https://www.facebook.com/109112710796019/

WMC, Cairo (2026)

22/06/2020

*كتير مننا عدي بمواقف أثرت فيه و ممكن تكون غيرت حاجات في شخصيته... و ممكن فعل انت تكون شايفه صغير و مستحيل يتسبب في مشكلة.. بس ف الحقيقة هو بيتسبب في جرح انت متعرفش عنه حاجة...
التنمر حاجة مش بسيطة... دي مشكله في كل المجتمعات و لازم نحلها😔...

*اغلب حوادث التنمر بتبقي في المدارس... و خاصة بين الأطفال و المراهقيين... الأنسان لما بيشوف حد مختلف عنه في الوزن او الطول او حتى الملامح.. و بيحس ان هو احسن بكتير من الشخص اللى قدامه ف بيبدأ انه يعلق علي المشكله اللى عنده بطريقة مؤذيه جدا... و للأسف اللي بيتعرضوا للتنمر شخصيتهم مبتكونش قويه كفايه انها ترد الأذى دا...

*و هنا بييجي دورك انت.. ايوه انت!... و متقولش انا مالي هو انا اللي خلقته؟... لا مش انت الي خلقته... بس ربنا خلقك كامل عشان تكمل النقص الي عنده⁦♥️⁩

*اخطار و مشاكل التنمر :
1/ أمراض نفسية مثل القلق و التوتر و الانعزال
2/ امراض جسدية كالقلب و الضغط
3/ PTSD ( post- Traumatic Stress Disorder )
بمعنى أن التنمر قد يصيب الإنسان باضطرابات و صدمات قد تؤثر عليه خصوصا اذا كانت تضر ال self image الخاصة بالانسان
4/ بعد تعرض الشخص للتنمر فقد يمارسه على باقى أفراد مجتمعه و احيانا أسرته..

* كيفية التعامل مع المتنمرين :
1/ تذكر دائما أن المتنمر شخصية غير سوية قد يكون تعرض للتنمر قبل كده فحاول انك متاخدش فكرة التنمر أن هي personally أو هي فى شخصيتك انت 🙋🏼‍♀️
2/ ابتعد قدر الإمكان عن الشخصيات المتنمرة 👀
3/ حاول تطلع الحزن اللى جواك و اطلب المواساة من اي شخص قريب منك سواء صديقك أو حتى قريبك 👬🏼
4/ دايما خليك flexible مع الناس اللى فى المكان معاك لو حسيت انك وحيد و محدش معاك فضل دايما الانسحاب من المكان 🙇🏼‍♀️
5/ أو الافضل انك تكون صداقات صالحة مع أشخاص كويسين.💁

*كلنا بشر شبه بعض في التكوين... و كل واحد عنده حاجه بتميزه عن التاني... لو لقيت حد بيتنمر علي شخص مش قادر انه يوقفه متقفش ساكت... و ساعده انه يبقي اقوى من غير ما تحسسه بضعفه...ممكن قربك منه يقويه⁦♥️⁩🌸

_ " same inside, special outside " ⁦⁦♥️

18/06/2020

" Don't be pushed around by the fears in your mind. Be led by the dreams in your heart " ❤️
طبعا انت لسه مش قادر تبطل تفكير برضو ...
_ فكرة ال over thinking انك ممكن تستخدمه فى انك تبدع فى مجال معين و لكن للاسف كل تفكيرنا بيبقى بسبب خوف أو قلق من موقف معين و بتفضل محاط بمخاوفك و أفكارك و بتأثر عليك سلبيا فى كتير من المواقف ..

* اتفقنا ان صعب اننا ننسي المواقف و نوقف تفكير... بس فيه طرق ممكن تساعدك انك تكمل تفكير بس بطريقة تانيه و منها :

