Coach shereefa

Coach shereefa Contact information, map and directions, contact form, opening hours, services, ratings, photos, videos and announcements from Coach shereefa, Personal coach, Cairo.

27/04/2023

كل مازودت سقف توقعاتك فى بداية علاقتك و بنيت بقي و تخيلت و رسمت الاحلام ....كل ما زادت فرصة الصدامات لما تكتشف الحقيقة...
🦩عيش كل مرحلة بمرحلتها.
🦩كون رايك و نظرتك بعد ماتفهم الشخص و تشوف تعاملاته و طباعة و سلوكه.
🦩كون رايك و قرارك بناءا على اللى هتشوفة منه مش على اللى نفسك انت أنه يكون عليه.
🤍قلبك عزيز و مشاعرك غاليه حافظ عليها و متسبهاش عرضة للصدمات 🤍

24/02/2023

‎لو السعادة قرار.. ف "هل انت مبسوط؟" طيب ازاي تكون
مبسوط؟ وايه مفاتيح السعادة؟..

23/02/2023

ساعات كلام معين أو مواقف معينة تضايقنا و نبقى مش عارفين ليه ...

مثلا ممكن حد يعلق بطريقة مش لطيفة على طريقة لبسك و دة يزعلك

ممكن تبقي فرحانة جداً لنجاح صاحبتك في مقابلة الشغل و في نفس الوقت حاسة بضيق

ممكن جوزك مايعجبوش اكلة طبختيها و تاخدي الموضوع على نفسك اوي و تضايقي و ممكن تتخانقي معاه

رد فعلك ممكن يخليكي انتي نفسك تستغربي و لما تهدي تحسي انك هولتي الموضوع.

اللي بيحصل في المواقف دي أنهم لمسوا حاجة جوانا، بلغتنا العادية جه على الجرح...

لو اتخبطتي في ايدك ممكن تكملي اللي بتعمليه عادي و كأن مفيش حاجة حصلت، لكن لو ايدك متعورة و اتخبطتي فيها هتتوجعي، فهمتي قصدي؟

الموقف أو الكلام هيأثر فيكي لو كنتي مصدقة عن نفسك اللي بيتقال، نجاح صاحبتك هيزعلك لو حاسة انك مش ناجحة و مهما عملتي مش هتوصلي، و هكذا.

عشان كدة المهم نراقب نفسنا لما نحس بزعل أو حزن أو ضيق من غير سبب، الحقيقة بيبقى في سبب بس محتاج مننا شوية مجهود و تركيز عشان نفهمه.

و ممكن تحجزي معايا جلسة نناقش فيها مشاعرك و نوصل مع بعض للأفكار أو الزراير اللي بتحركك من غير وعي منك، هنكتشفها و نعدلها أو نتصالح معاها.

22/01/2023

اللي قدم بدافع " الاختيار " مش " الالزام " ، مينفعش يرجع يقول انا عملت او اللي قدامي مقدرش!
يعني مثلاً لو قدمت ( هدية ، لحظات حلوة ، دعم نفسي ، مادي ، إهتمام، حب ، تضحية ما، وغيرهم )

وانا " اخترت" لنفسي وبنفسي 😅 إني أدى الحاجات دي لأشخاص مُعينة او شخص حتى سواء صحاب او أقارب ، مينفعش ارجع اقول انا عملت كذا واديت كذا ،،

لإنه لو رجعت ندمت او حسيت اني أديت اوي فا ده معناه اني كنت بدي بدافع " الالزام " بمعنى اني الزمت نفسي اني هضحي فالموقف ده ، وهحب ، و ههتم ، وهدعم

ممكن الزمت نفسي بدافع مثلاً إني عشان ( أصيل ، جدع ، بصاحب صاحبي ، بفهم فالاصول، بقدر اوي ، ملهاش غيري ، هتزعل مني ، )

وممكن بدافع شعور ،،، عشان ( خفت )
،،،،، خفت ابقى لوحدي - خفت من الرفض - خفت اتألم تاني

فا بقيت بلزم نفسي أكتر أدى من غير حدود ،،،

والدوافع تبان مُقنعة جداً ، وهي حقيقية جوا صاحبها فعلاً ، وكإن مفيش حل تاني ...

