كابتن مصطفى أبوسعده Coach mostafa aboseada

  • Home
  • Egypt
  • Cairo
  • كابتن مصطفى أبوسعده Coach mostafa aboseada

كابتن مصطفى أبوسعده Coach mostafa aboseada Contact information, map and directions, contact form, opening hours, services, ratings, photos, videos and announcements from كابتن مصطفى أبوسعده Coach mostafa aboseada, new cairo, Cairo.

30/08/2026

رسالة مهمة للأهالي
إرحموا عيالكم

لما تروح المتحف المصري وتكتشف إن الفراعنة كانوا عاملين فورمة قبل الجيم أصلًا
28/08/2026

لما تروح المتحف المصري وتكتشف إن الفراعنة كانوا عاملين فورمة قبل الجيم أصلًا

لما تبقى غايب عن حد فترة طويلة وتقابله بعد وقت…بلاش بقى حتة:«إنت تخنت ليه؟»«إنت خسيت ليه؟»«مالك وشك اتغير كده؟» 😂يا عم م...
26/08/2026

لما تبقى غايب عن حد فترة طويلة وتقابله بعد وقت…

بلاش بقى حتة:
«إنت تخنت ليه؟»
«إنت خسيت ليه؟»
«مالك وشك اتغير كده؟» 😂

يا عم مالك وماله؟!
هو إنت اللي كنت بتصرف عليه؟
ولا إنت عارف هو مرّ بإيه الفترة اللي فاتت؟
ولا عارف ظروفه كانت عاملة إزاي؟

لو مش قريب أوي من الشخص ده، بلاش تسأله الأسئلة دي.

وقريب أوي يعني أمك وأبوك، وبالكتير إخواتك… غير كده اتكلم في أي حاجة تانية 😂

إنت ببساطة مش عارف الشخص ده مرّ بإيه، وممكن يكون خِسّ عشان تعب، أو زاد في الوزن بسبب ظروف نفسية أو مشاكل أو أي حاجة تانية إنت متعرفهاش.

فماتخليش جسم حد تاني مادة للتريقه والهزار.

عايز تقول حاجة حلوة؟ قول ❤️
«وحشتني»
«منور»
«عامل إيه؟ طمني عليك»

لكن جسمه ووزنه… سيبهم في حالهم يا حبيبي 😂

مش كل حاجة تلاحظها لازم تعلق عليها.

لو معندكش كلام إيجابي تقوله… اسكت، السكوت في بعض المواقف بيبقى ذوق وأصول. ❤️

بص يا سيدي… في حاجات كده المفروض تبقى موجودة عندك في البيت بشكل طبيعي، والتمر واحد من أهمها 🌴ودي تقريبًا الحاجة الوحيدة ...
26/08/2026

بص يا سيدي… في حاجات كده المفروض تبقى موجودة عندك في البيت بشكل طبيعي، والتمر واحد من أهمها 🌴

ودي تقريبًا الحاجة الوحيدة اللي مش هقولك عليها: «ماتاكلهاش» 😂

ليه؟
لأن التمر يعتبر من المصادر السريعة للطاقة، يعني تقدر تعتبره البنزين بتاعك لو عندك تمرين، أو مشوار طويل، أو شغل ومجهود بدني.

وفوق ده كله… التمر له مكانة خاصة ومذكور في السنة النبوية ❤️

التمر فيه سكريات سريعة الامتصاص، و٣ تمرات ممكن يكونوا في حدود ١٠٠ سعرة حرارية حسب النوع والحجم.

والأجمل إنك تقدر تستخدم التمر كبديل للسكر الأبيض.

السكر الأبيض بيديك سعرات من غير قيمة غذائية تُذكر، فبدل ما تحط السكر في مشروبك أو أكلك، ممكن تبدأ تستخدم التمر، ومع الوقت تقلل الكمية واحدة واحدة.

ولو بتتمرن، ممكن التمر يكون اختيار مناسب قبل التمرين، خصوصًا لو محتاج طاقة سريعة.

ولو عندك شغل أو مجهود بدني، برضه ممكن يفيدك كمصدر سريع للطاقة.

أما لو عندك سكر أو مقاومة إنسولين، هنا الموضوع مختلف… التمر برضه مصدر للسكريات، فمش معنى إنه طبيعي إنه مفتوح من غير حساب. الكمية والتوقيت وباقي أكلك في اليوم مهمين جدًا، والأفضل يكون تناوله محسوب حسب حالتك.

لكن لو إنت شخص سليم وبتاكل بشكل متوازن، فالتمر ممكن يبقى موجود عندك بشكل طبيعي كجزء من نظامك الغذائي.

وبالمناسبة… التمر الأسود المعروف باسم «عجوة المدينة» من أشهر أنواع التمور، وورد ذكر العجوة في السنة النبوية.

يعني باختصار:

بدل ما تحط سكر أبيض في كل حاجة… جرّب التمر، واستفيد من طعمه وطاقةِه، بس برضه خليك فاكر إن الطبيعي مش معناه تاكل منه بلا حساب 😂

بس يا سيدي 🌴❤️

بص يا سيدي… تعالى نفكك واحدة من أشهر خرافات البروتين 😂💪⛔ «لازم تاخد بروتين سريع الامتصاص عشان تمنع الهدم العضلي»!مين قال...
25/08/2026

بص يا سيدي… تعالى نفكك واحدة من أشهر خرافات البروتين 😂💪

⛔ «لازم تاخد بروتين سريع الامتصاص عشان تمنع الهدم العضلي»!

مين قالك كده؟ 😏
الموضوع مش بالبساطة دي خالص.