1/ حاول تروح اي اماكن طبيعيه زي حديقة او بحر او حتي تقف تشوف غروب الشمس ... مجرد انك تخرج من البيت في الوقت اللي بتبدأ فيه تفكر و تشوف مناظر مريحة للعين و للنفس ذات نفسها دا بيحفز عقلك و يساعده ان تفكيرك يبقى أوسع و أعمق .. ممكن يغير نظرتك فى حاجة معين للأحسن و يخلي عقلك دايما فى نقاء تام ..
2/ الكلام هو اسهل حاجة نعملها و برضو اسوأ حاجة ممكن تأثر فينا....
( كلام الناس اهم من كلامك لنفسك )
دا من اصعب الأسباب اللى بتخليك غرقان فى بحر كلامهم و تخليك دايما بتفكر لأتفه الأسباب حتى لو انت مقتنع بكلامك .
كده انت بتجبر نفسك انك ماتخدش بأفكارها و كلامها و تاخد بكلام الناس اللي انت بتبقي بطبيعتك واثق فيه بدون داعى... دايما الإنسان عنده اقتناع أنه مبيعرفش يحكم على نفسه فبيتخيل ان دايما كلام الناس هوا الصح ... بس الحقيقة غير كدة ! ...
حاول انك تسمع نفسك.... حاول تصاحب نفسك احكيلها مشاكلك و اسمع حلولها... خلي كلام الناس وسيله انك تقرب بيها من نفسك و متخليهاش تبني بينكم سد... حاول تعدل علي كلام الناس السلبي و قول لنفسك انا مش كده هم مشافونيش و انا بتعب...مشافونيش و انا بحارب عشان اوصل... هم ماشفوش حاجة ! ... انا احسن من اللى هم بيقولوه ...و حول الأفكار السلبيه اللي بتخليك تفكر كتير لأفكار إيجابية ممكن تخليك تبطل تفكير و انت مرتاح و راضي عن حياتك...
3/ ال meditation و هي عبارة عن انك بتحاول تهدي افكارك و توقفها شوية... الموضوع مش سهل لأن غصب عنك هتلاقي انك بردو بترجع تفكر تاني... حاول تستعين باليوتيوب مثلا عشان يساعدك انك تصفي ذهنك و تعطله شوية... يمكن بعد كدة لما تيجي تفكر في الموضوع تاني تلاقي حلول ... او تفهم الموضوع و تريح عقلك بأنك وصلت خلاص للفكرة و اقتنعت...

_ الطرق كتير و بتختلف من شخص للتانى و لكن الحاجة المتشابهة أن أهم حاجه يبقى عندك الدافع عشان تقدر تكمل و تواصل حياتك بدون تفكير يزعجك أو يأثر عليك ..

" Head ⚡Heart:
A crowded mind Leaves no space For a peaceful heart "💫👑

16/06/2020

*جيمي انا عايز اعيط...يا جيمي...عايز اعيط يا جيمي... طب جيمي هو احنا عايشين ليه؟... و هل فيه كواكب تصلح اننا نعيش عليها؟...طب هل الناس اللى علي الكواكب دي بتفكر زينا كدة؟... طب جيمي اخر سؤال... البذرة الأول ولا الشجرة؟.🤔
* كلنا عندنا الكائن المزعج دا ... و هو عبارة عن حالة نفسية بتجلنا كلنا بلا استثناء و هي الأوفر ثينكينج.🙇🏼‍♀️
_ قبل ما نتكلم فيه حابين نوضح يعني ايه اوفر ثينكينج و ليه بيجلنا بليل دايما؟...معني الأوفر ثينكينج انك تفضل تفكر في حاجة لوقت طويل بدون توقف و تربط احداث حصلت في الماضي بأحداث في الحاضر و تبدأ انك تتخيل مشاكل ممكن متحصلش في المستقبل...
"Overthinking is the art of creating problems that weren't even there "💁🏼❤️

و الموضوع مش بيقف لغاية هنا... عقلك بيفضل يفكر في كل الأحداث اللي ليها اثر كبير في ذكرياتك و اللي بالتالي بتخليك تشعر بالذنب او بالخوف او بالقلق... طب ليه دايما بييجي بليل ؟ ... لأن الوقت دا بيكون في نهاية اليوم و دماغك بتبدأ تراجع احداث يومك... بس خليني اقولك ان الأنسان بيعاني طول اليوم من الأوفر ثينكينج بس بننشغل عن التفكير بالأنشطة اليوميه... و فهم الأحداث و تحليلها فبيبقي اسهل قبل النوم ...

