Cocoomelon IB nuresry

ازاي اخلي ابني يعمل السلوك الصح حتى لو انا مش قدامة؟
تعالوا نعرف حاجه بسيطة لكن مهمه جدا في التربية، الاطفال دلوقتي عقلهم بقى متطور جدا عننا زمان الفرق بينا و بينهم بالضبط زي الموبايل النوكيا و الايفون (وممكن جدا نكون اقدم من النوكيا) طيب ، هل متطلبات الجهازين زي بعض؟ و هل امكانياتهم زي بعض؟ اكيد طبعا الجواب لاء ، لو اتعاملنا مع اولادنا على انهم نوكيا و هم ايفون هتحصل فجوة كبيرة لان اللي بنقدمهلهم أقل من احتياجاتهم و قدراتهم بكتير ، طيب ازاي اتعامل مع الفرق ده؟
اهم نقطة في التعامل مع الاطفال في الجيل ده اننا ندرك اولا ان مهما كنا بنحاول نسيطر على سلوكياتهم او المصادر اللي بيتعلموا منها أو الناس اللي بيتعاملوا معاهم لازم هييجي وقت و هتفلت مننا لأن مهما حاولنا بيكون صعب، طيب ايه الحل؟!
الحل في الاعدادات 😃 في حاجة في الاعدادات بتاعت التربية اسمها مصادر ضبط السلوك ! يعني ايه؟!
يعني لو انا فضلت اقول للطفل ايه الصح و ايه الغلط و أراقب تصرفاته و اوجهه بالكلام بس انا كدة بخلي السلوك السليم يرتبط بتوجيهي انا و بوجودي لكن ف عدم وجودي ممكن نتصرف زي ما احنا عايزين بقى لان ضابط السلوك عندي خارجي، بينما لو خليته هو يدرك ليه التصرف دة سليم و ليه ده غلط بالتصرفات العمليه، هيفهم و هيطبق ده وهيكون ضابط السلوك عندي داخلي، مش بناء على وجود ماما ، يعني هعمل الصح عشان هو صح مش عشان ماما موجودة .
مهم ناخد بالنا من تفاصل صغيرة لكن بتفرق كتير ❤

البيئة التعليمية الحره هي افضل مكان يتعلم منه الطفل ، لما مايكونش محدود ف مكان مقفول عليه ولما كمان كل الوسائل التعليمية تكون قريبة و سهله و كمان بستعملها بنفسه و يكتشفها من غير اي مساعده ❤️

مواليد 2020
سنة الكورونا كانت من اصعب السنين اللي مرت بيها البشرية كلها ، و الأطفال تحديدا اللي اتولدوا في الوقت ده بلا شك كانت طفولتهم مختلفه ، بداية من يوم ولادته اللي محدش كتير حضرة ، لسبوعه اللي ما اتعملش ، وال خروجات و المقابلات العائلية اللي اكيد مش زي العادي و التعرض للشمس و للبيئة الواقعية ، حاجات كتير مهمه أثرت في تنشئتهم ، كل الأطفال اللي حاليا عمرهم سنتين هم أهم أطفال لازم ينزلوا الحضانة بدري

ايه هو السن اللي ينفع أنزل ابني فيه للحضانة؟
الحقيقة ده سؤال مهم جدا كل الامهات بتفكر فيه، السائد ان الأمهات بتفكر انه طالما هي مش بتشتغل يبقى مافيش سبب يخليها تنزله الحضانة ، لكن الحقيقة اننا لما بنفكر بالشكل ده مش بنكون فكرنا في اولادنا قد ما بنكون فكرنا في نفسنا ، لان غالبا بتكون الأسباب أن الأم متعلقة بالولد أو العكس، فبالتالي بتقرر انه لسه بدري ، لكن الحقيقة انه مش بدري ولا حاجة الطفل طالما كمل السنة الأولى و بقى عنده ادراك و تواصل مع الأخرين يبقى هو كدة بيئة خصبة جدا للتعلم ، مهما كنتي متخيلة ان ابنك مش اجتماعي او مش هيعرف يتواصل فهو هيفاجأك تماما لما ينزل الحضانه ، لأنه فجأة بيلاقي نفسه مسؤول، لازم لما يعطش يقول لأن ماما مش ديما موجودة لازم لما يحب ياخد لعبة من زميلة يعرف هيطلبها ازاي ، ولما حد يطلب منه حاجة يوافق ولا لاء، لازم يتحط في مواقف يتصرف فيها بنفسة ، الاولاد عندنا جوة البيت بيبقوا on spot طول الوقت و ديما تواجيهاتنا بتحاوطهم، انما وسط الاطفال هيكون هو بيفكر لنفسه ، المرحلة دي تحديدا بقى خصبة جدا للتوجية الغير مباشر ، و بيئة مؤثرة جدا في الطفل .