بص يا معلم… البروتينات مش كلها نسخة واحدة، وكل نوع ليه خصائصه واستخداماته.

بروتين زي الكازين امتصاصه أبطأ من الواي إيزوليت، وده بيخليه خيار كويس في مواقف معينة لما تكون عايز مصدر بروتين يهضم ببطء ويزوّد الجسم بالأحماض الأمينية لفترة أطول.

وفي الناحية التانية عندك الواي إيزوليت… بروتين ممتاز جدًا وسريع الهضم، وليه استخداماته ومميزاته، خصوصًا لو محتاج بروتين خفيف وسريع وسهل الهضم.

بس تعالى هنا 👇

ماتفتكرش إن الإيزوليت هو «أحسن بروتين في الدنيا» وإن الكونسينتريت أو الكازين مالهمش لازمة 😂

لأ يا حبيبي… كل نوع وليه استخدامه.

ومش معنى إن صاحبك بياخد إيزوليت وإنت بتاخد كونسينتريت أو كازين إن عضلاته هتكبر وإنت لأ.

في الآخر، الأهم بكتير هو إجمالي البروتين اللي بتاخده على مدار اليوم، وجودة أكلك، وتمرينك، ونومك، واستمراريتك.

وبالمناسبة…

⛔ مش لازم تخلص التمرين وتطلع تجري على الاسكوب كأن العضلات هتختفي لو اتأخرت 10 دقايق 😂

ومش لازم أصلًا تاخد بروتين بعد التمرين مباشرة.

تقدر تاخد احتياجك من البروتين في أي وقت مناسب خلال اليوم، والمهم في النهاية إنك مكمّل احتياجك اليومي.

فاشتري البروتين اللي مناسب لاحتياجك وميزانيتك.

الكونسينتريت كويس جدًا ✅
الكازين ممتاز جدًا ✅
الإيزوليت ممتاز جدًا ✅

المشكلة مش في نوع البروتين…
المشكلة إنك تفضل تغيّر نوع البروتين كل شوية وتنسى إن الأكل والتمرين والاستمرارية هما الأساس. 😂💪

بس يا سيدي ❤️

أسهل وأجمل حاجة ممكن تقدمها لنفسك و للي حواليك إنك تكون انسان لطيفدي مش محتاجه فلوس ولا تكاليف الابتسامة لطف إنك ترد على...
25/08/2026

أسهل وأجمل حاجة ممكن تقدمها لنفسك و للي حواليك إنك تكون انسان لطيف
دي مش محتاجه فلوس ولا تكاليف
الابتسامة لطف
إنك ترد على حد باعتلك رسالة لطف
إنك ترد بذوق لطف

إنك تدي وقت لحد محتاج من غير ما يطلب لطف
إنك تدعي لحد بسيط وتحسسه إنك حاسس بيه لطف يمكن أنت تحس إن دي حاجات بسيطة لكنها حاجة كبيرة جداً عند ربنا أولاً .. ثم عند الناس

أخطر مرض ممكن يصيب الإنسان مش الضغط، ولا السكر، ولا الكوليسترول، ولا حتى تصلب الشرايين.أخطر حاجة ممكن تحصل هي السمنة… لأ...
25/08/2026

أخطر مرض ممكن يصيب الإنسان مش الضغط، ولا السكر، ولا الكوليسترول، ولا حتى تصلب الشرايين.

أخطر حاجة ممكن تحصل هي السمنة… لأن لو السمنة دخلت حياتك، الحاجات اللي فوق دي كلها ممكن تيجي وراها، ووقتها الموضوع بيبقى مسألة وقت.

فماتستناش لحد ما جسمك يقولك كفاية… اتحرك من دلوقتي، وخلي بالك من نفسك.

شكرًا لكونك أحد أبرز المتفاعلين ودخولك إلى قائمة التفاعلات الأسبوعية الخاصة بي! 🎉 May Mostafa, Badr Al Shawaf, Sayed Abd...
25/08/2026

شكرًا لكونك أحد أبرز المتفاعلين ودخولك إلى قائمة التفاعلات الأسبوعية الخاصة بي! 🎉 May Mostafa, Badr Al Shawaf, Sayed Abd El-Gelil, هاني جمال جمال, Alsayed Ahmed, حبيبة الرحمن, Seti Seti, Malek Morgan

خرافة ولا حقيقة؟ الدايت القاسي أسرع في النزول؟ ناس كتير أول ما تبدأ دايت تقول: كل ما آكل أقل وأجوع نفسي أكتر، هخس أسرعوف...
24/08/2026

خرافة ولا حقيقة؟ الدايت القاسي أسرع في النزول؟

ناس كتير أول ما تبدأ دايت تقول: كل ما آكل أقل وأجوع نفسي أكتر، هخس أسرع

وفعلًا ممكن الميزان ينزل بسرعة في الأول، بس جزء كبير من النزول بيكون مياه وجليكوجين مش دهون.

وبعدها يبدأ التعب والجوع والخمول وقلة التركيز، ومع الحرمان الشديد ممكن تحصل نهمه وأكل زيادة، والوزن يرجع تاني.

الدايت الصح مش أسرع دايت… الدايت الصح هو اللي تقدر تكمله

اخس بشكل تدريجي، حافظ على عضلاتك، واستمر… النتيجة اللي بتثبت أهم من النزول السريع

Address

New Cairo
Cairo

Telephone

+201009304903

Website

Alerts

Be the first to know and let us send you an email when كابتن مصطفى أبوسعده Coach mostafa aboseada posts news and promotions. Your email address will not be used for any other purpose, and you can unsubscribe at any time.

Shortcuts

Share