*من اصعب الأفكار اللى ممكن تصيب الأنسان هي احداث و تجارب الماضي...و مش اي تجارب... دي التجارب و المواقف اللي حسيت فيها بالفشل او الحزن الشديد... و اغلب الوقت هي اللي بتبقي مسيطرة علي تفكيرك... لأن بكل بساطة المواقف زي فقدان شخص عزيز او خسارته او مواقف الخذلان و الفراق و التجارب الفاشلة... بتفضل محفورة و صعب انك تنساها... و دي طبيعة في البشر و يمكن نسيانها مش دايما هو الحل...و عشان صعب انك تتخلص منها... فعقلك هيخليك تفضل تفكر فيها لغاية ما تحس انك مش غلطان او انك تقنع نفسك ان الموضوع عدى و مش هيبقي ليه اثر عليك في الفترة اللي جايه...

* الأوفر ثينكينج سلاح ذو حدين...ي تستعملوا صح او هو هيستعملك صح...لو قدرت تستخدم الأوفر ثينكينج في انك تبدل اسئلتك اللى عن حاجات ملهاش معني بأسئلة عن يومك اكتر... و تبدأ تبص عليها من ناحية تانيه... يعني مثلا لما تسأل نفسك انا ليه مش ناجح في حياتي؟... ساعتها فكر في ايه اللى ناقصك ايه اللى مش مخليك ناجح و ابدأ اشتغل عليه...متقولش انا منجحتش عشان انا فاشل... قول انا ممكن اجرب و انجح و افضل فكر في طرق و حلول...و حاول تعمل كدة في كل الأسئلة... * التفكير الكتير مش حاجة وحشة و ممكن يبقي سبب نجاحك او سلاح دمارك... و الأختيار اختيارك انت اللي في ايدك تغير طريقة تفيكرك و تنقذ نفسك من دوامة قد تكون قاتلة..
"sink or think, it is about how you deal with it"❤️🌸

14/06/2020

let's congratulate our winners and encourage others to develop their talents❤️ Don't give up and try again in another chance❤️

12/06/2020

كلنا بنسأل نفسنا ازاى نقدر نجيب فلوس لو عندنا موهبه او لو حتى مش عندنا بس حابين نتعلم حاجة جديده كتير مش بيكمل ومش بيفكر فى الموضوع تانى وناس تانيه رغم انهم فى سننا بس حققوا حاجة عظيمه ومشيوا ورا حلمهم.النهارده هعرفك على شوية websites تقدر تجيب منها فلوس واللى هتكون بالنسبالك كمان حاجة ممتعه وانت بتشتغل وتجيب فلوسك بنفسك🌟

اول فكره انك ممكن تبدأ فى عمل قناتك الخاصه والفكرة دى بجد عظيمه اوى انك تعرض محتواك واللى انت شايفه كمان ممكن يفيد الناس وبطريقه حلوه مع عنوان جذاب كده للفيديو هتلاقى فعلا نسبة المشاهدات بقت تزيد وده المطلوب،ودايما الناس بتدور على الحاجة الجديده يعنى متقلدش حد(اصنع محتواك بنفسك)
طب مش حابب فكرة اليوتيوب وعندك موهبه زى انك بتحب التصوير خلينى اقولك ان المجال ده مطلوب جدا وتقدر تستفيد من موهبتك دى بانك تدخل على مواقع زى Shutterstock أو istockphoto واللى هتنزّل الصور بتاعتك عليهم وفعلا ممكن تكون الصور اللى صورتها فى احدى المجلات ♥️
طب ولو كنت بتحب تعمل videos اكيد فى مواقع زى VideoHive أو pond5 أو VideoBlocks أو Dissolve ودول برضو فكرتهم زى المواقع اللى قولناها فوق انك تنزل الفيديو بتاعك بجوده عاليه واللى يشوفه ينبهر من عملك يابطل
طب ولو انت بروجرامر لا فخلينى اقولك ان المجال ده يمكن اكتر حاجة مطلوبه وفعلا ليه مواقع كتير اوى انك تشتغل فيها واهمهم موقع زى(بعيد) أو (مستقل) أو (خمسات) أو (freelancer) هناك بقى هيكون فى فرص كتير اللى هتتناسب معاك
وفى حاجة خاصه بالبروجرامرز انك ممكن تبيع ال source code على مواقع زى CodeCanyon وده مش لبيع الاكواد بس انت تقدر كمان تبيع السكريبتات المفتوحه اللى بيتم استعمالها لانشاء مواقع وتطبيقات زى اكواد ال PHP و ال HTML
ولو كنت web developer فانت تدخل موقع زى upwork أو مستقل وتبدأ تعمل ملفك الشخصى وتقدم العروض بتاعتك وتشوف العميل طالب ايه وتبدأ تنفذ ياباشا
ولو كنت مصمم جرافيكس تقدر تدخل على موقع زى 99designer واللى فيه هتتنافس مع المصممين الموجودين فيه والعميل هو اللى هيختار فشطارتك انك تبدع وتجذب العميل بتصميماتك
ولو كان عندك موهبة القراءه وصوتك مميز فدى فرصتك انك تشترك فى موقع زى (سونديلز) ولو عايز تاخد خبرات اكتر فى المجال ده فتابع قنوات على اليوتيوب واعرف ازاى تطور موهبتك

