Riham Ali - ريهام علي

حلقه برنامج زينه من مبني ماسبيرو العريق ، يارب الحلقه تعجبكم و الموضوع كمان يكون سبب في وعينا تجاه أطفالنا و نفسنا ❤️😍

علاقة الأسنان بالحالة النفسية وكيف تتأثر سلبا بالتقلبات المزاجية |#زينة #2023 الجمعة 19 ديسمبر 2025 من برنامج #زينة يستض...

إعاده نشر من ٣ سنوات و يبقي الأثر الحمد لله ❤️
لما كنت بشارك في معسكرات فالجواله أيام الجامعه أو لما كنا
بعد التخرج بندرب الاطفال في مراحل اصغر شويه
كنت طول الفترات دي بلاحظ نقطه مهمه اووي
ان الشخص القيادي بالفطره و الشخص الاجتماعي الواثق في نفسه و بيعرف ياكل الجو هو ممكن يكون شخص مهاريا قليل اووي بس قيادي فطول الوقت أصحاب القرار بياخدوا بالهم إزاي يستغلوا مهاراته و باقي الناس بتكون ناس عاديه بالنسبالهم
و بعد فتره اكتر اكتشفت أن في ناس طبيعتها هادئه أو في حالها و بيكون عندهم كميه افكار و إبداعات كتيره جدا لا و بالعكس كمان ده ممكن يكون محبوب و الناس بتسمع كلامه علشان هو في حاله و بيحبوه ،، و في ناس تانيه بتمشي مجرد ما أنها تلاقي أن كل الناس دي عندها حاجات و ان هما بلا قيمه و فالحقيقه قرارهم بيكون صح لأنهم بيتعرضوا للتنمر أو أنهم لو نجحوا لازم ينجحوا بنفس الطريقه الجذابه اللي نجح بيها الناس اللي مفيش منهم زي القاده اللي بالفطره كده
مع ان كان في ديما مقوله إتعلم ثم مارس ثم علم
طيب انا إزاي هتعلم و و اوصل لأخر نقطه و انت كصاحب قرار مش مؤمن بقدراتي
اكتشفت أن في خطوه مهمه اوووي و هي التقبل الغير مشروط اني هتقبلك كإنسان و لو انت شايف نفسك معندكش اي مهاره و لاكن انا متقبلاك و مؤمنه أن انت اكيد جواك حاجه بتميزك فهفضل وراك لحد ما تلاقي نفسك
فأنا كريهام بدأت بنفسي اني اجرب التجربه دي مع اكتر من شخص من و انا فالجامعه و بقي عندي ميزانيه كده للحاجات الصح و الغلط اللي عملتها مع كل شخص
و الموضوع ده مش كل القاده كانوا بيقدروا يعملوه لأني انا اصلا كنت من الناس العاديين فمحدش كان بيسمع ،،
علشان هما ديما بيكونوا عايزين ناس جاهزين علشان المسابقات و حاجات كثيره و معندناش وقت نركز مع كل واحد
و من هنا جت فكره المعسكرات بتاعتي و بعد أكتر من ٨ سنين تجاارب
المعسكرات تربويه و تنميه شخصيه و كشفيه زي ما كله عارف بس برضو حابه أوضح أكتر ،، هي معسكرات غير كشفيه لاكن فيها بعض الانشطه الممتعه فالكشافه وهي برضو مش معسكرات تنميه مهارات و تعديل سلوك بس بالفعل هي بتعمل كده بالفعل بتطلع نتائج مزهله لاني بطبق فيها كل اللي اتعلمته في تعديل السلوك و علم النفس الإرشادي و خصوصا مع المراهقين الفئه المحببه لقلبي
الفكره هنا بقي
ان انا باخد الاطفال أو المراهقين المرفوضين فالفصل و فالمجتمع و اللي مش بيحبوا يشاركوا في الانشطه و باخد الاطفال دول اللي في منهم بيطلعوا موهوبين و بيوصل نسبه ذكائه لأكتر من ١٤٠ درجه
متخيل أن الطفل ده شخص مش محبوب وسط صحابه
و باخد الاطفال اللي معندهمش مهاره و الاطفال العاديين
باخد الاطفال اللي مبيعملوش حاجه في حياتهم غير أنهم بياكلوا و يقعدوا عل الموبايل و يناموا و يذاكروا
باخد المراهقين اللي مش لاقين حد يسمعهم مش بيعرفوا يشاركوا في نشاط و بيهربوا من التجمعات اللي حتي لو اشتركوا في انشطه عاديه بتكون تقيله علي قلبهم و مش بيستفادوا

الأطفال بيتعاملوا معايا دايركت من غير أي هيكل قيادي و مع الجروب الرائع من القاده الكشفيين و الاخصائين النفسيين و المعالجين بالفن و الطاقه و فنون الاسترخاء و مدربي لغه الجسد و المهارات الحياتية و كمان فنون كتيره جدا

كل المجموعه دي بتشتغل علي أن الطفل يكون مرتاح نفسيا الأول و يطلع كل الطاقه اللي جواه الاول و يلاقي ناس بتدعمه نفسيا و يبدأ ياخد سلوك مهم جدا أنه يكتشف و يبدأ يؤمن أنه مش لوحده و أن هو يقدر يبقي زي غيره من الأطفال اللي بتطلع من معسكراتي و بأفضل تغير و شخصيه و يستمروا معانا كمان و يبدأوا يبقوا هما نفسهم مدربين فالمعسكرات اللي بعد كده ،،