الجانب التاني المهم جدا ان الأم اللي طول النهار طاقتها متوزعه بين ابنها و بيتها و كل التزماتها التانية بتلاقي أصلا في الأخر الوقت اللي بتقعد فيه مع ابنها من غير اي انشغالات لا يتعدى ساعه في اليوم و كمان مش بتكون بكل طاقتها ، بينما لو الطفل دة كان في الحضانة و سابلك وقت لنفسك تستعيدي فيه طاقتك اكيد وقتك معاه لما يرجع هيكون مثمر أكتر من الأول .
الأهم بقى اننا ضروري نبص لأولادنا و لاحتياجاتهم هم بغض النظر عن مشاعرنا ، احنا ك كبار عندنا مواضيع شاغلة حياتنا و اعمال و خروجات انما هو ك طفل ماعندوش غير اللي انت بتديهوله ف وقتك الفاضي ، ف من حقة انه يكون له عالم جديد منفصل مليان بالتفاصيل .

تعالو نشرح ببساطة إحنا مين ؟
إحنا حضانة جديدة بتشتغل بنظام جديد أشرف على وضعه دكاترة من كلية تربية رياض أطفال بمختلف تخصصاتهم و دكاترة علم نفس و تنمية مهارات و تعديل سلوك.
بنستهدف مين ؟
بنستهدف الأطفال اللي هم من سن 6 شهور لحد سن 4 سنوات.
بنقدم إيه؟
مبدأياً لازم نقول ببساطة كدة نظام التعليم في مصر إما المدارس بتكون (ناشونال) أو (إنتر ناشونال ) ، طيب .. احنا هنا بنهتم ب اي نوع و بنأهل لاي مدارس؟إحنا بنهتم بالجانب الأكاديمي جدا و بأسس الطفل أكاديميا عشان يقدر يدخل أي مدرسة أياً كانت و عندنا كل اللغات الأجنبية غير الإنجليزي اللي هو أساسي ، بس الحقيقة احنا بنهتم بالطفل أولا بيه هو شخصياً بنبني الأساس اللي بعد كدة لما يتوجة ل مجتمع المدرسة ايا ما يكون هيبقى عندة كل الإمكانيات اللي تخليه ممتلك كل الثقة و المهارات و السلوكيات اللي تخلي شخصيتة قوية، خلونا نتفق إن الرعاية في الحضانة بتكون أعلى بكتير من المدرسة لحساسية المرحلة ولأن العدد ديما بيكون محدود و لإمكانية السيطرة والتأثير عليهم في السن ده ، ولأنهم كمان بيكونوا يادوب بتتكون شخصياتهم، المرحلة دي إحنا بنبني أساس سليم نقدر بعد كدة نكمل بُنى عليه في المدرسة.
إيه المنهج بتاعنا ؟
في طريقنا للبحث عن إزاي ننتج إنسان سوي و سليم ، دورنا كده في نظم التعليم الموجودة ، لقينا مثلا القسم الأمريكي وده بيبقى في المدارس الأمريكان و هم بيهتموا جدا باللغه و الهدف النهائي فيها هو الحصول على الدبلومة الأمريكية.