وبكده انت مبقاش عندك حجه انك تفضل قاعد قوم يلا اتعلم اللى انت حابه،انت تقدر تنجح وتعمل حاجة عظيمه ويكون عندك دخلك الخاص
‏"Success isn’t a coincidence,it is hard work,perseverance,learning,studying,sacrifices,and most of all,love what you do or learn to do"♥️🌸

11/06/2020

Here are the videos💜... voting will be on the same form of the previous post💕

11/06/2020

Now the challenge has started👀❤️...check all the talents and vote in the following form..♥️
"https://docs.google.com/forms/d/e/1FAIpQLSfXiYtD4_IlnKjkFjF2eq5fneY9pb6xIMIW46I8pN45_5i8XQ/viewform?usp=sf_link"
deadline: Saturday 13/6 at 10 pm
and for all the talents that didn't win don't give up and participate in our next one💜

10/06/2020

اتكلمنا فى البوست اللي فات عن لغة الجسد و اتكلمنا عن شوية معلومات تقدر بيها تحلل شخصية اللى قدامك و تعرف عنه اسرار كتير.. انهاردة احنا حابين نركز علي نقطة معينة و نتعمق فيها شوية...و موضوعنا انهاردة هيكون عن الكذب و ازاي تعرف الكذاب...اتشوقت؟ يلا بينا نخش في الموضوع💁❤️
* كلنا مرينا بمواقف قبل كدة حسينا فيها ان اللي بيتكلم قدامنا بيكذب علينا...و بيبقي عندنا شك اننا ممكن نكون غلط او مش عارفين ايه اللي يأكدلنا انه بيكذب.. فيه طرق كتيرة ممكن من خلالها تعرف أن الشخص دا كذاب و كمان بتكون من خلال كلامه و من الطرق الشائعة :

1/ استخدام فعل مختلف عن الفعل الموجود فى السؤال .. بمعنى انك بتكون بتسأله عن حاجه هوا عملها ..يرد عليك و لكن بأسلوب مختلف أو يحاول أنه يستخدم فعل مختلف أو بعيد عن الحاجه اللى هوا عملها

2/ هي عبارة عن trick صغيرة تقدر انت من خلالها بكل ذكاء و سهولة انك توصله لدرجة يعجز فيها عن الرد :
كل اللى هتعمله انك هتطلب من الشخص انه يرد علي اي سؤال ب لا و هتبدأ تسأله اسأله في البدايه انت متأكد ان اجابتها هتبقي لا.... و بعد 3 او 4 اسألة هتسأله سؤال مستحيل يكون اجابته لا زي بتحب باباك او بتحبني و هو طبعا لازم يرد علي كل الأسئلة ب لا ....
_ فى اللحظة دي لازم تلاقيه بيعمل حركات لا إرادية زي انه بيحرك حواجبه او عينيه و تحاول تركز جدا علي تعبير وجهه و هو بيرد علي السؤال دا و لو ملاحظتش حاجة ... ممكن تسأله سؤال تاني و برضو تعمل نفس الفكرة بأنه يرد علي كل الأسئلة ب ايوه و تسأله برضو 3 او 4 اسألة أجابتها اه و تسأله فجأة سؤال زي بتكرهني او اي سؤال اجابته لا و نلاحظ ملامحه و حركاتة ...
فى الحالة دى نبدأ اننا نسأله السؤال اللى عايزين نعرف اجابته و علي حسب طريقته و هو بيجاوب لو عمل نفس الحركات او ملامحه تغيرت زي ما لاحظت قبل كده يبقي هو بيكذب و لو رد عادى بتلقائية من غير اي حركات أو علامات مختلفة اعرف ان الشخص دا صادق ..

