21/10/2024
عندما نتعرض للكسر والجرح والألم فى حياتنا وعند التعرض لمختلف المواقف وعلى مر أعوام حياتك ترى فيها الحزن وترى أحيانا أنها النهاية ولكن........
هل تفتكر عدد مرات السقوط والفقد والهجر والاذى فى حياتك ؟؟؟
أكيد عدد مرات كتير صح ده حقيقى لكننا بننسى مع مرور الايام ان الكسر أو الهجر أو الفقد أو البعد أو حتى الالم كان هو السبب والباب لتغييرات هى الاكبر والاهم والأعظم فى حياتك
لان الكسر والالم بيعلمنا وبيغير فينا وبيقدر ينور لنا طرق كتير مختلفة بينور لينا طريق العلاقات الصح الاصحاب الحقيقين السند الحقيقى وكمان بينور طريقنا لمعرفة نفسنا وطاقتنا وقوتنا اد ايه 💪
العلاقات المؤذية والتى تعتبر أكبر سبب لمشاعر الحزن والغضب وتقليل الذات والاحساس بعدم الاستحقاق للحب وعدم أهميتنا وشعور عدم الامان والخوف وفقدان الثقة واللى بدورها بيكون ليها اثر كبير على علاقتنا بنفسنا وأهمالنا لصحتنا ومظهرنا وحتى تقدمنا فى شغلنا أو فى علاقتنا بالاخرين ولادنا أو أصحابنا والعلاقات الجديدة اللى حابين نبدأ فيها 😔
ولكن.....
كل المشاعر السلبية والمؤذية ممكن نحولها لطاقة وهدف ودافع لتغيير كبير لمنحنى أفضل لشخصىة أقوى وأجمل وأكثر تأثيرا فى حياتك وحياة كل من حولك
التعافى من الكسر هو منحة وواجب ومسئولية منحة من ربنا أنك تبدأ بطريقة مختلفة
واجب ومسئولية عليك لانك لو مش مسئول عن الجرح فأنت مسئول عن عدم الاستمرار فى الجرح أو جرح غيرك
مستنى أيه كل يوم جديد هو فرصة
كل وقت بتاخد فيه قرار هو بداية
كل لحظة قلبك بيدق فيها هى كنز أوعى تضيعه
أبدأ من جديد🤩
أبدأ لانه حقك💪
خد فرصتك التانية لانها حياة تانية 🥰
صباحكم تعافى ونور من النور الكريم مالك السموات والارض😍