مدارس ال IG: دي مدارس بريطانية و بتهتم بردو باللغه و بردو هدفها الدبلومة البريطانية .
في السكة بقى لقينا نظام موجود بردو إسمه IB ، طلع إيه بقى؟!
للأطفال من سن 3-19 سنة.
الفكرة بدأت من سيدة اسمها “ماري تيريز موريت” اللي كانت بتبحث عن تقنيات التعلم اللي هتوّصل للسلام الحقيقي لأنها إتولدت في مرحلة كلها حروب ، فأنشأت إطار تعليمي عشان يصبح فيما بعد بما يعرف أولًا بـ برنامج البكالوريا الدولية، وبعدها كونت مجموعة من المعلمين من مدرستها في جنيف و اشتغلت كتير جدا ع الفكره لحد ما وصلت فيما بعد للشكل المعروف حاليًا والمنتشر في أنحاء العالم “بـ نظام البكالوريا الدولية IB”. كان أول مقر للنظام في سوسيرا وكان الهدف الأساسي هو تطوير وتعديل البرنامج بشكل مستمر عشان يحقق الهدف منه في وقتها، وبعدين تبعها إنشاء البكالوريا الدولية في مناطق مختلفة زي أمريكا الشمالية وبعدها في أفريقيا وأوروبا والشرق الأوسط وكمان في آسيا والمحيط الهادئ. وبعدها تم إنشاء برنامج لطلاب السنين المتوسطة -الإعدادية- سنة 1994 ، وبعدها في سنة 1996 تم إنشاء برنامج لطلاب الابتدائية، وآخر برنامج في النظام تم تقديمه سنة 2012 وهو خاص بتنمية الجزء المهني والوظيفي للطالب.
ف المنهج ده أصلا مُعد لأهداف إنسانية نبيله بتأسس الفرد أنه يكون سوي إجتماعيا .
المنهج دة مُصمم إبتداءً من سن 3 سنوات .
طب إزاي نطبق المنهج ده للأطفال في سن الحضانة ؟ و ايه هي الآلية ؟

هم حطوا أسس خمس للمرحلة الإبتدائية تحديداًو هي :
(المعرفة)
المعرفة، و هي متمثلة بالمنهج الدراسي النظامي التقليدي كاللغة و الرياضيات و العلوم و الدراسات الاجتماعية و الفنون، بالإضافة إلى التخصصات المتعددة.
(المفاهيم)
المفاهيم، و هي التي يكتشفها الطلاب من خلال الاستفسار و طرح الأسئلة بطريقة ممنهجة من أجل تطوير فهم متماسك و متعمق، و مرتبطة بالمواضيع التي تغطيها المواد و ما وراء ذلك أيضا.
(المهارات)
المهارات، و هي القدرات المتنوعة التي يقوم الطلاب بتطويرها و تطبيقها أثناء التعلم سواء داخل الصف أو خارجه.
(المواقف)
المواقف، أو هي التي تساهم في العقلية الدولية و رفاهية الأفراد و مجتمعات التعلم، و لها علاقة مباشرة بمواصفات و سمات المتعلم في منهج البكالوريا الدولية.
(الفعل)
الأفعال، و يتحقق ذلك من خلال التعلم القائم على الاستقصاء الناجح مما يؤدي إلى أفعال مسؤولة، مدروسة و مناسبة.