* في النهاية حابين نوضح فكرة... الكذبة ممكن تبان صغيرة جدا في البدايه لكن مع مرور الوقت بيتبني عليها قصص و حكايات كتيرة...و كل ما تحاول تكبر الكذبة هتبعد خطوة عن انك تصلح الموقف... و ممكن دا يتسبب في مشاكل كتيرة اكيد معظمنا مر بيها... و معروف ان كل كذبة بتقولها بتكسر قدامها ثقة كبيرة .. _ انك تعترف بخطأك و تتجنب الكذب دا مش ضعف دا بيدل علي انك شجاع و عندك الجرأه و المسؤولية انك تتحمل العواقب... و خليك فاكر ان اللي بيكذب علي الناس سهل انه يكذب علي نفسه لأنه بيكون اتعود و بقت حاجه فى طبيعته ... ❤️👀"Big Or Small . Lies are Lies"

09/06/2020

طبعا كلكوا مستنيين مفاجآتنا اللي قولنا عليها بخصوص المواهب. 💁‍♀️♥️
*هنبدأ انهاردة بأول challenge و هي هتبقي عن المواهب اللي زي الرسم، التصوير، الغناء، العزف و اي مواهب تانية .
*من شروط المسابقة:
- العدد الأقصي للصور 5 و مسموح بأقل.
- مدة الفيديو متزدش عن 4 دقائق.
* هتبعت شغلك علي رسايل الصفحة و احنا هنختار 4 مواهب في مجالات مختلفة.
* و الاعلان عن الفائز هيبقي يوم الأحد .
* بعدها هنزل ال4 مواهب علي البيدج و هتتعمل علي شكل vote و مسموح لكم انكم تعملوا منشن لأصحابكوا عشان الvoting بتاعكوا يعلى .
بالتوفيق لكل المواهب♥️

08/06/2020

جبنالك انهاردة موضوع يمكن معظمنا سمع عنه...
* احنا حابين نساعدك انك تطبقه بشكل مختلف من خلال شوية طرق و اساليب سهله... و هنساعدك انك تفهم و تحلل الشخصية اللى قدامك لو لاحظت تصرفات او حركات بتعملها... ايوة زي ما بتقول كدة احنا هنتكلم عن ال (body language ) لغة الجسد... و من غير رغي كتير يلا نخش في الموضوع.🏃‍♂️❤️

_ ينقسم ال body language إلى :

1/ Eye Contact ( الاتصال بالعين ) : 👀
_ ينقسم الاتصال بالعين إلى نوعين :
١/ هو الاتصال المباشر أو النظر مباشرة إلى العين و دا ليه معانى كتيرة و هى انك واثق في نفسك او انك صادق او انك مهتم بكلام الشخص اللى قدامك...
٢/ هو حركة العين او باختصار ان الشخص بيحاول يتفادي انه يبص مباشرة في عينك و يحرك عينه شمال و يمين...
و مش كدة و بس دا كل اتجاه ليه معني...
* لو الشخص بص للشمال غالبا الشخص بيكون بيسترجع معلومات صحيحة حصلت فعلا.... طب لو بص يمين؟...دا معناه انه بيتخيل اللي بيسمعه أو بيحاول يرسم صورة معينة للموقف.... ف حالة بقي لو بص تحت !...دا معناه انه مضايق من الحاجة اللي بيحكيها... لكن لو بص لفوق... دا معناه ان الشخص غالبا عنده امل او طموح في حاجة معينة....

2/ Facial Expressions ( تعبيرات الوجه ) : 😃
_ تعتبر من اصعب الحاجات اللي ممكن تسيطر عليها في مواقف مختلفة...لانها اسهل طريقة بنعبر بيها عن مشاعرنا...و في الحقيقة هي اكتر حاجة ممكن تسبب مشاكل اثناء الكلام ... دا لأن تعبيرات الوجه الأساسية سهل ملاحظتها زي الفرح,الحزن,الخوف,الفزع..... بس ممكن لو قدرت تسيطر علي مشاعرك دا يساعدك في انك متظهرش توترك في ال interview او انك تخفي خوفك و قلقك و انت بتقدم presentation عشان تتفادي التلعثم في الكلام او الأخطاء... و دا بيعزز ثقتك في نفسك و بيدي انطباع كويس للي بيسمعك عن اسلوبك فى الحوار ...