ولو أدركنا إنه إحنا " إخترنا " فعلاً ، عُمرنا ما هنرجع نفكر فيها !!! و عُمرها ما ضغطت علينا من الأساس ...

وعشان نخرج من الحلقة إللي بنلف فيها بسبب قوة دفع إحتياجنا و خوفنا ،،، قبل ما ننفجر

محتاجين نبص جوا نفسنا الأول
مخافش من اللي برايا ، قد ماخاف عاللي جوايا الأول

اني أحافظ على حدودي واتقبل حدود غيري لكن مااتخانقش او اتصادم مع حد
إني مخدش قيمتي من العلاقة و الشكل اللي في تخيلاتي، والصورة اللي راسماها
إني مرميش كل مشاعري وافكاري في علاقة او شخص

هاعمل حاجات شكلها احترام وحب واهتمام وهى في الحقيقة خوف واحتياج ولوم داخلي وخناقة لكن ماحدش شايفها ....

الألم بيتكرر من تكرار النمط تحت مُسميات وتصورات كتيرة

العلاقات فيها برتاح مش عشان بجري او بتصور صورة و بستنى تتمثل قدامي زي ما مُتخيلها ، أو عشان بدي اوي وبحب اوي و بهتم اوي وانت بس تكون معايا

العلاقات فيها الحدود الصحية ، والاخد والعطاء المُتبادل
العلاقات المُريحة مفيهاش تصورات و توقعات ، فيها تعبير صحي عن المشاعر وتقبلها من اللي قدامي بردو
مفيهاش سيطرة ولا لوم وتصغير
مفيهاش تضحيات إلزامية بلزم بيها نفسي وارجع ألوم نفسي او ألوم غيري او أندم ...
علاقات مُريحة ليا وللناس
فيها أنا و غيري ، مش أنا بس ولا غيري بس ...

التغيير سكة بجرب أغير طريقتي ، أفكاري واختياراتي واسلوب حياتي
بتاخد وقت ، المهم امشي فيها .... وأبدأ
التغير هو طريقى

22/01/2023

Personal coach

15/01/2023

..
#النرجسى يريدك بجانبه و لكنه لا يريد الاهتمام بيكى..
لا يغار عليكى لكنه يرفض ان يراكى مع غيره..
يخشى هجرك له لكنه يفعل كل شئ يجعلك تكرهى حياتك معاه..
#النرجسى لا يحبك لكنه لا يسمح ليكى ان ترحلى..
#النرجسى يهملك و يهمشك الى حد كبير
لكنه يطلب منك التمسك بيه و الإهتمام بيه دون مقابل..
#النرجسى يسئ ليكى و يهينك و بيعمل صمت عقابى معاكى لكن غير مسموح انك تزعلى منه..
فانقذى نفسك وعيشى حياتك..
كونى قويه

هذه العبارة في عمقها، عمق.“أحبّ نفسك لدرجة تسمح لك بالتعبير عن مشاعرك.”-لويز هايبمعنى.من أشكال تقدير الذات وحبّها،أن ما ...
06/01/2023

هذه العبارة في عمقها، عمق.

“أحبّ نفسك لدرجة تسمح لك بالتعبير عن مشاعرك.”
-لويز هاي

بمعنى.

من أشكال تقدير الذات وحبّها،أن ما نؤذيها بمشاعر من المفترض أن يتم التعبير عنها بأي طريقة، حتّى لا تتحوّل مع الأيام إلى معيقات نفسية وعقلية وروحية وجسدية.

بمعنى آخر.

عدم التعبير = عقاب.

06/01/2023

👈🏻علامات هاتقولك إن عندك " Low Self-Esteem" تقدير للذات منخفض :

١) الإهتزاز والتردد.
٢) الخوف من النقد.
٣) عدم وضع حدود.
٤) جلد الذات الشديد.
٥) القلق الدائم.
٦) المقارنات المستمره.
٧) تجنب المواجهه.
٨) التقليل من نفسك ومجهودك في أي عمل.
٩) الخوف من الفشل.