الفكره دي فكره دمج مبسطه لأننا مش بنقول لاي طفل لأ
و تحت رقابه شديده جدا بنبدأ نختار كل الانشطه و مواعيد الجلسات المناسبه للطفل ده و بتقييم و متابعه مخصوصه لكل طفل و متابعه فيما بعد كمان

ممكن تكون الفكره علي قد ما تبان سهله أو مش عارفه ممكن الناس تفكر فيها إزاي بس بتاخد من كل شخص فالتيم مجهود جبار ،، أنه يفضل صاحي بالايام و الأسابيع علشان النتيجه اللي الاطفال بتعيشها بتجربتها معانا ،،
أي حد ممكن يطلع معسكر و يجذب الأطفال بالانشطه صدقوني اي حد و هياخد لقطات وهميه بس
مش أي حد هيدخل جوه نفسيه إبنك او بنتك و يتعامل معاها بالشكل ده ،،

ده شغفي و دي فكرتي و ده حلمي و نفسي جدا اوصل لكل النتائج الأحلي كمان لما اجرب و أغلط و أتعلم و ارجع تاني أصلح و أطور
أي شخص صدقوني ممكن ينفذ الفكره و ده الهدف أصلا الفكره قابله للإنتشار الفكره مش حكر علي حد بعينه
لأني بعد أما أموت مش هاخدها معايا بس ده
ياريت تنتشر
و المدرسين ياخدوا بالهم من الطفل الساكت اللي بيقعد فالجمب ساند علي الحيطه
أو الكابتن ياخد باله من الاولاد اللي بيتعرضوا لمشاكل و مش بيقدروا يعبروا

أو حتي مراكز تنميه المهارات تعمل فعلا تنميه مهارات حقيقيه و ميبقاش سبوبه و لم فلوس
إحنا محتاجين ناخد بالنا من ناس مش بتعرف تعبر عن نفسها. ،، أطفال بجد عندها قدرات جباره بس محتاجه حد يكتشفها
مراهقين عندهم افكار و إبداعات محتاجين حد يؤمن بيهم و يصدقهم
الفكره ميكس عندي انا لشخصي لأني قائده فالكشافه المصريه و فنفس الوقت انا أخصائي إرشاد نفسي و تعديل سلوك الأطفال
بس من أهدافي إنها تتعمم في أكتر من مؤسسه و تتعمم كمان فالكشافه المصريه لأنها بالنسبالي اصل تنميه المهارات الحياتية و الشخصيه و القياديه و أكتركمان من الجلسات التقليديه ،، اللي الحمد لله مش بشتغل بيها. و أي اخصائي بيجي يتدرب فعلا بيتعلم حقيقي إزاي يوصل للطفل مظبوط
الحمد لله أن في أقل من سنه الفكره وصلت النقطه دي و لعدد التجارب دي بمشاركه عدد من المؤسسات و المدارس
إن شاء الله نفضل مستمرين و نفضل مؤمنين إن الخدمه العامه و خدمه المجتمع إسلوب حياه مش شغل و خلاص 👌

#جلسات

تدريبات الإمتنان ، ليست مجرد ترديد و ذكر نعم ربنا علينا ، لكنها حاله عاطفيه بكامل وعينا مدركين فيها إننا لا نملك أي نعمه لكن كل النعم مملوكه لربنا ، لا نستحق أي نعمه لان ربنا أكرم مننا يرزقنا رغم تقصيرنا و نقمنا و عدم رضانا ، النعمه العاديه هي كبيره اوي لغيرك و لولا فضل الله علينا مكنش هيكون عندنا أي نعمه ، نعمه شكر النعمه هي هبه من ربنا ، مش شطاره منك ، إمتن لحياتك ، لتجربتك ، لنفسك ، لنعمك ، و إستقبل عقل واع ، ممتن ، بيفكر بإيجابيه ، عنده صلابه نفسيه ضد الصدمات ، كل دي مكافأت بسيطه من ممارستك للإمتنان ، 💙
دمتم في أحسن صحه نفسيه
#تستحقي

#تستحقي

إضطراب التمرد على السلطة دمتم في أحسن صحه نفسيه #ريهام_علي

معسكر الأسره في الفيووووم 💦
إنضموا لتجربه شيقه و مثيره جدا ⭐
مهارات جديده و متعه الإستكشاف و الاستمتاع مع صحبه أمنه 🙈😍
* أنشطه تنميه مهارات متنوعه و مناسبه لجميع أفراد الأسره
* برامج مخصصه لتعديل السلوك و الدعم النفسي لجميع المشاركين
* برنامج سياحي متكامل شامل السفاري
* أنشطه فنيه و توعويه و رياضيه
* أنشطه كشفيه و برنامج إعداد قاده مميز
* ذكريات كتيره و تجربه فريده
🌸 سيتم الإعلان عن البرنامج التفصيلي للمشاركين حين إكتمال العدد
🏕️ ميعاد المعسكر
يوم الخميس و الجمعه الموافق ٩ ، ١٠ أكتوبر 🏕️🏕️🏕️
للإستفسارات و الحجز واتس اب
01015826499
دمتم في أحسن صحه نفسيه