3/ Posture ( الهيئة ) :🧍🏼‍♂️
تخيل معايا أن طريقة وقوفك أو جلوسك تدل على حالة معينة ! ..
وقوفك بالطريقة الصحيحه بدون اي انحناء و كذلك جلوسك بيدل على مدى ثقتك بنفسك و انك عندك جرأة و مفيش رهبة من اي حاجه ...
* مدى قرب الناس منك بيتحدد من خلال حاجه اسمها personal Space .. لما يكون الشخص قريب منك جدا دا بيكون فى منطقة ال intimate ... الاشخاص اللى ممكن تكون تعرفهم معرفة سطحية بيكونوا فى منطقة ال personal ... اما بالنسبة للأشخاص الغريبة بالنسبالك بتكون فى منطقة ال social ...

4/ Gestures ( الحركات ) :💁‍♀️
تحريكك لأي جزء من جسمك سواء ايديك أو كفك أو أصابعك أو رأسك .. كل حركة تدل على معنى معين .. من اكتر الحاجات اللى تشارك فيها ال Gestures هي انك تعمل drama لموقف معين .. من خلال بعض الحركات تقدر انك تخلى الموقف حزين أو مبهج ...
* و برضو من خلالها تقدر انك تبين ثقتك بنفسك ..حركات تقدر من خلالها تبين انك تملك مسئولية كبيره ..حركات تقدر من خلالها تظهر تأييدك لموقف معين أو انك تخفى الحقيقة و غيرها كتير ..

*علم لغة الجسد علم كبير .. مع ممارسته و اتقانه بيديك ثبات انفعالي و سيطرة اكتر علي مشاعرك زي الخوف و القلق ... و هتبقى انسان مميز جدا و هتحس باختلاف كبير ف تعاملاتك مع الناس... *الخلاصه ان لغة الجسد هي طريقة من طرق ال communication skills ...بس اهم حاجه تكون عارفها انك متقدرش تطبقها على أي شخص لأن من الممكن مجرد حركة خطأ منه لا تعبر عن اشارة معينة... فلازم تكون عارف عن الشخص انطبعات ولو بسيطة عشان تستخدم لغة الجسد استخدام سليم ...

" People may hear your words , but they feel your attitude ❤️ "

06/06/2020

- شكلك بدأت تشتغل في الكورس 👏
* اها فعلا .. و اتعلمت حاجات كتيره ..
- يبقي كدة فاضل خطوة أخيرة 🙋
* هو لسه فيه تانى !
* بما انك اخدت القرار و بدأت و فعلا اتعلمت حاجات جديده .. جبنالك انهارده 5 افلام ..بجانب انك هتتسلى جدا من الممكن أن هي تغير و لو حاجه بسيطة فى حياتك و كمان دا هيشجعك علي انك تكمل الطريق للنهاية ⁦⁦❤️⁩🌸

1/ After Earth :
من الأفلام الخيالية العظيمه جدا اللى من خلال مشاهدها و أحداثها المؤثرة بتنمى فيك الثقة بالنفس و ازاي تكون مؤمن بقدراتك دايما ..

2/ The pursuit of happiness :
حقيقى فعلا من افضل الافلام اللى بجد احداثها كلها تدل على قيمة الإنسان اللى فعلا لو عنده هدف و عايز يحققه ..مهما قابل من صعاب و مشاكل عمره ما بيقف و بيكمل للنهاية ...

3/ Wonder :
من اجمل الافلام اللى قدر من خلال أحداثه يوضح مشكلة " التنمر " و ازاي أن هي ممكن تأثر على حياة اي شخص سلبيا .. و بيقدر أن هوا يوصل message ف النهاية أن :
" We all have the same rights to do whatever we are " ...

4/ Life :
لو ليك فى الخيال العلمى و الفضاء يبقى دا لازم يكون اختيارك ...لأن أحداثه و مشاهده كلها عظيمه و تجذبك انك تكمله للنهاية ...