🍁 تمرين بسيط ممكن يساعدك تتخلص من قلة تقديرك لذاتك :

هات ورقه وقلم وتخيل "نفسك" هي شخص بتكتبله جواب وعاوز تشكره على حاجه حلوه موجوده فيه وإبدأ إكتب ومتوقفش غير وإنت مخلص كل اللي يجي على بالك وبعدين اقرأ الجواب ده وشوف إحساسك إيه بعدها..

🌼 حط الجواب ده في مكان تعرف تطلع تقرأه لما تحس إن تقديرك لذاتك بدأ يقل تاني ولو تعرف تضيف عليه نقط مكونتش كتبتها في الأول إعمل كده، بعد فتره هاتحس إنك مش محتاج ترجع للجواب ده لأنك خلاص حفظت اللي فيه وبدأ ينعكس عليك..

تعالى اساعدك واديلك مثال:
عزيزي ( إكتب إسمك):
بحب فيك...
1. إنك جدع وبتحب أصحابك وبتحب تساعدهم.
2. إنك قوي وقادر تتجاوز أكبر المشكلات من غير م تنهار.
3. إنك بتحب تتعلم وتطور من نفسك.
4. إنك شجاع.

وهكذا... لغاية م تخلص الجواب وتكتب لنفسك في الآخر إنك بتحبها وقابلها من غير أي شروط وإنك حاسس بالكفاءة وقادر تبني الحدود وتدير أفكارك عن نفسك وإنت المتحكم فيها مش الناس هي اللي بتبنيهالك..


31/12/2022

لوحاسس انك محققتيش حاجة فى 2022

غير افكارك للأحسن قبل 2023....
👌👌
اقبل بالوضع الصعب اللى مضايقك شوية
مش هتفضل كده طوال العمر ...

مش هتقدر تسيطر على كل حاجة
ركز على حاجه هتعرف تسيطر عليها ..

أخرج كتير وأعد فى الطبيعة
عشان نفسك وعقلك ..

ابعد عن الافكار السلبية
واكتبهم علشان تبعدهم ..

بلاش فكرة انك تبقة مثالي
انجز حاجات كتير احسن ..

اتحدى نفسك واتعلم حاجات جديدة

حاول حاول ...
تلعب رياضة

قول موافق أكتر من زمان

انسى اللى فات متبصش وراك

💪💪انت دلوقتى انسان جديد

فاكر فى بكره وبس 2023

31/12/2022

بمناسبه ان النهارده اخر يوم في السنه
تعالي اقولك على حاجات نصايح ندخل بيها السنه الجديده

1-اشوف حاجه جديده عمرك ماعملتها قبل كدا ..وشوف نفسك تقدر تعمل ايه؟

2-صاحب ناس شبهك .. ..

3-متتعاملش مع الوقت علي ان عندك منه كتير ..الوقت بيعدي هوا ..

4-اقرأ كتاب ..او اسمع فيديو..استثمر في روحك لان اغلب الظن انت مش هتعرف تواكب اللي حواليك لو هما مطلعين وانت لاء

5-اختار معاركك ..واعرف امتي تنسحب وامتي تكمل صدقتي هتبقي حليت نص مشاكلك والنص التاني هيتحل لو غيرت تفكيرك

6-اعمل خطوات صغيره بس واستمر عليها احسن ماتبقي في الكومفرت زون وانت مش عارف تطلع منها

7-اتعلم تتقبل الرفض وان عادي الناس ترفضك وان عادي متكونش في حاله رضا طول الوقت عن اللي حواليك كمان

8-اعرف ان لكل بدايه نهايه وطبيعي اوي انك تطلع من علاقات ومن شغل المهم تبتدي تاني

9-اتعلم تستغني ..عن الاشياء والاشخاص والتوفير علي فكره مش بس للفلوس ..دا كمان للصحه والمجهود المبذول في المناقشات

10-انت بخير طول مانت صحتك النفسيه بخير ..اهتم بسلامه دماغك عشان تعرف تكمل في اللي جاي

11-اتعلم تكافيء نفسك كل شويه وتحبها وتدلعها ..صدقني انت محتاج دا اوي

Address

Cairo

Website

Alerts

Be the first to know and let us send you an email when Coach shereefa posts news and promotions. Your email address will not be used for any other purpose, and you can unsubscribe at any time.

Shortcuts

Share

Category