طب بردو إزاي ده كله كلام إحنا هنعمل ده إزاي تحديدا و هنوصله إزاي؟
حطوا حاجه سموها المحاور المتعددة التخصصات الستة المحاور دي بتقدم للمدارس العالمية الفرصة لإدراج القضايا المحلية والعالمية ضمن المناهج الدراسية و السماح للطلاب “بالتقدم” خارج حدود المناهج الدراسية المقررة عن طريق الإجابه على الأسئلة دي :
❖ من نحن – الاستفسار عن طبيعة الذات؛ المعتقدات و القيم؛ الصحة البدنية و العقلية و الاجتماعية و الروحية؛ العلاقات الإنسانية بما في ذلك العائلات و الأصدقاء و المجتمعات و الثقافات؛ الحقوق و الواجبات ؛ ماذا يعني أن تكون إنسانًا
❖ أين نحن في المكان و الزمان – الاستفسار عن التوجه في المكان و الزمان؛ التاريخ الشخصي، الأوطان و الرحلات؛ الاكتشافات، استكشافات و هجرات البشر؛ العلاقة و الترابط بين الأفراد و الحضارات من منظور محلي و عالمي.
❖ كيف نعبر عن أنفسنا – الاستفسار عن الطرق التي نكتشف بها و نعبر عن الأفكار و المشاعر و الطبيعة و الثقافة و المعتقدات و القيم؛ الطرق التي نتفكر بها، و نتوسع في إبداعاتنا؛ و تقديرنا لكل ما هو جميل.
❖ كيف يسير العالم – الاستفسار عن العالم الطبيعي و قوانينه، و التفاعل بين العالم الطبيعي (المادي و البيولوجي) و المجتمعات البشرية؛ كيف يستخدم البشر فهمهم للمبادئ العلمية؛ أثر التقدم العلمي و التكنولوجي على المجتمع و البيئة.
إحنا بقى هنعمل الكلام ده إزاي في الحضانه ؟!
الحقيقة إحنا شغالين ع المنهج دة من 8 سنين عشان نعرف نطبق كل الكلام اللي فات ده على مرحلة الأطفال من 6 شهور لحد 4 سنين ، عندنا خطة سنوية ثم شهرية ثم اسبوعية ثم يومية،
و عندنا خطة بتساعدنا نعرف هل الطفل انجز المهارة اللي إحنا قاصدين نوصلها ولا لسة ؟
عندنا برنامج لكل سن إبتداءً من 6 شهور ( ايوة الطفل اللي بيعيط ده بس له حق في التعلم وله طرق ووسائل )
عندنا برنامج من سن سنة لسنتين ، و من اتنين ل تلاته ، و من تلاته ل أربعه .
مهم جدا نقول إننا ماعندناش فصول ، التعليم في النظام دة حر ، إحنا حضانتنا على مساحة 360م مش متقسمة ، المكان كله مُقسم لأركان ( علوم ، رياضيات ، رسم ، دراما، لغات ، فك و تركيب ، عصف ذهني ...)
الأطفال كل مرحلة سنية مع بعضها إنما الكل بيتعلم من الكل.
نظامنا اليومي عباره عن :
(circle time ) : و دي الصبح كلنا فيها بنقعد في دايره نتكلم عن نفسنا و كل يوم عندنا موضوع مختلفو بنفطر كلنا مع بعض نفس الأكل و كلنا في نفس الوقت و على نفس الطربيزه بنعمل تمارين سوا .
بعدين بنتوزع ع الأركان كل خمس أطفال في ركن ، كل ركن مدته تلت ساعه بعد كدة بنتنقل للركن التاني اللي كان فيه زمايلنا . بناخد بريك بنلعب لعب حر، بعد كدة بنرجع للأركان اللي مارحنهاش و بنتغدى.
بناخد قيلولة كلنا مع بعض و نرجع نحكي حدوتة اليوم( مره بمسرح عرايس و مره بخيال الظل ..) اللي مرتبطة بموضوعنا النهاردة و نقترح مواضيع لبكره و بنرَوح .
و كدة خلص يومنا في الحضانة.
يلا نستفيد من بعض واللي عايز يسأل يتفضل واللي عايزيقترح حاجه ياريت و اللي حابب يشتغل بمنهجنا في حضانته أهلا وسهلا طبعا هنساعد جدا و من غير أي مقابل .