5/ Knives out :
كوميديا ...دراما ...غموض ..كل حاجه بتحبها ممكن تلاقيها ف الفيلم دا ...قدر أن هو من خلالها أحداثه الغامضه انه يوصل فكرة بتدل على أهمية التفكير المتقن فى حل المشاكل ..

= و دايما عود نفسك انك تكافئها علي اي انجاز و لو بسيط عشان ترفع من معنويات نفسك و نتمني ان الأفلام تعجبكوا و استنونا دايما مع مفاجآتنا القادمة❤️

04/06/2020

بدأت الكورس ؟
_ للأسف لا ...مش عارف ابدأ منين 😔

* مبدأيا .. قبل ما تحدد اي هدف فى حياتك لازم تعرف أن ليه مجموعة من الصفات ..
فيه مصطلح اسمه ( smart goals ) 🔥 ... ببساطه هو طريقة لتحديد أهدافك بس من خلال مجموعة من الخطوات .. لو طبقتها على هدفك و لقيتها متوافقة معاه اعرف انك قطعت غالبا نص الطريق .. و دى اهم الخطوات :

1/ Specific ( محدد ) : 📌
بمعنى لازم تخلي هدفك واضح و محدد .. يعنى مينفعش تقول انا عايز اتعلم كورس .. تمام هل حددت ال website اللى هتتعلم من خلالها ؟ .. هل حددت المجال اللى هتاخد فيه الكورس ؟ ... كل دى أسئلة لازم تسألها لنفسك عشان تتأكد أن هدفك صح و هو دا اللى انت محتاجه فعلا ..

2/ Measurable ( قابل للقياس ) : 👀
" بص لنص الكبايه المليان " ..
بمعنى مع مرور الوقت قول مثلا انا خلصت 40٪ من هدفى ..و لكن متقولش يااه دا انا لسه بقيلى 60٪ .. الفكرة أن البداية تكاد تكون اصعب مرحلة ... و الشاطر الي يشجع نفسه للنهاية...
"And always remember.Don't be sad for what you didn't achieve but celebrate what you have done ِ" .

3/ Achievable / Attainable ( قابل للتحقيق ) :👩🏼‍🎓
انك تحدد هدفك بناء على قدراتك ...يعنى هل انت معاك الموارد و القدرات انك تبدأ تسعي ورا الهدف دا... طب لو مش عندك؟...أيه القدرات الي ممكن تساعدك.. ممكن تبدأ بحاجات سهلة زي فيديوهات تشجعك و تخليك تتحمس للمجال اكتر ...

4/ Relevant ( مرتبط بمرحلة ) : 💁🏼
اختار هدفك اللى هيفيدك دلوقتى .. حاجه انت فعلا محتاجها فى المرحلة دى .. مش مجرد حاجه تضيع بيها الوقت ..

5/ Time bound ( محدود بوقت ) : ⁦🕛
الزم نفسك بوقت معين ...تخلص فيه جزء معين من هدفك...حط لنفسك تحدي.. خليك دايما حريص على الهدف اللى عايز تحققه .. ابدأ من دلوقتى و جرب ..

ملاحظتش حاجه !
أن أول حرف من كل خطوة هي حروف كلمة smart و دا خير دليل على أهميتها...
* ال Smart goals فعلا من اكتر الطرق الفعالة جدا فى تحديد الاهداف و استغلال الوقت .. جرب مره و اتنين ..هتلاقي نفسك بتحط اهداف منظمه جدا و هتبقى حاجه natural ف حياتك 💪 ...

= مش شرط تحط هدف كبير و عالى اكبر من امكانياتك بالعكس انت تقدر تحط هدف بسيط جدا بس يكون هو دا اللى يميزك و تبقى الافضل فيه ..
"Maybe the best isn't your place, but you can be the best in your place ⁦❤️⁩ "

WMC

22/06/2020

18/06/2020

16/06/2020

14/06/2020

12/06/2020

11/06/2020

11/06/2020

10/06/2020

09/06/2020

08/06/2020

06/06/2020

04/06/2020

Address

Telephone

Website

Alerts

Contact The School

Shortcuts

Share

Category

Listing takedown request