقي بكل المقاييس وبعتتلنا صورة الـ ID ورفعت راسنا💙

وارد تكون شايف الطريق طويل، بس كل إنجاز حقيقي بدأ بخطوة صادقة.
ابدأ فوراً بدون تخاذل ووارد جدا نحتفل بيك البوست الجاي☝

خد الخطوة واعمل اللي عليك وسيب الباقي على الله واحنا في ضهرك للآخر💙
(متنسوش تدعوا لآية تبقا Team leader قريب😁)

من أكتر الحاجات اللي بتظلم ناس كتير إنك تفضل تقارن نفسك بنماذج “ناجحة” في ظروف غير ظروفك.

فلان عمل كذا وهو عنده 20 سنة، علانة وصلت لكذا في وقت قياسي وانت لسة قاعد مكانك!

والحقيقة الموضوع عمره م كان مجهود بس.
ربنا وحده المقدر المدبر وفيه ظروف مش بإيدك وطرق النجاح كتير.

ودا مش معناه توقف سعي.
بس معناه تبطل تسويف وجلد ذات، وتمشي على طريقك انت بخطواتك وفي وقتك وبالهدف اللي عايز فعلا توصله.

وده بالظبط اللي حصل مع "أحمد"
أحمد شخص عادي جدا، زيه زيك مش سوبر هيرو ولا تنين إنجلش
بس كان عنده هدف واضح ومحدد من أول يوم خد الكورس معانا أنه عايز يشتغل في Concentrix

احمد دلوقتي معانا في Level 7، يعني انجلش فوق متوسط، لسه بيتعلم وبيغلط وبيحاول.

بس المفاجئ إنه خد خطوة وجرب واشتغل على نفسه أكتر💪🏼
وقدم بالفعل على فرصة شغل في الشركة اللي بيحلم يوصلها وعدى الـ First & Second Interview في أكبر شركة Multinational في مصر والشرق الأوسط!

وبعتلنا حاليا صورته بالـ Id بعد م ربنا وفقه ورفع راسنا زي كل الطلبة بتوعنا💙🙏🏻

مش بنقولك بكرة هتبقى CEO ولا بنوصلك قصة خزعبلية.
كل اللي عايزين نوصلهولك:
كل رحلة ليها توقيتها وكل خطوة صادقة ليها أثرها واحنا هنكون في ضهرك للآخر💙

اعمل اللي عليك وسيب الباقي على ربك، ووارد جدا نحتفل بيك انت قريب في البوست الجاي🫵